ئه‌ڤرۆ نيوز:
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
بانکا ناڤەندی دێ لقەکا خوە ل ھەولێرێ ڤەکەت
ئەڤرۆ نيوز:
ئەندامەکا پەرلەمانێ عیراقێ ئاشکرا کر کو وێ پەیوەندی ب پارێزگەرێ بانکا ناڤەندی یێ عیراقێ کریە و دبێژیت: پارێزگەرێ بانکا ناڤەندی دیار کریە کو د ھەیڤا گۆلانا ئەڤ سالە دا بانکا ناڤەندی دێ لقەکێ خوە ل ھەولێرا پایتەخت ڤەکەت.
نەجیبا نەجیب، ئەنداما پەرلەمانێ عیراقێ ژ فراکسیۆنا پارتی دیار ژی کر، وێ وەکو نوونەرا خەلکی و ب جھئینانا ئەرکێ خوە پەیوەندی ب پارێزگەرێ بانکا ناڤەندی یێ عیراقێ کریە و گۆت: “پارێزگەرێ بانکا ناڤەندی ژی دیار کر کو ھەموو بەرھەڤی و کار بۆ ڤەکرنا لقەکێ بانکا ناڤەندی ل ھەولێرێ ب دووماھی ھاتینە و د ڤێ ھەیڤێ دا دێ ھێتە ڤەکرن”.
نەجیبا خانێ ئاماژە ب وێ چەندێ ژی کر، پشتی ڤان سێ سالێن کێشا دارایی و ئابووری ھاتیە دروستکرن، بانکا ناڤەندی چ ئومێد نەمابوون کو لقێ خوە ل ھەرێما کوردستانێ ڤەکەت و گۆت: “ب ڤەکرنا لقێ بانکا ناڤەندی یا عیراقێ ل ھەولێرێ، گەلەک ئاریشە دێ ھێنە چارەکرن، بۆ نموونە: ھەر بڕیارەکا ل سەر دانا پارێ جۆتیارێن ھەرێمێ ھاتبادان 40 ھەتا 50 رۆژ پێ دڤیان ھەتا پارە بۆ ھەرێما کوردستانێ ھاتبا ڤەگوھاستن، لێ ھەکە ئەڤ لقە بھێتە ڤەکرن ئەڤ ئاریشە نامینیت، دیسا ل گۆرەی مەرجێن بانکا ناڤەندی و مافێ خەلکێ کوردستانێ دۆلار ب بھایێ حکومی دێ ھێتە فرۆتن”.
پۆستێ پارێزگارێ سلێمانێ جاره‌كا دى دا ئێكه‌تيێ
ھژمارەکا خێزانێن داعشێن کورد ڤەگەڕیاینە ھەرێما کوردستانێ
ئه‌ڤرۆ نيوز:
ئەندامەکێ لیژنا بلندا بەرھنگاربوونا فکرا توندڕەو ل حوکمەتا ھەرێما کوردستانێ دیار کر کو ھژمارەکا خێزانێن چەکدارێن داعش یێن کورد ڤەگەڕیاینە ھەرێما کوردستانێ و ھندەک کەس و کارێن وان خێزانێن چەکدارێن داعش بەرھەڤ نینن پێشوازیێ لێ بکەن.
مەریوان نەقشبەندی، ئەندامێ لیژنا بەرھنگاربوونا فکرا توندڕەو بۆ رۆژناما ئەڤرۆ گۆت “ل گۆر پێزانینێن بەردەستێ مە ھەتا نوکە ھژمارەکا خێزان و زارۆیێن وان چەکدارێن داعش ڤەگەڕیاینە ھەرێما کوردستانێ یێن سالێن بۆری چووینە د ناڤا رێزێن گرۆپا تیرۆرستیا داعش دا، بەلێ مە چ پێزانین ل دۆر شێوازێ ڤەگەڕیانا وان نینن و پتر بابەت گرێدایی دەزگەھێن ئەمنی ڤەیە، چونکی وەکی لیژنا بەرھنگاربوونا فکرا توندەڕەو ئەوقافێ ژی ئامار ل دەف مە نینە تنێ مە پێزانین ھەنە ھندەک ژ وانا ڤەگەڕیاینە ھەرێما کوردستانێ”.
