ئه‌ڤرۆ نیوز:
حكومه‌تا توركیا بداویئینانا ئۆپه‌راسیۆنا مه‌رتالا فراتی ل باكۆرێ سووریێ ب فه‌رمی راگه‌هاند.
له‌شكه‌رێ توركیا راگه‌هاند: ئۆپه‌راسیۆنا مه‌رتالا فراتی یا له‌شكه‌رێ توركیا و سوپایێ ئازادێ سووریێ ل باكۆرێ سووریێ بسه‌ركه‌فتییانه بداوی هات.
توركیا ل24ێ ته‌باخا 2016 ده‌ستوه‌ردانا له‌شكه‌ری ل بن ناڤێ مه‌رتالا فراتی ل سووریێ كر بۆ دو مه‌ره‌مێن سه‌ره‌كی ئه‌و ژی: دوورخستنا داعشێ ژ سنۆرێ خوه و رێگرتنێ ژ گه‌هشتنا كانتۆنێن كۆبانێ و عه‌فرینێ ل رۆژئاڤایێ كوردستانێ، د هه‌ردو مه‌ره‌مان دا سه‌ركه‌فت لێ نه‌شییا به‌ر ب ره‌قه‌یێ ڤه پێشڤه‌بچیت و سوپایێ رژێما سوورێ رێ لێ گرت، هه‌روه‌سا نه‌شیا بچیته منبجێ ژی هه‌ردو وه‌لاتێن ئه‌مریكا و رۆسیا رێ لێ گرت.
ئه‌ردۆگانی گه‌فا كۆنترۆلكرنا ره‌قه و منبجێ كربوون لێ ئۆپه‌راسیۆن بداویئینا بێی بگه‌هیته وان ئارمانجان.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
توركیا: كاركرن د گه‌ل گرۆپێن نێزیكی په‌یه‌دێ ئارامیێ بۆ ئیراق و سووریێ نائینیت
ئه‌ڤرۆ نیوز:
سه‌رۆككۆمارێ توركیا، ره‌جه‌ب ته‌یب ئه‌ردۆگانی سه‌ركێشییا كۆمبوونه‌كا جڤاتا ئاساییشا توركیا كر وچه‌ندین مژارێن گرێدایی ده‌ڤه‌رێ به‌حس كرن.
ئه‌ردۆگانی و جڤاتا ئاساییشا توركیا خویا كر: كاركرن و بگارئینانت په‌یه‌دێ و گرۆپێن نێزیكی وێ ئارامیێ بۆ ئیراق و سووریێ نائینیت.
هه‌روه‌سا هاته راگه‌هاندن كو ئۆپه‌راسیۆنا مه‌رتالا فراتی ل باكۆرێ سووریێ ئه‌نجامێن باش خواستی بده‌ستڤه‌ئیناینه.
ڤیدیۆ.. ل ده‌مێ گۆتارا عه‌بادی دا جه‌عفه‌ری تشته‌كێ سه‌رنجراكێش كر
ئه‌ڤرۆ نیوز:
ئه‌ڤرۆ سه‌رۆكوه‌زیرێن ئیراقێ، حه‌یده‌ر عه‌بادی گۆتارا ئیراقێ د گۆپیتكا كۆمكارا عه‌ره‌بی دا پێشكێش كر و خواست وه‌لاتێن عه‌ره‌بی هه‌لوه‌سته‌كێ ئێكگرتی دژی بنپێكرنا سه‌روه‌رییا ئاخا ئیراقێ هه‌بیت.
تشتێ سه‌رنجراكێش نه عه‌بادی بوو به‌لكو وه‌زیرێ ده‌رڤه یێ ئیراقێ ئیبراهیم جه‌عفه‌ری بوو و دیاربوو كو یێ به‌نیشتی جویدده‌ت، د ده‌مه‌كی دا ژی بێ گرنگی دان ب گۆتنێن عه‌بادی یان كامیره و جهێ كۆمبوونێ دا، ده‌ست دا دفنا خوه و لڤینێن وه‌سا دكرن كو نیشان ددا گێولێ وی ل ئاخفتنا عه‌بادی ناده‌ت.
ره‌وشا زێر و زيڤى ل بازارێن زێرنگران
دۆلار ئه‌ڤرۆ ب چه‌ندێ بوو؟
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 29ى ئادارا 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1260 |
| 1 يۆرۆيێ ئه‌ورۆپى | 1360 |
| 1 ليرێ توركى | 345 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
هه‌لويستێ توركيا ل سه‌ر بلندكرنا ئالايێ كوردستانێ ل كه‌ركووك
ئه‌ڤرۆ نيوز:
وه‌زاره‌تا ده‌رڤه يا توركيا دژاتيا خوه به‌رامبه‌ر بڕيارا جڤاتا پارێزگه‌ها كه‌ركووك بۆ بلندكرنا ئالايێ كوردستانێ ل داموده‌زگه‌هێن حكۆمى يێن پارێزگه‌ها كه‌ركووك ده‌ربڕى.
