ئهڤرۆ نيوز:
ئهڤرۆ رێكهفتى 14ى تيرمهها 2016ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئهڤرۆ نيوز:
شيرهتكارا ئهلمانيا ئهنگێلا مێركل ئهڤرۆ رۆژا پێنجشهمبى راگههاند كو ئهوێ سهرۆك وهزيرا بريتانيا تيريزا ماى داخوازكريه بهرلين.
پشتى وهرگرتنا پۆستى سهرۆك وهزيريا بريتانيا، ئهلمانيا وهلاتێ ئێكێ داخوازا سهرهدانا ماى دكهت و مێركل د سهرهدانا خوه قيرغيزستانێ دا، دا زانين كو مهرهم ژ داخوازكرنا وێ ئهوه كو پێكڤه كار بكهن كو ئهو كێشێن ل سهر ئاستێ جيهانێ ههين و دا زانين ژى كو بريتانيا و ئهلمانيا ب رهنگهكێ گهلهك ئهكتيف كار ل سهر وان كێشان دكهن يێن ئهڤرۆ ل جيهانێ د بهربهلاڤ.
تيريزا ماى بوو سهرۆك وهزيرا بريتانيا پشتى دێڤێد كاميرۆن يێ سهرۆك وهزير دهست ژ كاركێشتانا خوه راگههاندى ژ ئهگهرێ دهنگدانا وهلاتيێن وى وهلاتى بۆ دهركهفتن ژ ئێكهتيا ئورۆپا د چارچۆڤێ وێ راپرسيا ل 23ى ههيڤا بۆرى هاتيه ئهنجام دان.
ئهڤرۆ نيوز:
زنجيرا دووماهيێ يا وهرزێ دويێ يێ دراما پارچهپارچه بوون ل شاشێن كهنالێن توركيا هاته پهخشكرن و بۆ ماوهكێ دهمكى ئهڤ زنجيره دێ هێته راگرتن.
زنجيرا 71ێ و دووماهيێ ژ وهرزێ دويێ هاته پهخشكرن، د چهند ههيڤێن داهاتى ژى دا دێ دهست ب بهرههمئينانا وهرزێ سيێ كهن، ئهڤ دهسپێكرنه دێ يا بێ ئهكتهرا سهرهكى شوكران بيت شوونگرا گۆلسهرهنێ، ب گۆرهى ئهو پرۆپاكندێن هاتينه بهلاڤكرن ب گۆرهى ههمان ئهگهرێ گۆلسهرهنێ ئهو دێ ژ زنجيرێ دهركهڤيت، بهلێ جيهان د رێيا پهيامهكێ دا ئهو دهنگۆ رهتكر و گۆت: “ئهز شوكران ههڤالێن ئێكين و چو پهيوهندى ب من ڤه نينه”.
ژ گرنگترين ديمهنێن زنجيرا دووماهيێ، كوشتنا عايشايێ يه ژ لايێ رهحمى گۆلپنار كو ب خهلهتى ڤهيه، ههڤدهم جانسۆ و دهنيز شههيانا خوه دكهن، كوڕهك ژى ژ لايێ خهزالێ ڤه دهێته برينداركرن و دلارا ژ هارۆن جودا دبيت و هوزان و ههڤالا خوه پێكڤه درهڤن.
خهلكا 71ێ و دووماهيا وهرزێ دويێ ژ دراما پارچهپارچه بوون ب زمانێ توركى
خهلكا 71ێ و دووماهيا وهرزێ دويێ ژ دراما پارچهپارچه بوون ب زمانێ توركى و رێنڤيسا عهرهبى ڤێره كليك بكه
ئەڤرۆ نیوز:
ھەکە پیستێ تە یێ پنی پنی بیت، بەری ھەمی تشتان پێدڤیە تو خوە ژ تیشکا رۆژێ دوور بکەی، ل شوونا مەاختنا پارەیەکێ مەزن بۆ چارەکرنا پیستی، تو دشێی ب رێیا چاڤدجانا رۆتینی یا رۆژانە دێمێ خوە جوان و زەلال بکەی، ژ بەر کو ئەنجامێن وێ چەندێ دۆمدرێژترن.
