ئه‌ڤرۆ نیوز:
كه‌ریم سنجارى وه‌زیرێ ناڤخو یێ حوكمه‌تا هه‌رێما كوردستانێ راگه‌هاند پێشمه‌رگه‌ و هێزێن عیراقى 30 گوند ل ده‌ستێ داعش كۆنترۆل كرینه‌ و نوكه‌ ب تنێ پێنج كیلومه‌تران ل باژێرێ مووسل د دورن.
وه‌زیرێ ناڤخو ئاشكراكر ژى كو سێ رۆژان به‌رى نوكه‌ ئه‌بو به‌كر به‌غدادى ل ناڤ مووسل هاتینه‌ دیتن و سه‌را چه‌كدارێن داعش دایه‌.
سنجارى دیاركر كو ئه‌و د وێ باوه‌رێ دانه‌ كو ژمارا چه‌كدارێن داعش ل سه‌نته‌رێ باژێرێ مووسل د ناڤبه‌را چار بۆ هه‌شت هزار كه‌ساندایه‌.

ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ په‌یامه‌ك بۆ وه‌لاتیێن باژارێ كه‌ركوكێ هنارت و دیاركریه‌” ب هه‌ر بهایه‌كێ بیت كه‌ركوك دێ یا پاراستى بیت و ناكه‌ڤیته‌ ده‌ستێ دوژمنان”.
بارزانى دیاركریه‌” هه‌ر ل ده‌ستپێكێ من ب هوورى دووڤچوونا ره‌وشا كه‌ركوكێ دكر و ژماره‌كا به‌رپرسێن سه‌ربازى و ئێمناهیێ من راسپاردینه‌ كو له‌زێ د كۆنترۆلكرنا وێ ره‌وشێ دا بكه‌ن”.
سه‌رۆك بارزانى دیاركریه‌” ئه‌و هێرشه‌ بزاڤه‌كا بێ هیڤى یا تیرورستانه‌ بۆ قه‌ره‌بوویا شكه‌ستنێن وان ل به‌رامبه‌ر پێشمه‌رگه‌ ل به‌رۆكێن شه‌رى، ب پشته‌ڤانیا خه‌لكێ كه‌ركوكێ و هه‌موو گه‌لێ كوردستانێ و ب ئانه‌هیا خودێ، ب ئیراده‌یه‌كا بهێز دێ روو ب روو تیروستان بین و بزاڤێن وان شكێنین”.

ئه‌ڤرۆ نیوز:

کەریم سنجاری وەزیری ناوخۆی حکومەتی هەرێمی کوردستان، ئەمڕۆ ٢٢ تشرینی یەکەمی ٢٠١٦ ڕایگەیاند، پێشمەرگە و هێزە عێراقییەکان ٣٠ گوندیان لەدەستی داعش کۆنترۆڵکردووەتەوە، و لە ئێستادا تەنها ٥ کیلۆمەتر دوورن لە شاری موسڵەوە.

ئه‌ڤرۆ نيوز:

نه‌جمه‌دين كه‌ريم پارێزگارێ كه‌ركوكێ په‌سنا به‌ره‌ڤانيا هێزێن ئه‌منى كر كو ل باژێرێ كه‌ركوكێ دژى چه‌كدارێن داعش راوه‌ستيان و دياركر كو ئه‌و هێرشا ئه‌ڤرۆ داعش كريه‌ سه‌ر كه‌ركوك شكه‌ستن كه‌فتێ، ب هاريكاريا خه‌لكێ كه‌ركوك و هێزێن ئه‌منى و پێشمه‌رگه‌يێن قاره‌مان.

ئه‌ڤرۆ نيوز:

سەعد مەعن په‌يڤدارێ وه‌زاره‌تا ناڤخويا عيراقێ راگه‌هاند كو پوليسيێن كه‌ركوكێ و پێشمه‌رگه‌ى پێكڤه‌ شياينه‌ ره‌وشا كه‌ركوكێ كونترول بكه‌ن و زێده‌تر ژ 30 چه‌كدارێن داعش بكوژن.

ئه‌ڤرۆ نيوز:

جڤاتا پارێزگه‌ها كه‌ركوك  د بانگه‌وازه‌كێ داخواز ژ وه‌لاتيێن باژێرێ كه‌ركوكێ كريه‌ كو دوركه‌ڤن ل جهێن روى ب روى بوونێن شه‌رى و رێكێ ب هێزێن ئه‌منى بكه‌ن ب كارێ خوه‌ راببن.