مەریوان نەقشبەندی گۆت ژی “ئێک دو حالەت ھەنە ئەم ئاگەھدارین خێزانێن چەکدارێن داعش بووینە و ڤەگەڕیاینە ھەرێما کوردستانێ، بەلێ کەس و کارێن وانا بەرھەڤ نەبوون جارەکا دی پێشوازیێ لێ بکەن، ب دیتنا من پێدڤیە ڤەکۆلین دگەل بھێتەکرن، چونکی دڤێت بزانین ئەڤە چووینە ناڤ داعش تنێ زەلامێن وان داعش بووینە، یان ژی ل ناڤ داعش ئەڤان ژی ھەڤکاریا گرۆپا تیرۆرستی کریە و دگەل ھەڤژینێن خوە ھەڤسۆزێن داعشن بوون”.
ره‌وشا سه‌قايێ رۆژا پێنجشه‌مبى
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشه‌مبى رێکەفتی 11ى گۆلانا 2017ێ دێ ب درێژاهيا ده‌مێ رۆژێ ئه‌وره‌كێ ناڤه‌ندى ل ئه‌سمانى هه‌بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ هاتنا فشارێن نزمێن گزيرتا عه‌ره‌بى دھێتە پێشبینیکرن ب درێژاهيا ده‌مێ رۆژێ ئه‌وره‌كێ ناڤه‌ندى ل ئه‌سمانى هه‌بيت.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 5 بۆ 15کم دا و ماوێ دیتنێ ژی دێ د ناڤبه‌را 8 بۆ 9كم دا بيت، پلێن گەرمێ ژی دێ د ناڤبەرا 18 بۆ 32 پلان دا بن.
سەعدی پیرە: ژبلی چاڤ شۆریێ مە چو دی ل گەل عیراقێ نەمایە
ئەڤرۆ نیوز:
ئەندامەکێ مەکتەبا سیاسی یا ئێکەتی نیشتیمانی کوردستان راگەھاند، کو سەرکرداتیا ئێکەتی بڕاریا خوە دایە، ئێکەتی نیشتیمانی کوردستان یا بەردەوام بیت بۆ ئەنجامدانا سەربخوەیا و ھەروەسا دبێژیت، ریفراندۆم ب تنێ قانوونێ نا ھێتە چارەکرن و کارێ سیاسی ژی پێدڤی و ئەو پرس دڤێت ل گەل عیراقێ و وەلاتێن ھەرێمی بھێتە گەنگەشەکرن.
سەعدی ئەحمەد پیرە ئەندامێ مەکتەبا سیاسی یا ئێکەتی نیشتیمانی کوردستان، د پەنەلەکی دا ل زانکۆیا سەلاحەددین ل ژێر ناڤونیشانێن ( رەھەندێن سیاسی بۆ دەلوەتبوونا کوردستانێ) تێدا گۆت: مە ئەو ھەموو شەڕێن ئەنجامداین دڤێت ل خوە ب پرسین ئەرێ ئەو ھەموو شەڕ ژ بۆ چو ھاتیە کرن؟، ئەرێ کوردا ل پرسیار ژ خوە کریە وێ عیراقێ جھێ وێ وەک دەولەت نەما بوو؟، ددەمەکێ دا چوار حوکمەت ھاتینە گوھۆڕین بەلێ د ھەر چوار حوکمەتان دا کورد چو جارەکی وەلاتیەکێ عیراقێ یێ پلە ئێک نە بوویە.
ھەروەسا دبێژیت، ئەم بتنێ بۆ عیراقێ چاڤ شۆریێ دکەین، ھەکە نە مە چو ماف نە بووینە د عیراقێ دا، لەورا مە سەربخوەیا کوردستانێ ھەلبژارت، کو برێیا ریفراندومێ ئەو پرسە دێ ھێتە کرن.
زێدەباری وێ چەندێ گۆت: ب دیتنا ئێکەتیێ کاراکرنا پەرلەمانێ یا گرنگە بۆ پێدڤیێن ریفراندۆما کوردستانێ، ھەروەسا ئاشکراکر بۆ تاقیکرنا بلندکرنا ئالایێ کوردستانێ ل گەرکووکێ عیراقێ شکەستن خوار و یا سەرکەفتی نەبوو، ئەوێن عیراق خستیە مەترسی دا کورد نینە، بەکی سونە و شیعەنە، مە ل سالا 1991 جودابوونا ژ عیراقێ خەلکی ژ مە داخواز دکر، و دگۆتن ھون پتر ژ سەدام حسێن عیراقی ترن، چونکی وی ھوون دەرخستن بوچی ھوون وەلاتێ خوە راناگەھینن.
