ئه‌ڤرۆ نيوز:
عه‌بدولوه‌هاب محه‌مه‌د سه‌رۆكێ يانا زاخۆ يا وه‌رزشى دوورخستنا راهێنه‌رێ خوه يێ عه‌ره‌ب عيسام حه‌مه‌دى ل خۆلا نايابا عيراقێ راگه‌هاند و دا زانين كو بۆ جهێ وى ئه‌و دێ راهێنه‌ره‌كێ روومانى ب ناڤێ ماريان كوچيرۆنى داننه جهێ وى.
ئه‌ڤ راهێنه‌رێ عه‌ره‌ب ب تنێ بۆ دوو ياريان ما ل سه‌ر ئه‌ركێ راهێنه‌ريا تيمى و پشتى دو ياريان كو تێدا ئێكێ وه‌كهه‌ڤ بووين و يا دژى خوساره‌ت، به‌لێ سه‌رۆكێ يانێ جه‌ماوه‌رى پشت راست دكه‌ت و دبێژيت: “دێ پتر تيمێ به‌رهه‌ڤ كه‌ين و رێك ئێخين”.
ئه‌ڤرۆ نيوز:
ل پارێزگه‌ها دهۆكێ و هه‌ولێر و ب ئاماده‌بوونا هه‌ر ئێك ژ فه‌رهاد ئه‌مين پارێزگارێ دهۆك و پشتيوان سادق وه‌زيرێ په‌روه‌ردێ زه‌نگا سالا نوو لێدا و ده‌واما فه‌رمى يا قوتابخانان ل سه‌ر ئاستێ په‌روه‌ردێ ده‌سپێكر و ل پارێزگه‌ها سلێمانيێ و هه‌له‌بچه و ئيدارا راپه‌رين ژى ده‌رگه‌هێن قوتابخانان داخستن.
د په‌يڤه‌كێ دا ل قوتابخانا رێزان، پارێزگارێ دهۆكێ راگه‌هاند كو نابيت ب چو ره‌نگه‌كى مامۆستا و قوتابخانه وه‌كو ئامرازه‌كێ سياسى بهێنه بكارئينان و ئه‌ڤ كاره غه‌دره‌كا مه‌زنه.
فه‌رهاد ئه‌مين ده‌ستخۆشى ل مامۆستا و قوتابيێن په‌روه‌ردا دهۆك كر كو د ره‌وشه‌كا وه‌سا يا ب زه‌حمه‌ت دا ل پارێزگه‌ها دهۆكێ ئه‌و شياين ده‌رگه‌هێن قوتابخانان ڤه‌كه‌ن و به‌رده‌واميێ بده‌نه خواندنا خوه.
ئه‌ڤه د ده‌مه‌كى دايه كو ل پتريا قوتابخانێن پارێزگه‌ها سلێمانيێ و هه‌له‌بچه و ئيدارا راپه‌رين ده‌رگه‌هێ قوتابخانان يێ هاتيه گرتن ژ به‌ر بايكوتكرنا ده‌وامێ ژ لايێ مامۆستايان ڤه.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 29ى ئيلۆنا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1300 |
| 1 يۆرۆيێ ئه‌ورۆپى | 1450 |
| 1 ليرێ توركى | 430 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
نڤيسينگه‌ها سه‌رۆك وه‌زيرێن عيراقێ حه‌يده‌ر عه‌بادى ئه‌ڤرۆ رۆژا پێنجشه‌مبى راگه‌هاند كو شاندێ هه‌رێما كوردستانێ ب سه‌رۆكاتيا مه‌سعود بارزانى سه‌رۆكێ هه‌رێما كوردستانێ ل گه‌ل حه‌يده‌ر عه‌بادى دانوستاندن ل سه‌ر رزگاركرنا مووسل و بابه‌تێ ئاواران كر و پاشان ژى هه‌ردو يێن چووينه د كۆمبوونه‌كا دوقولى يا گرتى دا.
ئه‌ڤرۆ نيوز، فاتما مزوورى:
د پێنگاڤه‌كا نوو دا، كۆمپانيا جيهانى گۆگل خزمه‌تا “گۆگل گۆ” ب ره‌نگه‌كێ ده‌مكى ل وه‌لاتێ هندستانێ خسته كار و دێ چاڤه‌رێ كارڤه‌دانانێن وێ خزمه‌تێ كه‌ت.
