ئەڤرۆ نيوز:
رۆژنامەڤانێ ئیسپانی یێ بەرنیاس ئەدواردو ئەندا ئاشکراکر گولچیێ یانا مانچستەر یوناید یا ئینگلیزی و گولچیێ ھەلبژارتیێ ئیسپانیا دی خیا نێزیکی ئیمزاکرنا ھەڤبەستا ریال مەدرید بوویە بۆ وەرزێ بھێت.
ئەندا ھەلویستێ چوونا دی خیا بۆ ناڤ رێزێن یانا ریال مەدرید د بەرنامەیەکێ تلفزونی دا ئاشکراکر کو دی خیا دێ ل مێرکاتویا ئەڤ سالە ھەڤبەستا یانا ریال مەدرید ئیمزاکەت و ناڤبری ئەو چەندە ژی دیارکر ئەوی پرسیار ژ گولچیێ یانا مانچستەر یوناید کر ئەرێ تو ل سالا بھێت دێ یاریێ ل ریال مەدرید کەی ئەوی ب پەیڤەکێ بەرسڤ دا دیارکر بەلێ .
دی خیا بەری نوکە ژی گەلەک جاران ئاشکراکربوو ھیڤی و ئومێدا وی ئەوە یاریێ ل یانا مەلەکی یاری بکەت و ژێدەرێن دەنگوباسی وەسا دیارکرینە یانا ریال مەدرید یا بەرھەڤە 70 ملیون یورۆیا پێشکێشی یانا مانچستەر یوناید بکەت بۆ دەستڤە ئینانا دی خیا کو ماوێ زێدەتر دو سالانە ل دیڤ ئێک یانا مەلەکی بزاڤێن دەستڤە ئینانا دی خیا کەت.

ئەڤرۆ نیوز:
ژڤانا ئەڤ شەڤە دو یاری ژ قوناغا 16 یا قارەمانیا یانێن ئورۆپا قارەمانێن خولا بھێنەکرن کو ب دووماھیا ئەڤان ھەردو یانا دێ ھەردو پلێتێن دووماھیێ بۆ قوناغا ھەشتێ ئاشکرابن کو یاریا ئێکێ د یاریەکا ب ھێز و پری ھەڤرکی بریارە موناکو مێڤانداریا مانچستەر سیتی بکەت و یاریا دوێ دا ئەتلەتیکو مەدرید دێ ل گەل بایرن لیڤەرکوزن کەت.
یاریا ئێکێ دا چاڤێ زوربەیا حەژێکەرێن تەپا پێ ل ئورۆپا و جیھانێ دێ ل ڤێ یاریێ بیت ژبەرکو دێ ھەڤرکیەکا دژوار دناڤبەر ھەردو یانا دا ھێتەکرن کو د یاریا ئێکێ دا یانا ئنگلیزی شیابوو سەرکەفتنێ ل سەر موناکو توماربکەت ب پێنج گولان بەرامبەر سێ گولان و دڤێ یاریێ دا یانا فەرەنسی پێدڤی چیاوازیا دو گولانە دا دەربازبوونا خوە مسوگەر کەت بۆ قوناغا ھەشتێ، موناکو ئەوا ل وەرزێ ئەڤ سالە د باشترین رەوش دا نوکە سەرکێشیا خولا ێلا ئێک فەرەنسا دھێت ب 68 خالان و ھەردیسان رەوشا وێ د قارەمانیا یانێن ئورۆپا دا ژی ھەتا بەری ڤێ یاریێ گەلەک باش بوو ل یاریا ئێکێ دا ژی زوربەیا وەرزشڤان و چاڤدێرێن وەرزشی ژ ئاستێ موناکو رازیبوون، ھێرشبەرێ وێ یێ خودان شیان یێ کولومپی فالکاو بۆ ڤێ یاریێ دێ چاڤەکێ مەزن ل سەر بیت ژبەرکو شارەزایەکا باش ھەیە د ڤان جورە یاریان دا ھەر چەندە ل وەرزێ ئەڤ سالە یاریزانێ موناکو دین ئێک ژ باشترین یاریزانانە لێ بۆ یاریێن ب ڤی رەنگی یێن ئێکلاکەر یاریزانێ خودان شارەزا ھەبوونا ئەوان پتر خوە دیاردکەن و یاریزانێ ناڤبری ئەوێ ل وەرزێ ئەڤ سالە شیای ئاستەکێ بلند پێشکێش بکەت ل گەل یانا خوە و دیاریا ئێکێ دا ل گەل مان ستی شیای دو گولان توماربکەت و لێدانەکا پەنەلتی ژی نەکریە گول دیارکر بۆ دەزگەھێن راگەھاندنا ئورۆپی ئەوان باوەریەکا مەزن ب خوە ھەیە تیما ئەوان دێ دەربازی قوناغا ھەشتێ بن و سەرەرای وێ چەندێ کو ئەرکێ ئەوان دێ یێ ب زحمەت بیت لێ ھەبوونا ئەو ئاستێ ھونەری بلند ئەوێ ل ماوێ ئەڤ سالە دا یاریزانێن ئەوان پێشکێشکری ب ئومێدن دێ شێن ل سەر کیستی یانا ئنگلیزی دەربازی قوناغا ھەشتێ بن.