ھێرشا سەر حەویجە دێ ھێتە دەستپێکرن
ئەڤرۆ نیوز:
بڕیارە نێزیک ئۆپەڕاسیۆنا کۆنتڕۆلکرنا قەزا حەویجە یا سەر ب پارێزگەھا کەرکووکێ و دەڤەرێن بن دەستێ داعش ماینە بھێتە دەستپێکرن ئەڤژی گورەی داخویانیێن فەرماندێن لەشکرێ عیراقێ، وەزارەتا پێشمەرگەی ژی دبێژیت پێشمەرگە ناچیتە ناف سەنتەرێ حەویجەدا و تنێ دێ دەوروبەرێ کەرکووکێ بپارێزن، گورەی زانیاریێن رۆژناما ئەڤرۆ 2 ھزار چەکدارێن داعش ل حەویجەی خوە عاسێ کریە.
ئەحمەد عەسکەری، ئەندامێ جڤاتا پارێزگەھا کەرکووکێ بۆ رۆژناما ئەڤرۆ گۆت” ھەتا نوکە بۆمە ناھیتە پشتڕاستکرن دێ ئۆپەڕاسیۆنا گرتنا قەزا حەویجە کەنگی بھێتە دەستپێکرن، ھەردبێژن دەمەکێ نێزیک، چونکی عێراقێ ب مەبەست ئۆپەڕاسیۆنا گرتنا حەویجە گیرۆکریە و ئێخستیە پشتی شەڕێ مووسل، ئەڤەژی واتایا ڤێ چەندێ ددەت کو حوکمەتا عیراقێ مەرەمێن سیاسیێن خوە ھەنە ل گیرۆکرنا ھێرشا حەویجەدا، گرتنا حەویجە زۆر ساناھیترە ل گرتنا مووسل ژبەرکو دەوروبەرێن حەویجە ھەموو ھاتینە دۆرپێچکرن و ھژمارەکا زۆرا ھێزێن پێشمەرگە و عیراقی ل دەڤەرێ ھەنە، ھەروەسا بەردەوام فڕۆکەیێن ھەڤپەیمانان بنگەھێن داعش دکەنە ئامانج لڤی سینوری، گورەی زانیاریێن بەردەستێ مە نێزیکی دو ھزار چەکدارێن تیرۆرستێن داعش ل قەزا حەویجە ماینە و خوە عاسێ کریە، بەلێ پتریا وان داعشێن عیراقینە و خەلکێ دەڤەرێ و پارێزگەھێن دی یێن عیراقێ نە، چونکە بەری نوکە داعشێن بیانی ل حەویجە نەماینە و یان ھاتینە کوشتن یانژی بەرەف دەڤەرێن دیڤە چووینە. عەسکەری گۆتژی” راستە حەویجە دەڤەرەکا بەرفرەھە و تنێ سەنتەرێ قەزا حەویجە بن دەستێ داعش نینە، بەلکۆ دەڤەرێن ژێریا مووسل و قەزا بێجی و ناحیا ریاز و زاب و چەند دەڤەرێن دیژی بن دەستێ گروپا داعش ماینە و بدیتنامە پێشبینی دکەین ئەگەر ئۆپەڕاسیۆن بھێتە دەستپێکرن دێ دەمەکێ زۆرێ کێم ئەو دەڤەر ھێنە رزگارکرن، زیانێن خەلکێ سڤیل ژی دێ زۆر کێمبن ئەڤەژی ئەگەرێ وێ ئەڤە ریکێن دەرچوونێ ھەنە و وەلاتی دشێن خوە رزگاربکەن.