هه‌ر چه‌نده هێشتا ب ره‌نگه‌كێ فه‌رمى ل هه‌موو جيهانێ نه‌هاتيه به‌لاڤكرن، به‌لێ هه‌ر وه‌كو كۆمپانيا ناڤبرى راگه‌هاند كو مه‌ره‌م ژ ڤێ خزمه‌تێ ئه‌وه يوتيۆب بۆ وه‌لاتێن بێ ئه‌نترنێت يان ئه‌نترنێته‌كا لاواز هه‌ين، مفاى ژ گرته‌يێن يوتيۆبى وه‌رگرن.
پێشتر ژى كۆمپانيا يوتيۆب راگه‌هاند بوو كو ئه‌و دێ پێگه‌هه‌كێ جڤاكى ل خوه زێده كه‌ن، دبيت ئه‌ڤه ژى ئێك بيت ژ وان بزاڤێن وان دا كو ب ره‌نگه‌كێ باشتر ره‌نگڤه‌دانا وى پێگه‌هێ جڤاكى د ناڤ وه‌لاتيان دا بهێته كرن ب تايبه‌ت كو پشتى سيسته‌مێ فرى به‌يسك ژ لايێ كۆمپانيا فه‌يسبۆكى و ئه‌نترنێت دوت ئورگ ڤه هاتيه راگه‌هاندن.
ئه‌ڤرۆ نيوز، فاتما مزوورى:
عايشا تۆڕان ئه‌وا ب ناڤێ ئادار د زنجيرا توركى دا گۆلا ره‌ش دهاته نياسين ب ستايله‌كێ نوو ده‌ركه‌فت و ژ ئه‌نجامێ ڤێ چه‌ندێ ژى ره‌خنه‌كا مه‌زن لێ هاته گرتن.
عايشايێ ب نه‌چارى ژ به‌ر رۆلێ خوه يێ نوو ستايلێ خوه گوهارتيه ب مه‌ره‌ما پشكداريكرن د زنجيره‌كا توركى يا نوو دا و چه‌ند وێنه‌كێن خوه يێن نوو ل تۆڕا جڤاكى يا ئينستگرامى به‌لاڤكرينه.
به‌لاڤكرنا ڤان وێنان ب ڤى ره‌نگى عايشا تووشى ره‌خنه‌كا مه‌زن كر ژ به‌ر ستايلێ وێ يێ جوان د ماوێ چار سالێن بۆرى دا د درامايا گۆلا ره‌ش دا.
ئه‌ڤرۆ نيوز:
مەسعود بارزانی سەرۆکێ ھەرێما کوردستانێ ب سەرۆکاتیا شاندەکێ بلند گەھشتە بەغدا و بڕياره ل گەل حەیدەر عەبادی کۆم ببیت.
شاندێ هه‌رێما كوردستانێ دێ كۆمبوونه‌كێ ل گه‌ل حه‌يده‌ر عه‌بادى سه‌رۆك وه‌زيرێن عيراقێ ئه‌نجام ده‌ن و پاشان ژى سه‌رۆكێ هه‌رێما كوردستانێ و حه‌يده‌ر عه‌بادى كۆمبوونه‌كا دوقولى ئه‌نجام ده‌ن.
پاشان ژى ل سه‌ر ته‌شريفا سه‌رۆك بارزانى، حه‌يده‌ر عه‌بادى دێ نانخوارنه‌كا نيڤرۆ ئاماده كه‌ت و بڕياره پتريا لايه‌نێن سياسى ئاماده‌ى وێ نانخوارنێ ببن. پاشان ژى بڕياره حه‌يده‌ر عه‌بادى و مه‌سعود بارزانى داخۆيانيێن رۆژنامه‌ڤانى وه‌كو پرێس كۆنفرانس بێ پرسيارێن رۆژنامه‌ڤانان ئه‌نجام بده‌ن.
هه‌ر ديسان شاندێ هه‌رێما كوردستانێ دێ ل گه‌ل حزبا ده‌عوه ژى كۆم بيت و حه‌يده‌ر عه‌بادى دێ سه‌رۆكاتيا حزبا ده‌عوه د وێ كۆمبوونێ دا كه‌ت.
د په‌راوێزا كۆمبوونێن خوه دا، شاندێ هه‌رێما كوردستانێ دێ ل گه‌ل فه‌رماندێن له‌شكرى يێن حوكمه‌تا عيراقێ ژى كۆم بيت و تێدا به‌حس ل پلانا رزگاركرنا مووسل كه‌ن.
