ئەڤرۆ نیوز ، نەوزاد ھلۆری:
ب بەرھەڤبوونا پارێزگاری ھەولێر و نوونەرێ رێکخراوا UNHCR ئەلمانی بنگەھەکێ ساخلەمیێ ل کەمپا باسرمە ھاتەڤەکرن.
ئێڤاریا ئەڤرۆ رۆژا شەمبی د رێورسمەکێ دا ب بەرھەڤبوونا ” نەوزاد ھادی ” پارێزگاری ھەولێر و نوونەرێ رێکخراوا UNHCR یا ئەلمانی بنگەھەکێ ساخلەمیێ ل کەمپا باسرمە یا سەر ب ناحیا باسرمە ل سنوورێ پارێزگەھا ھەولێر ھاتەڤەکرن کو دێ ئاوارە و خەلکێ ناحیا ناڤبری مفاى ژ خزمەتگوزارێن وێ وەرگرن.
بنگەھێ ساخلەميا ناڤبری ژلایێ رێڤەبەریا گشتی یا ساخلەمیا ھەولێر ب ھەڤکاری ل گەل رێکخراوا UNHCR یا ئەلمانی ھاتیە درۆستکرن ، پشتی کو ئیمزا دناڤبەرا ھەردوو لایەنان ھاتیەکرن ، بنگەھێ ساخلەمیا باسرمە ھاتە رادەستکرن بۆ ساخلەمیا ھەولێر.

ئەڤرۆ نیۆز،زنار تۆڤی:
ل شەڤا بوری هروبایەکێ بهێز ل دەڤەرا بەرواری بالا هاتیە و زیان گەهاندیە هندەک جۆرێن فێقی و هەروەسا هندەک کولێن پەزی ژی خرابکرینە.
محەمەد حسێن خۆدان پەزە بۆ ئەڤرۆ نیۆز دبێژیت:ل شەڤا بوری هروبایەکێ بهێز دەڤەرا بەرواری بالا ڤەگرت و هەروەسا بارانەکا بهێز ژی ل گەل وی هروبای باری و گۆت ژی:ژ ئەنجامێ وی هروبایێ بهێز کولێن مە یێن پەزی خراب بووینە و ب سەر پەزی دا هەرفینە و هەتاکو سپێدێ پەزێ مە ل بەر بارانێ ما و زیانێن ماددی گەهشتینە مە.

موسلح تاها جۆتیارەکە دبێژیت:هروبایێ شەڤا بوری پرانیا حلیک و مشمشان وەراندینە و هەروەسا زیان گەهاندیە مێوێن تری ژی،دیسان چەندین تایێن وان ژی شکاندینە و وی هروبای گەلەک زیان گەهاندیە داروبارێ مە.