ئه‌ڤرۆ نيوز:
رێڤه‌به‌ريا پۆليسێن فيدرالێن عيراقێ راگه‌هاند هێزێن وان ل بنگه‌هێن له‌شكرى يێن گه‌ياره ده‌ست ب پێشڤه‌چوونێ كريه به‌ر ب باشوورێ مووسل.
هێزێن پۆليسێن فيدرال و سۆپايێ عيراقێ هێزێن ئێكانه نه كو دچنه ناڤ باژێرێ مووسل، هه‌ر وه‌كو سه‌رۆك وه‌زيرێن عيراقێ حه‌يده‌ر عه‌بادى ل ده‌مێ راگه‌هاندنا ده‌سپێكرنا ئۆپه‌راسيۆنا مووسل راگه‌هاند ژبلى ڤان دو هێزان چو هێزێن دى ناچنه ناڤ باژێرێ مووسل.
ئه‌ڤرۆ نيوز:
جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو هه‌كه گۆڕان و كۆمه‌ل و ئێكگرتوو خوه ژ حوكمه‌تێ ڤه‌كێشن، حوكمه‌تا هه‌رێمێ ناهێته هه‌رفاندن.
ئامينا زكرى، جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ، د ديداره‌كێ دا بۆ ئاژانس د به‌رسڤا پرسياره‌كێ دا ل دۆر “هه‌كه گۆڕان و كۆمه‌ل و ئێكگرتوو خوه ڤه‌كێشن، دێ حوكمه‌ت هێته هه‌رفانندن؟” خۆيا دكه‌ت كو هه‌كه گۆڕان و كۆمه‌ل و ئێكگرتوو خوه ژ حوكمه‌تێ ڤه‌كێشن، حوكمه‌تا هه‌رێمێ ناهێته هه‌رفاندن.
زێده‌تر دبێژيت: “ب گۆره‌ى قانوونا ژماره سێ يا جڤاتا وه‌زيران هه‌كه پتريا وه‌زيران خوه ڤه‌كێشن، دێ بيته حوكمه‌تا كار ب رێكه‌ر، سه‌ره‌راى وێ چه‌ندێ ژى هه‌تا ئێكه‌تى ژى خوه ژ حوكمه‌تێ ڤه‌نه‌كێشيت ناهێته هه‌رفاندن.
ئه‌ڤرۆ نيوز:
وه‌زاره‌تا خواندنا بلند شه‌ش پۆست ل زانكۆيا دهۆك راگه‌هاندن و دياركريه كو خوازيار دڤێت سى ڤييێ خوه بۆ ڤى ئيميلى فرێكه‌ت jobs@mhe-krg.org.
پۆست ئه‌ڤه‌نه
1.ڕاگرێ کۆلێژا پزیشکى ددان
2.ڕاگرێ کۆلێژا دەرمانسازى
3.ڕاگرێ کۆلێژا زانستى تەندروستى
4.ڕاگرێ کۆلێژا کارگێرى و ئابوورى
5.ڕاگرێ کۆلێژا پەروەردا بنیات
6.ڕاگرێ کۆلێژى پەروەردە
مه‌رج ژى ئه‌ڤه‌نه:
1- ناسناڤێ وى يێ زانستى ژ پروفيسورێ هاريكار كێمتر نه‌بيت
2- خزمه‌تا وى يا زانكۆيێ ژ 10 سالان كێمتر نه‌بيت
دووماهى ژڤان ژى بۆ پێشكێشكرنا فورمان، 30/10/2016
بۆ پتر پێزانينان سه‌ره‌دانا ڤى لينكێ وه‌زاره‌تا خاندنا بلند بكه
ئه‌ڤرۆ نيوز:
