ئهڤرۆ نیوز:
بهرى چهندهكێ سهرۆك وهزیرێن هولهندا ب رێیا فرۆكخانا نێڤدهولهتایا ههولێرێ گههشته كوردستانێ و ژ ئالیێ نێچیرڤان بارزانى سهرۆك وهزیرێن ههرێمێ ڤه پێشوازى لێ هاته كرن.
سهرۆك وهزیرێن هولهندا گههشته كوردستانێ
نووترين نووچه
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
- جڤاتا وەزیرێن هەرێمێ: دەستكاریكرنا رێژەیا ئاكنجیێن هەرێمێ ژ ئالیێ بەغدایێ ڤە رەت دكەین
- مەسرور بارزانی دوپاتی ل زێدەتر پێشڤەبرنا هەڤبەندییان ل گەل كوێتێ كر
- بابەكر زێباری: مەترسییا دوبارە پەیدابوونا داعشێ ل سەر هەرێما كوردستانێ نینە
- سەرۆك بارزانی و تۆم باراك دووماهی پێشهات و گوهۆڕینێن سووریێ گەنگەشەكرن
- نێچیرڤان بارزانی و قونسلا گشتییا ئەمریكا رەوشا هەرێما كوردستانێ و ئیراقێ گەنگەشەكر
- مەسرور بارزانی پیرۆباهیێ ل دیلان یەشیلگۆز دكەت
- فەرمانگەها میدیا و پێزانینان: داتایێن دارایی یێن بودجەیا گشتییا ئیراقێ شاشیێن مەزن دسەلمینن
سهرهكى Facebook
دهنگ و باسهكێ نهخوش ژ سهنگهرێن بهرهڤانیێ
ئهڤرۆ نیوز، ئومێد وهلاتى
ئهڤرۆ ل دهمژمێر 12:00 نیڤرۆ ل دهمێ راكرنا تی ئێن تی یان رائد پێشكهفت زوهێر شههیدبوو . ل میحوهرێ خازر گوندێ تولهبهند رائد پێشكهفت زوهێر ئهفسهر ل كهتیبا ئهندازهیی یا سهربازی یا سهر ب فهرماندا هێزێن پشتهڤانیا ئێك یا لهشكرێ كوردستانێ ل دهمێ راكرنا هندهك ژ وان (تی ئێن تی ) یان كو چهكدارێن داعش دانانه ژبوو زیان گههاندنا هێزین پێشمهرگه رائدێ ناڤبری تی ئێن تی پێڤه د پهقیت و گیانێ خو ژ دهست ددهت . ل دیف ژێدهرهك ژ راگههاندنا فهرماندهییا هێزین پشتهڤانیا ئێك رائد پێشكهفت ئهڤرۆ دگهل تیمهكا ههڵگرتنا تی ئێن تیان ل سنورێ میحوهرێ خازر ل پێشا پێشمهرگههان بوو ل دهمێ راكرنا ئێك ژ تی ئێن تی یان تی ئێن تی یهك دپهقیت و دبیته ئهگهرێ شههیدبوونا رائيد پێشكهفت ” ههروهسا وی ژێدهری وهسا دادیاركرن كۆ شههیدێ ناڤبری ئێك بوو ژ ئهفسهرێن خودان شیان و ل سنورێ میحوهرێ رۆژئاڤایا دیجله ههتا شنگالێ رۆلهكێ بهرچاف ههبوویه بۆ راكرن و پیچكرنا وان تی ئێن تی یێن چهكدارێن تیرۆرستێن داعش ل ناف ئاخا كوردستانێ دانای ، ب ههوڵ و ماندیبوونا شههیدێ ناڤبری و تیما ئهندازهییا فهرماندهییا هێزێن پشتهڤانیا ئێك شیاینه گیانێ زۆر ژ پێشمهرگههین قههرهمان و خهلكێ وان گوندێن ژنووی هاتینه رزگار كرن ب پارێزین ، لێ مخابن ئهڤرۆ رێكهفتێ 9/8/2016 مه ئێك ژ ئهفسهرێن خو ژ دهست دا . پێشكهفت زوهێر خالد رائده ل كهتیبا ئهندازهیی یا سهربازی یا سهر ب فهرماندهییا هێزێن پشتهڤانیا ئێك ل ساڵا 1982 ژ دایك بوویه . خێزانداره و خوهدی كچهك و سێ كورایه . ل ئیك ژ گورستانێن ئاكرێ هاته ڤهشارتن .