هه‌ر د به‌رنامێ شاندێ كوردستانى دايه ل گه‌ل هه‌ر ئێك ژ ته‌ڤگه‌را سه‌در و ئه‌ياد عه‌لاوى ژى كۆم ببن و دبيت سالح موتله‌گ ژى ببينن.
پاشان ژى شاندێ هه‌رێمێ دێ ل گه‌ل عه‌مار حه‌كيم سه‌رۆكێ ته‌ڤگه‌را شيعان كۆم بيت يێ ڤێ دووماهيێ ئه‌ڤ پۆسته وه‌رگرتى و بڕياره لايه‌نێن شيعى ئاماده‌ى ڤێ كۆمبوونێ ببن و پاشان ژى شيڤخوارن دێ ژ لايێ عه‌مار حه‌كيم ڤه هێته دانان ل سه‌ر ته‌شريفا سه‌رۆك بارزانى و پاشان ژى كۆنگره‌كێ رۆژنامه‌ڤانى گرێده‌ن.
د ڤان هه‌موو كۆمبوونان دا دێ به‌حس ل شه‌رێ دژى داعش و كۆنترۆلكرنا مووسل هێته كرن و ديسا بابه‌تێ ئابووريا په‌ترۆلێ و بودجێ ژى دێ ئه‌جنيدايێن كۆمبوونێ بن ل گه‌ل په‌يوه‌نديێن هه‌رێما كوردستانێ و ده‌وله‌تا عيراقێ و هه‌ر وه‌كو نڤيسينگه‌ها كوسره‌ت ره‌سۆل ژى راگه‌هاندى: “ئه‌وله‌ويه‌تا سه‌ره‌دانێ دێ به‌حس ل مافێ چاره‌نڤيسێ خوه كه‌ين”.
شاندێ هه‌رێما كوردستانێ پێكهاتيه ژ هه‌ر ئێك ژ مه‌سعود بارزانى سه‌رۆكێ هه‌رێما كوردستانێ و كوسره‌ت ره‌سۆل جێگرێ سه‌رۆكێ هه‌رێما كوردستانێ و فوئاد حسێن سه‌رۆكێ ديوانا هه‌رێما كوردستانێ و ئازاد به‌روارى و د. رۆژ نورى شاويس ئه‌ندامێن مه‌كته‌با سياسى يا پارتى ديموكراتى كوردستان و سه‌لاحه‌دين محه‌مه‌د بهائه‌دين ئه‌ميندارێ گشتيێ ئێكگرتوو و حه‌مه‌يێ حاجى مه‌حمود سكرتێرێ حزبا سويشالست ديموكراتى كوردستان و مه‌لا به‌ختيار ئه‌ندامێ ده‌سته‌يا كارگێرى يا ئێكه‌تى نشتيمانى كوردستان و شێخ جه‌عفه‌ر ئه‌ندامێ مه‌كته‌با سياسى يا ئێكه‌تى نشتميانى كوردستان و فه‌رماندێ يه‌كا 70ێ يا پێشمه‌رگێ كوردستانێ.
ئه‌ڤرۆ نيوز:
ھونەرمەند دلبەر جزیری بۆ ئەڤرۆ دیارکر، ئەڤە دەمەکە ئەو مژوولی چێکرنا کلیپەکا نوویە، ب ناڤێ (خائین دھێن) ئەڤ کلیپە ل وەلاتێن تورکیا و ئەلمانیا و فرەنسا ھاتیە چێکرن، و ل دەمەکێ نێزیک دێ ب دووماھی ھێت کو ژلایێ کۆمپانیا (تیکۆ) ڤە دھێتە چێکرن.
ناڤەرۆکا کلیپێ ل دۆر وان کەسانە ئەڤێن دبێژن بلا ژن بەس بۆ زەلامان بژین، “ب دیتنا من ئەڤە جارا ئێکێ یە کلیپەکا ب ڤی شێوەی دھێتە چێکرن”.
دلبه‌رێ گۆتژى: “ھەر چەندە پەیڤێن سترانێ دگرانن، لێ من بزاڤا کری ژ کەڤلۆژانکێ کوردەواری نەدەرکەڤم، و پتریا دیمەن و ستایلێ کلیپێ ب کلتورێ کوردی ڤە گرێدایە، ھەردەم ئەز بزاڤێ دکەم مۆزیکا نوو بکەمە د ناڤ کلتۆرێ کوردی دا”.
نيشاندان