وه‌زاره‌تا خواندنا بلند سێ پوستان ل زانكۆيا پوليته‌كنيك يا دهۆك رادگه‌هينيت، له‌وما داخواز كريه ئه‌وێن كو مه‌رج تێدا سيڤيێن خوه بۆ ڤى ئيميلى فرێكه‌ن jobs@mhe-krg.org
پۆست ئه‌ڤه‌نه:
1- ڕاگرێ کۆلێژا تەکنیکى ئەندازیارى دهۆک
2- ڕاگرێ کۆلێژا تەکنیکى کارگێرى دهۆك
3- ڕاگرێ پەیمانگه‌ها تەکنیکى کارگێرى دهۆک
مه‌رج ژى ئه‌ڤه‌نه:
1- ناسناڤێ وى يێ زانستى ژ پروفيسورێ هاريكار كێمتر نه‌بيت
2- خزمه‌تا وى يا زانكۆيێ ژ 10 سالان كێمتر نه‌بيت
دووماهى ژڤان ژى بۆ پێشكێشكرنا فورمان، 30/10/2016
بۆ پتر پێزانينان سه‌ره‌دانا لينكێ وه‌زاره‌تا خواندنا بلند بكه‌ن
ئه‌ڤرۆ نيوز:
فه‌رماندێ هێزێن دژه تيرۆرا عيراقێ داخوازێ ژ وه‌لاتيێن باژێرێ مووسل دكه‌ت كو ل مالێن خوه بمينن و باژێرى چول نه‌كه‌ن، ل ده‌مێ گه‌هشتنا هێزێن ئه‌منى بۆ ده‌وروبه‌رێن مووسل كو ئه‌ڤرۆ 17ى چريا ئێكێ ده‌سپێكريه.
عه‌بدولغه‌نى ئه‌سه‌دى، فه‌رماندێ هێزێن دژه تيرۆرێ د داخۆيانيه‌كا رۆژنامه‌ڤانى دا گۆت: “ل گه‌ل گه‌هشتنا هێزێن ئه‌منى بۆ ده‌وروبه‌رێن مووسل، دێ رێيێن پاراستى بۆ ده‌ربازكرنا وه‌لاتيان ڤه‌كه‌ين، هه‌ڤده‌م داخواز ژ وه‌لاتيێن باژێرى كر كو د روويێ پێزانيان دا هاريكاريا هێزێن ئه‌منى بكه‌ن”.
ئه‌ڤرۆ نيوز:
سەردار یەحیا عەبدولعەزیز، قائیمقامێ قەزا شێخان بۆ رۆژناما ئەڤرۆ دیار کر کو ل دووڤ وی بەرنامێ گەھاندنا ھاریکاریا بۆ ئاوارەیێن قەزا شێخان ب ھەڤکاری دگەل بوردێ مروڤایەتی ل دھۆکێ رێکخراوا “ئەی ئار سی “ھاریکاری یێن پارەیێ کاش بو 1600 خێزانێن ئاوارە دابین کرینە،
ناڤبری دیار کر کو ئەو ئاوارەیێن کرێدار یان نەخوش ھەر خێزانەک دێ 325 ھزار دیناران وەرگریت و ھەر سێ ھەیڤان جارەکێ دێ ئەڤ پارە بو وان ھێتە دابین کرن ب ئێک قوناغ ھەر خێزانەک وان سێ ھەیڤان دێ 975 ھزار دیناران وەرگریت .
ئه‌ڤرۆ نيوز:
وەزارەتا ساخلەمیا ھەرێما کوردستانێ پلانا خوە بۆ دەسپێکرنا شەڕێ مووسل دیارکر، پەیڤدارێ وەزارەتێ ژی دبێژیت، چەندین تیمێن ھەوارھاتنێ و نەخۆشخانێن گەڕۆک ھاتینە پێک ئینان، ھەروەسا دو فڕۆکەیێن وەزارەتا نافخۆیا ھەرێمێ دێ بۆ ڤەگوھاستنا پێشمەرگەیێن بریندار ھێنە بکارئینان.
