ئه‌گه‌رێن ئاگربه‌ربوونا پانزينخانا بناڤێ 2 دياربوون

19/04/2017 15:34

2863

ئه‌ڤرۆ نيوز:

ل دووڤ راگەهاندنا بەرەڤانیا باژێرێ دهوکێ ئەڤرو ل دەم ژمێر 12:55 ريدانەكا ئاگرى ل پانزينخانا بناڤى 2 چێبويە و بنگەهێ مالتايێ ل جهێ ناڤبری ئامادەبويە ژبوكونترولكرنا ريدانێ و پاشان بنگەهێن نزاری و دهوکێ و گڕێ باسێ ل هەمان دەمدا ل جهێ ريدانێ ئامادەبون ژبو كونترولكرنا ريدانێ و هاتە كونتروڵ كرن و چ زيانين گيانى نەبون بتنێ زيانێن ماددينە.
ئه ڤ ئاگرە ژ ئەنجامێ ڤەگوهاستنا پانزينێ دناڤ بەرا دوو ترومبێلێن بارهەلگردا په‌يدابويە د دەمێ ڤەگوهاستنا پانزينێ دناڤ بەرا هەردوو ترومبێلادا
ترومبێلا مارسيدس سكس ويل بتمامی هاتە سوتن وترومبێلا بارهەلگر ژجورێ ئاتيكو هاتە قولتاركرن ژلايێ كارمەندێن بەرەڤانیا باژێری ڤە.

ئاكو محه‌مه‌د سوبه‌ ل دهۆكێ يه‌

19/04/2017 15:13

718

ئه‌ڤرۆ نيوز:

ل ژێر چاڤدێريا، پ. د. عدنان محسن عبدالعزیز، سه‌رۆكێ زانكۆيا پۆليته‌كنيك يا دهۆك و ب هەلکەفتا ١١٩سالیا رۆژنامەڤانیا کوردى، راگەهاندنا زانکۆیا پۆلیتەکنیک یا دهۆک دێ پەنەلەکێ ل ژێر ناڤ ونیشانێ (هەلسەنگاندنەک بۆ میدیا کوردى) ب بەرهەڤبوونا کەسانێن خودان ئەزموون د بیاڤێ میدیا کوردى دا ساز کەت.
ئه‌ڤ په‌نه‌له‌ دێ ل ده‌مژمێر 9 و نيڤێ سپێدێ يا رۆژا 5 شه‌مبى 20/4/2017 ل هولا سه‌رۆكاتيا زانكۆيا پوليته‌كنيك( به‌رامبه‌ر سوپه‌رماركێتا مازى و دريم ستى) هێته‌ سازكرن.

وێنه‌: ب ئێك له‌هى رێيا دهۆك – چه‌مه‌ وێران بوو

19/04/2017 12:23

961

ئه‌ڤرۆ نيوز:

رێيا رووڤيا رووڤيا چه‌مه‌ – هه‌ولێر كو ب رێيا به‌ديل بۆ رێيا به‌رده‌ره‌ش – هه‌ولێر دهاته‌ زانين ب ئێك له‌هى ئه‌ڤه‌ بۆ ماوێ حه‌فتيه‌كێ يه‌ ژ كار كه‌فتى يه‌ و هاتن و چوون تێدا ناهێته‌ كرن.

فوتو: حازم گۆران

ئەڤرۆ جەژنا چارشەمبوویا سۆرە

19/04/2017 09:00

214

ئەڤرۆ نیوز، کاروان باعەدری:
د ڤێ چارشەمبوویێ دا ل 19ی نیسانا 2017ێ جەژنا چارشەمبوویا سۆر یا کوردێن ئێزدی یە و بێھنڤەدانە ل سەرجەم دامودەزگەھێن میری ل ھەرێما کوردستانێ.
ل گوری فەلسەفا و میتۆلۆژیا ئێزدیان جەژنا سەرێ سالێ کەڤنترین و پیرۆزترین جەژنا ئێزدیانە، کەڤناتیا ڤێ جەژنێ د زڤریتە دەستپێکا ئافراندنا گەردونی کو دکەڤیتە د چارشەمبووا ئێکێ ژ مەھا نیسانا رۆژھەلاتی و دەستپێکا سالا نوو یا ئێزدیا و ب چارشەمبوویا سۆر یا ناڤدارە.

ل گۆری ھزر و بیروباوەر میتۆلۆژیا ئێزدیان ھندەک پیرۆزی و ھێما د ڤێ جەژنێ دا ھەنە کو ئەڤەنە:
– ھێک ژێدەرێ پەیدابوونا مرۆڤ و گیانەوەرایە.
– ھێک ھێمایە بۆ وێ رۆژا خودایێ مەزن ئەڤ گەردونە ئافراندی و رەنگکرنا ھێکێ ب خەملاندنا گەردۆنێ و شکەستنا ھێکێ رامانا ڤێ چەندی دگەھینیت.
– کەلاندنا ھێکێ ب رامانا مەیاندن ئانکو جەبراندنا ئەردی دگەھینیت.
– ھەلاویستنا کولیکلێن نیسانێ ب دەرگەھێن مالان ڤە رامانا ھاتنا وەرزێ بھارێ دگەھینیت و سالا نوو و دەربڕین ژ کەیفخۆەشیێ دگەھینیت.