بێ تاوان دهرچوو
دۆلار ئهڤرۆ ب چهندێ يه؟
ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 9ى تهباخا 2016ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1286 |
| 1 يۆرۆيێ ئهورۆپى | 1425 |
| 1 ليرێ توركى | 425 |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
رهوشا زێر و زيڤى ل بازارێن دهۆكێ
وهزارهتا دارايى خشتهكێ نوو يێ مووچهى راگههاند
ئهڤرۆ نيوز:
وهزارهتا دارايى و ئابوورى ل حوكمهتا ههرێما كوردستانێ راگههاند كو رۆژا سێشهمبى و چارشهمبى و پێنجشهمبى 16 و 17 و 18ى 2016ێ دێ مووچێ خانهنشينێن پێشمهرگهى هێته بهلاڤكرن و رۆژا ئێكشهمبى و دوشهمبى و سێشهمبى 21 و 22 و 23ى 2016ێ دێ مووچێ خانهنشينێن مهدهنى هێته بهلاڤكرن.
ههڤدهم رۆژا چارشهمبى و پێنجشهمبى يێن 24 و 25ى تهباخا 2016ێ دێ مووچێ كهسوكارێن شههيد و ئهنفالكرى و زيندانيێن سياسى هێته بهلاڤكرن.
سێ ھزار خانەنشینێن عیراقێ مۆچێ خوە ل سەر حیسابا ھەرێمێ وەردگرن
ئهڤرۆ نيوز:
رێڤەبەرێ خانەنشینا دھۆکێ راگەھاند، ھەتا سالا 1991 ڤەگوھاستنا مۆچێ خانەنشینیێ ژ پارێزگەھێن دی یێن عیراقێ بۆ بانکێن ھەرێما کوردستانێ تشتەکێ نۆرمال بوو و ل وی دەمی نێزیکی سێ ھزار خانەنشینێن عیراقی مۆچێن خوە بۆ بانکێن ھەرێمێ رەوانەکربوون و ژ وی دەمی وەرە مۆچێن خوە یێن خانەنشینیێ ل سەر کیستێ ھەرێما کوردستانێ وەردگرن و گۆت: “پشتی وی دەمی دو ھزارێن دی ژی زێدەبووینە و نوکە پێنج ھزار خانەنشینێن عیراقی مۆچێ خوە ل ھەرێما کوردستانێ وەردگرن”.
ئاراز محەمەد مەمدوح، رێڤەبەرێ خانەنشینا دھۆکێ بۆ ئەڤرۆ دیار کر کو ئەڤە 15 سالە ئەو خانەنشینە مووچێ خوە ل سەر حیسابا ھەرێمێ وەردگرن، چونکی ھەتا سالا 2005 حوکمەتا عیراقێ مۆچێن وان یێن خانەنشینیێ فرێ دکرنە ھەرێمێ، بەلێ پشتی سالا دیارکری و دەستنیشانکرنا بۆدجا ھەرێما کوردستانێ ل سەر 17%، ئەو مۆچە بۆ ھەرێما نەدھاتن و ژ وی دەمی وەرە وەرە ھەرێم ل سەر کیستێ خوە خانەنشینێن وان دمەزێخن.
ناڤبری خویا کر کو نوکە پتر ژ 18 ھزار فەرمانبەرێن پارێزگەھا دھۆکێ مۆچێ خانەنشینیێ ل پارێزگەھا دھۆکێ وەردگرن و نێزیکی پێنچ ھزار خانەنشینێن ئاوارە یێن عیراقێ و مادێ 140 مۆچێ خوە ل دھۆکێ وەردگرن، ھەروەسا 120 ھزار خێزانێن ئاوارە ب رێیا کارتا زیرەک مۆچەکێ ئاوارەبوونێ ل دھۆکێ وەردگرن.
279 زێدەگاڤی ھاتینە راکرن
ئهڤرۆ نيوز:
دپرێس کۆنفرانسەکی دا دوھی رۆژا 8/8/2016ێ سەرۆکاتیا باژێرڤانیا دھۆکێ ئامارێن خوە یێن ھەیڤێن بۆری راگەھاندن و تێدا دیار کر کو پشکا دووڤچوونا پاقژیێ 86 ھزار و 400 تەنێن بەرمایکان راکرینە کو رۆژانە دبوونە 480 تەن و سەرەرایی ڤێ چەندێ چەندین ھوشداری و سزا داینە خودانێن زێدەگاڤیان و رەوانەی دادگەھێ کرینە.
