رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 27ى چريا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1303 |
| 1 يۆرۆيێ ئه‌ورۆپى | 1430 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
كرستيانۆ رۆنالدۆ د ديداره‌كێ دا بۆ كۆڤارا راهێنه‌رێ به‌حس ل په‌يوه‌نديێن خوه و ليونێك ميسى و چه‌ندين بابه‌تێن دى يێن گرێداى ريال مه‌دريد دكه‌ت.
د وێ ديدارێ دا، دون زێندان ب “راهێنه‌ره‌كێ نمۆنه‌ى” وه‌سف دكه‌ت و دبێژيت: “ل ژوورا خوه گوهۆڕينێ زێدان بۆ ئه‌گه‌ر په‌يوه‌نديێن ياريكه‌ران ل گه‌ل ئێك خوه‌ش ببن”.
دده‌ته زانين ژى كو به‌رى ئه‌و ببيته راهێنه‌رێ ريال، هه‌موو هيڤيێن وان ژ ناڤ چووبوون و گۆت: “ئه‌و هات و ريال مه‌دريد ناسناڤێ شامپيۆن ليگ بر”.
رۆنالدۆ د درێژاهيا ئاخفتنێن خوه دا به‌حس ل ميسى ژى دكه‌ت و خۆيا دكه‌ت كو ئه‌و گه‌له‌ك رێزێ ل ميسى دگريت، “ئه‌و هه‌ڤالێ منه”، دبێژيت ژى: “راسته هه‌ڤالينيه‌كا وه‌سان د ناڤبه‌را مه دا نينه كو به‌رده‌وام پێكڤه بين، به‌لێ دو هه‌ڤالێن باشين”.
ياريكه‌رێ يانا ريال مه‌دريد ناڤه‌شێريت كو هه‌ڤركيه‌كا دژوار د ناڤبه‌را وان دا هه‌يه، به‌لێ “ئه‌م هه‌ردو رێزێ ل ئێك دگرين، چو ده‌مان مه داخۆيانيێن دژى ئێك نه‌داينه”.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل هەرێما کوردستانێ راگه‌هاند كو سوبه‌هى رۆژا ئه‌ينى رێكه‌فتى 28ى چريا ئێكێ 2016ێ ئه‌سمانێ دهۆكێ دێ ئه‌ور بيت ل گه‌ل بارانا بارينا ل جهێن جودا.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن وه‌لاتێ توركيا و ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ ژ ئه‌وره‌كێ كێم بۆ ئه‌وره‌كێ ته‌مام بهێته گوهۆڕين و ده‌ليڤا باران بارينێ ب رێژا ئێك بۆ دو مليمان ل ده‌ڤه‌رێن جودا يا هه‌ى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى 8 بۆ 10 كم بيت، پلێن گه‌رمێ ژى دێ د ناڤبه‌را 15 بۆ 25 پلان دا بيت.
ئه‌ڤرۆ نيوز:
هادى عامرى، سه‌ركردێ حه‌شه‌د شه‌عبى و ئه‌ميندارى گشتى يێ رێكخراوا به‌در راگه‌هاند كو هه‌كه سه‌رۆك وه‌زيرێن عيراقێ داخوازێ ژ مه بكه‌ت، هێزێن حه‌شه‌د شه‌عبى دێ چنه ناڤ باژێرێ مووسل.
ئه‌وى سه‌ركردێ حه‌شه‌د شه‌عبى د گۆتنێن خوه دا ئاماژه ب وێ چه‌ندێ كر كو مووسل باژێره‌كێ عيراقى يه و رێ ب ده‌ستێوه‌ردانێن هێزێن توركيا ل ئاخا عيراقێ ناده‌ن.
عامرى ئاماژه ب وێ چه‌ندێ ژى كر كو شه‌رێ مووسل يێ ماوه درێژه و ب وى ره‌نگى يێ ب ساناهى و خۆش نينه وه‌كو هنده‌ك كه‌س به‌حس ژێ دكه‌ن.
هه‌تا نوكه رێ ب هێزێن حه‌شه‌د شه‌عبى نه‌هاتيه دان بچنه ناڤ مووسل و ب ره‌نگه‌كێ ئێكسه‌ر پشكداريێ د وى شه‌رى دا بكه‌ن، ب تنێ نوكه چه‌ند ده‌ڤه‌ره‌ك ل رۆژئاڤايێ مووسل كرينه ئه‌ركێ وان و بڕياره ئه‌و نه‌چنه ناڤ باژێرێ مووسل.
