ئةڤرو نیوز ، نەوزاد زادە ھلۆری:

نێزیکێ سێ سالانە سامونخانەکا سەنتەرێ باژێرێ دھوکێ بناڤێ سەمونخانا ” کانی مەھمەدکێ ” ب خوبەخشی سامونێن گەرم بو ھەموو سەنگەرێن پێشمەرگەی ل بەرەیێن شەری دذى داعش دابین دكر ، بەلێ ژبەرکو حکومەتێ پشکا گازا وێ بری خودانێ وێ دەرگەھێ سامونخانەیێ گرت.

وەلید کوچەر خودانێ سامونخانا ” کانی مەھمەدکێ ” ل سەنتەرێ باژێرێ دھۆکێ دیارکر کو نوکە بارودوخێ دارایێ وی زۆر خرابە و بۆ ئەڤرۆ نيوز گۆت: (نێزیکێ سێ سالان من سامونخانا خوە ب خوبەخشی کرە د خزمەتا پێشمەرگێن قارەمان و بەردەوام سامونێن گەرم بو ھەموو سەنگەرێن پێشمەرگەی ژ شنگال ھەتا مەخمور و ھەر جار ژی نێزیکێ ھزار و ٥٠٠ سامونەیان من ل گەل خوە د برن ، بەلێ ژبەرکو حکومەتێ پشکا من یا گازێ بری نەچاربووم دەرگەھێ سەمونخانەیا خوە بگرم و ب ھیچ شێوەیەکێ بو من دەرنائینیت لسەر کیسێ خوە گازوایلیىَ بکرم و سامونخانێ بدەم کار ضونكى كرىَ طرانة و بهايىَ سامونخان بةرامبةر برينا طازوالىَ هةروةكو خوةية)

زێدەتر گۆت: (من دڤێت حکومەت جارەک دن ھەڤکاریا من بکەت داکو ئەز بکارم لسەر ھەڤکاریکرنا پێشمەرگەی بەردەوام بم ، و ئەز ھەند ژ بوو ژ دەست داناکارێ خوە ب قەھر نەکەفتیمە ھندی ژ بەر ھندێ ب قەھر کەفتیمە کو نەشێم زێدەتر ھەڤکاریا پێشمەرگێن قارەمان بکەم)

وەلید وەحید دیارکر ژی کو ئەوی زور بزاڤکرن دەرگەھێ سەموخانا وی نەھێتەگرتن ، بەلێ خودانێ خانویی ئەو ژ خانویی دەرکرية و نھا خێزان و زاروکێن خوە برینە د سامونخانێ دا و گۆت ژی (لسەر خزمەتا من بو پێشمەرگێن قارەمان دەستخوشی ژلایێ بەرێز سەرۆکێ ھەرێمی و مەسرور بارزانی و ئەدھەم بارزانی و کارگێریا پارێزگەھا دھۆک و دام و دەزگەە و حزب و لایەنێن سیاسیێن دھۆک و رێکخراو و کەساتیێن دەڤەرێ بۆ من ھاتینە کو ئەڤ یەک ژی جھێ شانازیێ یە خزمەتا من بەرچاڤ بھێتە وەرگرتن ، بەلێ دخوازم کو ھەر ئەڤ کەس و لایەنە خوە ل من بکەن خودان و جارەک دن ھەڤکاریا من بکەن بو دووبارە ڤەکرنا دەرگەھێ سەمونخانێ ، بەروڤاژی نکارم دەرگەھێ سامونخانێ ڤە بکەم و رەنگە وەلاتیَ خوە بجە بھێلم و قەستا دەرڤە بکەم ژبەرکو ژبلی سامونخانێ من چوو کارێن دن نینن و چوو موچەیان ژی ل دام و دەزگەھێن حکومی و حزبی وەرناگرم و چوو داھاتیەک ژی نینە ژین و ژیانا خوە و خێزانا خوە دابین بکەم)