ژلایێ خۆڤەژی جەبار یاوەر ئەمیندارێ گشتیێ وەزارەتا پێشمەرگەی دیارکر” حەویجە راستە دەستپێکێ کەفتیە بن داعش و ھەتا نوکە وەکی خوە مایە، بەلێ ب گرتنا حەویجە دێ مەترسیا گروپا تیرۆرستیا داعش زۆر کێمبیت لسەر کەرکووکێ، ددەمێ دەستپێکرنا ھێرشێ دێ ھەماھەنگی دناڤبەرا سوپایێ عیراقێ و وەزارەتا پێشمەرگەیدا ھەبیت، بەلێ پێشمەرگە ناچیتە ناف سەنتەرێ باژێڕێ حەویجە، بەلکۆ دێ دەوروبەرێن حەویجە ھێتە بجھکرن ھەتا کەرکووک ژی بھێتە پاراستن و پتریا ئەو دەڤەرێن ماینە بن دەستێ داعش دەڤەرێن عەرەب نشینن نەک کوردی.
مزگينيه‌كا خۆش ل دۆر كاره‌با نشتيمانى
ئه‌ڤرۆ نيوز:
پەیڤدارێ وەزارەتا کارەبێ ل حوکمەتا ھەرێما کوردستانێ دیار کر کو د ھاڤینا ئەڤ سالە دا رەوشا کارەبا نیشتیمانی دێ ژ سالا بۆری باشتر بیت و دبێژیت: حوکمەت دێ غازا سروشتی بۆ وێستگەھێن بەرھەمئینانا کارەبێ دابین کەت.
محەمەد ئەمین ھەوارامانی، پەیڤدارێ وەزارەتا کارەبێ ل حوکمەتا ھەرێما کوردستانێ بۆ رۆژناما ئەڤرۆ گۆت: “وەزارەتا کارەبێ ھەر ژ نوکە پێڤە خوە بۆ وەرزێ ھاڤینێ بەرھەڤ دکەت و دەست ب چاکسازیێ د کەرتێ کارەبێ دا ھاتیەکرن، دھێتە چاڤەڕێکرن ئەڤێ چاکسازیێ کاریگەریێن خوە ل سەر باشبوونا رەوشا کارەبا نیشتیمانی ھەبیت، دیسا ھەوا بڕینا کارەبا زێدەگاڤی ھاتیە دەستپێکرن، د دەمێ نوکە دا رێژا بەرھەمئینانا کارەبێ ل یەکەیێن بەرھەمئینانێ 2700 مێگاواتن، ئەڤە د دەمەکی دایە د وەرزێ ھاڤینێ دا مە پێدڤیا ب 4500 مێگاواتێن کارەبێ ھەی، داکو بشێین پێدڤیێن کارەبێ تژی بکەین”.
ھەورامانی خویا ژی کر، ئەم یێ کار دکەین کو د وەرزێ ھاڤینێ دا کارەبا نیشتیمانی پتر ژ سالا بۆری بدەینە وەلاتیان، بەلێ مخابن ژ بەر بلندبوونا پلێن گەرمێ و بکارئینانا ئامیرێن تەزیکرنێ بارگرانیەکا زۆر د وەرزێ ھاڤینێ دا دکەڤیتە سەر تۆرێن کارەبا نشتیمانی و گۆت: “ئەم پێشبینی دکەین ئەڤ سالە رەوشا کارەبێ ژ سالا بۆری باشتر بیت، چونکو حوکمەت دێ غازا سروشتی بۆ وێستگەھێن بەرھەمئینانا کارەبێ دابین کەت”.
كه‌سه‌ك ل ئه‌ڤرۆ ستى هاته كوشتن
ئه‌ڤرۆ نیوز:
پۆلیسێن پارێزگه‌ها دهۆك دیاركریه كو پشتی ئەڤرو ئێڤاری چەند کەسان ب چەك ڤە هێرش کریە سەر شوقەکێ ل کومەلگەها ئەڤرو سـتی ئێکسەر ژلایێ خودانێ شوقێ ڤە هێرشبەرەك بناڤێ ( ح. س )هاتیە کوشـتن و ئێك هاتیە بریندارکرن.
دەمێ پولیس گەهشتینە جهێ رودانێ لدیف ڤەکولینێن دەستپێکی دیاربویە ئەگەرێ ڤێ تاوانێ کێشەکا جڤاکی یا کەڤنە ( دوژمنداری) دناڤبەرا واندا، و هەردوو لا وەلاتیێن کوردستانا باکورن.