ئیسماعیل مستەفا، بەرپرسێ پشکا پەیوەندی و راگەھاندنێ ل سەرۆکاتیا باژێرڤانیا دھۆکێ دیار کر کو د ئەڤ سالە دا 279 زێدەگاڤی ھاتینە لادان ژ وان چار زێدەگاڤی ب رێیا دادگەھێ ھاتینە چارەکرن و گۆت: “رێڤەبەریا باژێرڤانیا رۆژھەلات 204 دەستووریێن ئاڤاھیان و رێڤەبەریا باژێرڤانیا روژئاڤا 175 دەستووری داینە وەلاتیان”.
ناڤھاتی ئاماژە دا وێ چەندێ کو کارگەھا ئەسفلتێ قێرکرن ب رووبەرێ 212 ھزار و 960 مەترێن چارگوشە جادە زفت و قێرکرینە و تەسێن کێمکرنا لەزاتیێ داناینە و 16 ھزار و 47 تەنێن قێری بەرھەم ئیناینە و گۆت: ” رێڤەبەریا ئەندازەیا پارکان ب رووبەرێ 26 ھزار مەتران فریزی و داروبار و گۆل چاندینە و سەرەرایی ڤێ چەندێ پێنج باخچە و ناڤەندێن جادان دروستکرینە و د ھەمان دەم دا 95 ھزار و 65 دار و تراشوک و گۆلێن ھەردەم ژ جۆرێن (لانگستروم و روبینا و بیبی روز و ھەروەسا کەزانیا و شمشار) چاندینە و 180 ھزار گۆلێن بھارێ و 160 ھزار گۆلێن ھاڤینێ و ھزار کیلۆیێن فریزی ل سەنتەرێ باژێری چاندینە”.
ناڤبری خویا کر کو پشکا پۆلیسێن باژێرڤانیێ ژی 21 خانی و زێدەگاڤی راکرینە و زێدەباری ڤێ چەندێ نەە ترۆمبێلێن فرۆتنا فێقی ژی راکرینە و گۆت: “ئەو پرۆژێن د سالا 2016ێ دا ب دووماھی ھاتین سەر ب پرۆژێن گەشەپێدانا ھەرێما ڤە ئەڤە بوون چێکرنا جادێن ناڤخۆ ل تاخێ گەلی و چێکرنا دیوارەکێ پالپشت ل تاخێ ناڤبری، ئەڤ پرۆژە راستەوخۆ ب کۆژمێ 624 ملیۆن و 593 ھزار و 980 دیناران ژ لایێ باژێرڤانیا دھۆکێ ڤە ل سنوورێ باژێرڤانیا رۆژھەلات ھاتینە بجە ئینان”.
بەرپرسێ پشکا پەیوەندی و راگەھاندنێ ل سەرۆکاتیا باژێرڤانیا دھۆکێ دیار کر کو پرۆژێن رێڤەبەریێن باژێرڤانیێن رۆژھەلات و رۆژئاڤا پێکھاتیبوون ژ ڤەکرنا جادان ب رووبەرێ 51 ھزار و 611 مەترێن دوجای و چێکرنا سولینان ب درێژاھیا 85 مەتران و کونکریتکرنا جادان ب رووبەرێ چار ھزار و 700 مەترێن دوجای و تێکەلکرنا جادان ب رووبەرێ 41 مەترێن دوجای و چێکرنا دیواران ب رووبەرێ 134 مەترێن سێجای و چێکرنا عومبارا 350 مەترێن دوجای و دانانا کێربستوونی ب درێژاھیا دو ھزار و 200 مەتران و دانانا تێکەلوکەکا کونکریتی بۆ پترخزمەتکرنا وەلاتیان دێ ب سەر سەروکاتیا باژێرڤانیا دھۆکێ ڤە بیت.
ناڤھاتی ئاشکرا کر کو 140 گرێبەست ل سەرۆکاتیا باژێرڤانیا دھۆکێ ھاتینە نووکرن و 30 سەر ئێک زێدەکرن ھاتینە ئەنجام دان بۆ (پارچە زەڤی و دوکان و نەمامگە و کوشک و گازینویان ) و گۆت: “955 ملیۆن و 226 ھزار و 500 دینار ژ کریێن مولکێن باژێرڤانیێ ھاتینە”.