د. خالس قادر، پەیڤدارێ وەزارەتا ساخلەمیا ھەرێما کوردستانێ بۆ ئەڤرۆ گۆت: ” وەزارەتا ساخلەمیێ بەرھەڤیێن تمام ژ لایێ ساخلەمیێ ڤە بۆ دەسپێکرنا شەڕێ مووسل کریە و تیمێن تایبەت ھاتینە پێکئینان ژ لایێ رێڤەبەریێن ساخلەمیێ ل پارێزگەھێن ھەولێر و دھۆک و سلێمانیێ ھژمارەکا ترۆمبێلێن ھەوار ھاتنێ ھاتینە بەرھەڤکرن و ل سەر بەرەیێن شەڕی ھاتینە بەلاڤکرن، چەند نەخۆشخانەیەکێن گەڕۆک ژی ھاتینە دامەزراندن ب ھەڤکاریا رێکخراوا ساخلەمیا جیھانێ و رێکخراوا کۆچبەران یا نێڤدەولەتی، ھەموو کەل و پەل و پێدڤیێن ساخلەمی بۆھاتینە دابینکرن”.
د. خالسی گۆتژی”ئەڤ نەخۆشخانە تنێ بۆ ھێزێن پێشمەرگەی نینە، بەلکۆ بۆ ئاوارەیێن شەڕێ مووسڵ ژی یێن بڕیارە بھێنە ھەرێما کوردستانێ، ل تیمێن ھەوار ھاتنێ و نەخۆشخانێن گەڕۆک بۆ شەڕێ مووسڵ نۆشدارێن بسپۆر و کارمەندێن تایبەت ب ھەوار چوونێ ھاتینە بەرھەڤکرن و دوو فڕۆکەیێن وەزارەتا نافخۆ ژی ھەنە و ددەمێ پێدڤی دێ پێشمەرگەیێن بریندار ڤەگوھێزێن بۆ نەخۆشخانێن ھەولێر و دھۆکێ”.
ئه‌ڤرۆ نيوز:
سەرۆکێ لقێ دھۆک یێ ئێکەتیا ھاوەردە و ھناردەکرنێ دیار کر کو ئازادکرنا مووسلێ دێ بیتە ئەگەرێ وێ چەندێ ب رێژا 70% بزاڤا بازرگانی ل دھۆکێ ب ھێز بکەڤیت و دەلیڤێن کاری پەیداببن، چونکی بەھرا پتریا بازرگانێن دھۆکێ کەرەستێن خوە د برنە مووسل و ل وێرێ بۆ پارێزگەھێن دی یێن عیراقێ ڤەدگوھاستن، بەلێ نوکە ھەموو راوەستیاینە و چاڤەرێ ئازادکرنا مووسلێ دکەن.
رێبەر ئیبراھیم، سەرۆکێ لقێ دھۆک یێ ئێکەتیا ھاوەردە و ھناردەکرنێ بۆ رۆژناما ئەڤرۆ ئاشکرا کر کو ب رێژا 90% بازرگانان کەرەستێن خوە ب رێیا پارێزگەھا نەینەوا بۆ پارێزگەھێن دی یێن عیراقێ ڤەدگۆھاستن، بەلێ پشتی رێکخراوا تیرۆرستی یا داعش مووسل داگیرکری ھەموو بارزگان راوەستاینە و لاوازی کەفتیە بزاڤا ئابووری و گۆت: “بازرگان یێ خوە بەرھەڤ دکەن دەمێ شەرێ ئازادکرنا مووسلێ دەست پێ بکەت جارەکا دی دەست بکاری خوە یێ بازرگانی بکەن و ب ڤێ چەندێ دەمێ مووسل رزگاردبیت دێ رەوشا بازرگانی گەلەک خۆرتر و بھێز بیت”.
ناڤھاتی ئاماژە دا وێ چەندێ کو نوکە کریا ڤەگۆھاستنێ سێ قات گران بوویە ل سەر بازرگانێن دھۆکێ و نەشێن کەرەستێن خوە بگەھینە بەغدا و پارێزگەھێن دی یێن عیراقێ و گۆت: “بتنێ پشت بەستنا بازرگانان یا لسەر بازارێ ناڤخوەیی مایی و بازرگان چاڤەرێ پرۆسیا ئازادکرنا مووسلێ دکە ن بۆ وێ چەندێ دەست بکارێ خوە یێ بازرگانیێ بکەن”.
نيشاندان