شیرەتێن گرنگ:
– کریمێ خوەپاراستنا ژ تیشکا رۆژێ بکار بینە.
– تیڤلکرنا پیستی ژ شانێن مری و ب ئاوایەکێ رێکخستی دا پنیان کێم بکەت، کریمێ نەرمکرنا پیستی بکار بینە.
– ھەکە تە حەساسیا پیستی ھەبیت یان پیستێ یێ ھشک بیت، حەفتیێ جارەکێ پیستێ خوە تیڤل بکە، ئەو جھێن پرسک لێ ھەین تیڤل نەکە.
– کریمێ تۆخ بکار بینە دا پنیێن تە ڤەشێریت.
– ڤیتامین ل سەر پیستێ خوە بکار بینە، ژ بەر کو ناڤێ ڤیتامینێ پیستی یە.
– ئاڤا نیمۆکان بکار بینە دا پیستێ تە زەلال بیت.
تێکھەلەیێ شیری و ھنگڤینی:
نیڤ کۆپێ شیری د گەل دو کەچکێن ھنگڤینێ تێکھەل بکە، د دیمێ خوە و ستوویێ خوە بدە و پاشی ب ئاڤا بەفرێ بشۆ.
ئەڤرۆ نیوز:
ڤەکۆلینەکا نوو ھۆشداری دان کو ل دەمێ دوگیانیێ دەرمانێن تەناکەر دبنە ئەگەرێ پەیدابوونا ئۆتیزمێ ل نک زارۆیی و ھەروەسا کێمیا ھشیێ و بتایبەت ھەکە زارۆ کوڕ بیت.
ئەنامێن ۆ ڤەکۆلینێ وەسا ئاشکرا کر، بکارئینانا دەرمانێ پاراسیتۆل بەری دوگیانیێ دبیتە ئەگەرێ نەخۆشیا ئۆتیزمێ ل نک زارۆیێن کوڕ.
سەرپەرشتیارا ڤەکۆلینێ “کلودیا ئەڤیلا جارسیا” ڤەکۆلەرا بنگەھێ زانستێ نەخۆشیێن ڤەکر یێن ژینگەھێ ئاشکرا کر، دبیت مێشکێ زارۆیێ کوڕ پتر تووشی باندۆرێن ب زیان دبیت ل قۆناغا ئێکێ یا پشتی زارۆبوونێ، ئەنجامێن جودا د ناڤبەرا ھەردو رەگەزان دا ھەنە ئاماژێ ددە کو دبیت غوودا کەڕ ئەگەر بیت حەساسی بکەڤیتە مێکێ زارۆیێن کوڕ.
ژ ئالیەکێ دی ڤە، ئەو ژنا دوگیان یا پاراسیتۆلان دخۆت، مەترسیا تووشبوونا ب لڤینێن زێدە و کێم ھشیێ ل نک زارۆیان زێدە دکەت.
ئهڤرۆ نيوز:
سەرەرای مفایێن ساخلەمیێ د کریارا شووشتنا دەستان دا، پتریا خەلکی دەستێن خۆ ناشوون، ھەتا پشتی ژ دەستئاڤێ ژی ب دووماھی دھێن، لەورا ب درێژیا رۆژێ و ژ ژێدەرێن جودا جودا، وەکو چوونا دەستێن خەلکی و جھێن پیس و خوارنێ و ھەتا سەرەدەری ل گەل ئاژەلان ژی، میکروب دێ ل سەر دەستان کومڤە بن و ھەکە تو رۆژانە چەند جاران دەستێ، خۆ نەشووی دێ میکروبان بۆ لەشێ خۆ ڤەگوھێزی ئەوژی ب رێکا دەستکرنا چاڤان و دفنێ و گوھی، ھەروەسان دێ ڤەگوھێزیە خەلکەکێ دیتر ژی ب رێکا دەستکرنا وان، ھەتا دگەھیتە د کارئینانا ھەڤپشک یا دەستکێن دەرگەھان دا.