رۆژنامەکا بریتانی: ئەردۆگان یێ خوە نێزیکی روسیا دکەت و رۆژئاڤا یا دلگرانە
ئەڤرۆ نیوز:
رۆژنامەکا بریتانی دیار دکەت کو سەرەدانا سەرۆک کۆمارێ تورکیا رەجەب تەیب ئەردۆگانی بۆ روسیا بوویە ئەگەر کو ئەمریکا و ئورۆپا ژ ھەلویستێ تورکیا دلگران بن، چونکو ئەردۆگان بەری سەرەدانا خوە یا بۆ روسیا چەندین جاران داخۆیانیێن دژوار ل دژی ئورۆپا و ئەمریکا داینە و ژ بەر ھندێ ئەو دترسن تورکیا ب تەمامی ژ رۆژئاڤا دوور کەڤیت.
رۆژناما تایمز یا بریتانی د راپۆرتەکێ دا دیار کریە کو ئەردۆگان بەری کو بچیتە روسیا چەند رۆژن ب توندی ھێرشی ئورۆپا و ئەمریکا دکەت، ئەردۆگان ئەمریکا ب ھندێ تاوانبار دکەت کو دەستێ وان د کۆدەتای سەربازی دا ھەبوو و ھەروەسا گەفا ھندێ ل ئورۆپا دکەت ھەکە ئاریشا ڤیزایێ چارە نەکەن ئەو دێ دەرگەھێ خوە ڤەکەن دا ب ملیۆنان پەنابەر بچنە ئورۆپا.
د بەردەوامیا راپۆرتێ دا ئەو یەک ژی ھاتیە دیار کرن کو ئەردۆگانی دو رۆژ بەری نھا بۆ ئاژانسەکێ روسیا دیار کربوو کو ئەو دشێن و بەرھەڤن ژی ل گەل روسیا پرسا سووریێ چارە بکەن، ئەو یەک ژی نیشا ددەت کو ئەردۆگان ب تەمامی دڤێت خوە نێزیکی روسیا بکەت و دەستان ژ ئەمریکا و روسیا بەردەت و ل ھەمبەر ئاخڤتنا ئەردۆگانی ژی بەرپرسەکێ پایەبلندێ روسیا دیار کریە کو دوورکەفتنا تورکیا ژ ناتۆ و ئەمریکا د بەرژوەندیا روسیا دایە و پۆتین دێ ب گەرمی پێشوازیێ ل ئەردۆگانی کەت.
ل ئالیێ دی چەندین مالپەرێن تورکیا دو رۆژن دیار دکەن کو چەند دەمژمێران بەری بزاڤا کۆدەتایا سەربازی ل تورکیا بەرپرسێن روسیا تەلەفونا ئەردۆگانی کرینە و ئەو ئاگەھدار کرینە و ژ بەر ھندێ ژی ئەردۆگان خوە نێزیکی روسیا دکەت و ئەو کەسێن کو دەستێ وان د خستنا فرۆکا روسی دا ھەبوون ژی ھاتنە گرتن و ئەردۆگانی جەماعەتا گولەنی تاوانبار کربوو.
چاڤدێرێن سیاسی ژی دیار دکەن کو ئەردۆگانی دڤێت ل گۆر خوە کارتا روسیا ل دژی ئەمریکا و ئورۆپا بکار بینیت، چونکو دەمەک درێژە پەیوەندیێن تورکیا ل گەل ئەمریکا و ئورۆپا تێک چووینە و پۆتینێ ژی دڤێت مفایی ژ ئالۆزیا نھا وەربگریت و ب رێیا تورکیا پێگەھێ خوە ل دەڤەرێ ب ھێز کەت، لێ ئایا ئەردۆگان ئەو یاریکەرێ زیرەکە کو بشێت مفایی ژ روسیا وەربگریت یان دێ ب رێیا روسیا پەیوەندیێن خوە ل گەل رۆژئاڤا خرابتر کەت.
ل ئالیێ دی ئاژانسا (ئیتار تاس) یا روسیا ژی د داخۆیانیەکێ دا دوھی دیار کر کو ئەردۆگان بەرھەڤە ل گەل پۆتینی پرسا سووریێ چارە بکەت و ئەو یەک دێ کارتێکرنێ ل رەوشا سووریا کەت، لێ ھەتا نھا پۆتینی سەبارەت ب ھەلویستێ ئەردۆگانی چو داخۆیانیێن فەرمی بەلاڤ نەکرینە.