ل ده‌مێ راگه‌هاندنا ده‌مژمێر سفر ل 17ى ڤێ هه‌يڤێ ژ لايێ سه‌رۆك وه‌زيرێن عيراقێ حه‌يده‌ر عه‌بادى ڤه ژ بوو رزگاركرنا باژێرێ مووسل، د په‌يڤه‌كێ دا راگه‌هاند كو هه‌ر ئێك ژ حه‌شه‌د شه‌عبى و پێشمه‌رگێ كوردستانێ ناچنه ناڤ سه‌نته‌رێ باژێرێ مووسل و دوهى رۆژا چارشه‌مبى 26ى چريا ئێكێ ژى راگه‌هاند كو هه‌رجهێ هاته كونترۆل كرن ژى دێ سۆپا ژێ ده‌ركه‌ڤيت و ب تنێ دێ پۆليسێن فيدرال د ناڤ باژێران دا مينن.
ئه‌ڤرۆ نیوز:
نێچیرڤان بارزانى سه‌رۆكێ حوكمه‌تا هه‌رێما كوردستانێ د دیدارا مێرى دا، ل باژێرێ هه‌ولێرێ ئاماژه ب وێ یه‌كێ كر كو بێ گومان ئه‌و دێ ڤێ قه‌یرانێ دارایى ده‌رباز كه‌ن.
نێچیرڤان بارزانى به‌حسێ شه‌رێ ئازادكرنا مووسل كر و گۆت” مووسل بۆ مه یا گرنگه، كارتێكرنا راسته‌وخو ل سه‌ر هه‌رێما كوردستانێ یا هه‌ى، پرسا موسل ب تنێ یا سه‌ربازى نینه، به‌لكو پرسه‌كا سیاسى یه ژى، كانێ پشتى داعش دێ چ ل مووسل هێت”.
سه‌رۆكێ حوكمه‌تا هه‌رێما كوردستانێ به‌حسێ هه‌ماهه‌نگیا ناڤبه‌را سوپایێ عیراقێ و پێشمه‌رگه‌ى كر و گۆت” ئاستێ هاریكاری و هه‌ماهه‌نگیا مه ل گه‌ل سوپایى زور یا باشه، د ئاسته‌كێ دایه كو نه‌دهاته چاڤه‌رێكرن، چونكه پشتى 25 سالان ئه‌م موله‌تێ ب سوپایێ عیراقێ دده‌ین كو ل سنورێ هه‌رێما كوردستانێ را ده‌رباز ببیت كو ئه‌ڤ چه‌نده ژى جهێ خوه‌شحالیێ یه”.
نێچیرڤان بارزانى به‌حسێ دووماهى سه‌ره‌دانا خوه و پاشان یا سه‌رۆك بارزانى بۆ به‌غدا كر و گۆت” مه بزاڤ كرینه كو ب ئاشكرا ل گه‌ل هه‌ڤپه‌یمانیا نیشتمانیا شیعان و سه‌رۆك وه‌زیرێن عیراقێ به‌حسێ وێ یه‌كێ بكه‌ین، كو ئه‌م پێدڤى ب دانوستاندنێن زێده‌ترن ل گه‌ل وان، بێ مجامله باخڤین، به‌حسێ پاشه‌رۆژا خوه بكه‌ین، كانێ پاشه‌رۆژا مه دێ ل ڤێ عیراقێ چ بیت”.
ئه‌ڤرۆ نيوز:
ئوسمان بايده‌مير ساسه‌تمه‌دارێ كوردێ باكوورێ كوردستانێ راگه‌هاند كو پێشمه‌رگه ب تنێ بۆ مووسل هێرشێ ناكه‌ن، ئه‌و رێز و سه‌ربلنديا چل مليۆن كوردان د پارێزن.
د چارچۆڤێ دانوستاندنا ديدارا مێرى دا ل هه‌ولێر ئوسمان بايده‌مير سياسه‌تمه‌دارێ كوردێ باكوورێ كوردستانێ گۆت: “باشوورێ كوردستانێ هيڤيا هه‌موو كوردايه، دلێ مه هه‌موويان يێ ل گه‌ل”. گۆتژى: “پێشمه‌رگه ب تنێ بۆ مووسل هێرشێ ناكه‌ن، به‌لكو ئه‌و جهێ رێز و سه‌ربلنديا چل مليۆن كوردان د پارێزن”.
