ئه‌ڤرۆ نيوز:

پاریزەکێ دادگەھا زاخۆ بۆ رۆژناما ئەڤرۆ دیار کر کو سکالەیەک ب ڤی رەنگی ل دادگەھا زاخۆ ھاتیە تۆمارکرن، کو دو کەسێن سەرخۆش ل ماتۆرەکی سیاردبن و ل دەڤەرەکا زاخۆ ب چەکێ دەبانجێ دکەڤنە دکانان و تەقەیێ ل پولێسان دکەن و چەکێ شڤانەکی ژێ ستینن و ب سەر مالەکێ دا دگرن و پاشی ترۆمبێلا کەسەکی ژێ ستینن و ل دووماھیێ ژلایێ پۆلیسان ڤە دھێتە دەستەسەرکرن.
محەمەد سەعید ئێک ژ پارێزەرێن باژێرێ زاخۆ دیار کر کو سکالەیەک ل دادگەھێ ب ڤێ رەنگی ھاتیە تۆمارکرن، کو دو کەسێن سەرخۆش ل شەڤەکێ ل ماتۆرەکێ سیاردبن و ل دەڤەرا تلکەبەری دچنە دکانەکێ و گەنجەک دمنیت ل سەر ماتۆری و گەنجێ دی دچیتە ددوکانێ ڤە و داخوازا دو پاکیتێن جگارا ژ خودانێ دکانێ دکەت و خودانێ دوکانێ کەسەکێ بیرەمیرە و ب ناڤ عەمرڤە چوویە و ئەو گەنجە پاکێتا ژێ ستینت و بھایێ پاکێتا نادەتێ ئەو و خودانێ دوکانێ ب شەر دکەڤن ئەو گەنجە دەبانجێ لێ دئینتە دەر و دبێژیتێ تو نەدەی دێ تە کوژم، ھەڤالێ وی تێت ھەڤالێ خوە ژ دوکانێ دەردئێخیت و دەرڤن ھەردو ل ماتۆرێ سیار دبن تا دگەھیتە ترافیکلایتێ ترۆمبێلەکا ئۆپل یا ب دووڤ وان ڤە ئەو وەسا ھزر دکەن کو ئەڤە خودانێ دوکانێ یە دراوەستن و چەکێ خوە رادکەت و دچیت دکەتە دسەرێ خودانێ ترۆمبێلا ئۆپل را، سەح دکەنێ ئەڤە دو ھەڤالێن وانن و گۆت “ماتۆرێ خوە ل جھەکی دراوەستینن و ھەر چار پێکڤە ل ترۆمبێلا ئۆپل سیار دبن و قەستا دەڤەرا بەرزێری دکەن و ل وێرێ شڤانەکێ بەزی دبینن ھەر چار دچن بەراھیکا وی و دبێژنێ ئەم پۆلیسن و چەکێ شڤانێ ژێ ستینن و شڤان درەڤیت”.
پارێزەرێ ناڤبری گۆت ژی “دەمەکی ھەر چار دبێژنە ئێکودو مە ھندەک مەی دڤێت ئەم ڤەخۆین، ھەڤالەکی ژ وان دبێژیت ھندەک مەی یا د ماتۆرێ من دا ھەی، لەورا ئێک ژ وانا قەستا ماتۆری دکەت، ل دەمەکی پۆلیس ل ھەر چار رەخا یێ لێدگەرن، لەورا دەمێ ئەو کەسێ چوویە دەف ماتۆری کو مەیێ بینیت دھێتە دەستەسەرکرن و پۆلیس ژێ دخوازن جھێ ھەڤالێن خوە نیشا وان بدەت، پێکڤە بەرەف وی جھی دچن و دەمێ نێزیک دبن دزانن پۆلیسن ئەو گەنجێ خودانێ دەبانجێ کەڤا ل پۆلیسان دکەت و ھندەک گولەیان ل بەر پێت پۆلیسان دەت و پۆلیسەک بریندار دبیت و ئەو گەنجە خوە رادەستی پۆلیسان ناکەت و دەبانجێ دکەتە د سەری خوە را و دبیژیت وان ھوین نێزیکی من ببن ئەز دێ خوە کوژم ژ بەر سلامەتیا گیانێ وی پۆلیسان دەلیڤە دایێ کو ئەو گەنجە ب ترۆمبێلا ئۆپل برەڤیت و ھەر سێ ھەڤالێن وی دەستەسەر کرن”.