پەرێن ڤەکولینێ ژلایێ بەشێ پولیسێن قەزا سێملێ ل نڤیسینگەها نەهێلا گونەباریا هاتینە ڤەکرن لدیف بەندێ 406 ژیاسایێن سـزای
دیبه‌يته‌كا تایبه‌ت ب گه‌شت و گوزارێ ڤه ل ئامێدیێ هاته ساز كرن
ئه‌ڤرۆ نیوز:
ئه‌ڤرو سپێدێ 9/5/2017 ب ئاماده‌بونا فه‌رهاد ئه‌مین ئه‌تروشى پارێزگه‌رێ دهوكێ و نه‌وروز مه‌ولود وه‌زیرا باژێرڤانى و گه‌شت و گوزارى ل هه‌رێما كوردستانێ و هژماره‌كا زور یا ئه‌كادیمى و سه‌رمایه‌دارو بسپورێن وارێ گه‌شت و گوزارى په‌یمانگه‌ها ته‌كنیكى یا ئامێدیێ ب هه‌فكاریا رێڤه‌به‌ریا گشتى یا گه‌شت و گوزارى ل پارێزگه‌ها دهوكێ دیبه‌یته‌كا تایبه‌ت ب ڤه‌ژاندنا كه‌رتێ گه‌شت و گوزارى ل پارێزگه‌ها دهوكێ ئامێدیێ وه‌كو نمونه ساز كر ,
به‌راهیێ په‌یڤا بخێرهاتنێ ژلایێ هه‌كار زه‌كى راگرێ په‌یمانگه‌ها ته‌كنیكى یا ئامێدیێ ڤه هاته پێشكێش كرن تێدا ئاماژه كره ئارمانجا سازكرنا ڤێ دیبه‌یتێ و دیار كر كو سێ لایه‌ن دڤى بابه‌تى پشكدارن بو پێشڤه‌برنێ لایه‌نێ فه‌رمى و كو حكومه‌تا هه‌رێمێ یه و لایه‌نێ دویێ ماموستا و ئه‌كادمى نه و لایه‌نێ سیێ سه‌رمایه‌دار و خودان كارن هه‌روه‌سا گوت مه دڤیت نامه‌كێ بگه‌هینینه‌حكومه‌تا هه‌رێمێ كو برێكا گه‌شت و گوزارى دشیێن ئابورێ خو پێش بێخین و درێكا گوزارى دا سه‌رمایێ خو بیخینه كارى و ده‌لیڤێن كارێ زێده‌كه‌ین و كه‌رتێ تایبه‌ت ل ده‌ڤه‌رێ بهێته كارا كرن ,
دیڤداپه‌نه‌لێ ئێكێ یێ دیبه‌یتێ ب پشكداریا به‌رێزان وه‌زیرا باژێرڤانى و گه‌شت و گوزار و پارێزگه‌رێ دهوكێ و شێخ سیروان بارزانى وه‌كو سه‌رمایه‌دار و دكتور ئاراس خوشناو وه‌كو ئه‌كادیمى و شاره‌زا دبیاڤێ میدیایێ دا پشكدار بون به‌راهیێ وه‌زیرا باژێرڤانیێ و گه‌شت و گوزارى ئاماژه كره هژماره‌كا خالێن گرنگ كو بوینه ئه‌گه‌ر كه‌رتێ گوزاریێ پێشڤه نه‌چیت وه‌كو شه‌رێ داعش و لاوازبونا بارێ ئابورى یێ هه‌رێما كوردستانێ هه‌روه‌سا به‌حسێ نه‌خشه و پلانێن حكومه‌تێ كر بو پێشڤه‌برنا ڤى كه‌رتى و دیار كر كو پێنگاڤ و بزاڤێن حكومه‌تا هه‌رێمێ دبه‌رده‌وامن و به‌رى چه‌نده‌كێ پێشانگه‌هه‌كا تایبه‌ت ب گوزاریێ ڤه هاته ڤه‌كرن و چه‌ندین هه‌ڤبه‌ست هاتنه موركرن دگه‌ل كومپانیێن وه‌لاتێن عه‌ره‌بى بو ئینانا گه‌شتیارا بو هه‌رێما كوردستانێ هه‌روه‌سا گوت دماسته‌ر پلانا گه‌شت و گوزارى دا 7 پروژێن سنورێ قه‌زا ئامێدیێ تیدا نه .