نەخۆشیێن گران ئەوێن ب رێکا دەستکرنێ دھێنە ڤەگوھاستن وەکو پەرسیڤ و ئەنفلاوەنزا و نەخوشیێن کوئەندامێ ھەرسکرنێ وەکو زکچوونێ، ھەکە مرۆڤ بشێت ژیانا خۆ ل گەل پەرسیڤی ببورینیت، ھەلبەت ئەنفلاوەنزا ژ وێ گرانترە و نەدوورە ببیتە جھێ مەترسیێ ل سەر لەشێ مرۆڤی، نەخوشیا ئەنفلاوەنزایێ ئەوا سھکولی دگەلدابیت، ئەگەرێ ھەشتێ یێ مرنا مرۆڤانە ل سەرانسەری جیھانێ، نەشووشتنا دەستان پشکداریێ د نەخوشیێن کو ژ ئەنجامێ ژەھراویبوونا خوارنێ پەیدادبن دکەت وەکو ئەو نەخوشیا بەکتری یا کو ژ ئەگەرێ بەکتریا سالمونێلا وای کولای پەیدادبیت، ل دووڤ راپورتێن سەنتەرێن کونترولکرن و نەھێلانا نەخوشیان دیاردبیت کو 76 ملیون ئەمریکی سالانە تووشی ژەھراویبوونا خوارنێ دبن و ژوانژی 5 ملیون کەس گیانێ خۆ ژدەست ددەن و یێن دیتر ژی بەرئاتافی ھندەک نیشانان دبن وەکو عێلنجی و دلرابوون و زکچوون کو گەلەک زیانێ ل رۆژانێن نەخوشیێن وان دکەن.
شووشتنا دروست یا دەستان پێک دھێت ژ ب کارئینانا ئاڤێ و سابوونێ یان پاقژکەرەکێ کحولی، یان ب کارئینانا کلینکسێن تەر کو ھەر چو نەبیت پیچەک جھێ ئاڤێ و سابوونێ بگرن بۆ پاقژکرنا دەستان، ھەروەسان ل ڤان سالێن دووماھیێ سابوونا دژی بەکتریا یا ھاتیە گۆرێ و ئەڤ جورێ سابوونێ گەلەک جوداھیا خۆ ل گەل سابوەونا نورمال نینە بۆ کوشتنا بەکتریایان و پتریا زانایێن ساخلەمیێ ل گەل وێ بۆچوونێ نە کو ب کارئینانا سابوونا دژی بەکتریا دبیتە ئەگەرێ دیاربوونا ھندەک بەکتریایێن بەرھنگار بۆ ڤی جورێ سابوونێ کو ل پاشەرۆژێ دێ کوشتنا وان میکروبان یا ب زەحمەت بیت، ب رەنگەکێ گشتی ب کارئینانا سابوونا تەقلیدی باشترە، ب کارئینانا سابوونێ چ ب دژی بەکتریا بیت یان نە، ھەکە ل گەل ئاڤێ بیت دێ کارکەت بۆ کوشتنا بوکتریایێن ب دەستی ڤە دمینن ب تەڤاڤی.
شووشتنا دەستان ب ئاڤێ و سابوونێ پێدڤیە ب رێکا تەرکرنا دەستان ب ئاڤەکا تێنشیر بیت و پاشی سابوونا شل بکە دناڤ دەستێن خۆ دا، یان ب رێکا پارچەیەکا پەرۆکی، دەستێن خو باش و بھێز بلڤینە بۆ دەمێ 15-20 چرکەیان، ھەموو ئالیێن دەستێن خۆ ھەتا پشتا وان دناڤ تلان و دبن نینوکان دا باش پاقژ بکە، ئاڤەکا باش ژی لێبکە و پاشی دەستێن خۆ ب خاولیەکا پاقژ یان ب کلینیکسا ھشک بکە، نەھێلە پشتی ھینگی دەستێن تە ب چ تشتان بکەڤن.