فیستیڤالا پەیمانگەھا تەکنیکی دهوك یا تايبه ت هاته گێڕان

18/04/2017 23:49

327

ئەڤرۆ نيوز، رێوار مزیری:

لژێر چاڤدێریا (فەرھاد ئەمین ئەترووشی) پارێزگەرێ دھۆکێ پەیمانگەھا تەکنیکی دھۆک یا تایبەت فیستیڤالا خوە یا ئێکێ یا رۆژا پەیمانگەھێ ل ژێر درووشمێ (قوتابی بنیاتنەرێ پاشەرۆژەکا ھەڤچەرخە) ل رۆژا ١٨/٤/٢٠١٧ێ ل دەمژمێر ١١ی بەری نیڤرۆ ل ئاڤاھیێ پەیمانگەھێ ل دھۆکێ گێرا.

ترۆمبێلێ ژنه‌ك و زارۆيه‌ك كوشتن و ته‌رمێن وان نه‌هاتينه‌ نياسين

18/04/2017 22:12

2245

ئه‌ڤرۆ نيوز، بارزان مزوورى:

به‌رى ده‌مه‌كێ كێم ل سه‌ر جادا بارزان نێزيكى قايمقاميا قه‌زا دهۆكێ ترۆمبێله‌كێ ل ژنه‌ك و زارۆيێ وێ دا و هه‌ردويان د جهـ دا گيانێ خوه‌ ژ ده‌ست دا.

هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “به‌رى ده‌مه‌كێ كێم ل سه‌ر جادا بارزان نێزيكى قايمقاميا قه‌زا دهۆكێ ترۆمبێله‌كێ ل ژن و زارۆيه‌كى دا و گيانێ خوه‌ ژ ده‌ست دا و بۆ نوشداريا داد ل دهۆكێ هاتنه‌ ره‌وانه‌ كرن”.

زێده‌تر گۆت: “هێشتا ناڤێن وان نه‌هاتينه‌ ئاشكه‌را كرن، ژ به‌ر هندێ ژى هيڤى ژ هه‌موو كه‌سان دكه‌ين د هاريكار بن بۆ به‌لاڤكرنا ڤى بابه‌تى دا كو خودان لێ ديار ببن”.

ب وێنه‌: رێوره‌سمێن شه‌ڤا جه‌ژنا چارشه‌مبوويا سۆر ل لالش

18/04/2017 21:59

235

ئه‌ڤرۆ نيوز، بارزان مزوورى:

رێوره‌سمێن جه‌ژنا چارشه‌مبیا سور ل په‌رستگه‌ها لالش هه‌لكرنا 366 چرایین ئاگرى كو دبیته‌ گرنگترین رێوره‌سمێن جه‌ژنا چارشه‌مبیا سور.

پارێزگه‌رێ‌ دهۆكێ‌ هاته‌ ده‌نگ

18/04/2017 19:09

895

ئه‌ڤرۆ نيوز:

پشتی رویدانا ده‌ست برینا (سه‌نا) یا زاروك به‌لاڤبوی ، ئه‌ڤرو ئێڤاری 18-4-20177 فه‌رهاد ئه‌مین ئه‌تروشی پارێزگه‌رێ‌ دهوكێ‌ وب ئاماده‌بونا به‌رێز(د.نزار عسمه‌ت ) رێڤه‌به‌رێ‌ گشتی یێ‌ ساخله‌میێ‌ ل پارێزگه‌هێ‌ كونگره‌كێ‌ روژنامه‌ڤانی ئه‌نجامدا.
لبه‌راهیێ‌ پارێزگه‌رێ‌ دهوكێ‌ گوت: مه‌ وه‌كو كارگێریا پارێزگه‌ها دهوكێ‌ دوهی 17-4-2017 سه‌ره‌دانا سه‌نایا زاروك كریه‌ وژنێزیك هایداری ره‌وشا وێ‌ بوینه‌ ئه‌و رویدانا چێبوی بو مه‌ تشته‌كی زور نه‌خوشبویه‌ ومه‌ ب ده‌یك وبابێن وێ‌ را راگه‌هاندیه‌ كو ئه‌ڤ كارێ‌ چێبوی ئه‌م ژكه‌سه‌كی قه‌بول ناكه‌ین ومه‌ وه‌كو پارێزگه‌ها دهوكێ‌ پێرابونێن خو یێن كارگێری ویاسایی وه‌رگرتینه‌ وهه‌ر پشته‌ڤانییه‌كا پێدڤی بكه‌ت دێ‌ بو سه‌نایا زاروك یا غه‌در لێ‌ هاتیه‌ كرن ئه‌نجامده‌ین.
هه‌روه‌سا گوت: ئه‌ڤه‌ دوو روژه‌ مه‌ كار لسه‌ر ڤێ‌ كه‌یسێ‌ ل ئاكرێ‌ ودهوكێ‌ كریه‌ و دویڤ چون دهێته‌ كرن ومه‌ فشاره‌كا مه‌زن ئێخستیه‌ سه‌ر سازیێن په‌یوه‌ندیدار و دوو كه‌س هاتینه‌ گرتن وهنده‌كێن دیژی هاتینه‌ بن چاڤكرن وئه‌م دێ‌ هه‌موو پێرابونێن كارگێری ویاسایی به‌رامبه‌ر وان كه‌سا وه‌رگرین یێن خه‌مساری دڤێ‌ كه‌یسێ‌ دا كری هه‌روه‌سا ته‌كه‌زكر كو ژئه‌ڤرو وێڤه‌ ئه‌م دوو دل نابین وهه‌موو پێرابون دێ‌ هێنه‌ وه‌رگرتن به‌رامبه‌ر هه‌ر كه‌سه‌كێ‌ خه‌له‌تیان بكه‌ت ودڤێت یاسا سه‌روه‌ربیت بو هه‌ر كه‌یسه‌كێ‌.
ژلایێ‌ خوڤه‌ رێڤه‌به‌رێ‌ گشتی یێ‌ ساخله‌میا پارێزگه‌ها دهوكێ‌ رونكرن دانه‌ سه‌ر رودانا كه‌یسا سه‌نایا زاروك هه‌ر ژده‌ستپێكێ‌ وهه‌تا لیژنا نوشداریا تایبه‌تمه‌ند بریار دای كو ده‌ستێ‌ وێ‌ بهێته‌ برین وته‌كه‌زكر كو رێڤه‌به‌ریا گشتی یا ساخله‌میێ‌ هه‌موو پێرابونێن كارگێری ویاسایی ئه‌نجامداینه‌ هه‌مبه‌ر دویڤ چونا رودانێ‌ وكه‌یسا سه‌نا یا زاروك.

دو ساله‌ حه‌ز ژێ دكه‌م و نه‌ڤێت شوو كه‌ت

18/04/2017 16:13

1301

ئه‌ڤرۆ نيوز:
گەنجەکێ 28 سالی دلێ خوە بۆ ئەڤرۆ ڤەدکەت و دبێژیت: ئەڤە بۆ ماوێ دو سالایە دلێ من کەفتیە کچەکێ کو مرۆڤا مەیە ژیێ وێ 27 سالە، من دو جارا گۆتیێ گەر ب دلێ تە بیت دێ ھێم تە خوازم، لێ ئەو رازی نابیت نەکو ئەز نەڤێم لێ دبێژیت: ئەز شوو ناکەم و شوو کرن د سەرێ مندا نینە، چەندین کەسا بۆ خوە خواستیە لێ ئەو ب چ رێکا رازی نابیت، و من ژی گەلەک پێکول کرن ھەتا من ژمارا وێ ب دەست خوۆڤە ئینای و من یا دلێ خوە ھەموو بۆ گۆت لێ ئەو ھەر رازی نەبۆ، بۆ زانین ھەتا نھا چ کچ وەکی ڤێ کچێ نەکەفتینە دلێ من، نزانم چاوا و ب رێک دێ رازی بیت و چ ئەگەر ژبلی ئەوێ من گۆتی دیار نە کرینە کا بۆچی رازی نابیت، بەس گۆت ئەز حەز ناکەم کەس ڤان سحبەتا ل گەل من ڤەکەت ژبەرکو من نەڤێت شوو بکەم ئەڤجا ھوون چ دبێژن و ئەز چ بکەم؟

گەنجێ ھێژا:
دیارە کو ئەڤ کچە یا شیای کارتێکرنێ ل سەر تە بکەت, تە دو جارا گوتیێ لێ مفا بۆ خوە ژ ڤێ دەلیڤێ نە وەرگرتیە و پێنگاڤا دوێ بھاڤێژە ئەو ژی بلا کەس وکارێن تە بچن و ب فەرمی بخوازن ژ دایک و بابێن وێ بەلکی رازی ببیت, یان دایک و باب بشێن ھندەک گڤاشتنێ ل سەر بکەن و ھەکە ھەر رازی نەبوو ئەڤە مافێ وێ یە و مرۆڤ نەشێت ب خورتی ئێکێ بخوە بینیت و ھەتا ھەکە بینیت ژی ھەکە ب زوری بیت و نە ب دلێ وێ بیت مرۆڤ خوشیێ ل گەل ئێک نابەت.

بەرسڤدان، ڤەکولەرێ جڤاکی: عەبدولجەبار عەبدولرەحمان

په‌يجێ دلێ خوه‌ ڤه‌كه‌ ل سه‌ر تۆڕا جڤاكيا فه‌يسبۆكى