شیرەتکارەکێ سەرۆک بارزانی: ژبلی سەبخوەیێ چو ریێن دی لبەر سینگێ مە نینە
ئەڤرۆ نیوز:
شیرەتکارەکێ پارتی دیموکراتی کوردستان راگەھاند، چو ھەلبژاردە ل ھەمبەری کوردان نینە بتنێ سەربخوەیی نەبیت، ھەڤدەم داخواز ژ ھێزێن سیاسی یێن کوردستانی کر، سەرەدەریێ ل گەل دەستپێشخەریا سەرۆک بارزانی بەکەن بۆ ھندەک رێککەفتنەکا ئەرێنی و سەرکەفتی د ناڤبەرا ھەموو ئالیان دا ھەبیت.
عراف رشدی شیرەتکارێ مەکتەبا سیاسی یا پارتی دیمورکاتی کوردستان بۆ مالپەرێ باس نیۆز گۆت: سەرۆک بارزانی ھەولیستی سەبارەت رەوشا ھەرێما کوردستانێ و پاشەرۆژا ھەرێمێ د کومبوونا بەرفرەھا ل گەل ئەحزابێن کوردستانی دیار کریە، نوکە پێشنیازەک بۆ ھەموو ئەحزابان پێشکێشکریە بۆ ھندەک ئێکرێزی و ئێک ھەلویستیا نیشتیمانی ل دۆر کێشا ریفرانۆدمی و سەربخوەیا کوردستانێ بھێتە ئەنجامدان، لەورا پێدڤیە ھەموو ئالی سەرەدەریەکا باش ل گەل وێ پێشنیاز بکەن .
عارف رشدی ھەروەسا گۆت: بڕیارا چارەنڤیسێ کوردستانێ کێشەکا گرنگە، چونکی پاشەرۆژا عیراقێ یا دیار نینە، زێدەباری وێ حوەیاکر، چو ریێن دی لبەر سینگێ مە نینە ژبلی ریفراندۆم و سەربخوەیێ، و راگەھاندنا دەولەتا کوردی دێ کریارێن ئەنفال و کیمابرانکرن و کومکوژیا یاکو مللەتێ کورد تووش بویێ و رێیا دوبارەکرنا وێ بنبڕکەت و ناھێلیت.
شیرەتکارێ مەکتەبا سیاسی یا پارتی ئەو چەندە ژی نەڤەشارت و گۆت: سەرۆک مەسعود بارزانی گەھشتیە باوەریەکا تەمام کو (عیراق ھیڤی و پێکڤەژیانێ) بتنێ درۆشمەکە و ئێدی چو ھیڤی و ئۆمید ب عیراقێ ڤە ناھێنە گرێدان و ئاڤاکرن.
ھەژی گۆتنێ یە کو ژێدەرێن ئاگەھدار یێن نێزیکی دیوانا سەرۆکاتیا ھەرێما کوردستانێ و نوونەرێ ھنارتیێ سەرۆک بارزانی یێ تایبەت بەری چەند رۆژان ل گەل حزب و ئالیێن سیاسی کومبووی، دیارکر ل چەند رۆژێن بھێت گەرەکا دی یا دانوستاندنا ب ئارمانجا راستڤەکرنا رەوشا نوکە و نەھێلانا چەقبەستنا سیاسی ل ھەرێمێ دێ دەستپێکەن.
ل گۆڕ پێزانینێن ئاگەھدار ل دۆر ناڤەرۆکا وێ کومبوونێ، دەستپێشخەریا سەرۆک بارزانی یا نوو یا سەبارەت ئاسایکرنا رەوشا سیاسی ل ھەرێما کوردستانێ، دو خالێن گرنگ بخوەڤە گرتینە، یا ئێکێ شاندەکێ کوردستانێ ب مەرەما ئاگەھدارکرن و دانوستاندنا ل گەل بەغدا ل دۆر ریفراندۆمێ و سەربخوەیێ بچیتە بەغدا، خالا دوێ ل دۆر پرۆژێ ئاسایکرنا رەوشا سیاسی یا ھەرێمێ و پرۆژەکێ نوو بۆ کاراکرنا پەرلەمانێ ھەرێما کوردستانێ بوویە.
نيشاندان
WP Facebook Auto Publish Powered By : XYZScripts.com