شیرەتا مەدڤێت بێژین ئەوە پێدڤیە ھەموو دەمان پشتی ژ دەستئاڤێ ب دووماھی دھێی، یان پشتی حەفازەیان ب گوھوری و پشتی دەستکرنا ئاژەلان و خوارنێ و بەری و پشتی ئامادەکرنا خوارنێ ب تایبەت پشتی سەرەدەری ل گەل گوشتی و مریشک و ماسیان، بەری دەست ب خوارنێ بکەی، پشتی دەستکرنا دفنێ و گوھان و پشتی بێھنژینێ و کوخکەکا دژوار، بەری و پشتی پتقژکرنا برین و شەخبوونان، بەری و پشتی دەستکرنا کەسەکێ نەساخ یان یێ بریندار، پشتی دەستکرنا سەبەتا گلێشی، بەری دانان و راکرنا عەدەسێن چاڤان، پشتی ب کارئینانا سەرشوویێن گشتی، تو باش دەستێن خۆ ب ئاڤێ و سابوونێ بشووی.
ئهڤرۆ نيوز:
وهزارهتا دارايى راگههاندنهك سهبارهت پاشخستنا مووچهى بهلاڤكريه و تێدا راگههانديه كو ئهو فهرمانبهرێن ژ ئهگهرێ خهلهتيێ زێده يان كێمتر ژ شايستێن دارايى بۆ هاتينه مهزاختن دڤێت موچێ وان بهێته رێكخستن.
ل دووڤ راگههاندنێ ئهو مووچهخورێن كێمتر مووچه وهرگرتين ل وان رێنمايێن بۆ پاشخستنا مووچهى هاتيه دان، دڤێت ئهو جوادهى ل گهل مووچێ ههيڤێن 6 و 7 بۆ بهێته خهرجكرن، ههروهسا ئهو مووچهخورێن ب شاشى ڤه مووچه و دهرمالێن زێده وهرگرتين، دڤێت ژێ بهێنه وهرگرتن.
سهبارهت پێشينا خانوبهران راگههانديه: دڤێت رێڤهبهرێن گشتى يێن بانكان كارێ پێدڤى ئهنجام بدهن ب مهرهما ڤهگهراندنا پشكا شايسته يا پێشينهيا خانووبهرێن هاولاتيان و ل دهمێ پێدڤي رێكارێن ياسايى و كارگێرى بهێنه ئهنجامدان ب مهرهما ڤهگهراندنا پشكا شايسته و ڤهگهراندنا مافێن بهنكێن تايبهتمهند.
ئەڤرۆ نیوز، نیوار محەمەد سەلیم:
دەلال کچا باژێرێ زاخۆ و سەرکەفتیا ئێکێ ل سەر ئاستێ پارێزگەها دهۆکێ قووناغا 9ێ ناڤنجی د دیدارەکێ دا بۆ ئەڤرۆ نیوز بەحس ل سەربورا خوە یا خواندنێ دکەت.
دەلال ئەحمەد جەمیل ئەحمەد قوتابیا قوتابخانا زەری یا بنەرەت بوو ل زاخۆ بۆ ئەڤرۆ نیوز دبێژیت: “رۆژانە من ئەرکێن خوە یێن قوتابخانێ بجهدئینان و ل رۆژێن ئەزموونان من پتر خوە ماندوو دکر”.
زێدەتر گۆت:”پشت بەستنا من یا خواندنێ ب تنێ ل سەر مامۆستایێن من بوو، خێزانا من ژی هاریکار بوون ل گەل من و من چ مامۆستایێن تایبەت ژی نەبوون، مامۆستایێن قوتابخانێ ژی گەل من گەلەک د هاریکارن”.
دەلالێ دا زانین ژی کو توڕێن جڤاکی ژی ب کار دئینیت بەلێ بۆ دەم و مەرەمێن دیارکری.
کچا زاخۆ دەستخۆشی ل قوتابیێن سەرکەفتی کر و گۆت: “یێن سەرنەکەفتی ژی بلا خوە بێ ئومێد نەکەن ب ئانەهیا خودێ ل خولا دویێ دێ سەرکەڤن”.
ل دۆر نهێنیا خوە یا خواندنێ گۆت: “دا کو قوتابی نمرێن بلند ب دەست خوە ڤە بینن، پێدڤیە رۆژانە و ب رەنگەکێ بەردەوام ب خوینن و تێ بگەهن، ل گەل ڤێ چەندێ ژی دڤێت باوەری ب خوە هەبیت”.
نيشاندان