وه‌زاره‌تا ده‌رڤه يا توركيا د روونكرنه‌كێ دا راگه‌هاند: بلندكرنا ئالايێ ئيدارا هه‌رێما كوردستانا عيراقێ ل گه‌ل ئالايێ عيراقێ ب ره‌نگه‌كێ فه‌رمى ل داموده‌زگه‌هێن فه‌رمى ل كه‌ركووك جهێ قه‌بوولكرنێ نينه و د دلگرانين.
ل ئامێديێ ئه‌مپێر بۆ 9 هزار و 500 دينار و دێ هه‌ر وه‌كو خوه هێته هه‌لكرن
ئه‌ڤرۆ نيوز، مەحمود نھێلی:
بەرپرسێ لژنەیا موەلیدەیان ل ئامێدیێ بۆ ئەڤرۆ نيوز دیارکر، کو بھایێ کارەبا موەلیدەیا بۆ ھەر ئەمپیرەکی ل سەرانسەرێ قەزا ئامێدیێ 9 ھزار و 500 دینارن.
ئەندازیار ھەکار ئامێدی بەرپرسێ لژنەیا موەلیدەیان ل ئامێدیێ بۆ ئەڤرۆ نیوز دیار کر، کو د کومبوونەکی بۆ ئەڤرۆ دیار کر ، د کومبوونا لژنەیا موەلیدەیان ل دھوکی بریار ھاتە دان کو بۆ ھەیڤا ئادارێ یا ئەڤ سالە بۆ ھەر ئەمپیرەکی کارەبا موەلیدەیان دێ 9 ھزار و 500 دینار ژ ھاولاتیان ھێنە وەرگرتن، و گۆت؛ بەرنامەیا کارکرنا موەلیدەیان ژی بۆ ھەیڤا نيسانێ دێ ھەر وەکو خوە مینيت ئانکو ل دەمژمێر حەفتێ سپێدێ بۆ نەھێ سپێدێ و دوویێ پشتی نیڤرۆ بۆ دوویێ شەڤێ دێ موەلیدە د کاری دا بیت
پۆليسێن فيدرال رزگاركرنا مووسل د ڤان ده‌ڤه‌ران ژى راگه‌هاند
ئه‌ڤرۆ نيوز:
فه‌رمانده‌يا پۆليسێن فيدرال ل عيراقێ كونترۆلكرنا ده‌ڤه‌رێن “قه‌زيب بان” و ياريگه‌هـ ل پشكا خوارێ يا رۆژئاڤايێ تاخێ مووسل يا كه‌ڤن راگه‌هاند.
فه‌ريق شاكر جه‌وده‌ت، ئه‌ڤرۆ بۆ خه‌ندان گۆت: “پشتى كونترۆلكرنا وان جهان، چه‌كدارێن داعش ل مزگه‌فتا “نۆر” هاتينه دوورپێچكرن.
ئاماژه ب وێ چه‌ندێ كر كو هێزێن پوليسێن فيدرال ب بۆمبێن ئاراسته‌كرى و چه‌كێ قه‌ناسێ داعش دكه‌ن ئارمانج كو ل ناڤه‌راست و جهێن بنه‌جهبوونێ هاتينه بنه‌جهكرن، “جهێن داعش ب هاونان دهێنه بۆردۆمان كرن ل وان ده‌ڤه‌رێن خه‌لكێ مه‌ده‌نى تێدا نه‌بيت”.
هه‌كه جيمێلى ب كار دئينى ڤان پێنج خزمه‌تان بۆ خوه ل سه‌ر زێده‌كه
ئه‌ڤرۆ نيوز، نيوار محه‌مه‌د سه‌ليم:
هه‌كه تو سه‌ره‌ده‌ريێ ل گه‌ل جيمێلى ل سه‌ر لاپه‌رێ گۆگل كرۆم دكه‌يى، چو پێ نه‌ڤێت دێ پێدڤى ب هنده‌ك رێيان بى دا كو پتر خۆشيێ ژ جيمێلى و نامێن وێ ببينى. ل ڤێره مه بۆ هه‌وه پێنج زێده‌هى يێن هه‌لبژارتين ل سه‌ر گۆگل كرۆم و دێ ته كه‌نه كه‌سه‌كێ شاره‌زاتر گه‌له‌ك د ڤى وارى دا:
زێده‌تكرنا TinyMails
پتريا بكارئينه‌ران رادبن ب نڤيسينا نامێن ئه‌لكترۆنى بێى كو هه‌ست ب ژمارا په‌يڤان د ناڤ نامێ دا بكه‌ن و ئه‌ڤه ژى دبيته ئه‌گه‌رێ وێ چه‌ندێ كو دبيت ژ لايێ كه‌سێ دى ڤه بهێنه پشت گوهـ هاڤێتن.
زێده‌كرنا TinyMails هاريكاريا بكارئينه‌رى دكه‌ت دا كو د ناڤ ناما جيمێلى دا ژمارا په‌يڤان و ده‌مێ خواندنا وان په‌يڤان ب نێزيكى ژ لايێ وه‌رگرى ڤه ديار بكه‌ت كو ئه‌ڤه ژى دێ بيته ئه‌گه‌ر كو ئه‌وێ نامێ دهنێريت ژمارا په‌يڤان و ده‌مى به‌رچاڤ وه‌ربگريت.
زێده‌كرنا Rename Email
چو جاران چ نامه بۆ ته هاتينه و ته ناڤونيشانێن وێ ب دروستى نه‌زانيبن؟ چو پێ نه‌ڤێت ئه‌ڤ جۆرێ نامان دێ يێ ب زه‌حمه‌ت بيت بهێنه پۆلينكرن و لێ گه‌ريان پشتى بۆرينا ده‌مه‌كێ درێژ ژ به‌ر ناڤونيشانێن وان.
زێده‌كرنا Rename Email ده‌ليڤێ دده‌ته ته كو تو ناڤونيشانێن ناما جيمێلى ب ساناهى بگوهۆڕى و بۆ خوه رێك بێخى، د ده‌مه‌كى دا كو ئه‌وێ نامه هنارتى نوزانيت كو ته ئه‌و كار يێ ئه‌نجام دايى، ب تنێ هه‌كه دووباره پشتى گوهۆڕينان تۆ بۆ ب هنێريه ڤه.
زێده‌كرنا Schedule Email
هه‌كه ته بڤێت ناما جيمێلى ب ده‌مه‌كێ ده‌ستنيشانكرى ب هنێرى و هێشتا ده‌م نه‌يێ گۆنجايه، ل سه‌ر ته پێدڤيه كو تو پشت به‌ستنێ ل سه‌ر زێده‌كرنا Schedule Email ئوزێ بۆ ته ده‌ستنيشان دكه‌ت كا ل چ ژڤانێ ته ڤيا ناما ته بگه‌هيتێ.
زێده‌كرنا Snooze Email
ل هنده‌ك ده‌مان دبيت نامه‌ك بگه‌هيته ته و ته ده‌مێ وێ نه‌بيت يان ته نه‌ڤێت وى ده‌مى به‌رسڤێ ل سه‌ر بده‌ى.
زێده‌كرنا Snooze Email دێ هاريكاريا ته كه‌ت وێ د ناڤ نامێن ته دا ڤه‌شێريت و ل ده‌مه‌كێ تو ده‌ستنيشان دكه‌يى ده‌ركه‌ڤيت كو ته ده‌م هه‌بيت به‌رسڤێ ل سه‌ر بده‌يى و دێ وه‌سان بينى كو نامه‌كا نوويه و ژ نوو يا گه‌هشتيه ته.
زێده‌كرنا Share Email as Link
زێده‌كرنا Share Email as Link ده‌ليڤێ دده‌ته ته كو ئه‌و تشتێ بۆ ته دهێته ناڤ نامێن ته يێن ئه‌لكترۆنى ل گه‌ل هه‌ڤالێن خوه پارڤه‌بكه‌يى ل ناڤ سۆشيال ميديايێ دا ب تايبه‌ت ژى يێن وه‌كو واتس ئاپ و سكايپى.
ئالۆزى د ناڤ خۆنيشاندانا توركمانێن كه‌ركووك دا دروست بوو
ئه‌ڤرۆ نيوز:
پشتى ئه‌ڤرۆ توركمانێن كه‌ركووك دژى بريارا بلندكرنا ئالايێ كوردستانێ خۆنيشاندان كرين، ئالوزى كه‌فتنه ناڤ خۆنيشاندانا وان.
د خۆنيشاندانا توركمانێن كه‌ركووك دا دژى په‌سه‌ندكرنا بڕيارا بلندكرنا ئالايێ كوردستانێ ل سه‌ر ئاڤاهيێن حكوميێن كه‌ركووك ئالۆزى روودان.
خۆنيشانده‌ران به‌ر هاڤێتنه ترۆمبێلا به‌رپرسه‌كى كو دڤيا بچيته ناڤ پارێزگه‌ها كه‌ركووك و خۆشانده‌ره‌ك ژى بريندار بوو.
نيشاندان
WP Facebook Auto Publish Powered By : XYZScripts.com