دیڤدا فه‌رهاد ئه‌مین ئه‌تروشى پارێزگه‌رێ دهوكێ به‌حسێ هه‌فكاریا دنافبه‌را كه‌رتێ تایبه‌ت وحكومه‌تاخوجهى دا دگه‌ل سه‌رمایه‌داران كر ,
و چه‌ند خاله‌ك دیار كرن بو پێشڤه‌برنا كه‌رتێ گه‌شت و گوزارى خالا ئێكێ دیار كر دڤیت سه‌قامگیرى ل ده‌ڤه‌رێ هه‌بیت و پروژێن خزمه‌تكارى بهێنه بجهئینان داكو پروژێن گه‌شتیارى بهێنه بجهئینان و پێشڤه بچن هه‌روه‌سا دیار كر كو ب نه‌بونا سیسته‌مه‌كێ دارایى یێ پێشكه‌فتى و گرنتى كرى بو یه ئه‌گه‌رێ هندێ كو گوزارى ل كوردسانێ نه ل ئاستى پێدڤى بیت و كومپانى ب دورستى كارى تێدا ناكه‌ن ,
دیسان گوت نه‌بونا بودجێ و پلانێن رێكخستى راسته پلان هه‌نه لێ بودجه ژبه‌ر بارێ ئابورى نه‌هاتینه دانان بو گه‌شت گوزارى ,
دلایه‌كێ دیێ دیبه‌یتێ دا پارێزگه‌رێ دهوكێ ره‌خنه گرتن ژ نه‌بونا ره‌وشه‌نبیریا گوزارى ل ده‌ف تاكێ مه و خودان كارا ژى تا راده‌كى هه‌روه‌ساره‌خنه ل سیسته‌مێ كارگیریێ حكومه‌تا هه‌رێمێ گرتن كو هنده‌ك یاسایێن كه‌فن هاتینه دانان ریگرن ل سه‌ر پێشڤه‌برنا كه‌رتێ گوزارى و تایبه‌ت نه‌بونا ته‌سویێ بو ئه‌ردێ ده‌ڤه‌را ئامێدیێ دیسان چێكرنا ئاسته‌نگا ل به‌ر وه‌به‌رهینه‌رى بویه ئه‌گه‌ر كو ئه‌ف كه‌رته پێشڤه نه‌چیت ,
هه‌روه‌سا ره‌خنه ل سه‌رمایه‌دارا ژى گرت و گوت دڤیت سه‌رمایه‌دارێ مه ب چه‌ند وه‌خته‌كێ كێم پارێ خویێ پروژه‌ى ب زڤرینیت و فایده‌كێ بله‌ز بكه‌ت ئه‌ڤه‌ژى دپروژێن گوزارى دانابیت ,, دیسان ته‌ئكید كر كو كه‌رتێ گه‌شت و گوزارى ژێده‌ره‌كێ بهێز و مه‌زنه بو په‌یداكرنا ده‌لیڤێن كارى , دیسان پارێزگه‌رێ دهوكێ دوباره داكوكى ل سه‌ر بجهئینانا پروژێن خزمه‌تكارى كر بو هندێ كو سه‌رۆمایه‌دار بشێن كارێ وه‌به‌رئینانێ بكه‌ن ئه‌وژى بجهئینانا پروژێن رێك و ئاڤ و كاره‌ب كو دڤێت بو هه‌ر پروژه‌كى بهێنه مسوگه‌ر كرن و دابینكرن ,
دیڤدا پشكدارێن به‌رهه‌ڤ بوى بیر و بوچونێن خو بو نه‌هێلانا ئاسته‌نگا و راكرنا وان و خوشكرنا رێكێ لبه‌ر وه‌به‌رهێنه‌رێن نافخویى و بیانى دیار كرن ,
و ل روینشتنا دویێ ژى گه‌نگه‌شه‌كا به‌رفه‌ره‌ه هاته كرن پشتى پشكدارا بابه‌تێن خو پێشكێش كرین و به‌رهه‌ڤبویا چه‌ندین پێشنیار و یرسیار كرن بو هندێ ببنه خال و ل دیماهیا دیبه‌یتێ بهێنه راپورت كرن و بلند كرن بو حكومه‌تا هه‌رێما كوردستانێ بێخه‌مه‌ت كارا كرنا ڤى كه‌رتێ گرنگ و مفا دار ,
نيشاندان
WP Facebook Auto Publish Powered By : XYZScripts.com