پاریزەر محەمەد سەعید ئاماژە ب وێ چەندی ژی دا کو دەمێ ئەڤ گەنجە بەرەف دەڤەرا گوندا ڤە دچیت و دبیتە درەنگی شەڤ دگەھیتە گوندەکێ مسیحیا دەرگەھێ مالەکا مسیحی دقوتیت دبێژیت نوکە ڤێ مالی مەی ھەیە ئەز دێ بۆ خوە ژێ ستینم و پشتی دەرگەھێ مالێ دقوتیت و خودانێ مالێ دەرگەھی ڤەدکەت و دبێژتێ تە خێرە؟ ئەو گەنجە دبێژیت من ھندەک مەی دڤێت خودانێ مالێ دبێژتێ ئەڤە نەدوکانە و مە چ مەی نینە ئەو گەنجە دەبانجی لێ دئینتە دەر و گەفا ل خودانێ مالێ دکەت، ل وی دەمی کۆڕێن خودانێ مالێ دبینن بابێ وان و گەنجەک ماینە پێکڤە ئەو ژی چەکێ رادکەن و ئەڤ گەنجە درەڤیت و گولەکێ دھاڤێت و خودانێ مالێ ژی تەقی ل ترۆمبێلا ڤی گەنجی دکەن و تایرا ترۆمبێلی ژ کاردکەڤیت و ئەو گەنجە ھەر ناراوەستیت ھەتا ژ گوندی دەردکەڤیت و پشتی ھینگێ ئێدی ترۆمبیلا وی برێڤە ناچیت، لێ ترۆمبێلەکا پیکەم دبینت و دبێژتە خودانێ ترۆمبێلێ من بگەھینە دەڤەرا باتیفا خودانێ ترۆمبیلێ دبێژتێ ئەز نەشێم ڤێ نیڤا شەڤێ تەببەم، ئەو گەنجە دەبانجێ دکەتە د سەری را و دبێژتێ من ببە، ئەڤجا خودانێ پیکەمێ نەچار دبیت دگەھینیتە باتیفا ئەو گەنجە دبێژتێ ھێشتا ھەرە پاشی ئەو گەنجە داخازێ ژێ دکەت دبێژتێ من بزڤرینە ڤە خوانێ ترۆمبێلێ ژی نەچارە دزڤرینت برێڤە خودانێ پیکەمی دبێژتە وی گەنجێ سەرخۆش مادلێتە ناچیتە جگارا ئەو گەنجە دبیژتێ بەلێ خودانێ ترۆمبیلی ب ھێجەتا جگارا دئینتە خارێ و ترۆمبێلا خوە دھێلیت و درەڤیت ئەو گەنجێ سەرخۆش دچیت پیەکەما وی دھاژووت و بەرەف زاخۆ ڤە تێت پشتی ڤێ چەندێ پۆلیس ھەموو پیکڤە یێ لێ گەرن و خودانێن کوری ژی دگەل پۆلیسانن و وەختەکی سەح دکەنێ ئەو گەنجە یێ ب ترۆمبێلەکا پیکەم دھێت و ھەموو پێکڤە لێ کۆم دبن بۆ دەستەسەرکرنا وی جارەکا دا خوە رادەستی پۆلیسان ناکەت وچەکی دئینتە دەر و گەفا ل وان دکەت ھەکە نێزیکی وی ببن دێ خوە کوژیت و گۆت “ھەر چ حالێ ھەی و ب رێکا برایێن وی و شارەزاییا پۆلیسان خوە ل ڤی گەنجی دەن و چەکی ژێ ستینن و قارەمانێ ڤێ شەڤێ دەستەسەر دکەن و نوکە زیدەتر ژ چەند کیشەیەکا ل سەر ڤی گەنجی نە ل دادگەھێ”.