ژلایێ خوڤە یاریزانی ئیڤواری و یێ یانا مانچستەر سیتی یایا توریە دیارکر یاریا ئەڤ شەڤە یا ب سانەھی نینە لێ تیما ئەوان خودانا یاریزانێن خودان شیان و شارەزانە دشێن یاریێن ئێکلاکەر د بەرژوەندیا خوە دا بینن و راھێنەرێ ئەوان ژی پشت بەستن ل سەر یاریزانێن خودان شیان و شارەزا کریە ل وەرزێ ئەڤ سالە ھەر چەندە ژیێ تیما ئەوان د قارەمانیێن وەکو چامپیونز لیگ دا یێ مەزن نینە لێ تیما ئەوان کەساتیا برنا ناسناڤێ ڤێ قارەمانیێ ھەیە ژبەرکو راھێنەرێ ئەوان گواردیولا ھەمی دەمان حەژ ھەڤرکی کەت و دبینت دەستڤە ئینانا ناسناڤێ چامپیونیز لیگ باشترین دەستکەفتیە بۆ یانا ئەوان و راھێنەرێ ئەوان دڤی دەمی دا.
ژلایەکێ دووڤە ھەر ئەڤ شەڤە بریارە ئەتلەتیکو مەدرید ھەمبەری یانا لیڤەرکوزن ل یاریگەھا خوە بکەت کو دڤێ یاریێ دا یانا ئیسپانی ھەتا رادەیەکێ مەزن رێیا خوە خوش کریە بۆ دەربازبوونێ پشتی د یاریا ئێکێ دا شیای سەرکەفتنێ ل سەر توماربکەت ب چار گولان بەرامبەر دو گولان کو دڤێ یاریێ دا یانا ئەلمانی پێدڤی سەرکەفتنێ یە ب چوداھیا سێ گولان ھەتا بشێن دەربازبوونا خوە مسوگەر کەت ئەڤ چەندە ژی بۆ یانا لیڤەرکوزن دێ گەلەک یا ب زحمەت بیت ژبەرکو یانا ئەتلەتیکو ئێک ژ یانێن ب ھێزە و ماوێ چار سالانە بەردەوام بەربژارە بۆ یاریا دووماھیێ و ھەڤرکیێ ل سەر ناسناڤێ ڤێ قارەمانیێ کەت ھەڤرکیا مەزنێن ئورۆپا کەت.

ئەڤرۆ نيوز:
رۆژنامەیێن نێزیکی یانەیا بەرشەلۆنا ئاشکراکریە ئارمانجا یانا کەتەلونی بۆ مێرکاتویا بھێت بۆ دەستڤە ئینانا یاریزانان دێ ئارمانجا سەرەکی و ژمارە ئێک دەستڤە ئینانا یاریزانێ ئیسپانی و یانا ئەرسینال ھیکتور بیلیرین بیت کو یانا بەرشەلۆنا ھەر نوکە یا بزاڤێن مەزن کەت بۆ دەستڤە ئینانا ئەڤی یاریزانی و ھەردیسان وێ ھێلا لاوازیا یانێ کو ل ھێلا بەرەڤانیا راستی کێماسی ھەنە دخوازن ب ئینانا ھیکتوری ئەڤی ھێلی ب ھێز بێخن .
رۆژناما سپورت یا کەتەلونی ئاماژە ب وێ چەندێ ژی کریە سکرتێرێ ھونەری یێ یانا بەرشەلۆنا روبرت فرنادێز ل ماوێ چەند رۆژێن بوری ل گەل رێڤەبەرێ کارێن یاریزانێ ئیسپانی ھیکتور کومبوویە ل سەر رازیکرنا ئەوی بۆ ئینانا یاریزانێ ناڤبری بۆ ناڤ رێزێن یانا بەرشەلۆنا دا.
ئەوێ رۆژنامێ ئەو چەندە ژی ئاشکراکریە یانەیا بەرشەلۆنا باش زانیت دەستڤە ئینانا ھیکتور دێ گەلەک یا ب زحمەت بیت ژبەرکو یاریزانێ ناڤبری ھەڤبەستا یانا ئەرسینال ل چەند مەھێن بوری نووکریە بۆ پێنج سالێن دی لەورا دێ کارێ ئەوان یێ ب زحمەت بیت لێ بەرشەلۆنا یا بەرھەڤە کوژمەکێ مەزن پێشکێشی یانا لەندەنی بکەت ژپێخەمەت ب دەستڤە ئینانا ئەڤی یاریزانی ئەوژی نێزیکی 40 ملیون یورۆیا .
ھەژی گوتنێ یە ھیکتور بیلیرین ل سالا 2011 د ژیێ 16 سالی پەیوەندی ب یانا ئەرسینال کربوو یاری بۆ تیما تازەپێگەھشتیان کر دەستپێکێ و ل سالا 2013 ھەڤبەستا پیشەکاری ل گەل یانا ئەرسینال یا تیما ئێکێ ئیمزاکر.