ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 12ى تيرمهها 2016ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1262 |
| 1 يۆرۆيێ ئهورۆپى | 1420 |
| 1 ليرێ توركى | 435 |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئهڤرۆ نیوز ، نهوزاد زاده هلۆرى:
دكتور ” قاغان قلان ” سهرۆكێ پشكا دل و بوریێن خوینێ ل زانكویا غیرسنونى یا وهلاتێ توركیا دیاركر كو تشتهكێ زور مشه پشتى رۆژى شكاندنێ دبیت ببیته ئهگهرا مرنا وى كهسى و مهترسیهكا زور بو سهر دل و بوریێن خوینێ ههیه .
قلان ژ مهترسیێن جگارهكێشانێ پشتى خوارنا ئێڤاران مه ئاگههدار دكهت و دبێژیت : ( ئهوێن كو راستهوخوه پشتى روژى شكاندنێ جگاران دكێشن توشى لهرزینا لهشى ب تایبهتى یێن دهست و پیان دبن و پاشان گێژ دبن و ئهڤ یهك ژى ژ ئهگهرا كێشانا جگارایه و پشتى ماوهیهكى َزور دێ بیته سهدهما وێ یهكێ كو كارتێكرنێ بهرگریێن لهشى بكهت ئهڤ یهك ژى ل دهمێن ئاسایى روونادهتن ، و جگارهكێشان ل رهمهزانێ زیانهكا زور بو دلى و بوریێن خوینێ ههیه بهرامبهر دهمێن دن )
ژلایێ خوڤه دكتور عهلاو زوغبى بسپوورێ نهشتهرگهریا دلى ل موسكو دبێژیت : ( جگارهكێشان پشتى رۆژى شكاندنێ زیانێ ب بوریێن دلى دگههینیت و رهق دكهت و وهلێ دكه تكو توشى نهخوشیێن دلى ببن )
قولانى دیاركر ژى كو مرن د رهمهزانێ دا ژ ئهگهرا جگارهكێشانێ بهر ب زێدهبونێ ڤه دچن و وه دكهت ئهگهرێ توشبوون ب نهخوشیێن دلى زێده بكهت و مرنا ژ نیشكهكێڤه كو ب جهلته دهێته نیاسین زێده ببیت .
ئهو مه ئاموژگارى دكهت كو د مهها رهمهزانێ دا جگاران بهێلین وهكو بزاڤهك ژبهر سهدهما رۆژیگرتنێ.
ئەڤرۆ نیوز:
رەمەزانا پیرۆز ب خێر و خۆشی و دلۆڤانی و دلرەحەتی ڤە ب سەر مە دا ھات، یا باش ئەوە ئەم رحەتیا خوە یا دەروونی تەمام بکەین ل سەر سفرا فتارێ و ب خوارنێن خۆش و شرینیێن رەمەزانێ یێن خۆش، ھندەک کەس ژی د ڤێ مەھێ دا رێجیمێ دکەن دا سەنگێ خوە بپاێزن و ناڤتەنگا خوە زراڤ بکەن و ژ زێدەبوونا سەنگێ دترسن ژ بەر خوارن و شرینیان.
زەحمەتیا رۆژیان و گوھۆرینا نەریتان و گوھۆرینا ژڤانێن خوارنێ، جۆرەکێ نەئارامیێ د لەشی دا پەیدا دبیت، دبیت بگەھیتە حالەتێ وەستیانێ و تەمبەلیێ و د ئەنجام دا ببیتە قەلەوی.
سفرا فتارێ یا ب جۆرێن خوارنێ خەملاندیە و ئەو خوارن ھەمی ب روون و شەکرن، پشتی تێھنیبوون و برسیبوونا ب درێژاھیا رۆژێ، دەمێ فتارە دھێت مرۆڤ بزاڤێ دکەت یا رۆژێ ھەمیێ قەرەبوو بکەت، خوارنا زێدە ژی وەدکەت سەنگ زێدە ببیت.
لەورا رێجیما رەمەزانێ یا گرێدایی دو دانێن خوارنێ یە، ئەو فتارە و پاشیڤن، ردژبوون ل سەر ێجیما رەمەزانێ، رێیا دەربازبوونێ یە ژ سەنگێ زێدە:
دێ چاوا د مەھا رەمەزانێ دا رێجیمێ کەی؟
گەلەک رێیێن ھەین کو تو سەنگەکێ نموونە ب دەست ڤە بینی، رێجیما مەھا رەمەزانێ یا گرێدایە د ناڤبەرا فتارێ و پاشیڤێ دا، مرۆڤ دشێت پێگیریێ ب دانێن دەستنیشانکری بکەت و بکەتە دەلیڤە سەنگێ خوە پێ کێم بکەت.
ئێک، فتارە: نیڤ مریشکا براژتی + سێنیکەکا نیسکێ + زەرزەواتێ براژتی.
یان: سێ کەچکێن برنجێ + شەش کەچکێن زەرزەواتی.
یان: چارێک مریشکا براژتی + سێ کەچکێن برنجی + نیسک + زەلاتە.
یان: شەش کەچکێن مەعکەروونان + پرتەکا گوشتی + نیسک + زەلاتە.
دو، پاشیڤ: پاشیڤ بۆ رێجیمێ یا گرنگە:
نیڤ سەوکا نانی + پێنج کەچکێن باقلکان + 50 گرامێن پەنیری + کۆپەکێ شیری.
یان: نیڤ سەوکا نانی + ھێکەکا کەلاندی + 50 گرامێن پەنیری + نیڤشک.
یان: نیڤ سەوکا نانی + ماسیا تونە بێ زەیت + زەلاتە.
یان: نیڤ سەوکا نانی + 5 کەچکێن باقلکان + زەلاتە.
ل گەل ڤێ چەندێ ژی، شرینیان کێم بخۆ دا شەکرا پێدڤی بگەھیتە لەشی، ھەروەسا فێقی و زەرزەوات ژی دروستە بخۆی، رێجیما رەمەزانێ رامانا وێ ئەو نینە خوە ژ جۆرەکێ خورانێ دوور بکەی، لێ یا پێدڤییە رێکخستنەکێ بێخیە خوارنێ دا سەنگێ تە ب ئاوایەکێ ساخلەم کێم ببیت.
ئەڤرۆ نیوز:
سەرەرای رۆژیگرتنێ، گەلەک دایک حەز دکەن بەردەوام شیرێ خوە بدەنە زارۆیێ خوە، گەلەک زانایێن ئایینی ژی دوپات دکەن کو دایکا شیری ددەتە زارۆیان دشێت رۆژیان نەگریت بتایبەت ھەکە زارۆیێ وێ ژ نوو ژدایک ببیت و خوارنا وی بەس شیرێ دایکێ بیت، بەلێ ھندەک دایکێن ھەین نەڤێت رۆژیا خوە بخۆن. ئەرێ ڤێ چەندێ اندۆر ل سەر شیرخوارنا زارۆیی ھەیە؟ بەرشڤ ئەڤەیە:
باندۆرا ل سەر سەنگێ زارۆیی: گەلەک نۆشدار و گەلەک ڤەکۆلینێن ل سەر زارۆیێن شیرخۆر ھاتینە ئەنجام دان، وەسا ئاشکرا دکەن کو رۆژیگرتنا دایکێ چ زیانان ناگەھینیتە زارۆیێ شیرخۆر، چونکو لەشێ ژنێ د گەل رۆژیێ ژی دشێت بەردەوام شیری بەرھەم بینیت، رۆژیا ڤی دەمی و ھەتا 20 سەعەتان ژی، چ گوھۆرینێ د قەبارێ شیری دا ناکەت.
بەلێ گەلەک ڤەکۆلین ئاشکرا دکەن، رۆژی وەدکەت قەبارێ روونی د ناڤ شیرێ دایکێ دا کێم ببیت، ب ڤێ چەندێ ژی دێ باندۆرێ ل سەنگێ زارۆیی و تێکرایا وەرارا وی کەت، سەرەرای وێ چەندێ کو لەشێ زارۆیی کار دکەن قەرەبوویا وی روونی بکەت، لێ ل گەل بەردەوامیا رۆژیگرتنا دایکێ ئەڤ چەندە پاشڤە دچیت و ل دوماھیا مەھا رەمەزانێ کێمبوونا سەنگێ زارۆیی دیار دبیت.
ئەڤ بابەتە ژی یێ گرێدایی وێ چەندێ یە کا دایک چەند دشێت وان خوارنێن ب مفا بخۆت و بتایبەت دەمێ پاشیڤێ، ئەو خوارن ژی دێ ھاریکاریا دایکێ کەن ڤیتامینێن پێدڤی بۆ زارۆیێ خوە ب درێژاھیا رۆژێ وەرگریت، ھەر گوھۆرینەکا چێدبیت ژی پێدڤیە سەرەدانا نۆشداری بکەت.
ئهڤرۆ نيوز:
كۆمبوونا ههردو شاندێن دانوستاندكارێن پارتى ديموكراتى كوردستان و ئێكهتى نشتيمانى كوردستان ل ههولێر دهسپێكر و بڕياره دانوستاندنان يا تايبهت بيت ب رێكهفتنا ناڤبهرا بزاڤا گۆڕان و ئێكهتيێ ل گهل كاراكرنا پهرلهمانى و راپرسى و بابهتێ سهرۆكاتيا ههرێما كوردستانێ.
كۆمبوون ل دهمژمێر 11ى نيڤرۆ ل مالا نێچيرڤان سهرۆكێ حوكمهتێ و جێگرێ سهرۆكێ پارتى ديموكراتى كوردستان يا دهسپێكرى.
شاندێ ئێكهتيێ بۆ لايێ پارتى ژ كوسرهت رهسۆل جێگرێ سكرتێرێ گشتيێ ئێكهتيێ دهێته سهرۆكاتيكرن و ههر ئێك ژ مهلا بهختيار و حاكم قادر و عومهر فهتاح و عهدنان مفتى و رزگار عهلى و ئهرسهلان باپيز ڤهدگريت.
پارتى ژ ب سهرۆكاتيا نێچيرڤان بارزانى، جێگرێ سهرۆكێ وێ حزبێ و ئهندامهتيا ههر ئێك ژ فازل ميرانى و دكتور رۆژ نورى شاويس و ئازاد بهروارى و مهحمود محهمهد پێك دهێت.
پێشتر ئێكهتى نشتيمانى كوردستان د خواست ل گهل گۆڕان پێكڤه ل گهل پارتى ديموكراتى كوردستان كۆم بن، بهلێ پارتى رهتكر كو پێكڤه ل گهل چو لايهنێن سياسى كۆم بيت.
ئەڤرۆ نيوز:
سەرۆکێ باژێرڤانیا قەزا ئاکرێ ب وەکالەت ئاشکرا کر کو کۆمپانیا ریحاب ل سالا 2012ێ، دەست ب دروستکرنا پرۆژێ گەشتوگۆزاری یێ یاریێن سەردەم ل ئاکرێ کربوو، بەلێ ھەتا نوکە ب تنێ 10% ژێ ھاتیە جێبەجێکرن و دەمێ قانوونی یێ دروستکرنا پرۆژەی ب دووماھی ھاتیە.
ئیبراھیم سەلیم، سەرۆکێ باژێرڤانیا قەزا ئاکرێ ب وەکالەت دیار کر کو پرۆژێ باژێرێ یاریان ل سەر 80 دونەمێن ئەردی، ژ خوارنگەھەکا گەشتوگۆزاری و ھوتێل و موتێلان و یاریێن سەردەمانە پێک دھێت، بەلێ کۆمپانیا ریحاب بتنێ 10% ژ پرۆژەی جێبەجێکریە و بۆ دواڕۆژ گۆت: “ئەم نەشێین رێکارێن قانوونی دژی کۆمپانیێ بکاربینین، چونکی پرۆژە گرێدای رێڤەبەریا گشتی یا وەبەرئینانێ یە ل پارێزگەھا دھۆکێ”.
فەلاح حاجی، رێڤەبەرێ پەیوەندیێن گشتی ل رێڤەبەریا وەبەرئینانا پارێزگەھا دھۆکێ بۆ دواڕۆژ ئاشکرا کر کو وان ھۆشداریەک دایە کۆمپانیا ریحاب کارێ خوە ب دروستی ئەنجام بدەت ھەکە دۆر نینە ئەڤ پرۆژە بھێتە ھەلوەشاندن.
ئەڤرۆ نیوز:
بڕیارە ل سەر پرسا قوپیاکرنێ و دزینا پرسیارێن ئەزموونێن قووناغا دوازدەی ئامادەیی لژنا پەروەردێ و خواندنا بلند وەزیرێ پەروەردێ گازی بکەنە پەرلەمانی و ئەندامەکێ لژنا ناڤبری گۆت: “نابیت قوتابی سەرا قوپیایێ بھێنە دەستەسەرکرن و دادگەھکرن”.
د.شوان قەلادزەیی، ئەندامێ لژنا پەروەردە و خواندنا بلند ل پەرلەمانێ کوردستانێ بۆ رۆژناما ئەڤرۆ ئاشکرا کر کو بابەتێ قوپیاکرنێ ئەڤ سالە پتر ھاتیە مەزنکرن و بەرفرەھتر بوویە ژ سالێن بۆری و ھەتا نوکە ھژمارەکا زۆرا خەلکی و مامۆستا و قوتابی و رێڤەبەرێن ھۆلێن ئەزموونان ھاتینە دەستەسەکرن و ئەڤێ چەندێ ژی کارتێکرن ل دەروونێ قوتابیان کریە و گۆت: “لیژنا پەروەردێ ل بەرە ب رێیا یاداشتەکێ گازی وەزیرێ پەروەردێ بکەت داکو رۆنکرنەکێ ل دۆر پرسا قوپیایێ بدەت، بۆچی ئەڤ سالە زۆرتر ژ سالێن بۆری قوپیا ھاتیەکرن”.
ناڤھاتی خویا کر کو ئەڤ سالە وەزارەتا پەروەردێ وەک حوکمەتا عیراقێ رێیەکا دی ژی بۆ رێگرتنا قوپیاکرنێ بکارئینا ئەو ژی قەدەغەکرنا ھێلێن ئینتەرنێتێ بوو، بەلێ ھەر قوپیا ھاتەکرن و ئەگەرێ بھێزێ ڤێ چەندێ ژی بۆ رەوشا ئابووری یا مامۆستایان دزڤریت، چونکی مخابن ھەر وەلاتەکێ ھەژاری زۆر بوو و رەوشا ئابووری یا وەلاتیان یا باش نەبوو دێ کارێن ب ڤی رەنگی روودەن و گۆت: “ل دووڤ قانوونێ بەھانە نینە کو مووچە نینە مامۆستا پرسیاران ب فرۆشیت، بەلێ دڤێت قوتابی بھێنە ئازادکرن، چونکی ل دووڤ قانوونێ قوتابیێ سەرا قوپیایێ دھێتەگرتن بتنێ دێ ب وێ وانێ ھێتە ئێخستن و نابیت قوتابی بھێتە دەستەسەرکرن و دادگەھکرن”.
ئهڤرۆ نيوز:
ڤایرۆسێ کۆلێرا جارەکا دی سەرێ خوە ھلدایە و حالەتەک ل پارێزگەھا زیقار ھاتیە تۆمارکرن، حوکمەتا ھەرێما کوردستانێ ژی ھەموو رێ و جە گرتینە بەر بۆ کۆنتڕۆلکرنا ڤایرۆسێ کۆلێرا و رێنمایی داینە وەلاتیان زەرزەوات و کەل و پەلێن سەر عەربانا و جھێن پیس ب کارنەئینن.
خانزاد مام وەسو، سەرۆکا لژنا ساخلەمی ل جڤاتا پارێزگەھا ھەولێرێ بۆ رۆژناما ئەڤرۆ گۆت” نەخۆشیا کۆلێرایێ جارەکا دی ل عێراقێ پەیدابوویە و مەترسیە بۆ سەر ژیانا وەلاتیێن عێراقێ و ھەرێما کوردستانێ، بەلێ گورە دووڤچوونا بۆ ھاتیەکرن سازیێن پەیوەندیدار و وەزارەتا ساخلەمیا ھەرێما کوردستانێ رێ و جھێن پێدڤی گرتینە بەر و دەرمان و کەل و پەلێن پێدڤی بۆ ھەر حالەتەکی ھاتینە بەرھەڤکرن، ئەگەر خودێ نەکەت ل ھەرێما کوردستانێ پەیداببیت، ل ھەموو پارێزگەھان ژۆرێن تەنگاڤیا و تیم ھاتینە پێک ئینان، بۆ رێگریکرن ل ڤایرۆسێ کۆلێرایێ، ئەڤ پشکنینێن ھاتینەکرن چو ئەنجامێن نەرێنی نەبووینە”.
خانزادێ گۆتژی” ھەتا نوکە ل ھەرێما کوردستانێ چو حالەتێن کۆلێرا نەھاتینە تۆمارکرن، تنێ ل عێراقێ ئێک حالەتە ل پارێزگەھا زیقار ھاتیە تۆمارکرن، پێدڤیە وەزارەتا باژێڕڤانیێ رێژەیا کلۆرا پێدڤی بکەتە ناڤا ئاڤا ڤەخوارنێ و فەرمانگەھێن حوکمەتێ رێگریێ ل ھەبوونا زەرزەواتێ ل بەر ئاڤێن پیس دھێنە ئاڤدان بگرن، ھەروەسا وەلاتی خوە ژ خوارنا ل سەر عەرەبانە و جھێن پیس ب پارێزن”.
نيشاندان