بايده‌مير گۆتژى: “سه‌رێ خوه ل هه‌مبه‌ر شه‌هيدان د چه‌مينم و رێزێ بۆ ددانم ئه‌و به‌ره‌ڤانيێ ژ چل مليۆن كوردان دكه‌ن”.
ئه‌ڤ سياسه‌تمه‌دارێ كورد ئاماژێ ب وێ چه‌ندێ ژى دكه‌ت كو هه‌رێما كوردستانێ و باشوورێ كوردستانێ هيڤيا هه‌موو كوردايه و هيڤيا هه‌موو كوردايه، داخوازێ ژ هه‌موو حزب و رێكخراوێن كوردى ل باشوورێ كوردستانێ دكه‌م “مه ب تنێ ل باكوورى ب جهـ نه‌هێلن، مه گه‌له‌ك پێدڤى يا پێ هه‌ى”.
ئه‌ڤرۆ نيوز:
د كۆمبوونا ئه‌ڤرۆ يا جڤاتا وه‌زيرێن هه‌رێما كوردستانێ دا بڕيار هاته دان لژنه‌ك بۆ سه‌ره‌دانا لايه‌نێن سياسى بهێته ئێكئينان.
عه‌بدولستار مه‌جيد، وه‌زيرێ چاندنێ و ژێده‌رێن ئاڤێ ل حوكمه‌تا هه‌رێما كوردستانێ بۆ رووداو راگه‌هاند كو د كۆمبوونا رۆژا چارشه‌مبى يا 26ى چريا ئێكێ 2016 يا جڤاتا وه‌زيران دا بڕيار هاته دان لژنه‌ك ژ جڤاتا وه‌زيران بۆ سه‌ره‌دانا لايه‌نێن سياسى بهێته پێكئينان.
ئه‌ڤرۆ نيوز:
د گرته‌يه‌كا ڤيديۆى دا ژ زنجيرا سه‌رپێچيان ئه‌وێن ژ لايێ چه‌كدارێن حه‌شه‌د شه‌عبى ڤه دهێته ئه‌نجام دان، تێدا هنده‌ك ژ چه‌كدارێن ميليشياتێن حه‌شه‌د شه‌عبى دژى ده‌سته‌سه‌ركريان ل باشوورێ مووسل د چارچۆڤێ ئۆپه‌راسيۆنێن ئازادكرنا مووسل دا ئه‌وا ل 17ى ڤێ هه‌يڤێ ده‌سپێكرى.
هه‌ر چه‌نده محه‌مه‌د كه‌ربۆلى ئه‌ندامێ لژنا ئه‌من و به‌ره‌ڤانيێ ل جڤاتا نوونه‌رێن عيراقێ، راگه‌هاند كو ئه‌و كه‌سێن مافێن ئاواران بن پێ دكه‌ن دێ كه‌ڤنه به‌ر سينگێ دادگه‌هێ.
گه‌له‌ك لايه‌نێن سياسى و جيهانى و هه‌تا دگه‌هيته نه‌ته‌وێن ئێكگرتى ژى دلته‌نگيا خوه ژ پشكداريا حه‌شه‌د شه‌عبى دابوو زانين ژ به‌ر كريارێن چه‌كدارێن وان دژى وه‌لاتيێن مه‌ده‌نى يێن سونى و ئاوارێن وان.
ئه‌ڤرۆ نيوز:
په‌رله‌مانێ كه‌نه‌دى پێشنيازا پارتيا پارێزگاران يێن ئۆپۆزسيۆن په‌سه‌ند كر كو داخوازا وه‌رگرتنا ئاوارێن ئێزدى ژ عيراقێ كربوو، ئه‌وێن تووشى “ژناڤبرن”ێ بووين ژ لايێ تيرۆرستێن داعش دا.
د روونشتنا خوه يا رۆژا سێشه‌مبى دا، په‌رله‌مانێ كه‌نه‌دى پێشنيازا وه‌رگرتنا ئێزديان ل وه‌لاتێ خوه په‌سه‌ند كر، وه‌زيرێ ژ ده‌رڤه يێ كه‌نه‌دا ستيڤان ديون ژى پێشتر راگه‌هاند بوو كو ئه‌ڤا چه‌كدارێن داعش كرى “ژناڤبرن”ه.
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى چريا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1305 |
| 1 يۆرۆيێ ئه‌ورۆپى | 1415 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان
