ئەڤرۆ نيوز:
ڤیاگرا ئێکە ژ پڕفرۆشترین دەرمانێن جیھانێ و رۆژانە ب سەدان ھزار زەلام کو کێشێن سکسی ھەنە، مفای ژێ دبینن، زانایێن زانکۆیەکا سعودی رێیەک یا ڤەدیتی بۆ زێدەکرنا ماوەی و ھێز و کارتێکرنا ڤان دەرمانان.
گرۆپەکێ ڤەکۆلەران ل زانکۆیا “شاھـ عەبدولعەزیز” ب ھەڤکاریا ژمارەکا ڤەکۆلەران ل مسرێ، ب سەرکەفتیانە نوویاتیەک د دەرمانێ ڤیاگرا دا کر، رێیەکا نوو ڤەدیت بۆ دانا وی دەرمانی ئەو ژی ب رێیا پلاستەرا سەر پیستی کو ژ چەند روویان ڤە ژ حەبێ باشترە.
ب گۆرەی گۆتنا ڤەکۆلەران، ئەڤ ڤیاگرا نوو د رێیا پلاستەرێ دا، دەرمانی ب کونیلەیێن پیستی دا دگەھینیتە ناڤ خوینێ و د ماوێ چەند دەقیقەیان دا کارتێکرنا وێ دەردکەڤیت.
کارتێکرنا ڤێ پلاستەرا نوو ژ حەبێ زێدەتر دەسپێکەت و بۆ ماوێ زێدەتر دمینیت، ھێز و کارتێکرنا وێ ژی زێدەترە و ئەو کارتێکرنێن نەخواستی یێن د ناڤ حەبان دا ھەین وەکو سەرئێش و نەمانا حەزا خوارنێ ژی دروست ناکەت.
ب گۆرەی خودانێن ڤەکۆلینێ دھێتە پێشبینیکرن د ماوەکێ نێزیک دا ئەڤ دەرمانەک بکەڤیتە د دەرمانخانان دا بۆ خزمەتا وەلاتیان.

ئەڤرۆ نيوز، فاتما مزووری:
نڤستن ب پرچا تەڕ و ھشکنەکرنا وێ، ئێک ژ خەلەتیان و ساخلەمیا ژنان دئێخیتە بن مەترسیێ.
پرچا ژنان ژ یا زەلامان پترە، ژ بەر ھندێ بۆ ھشکبوونێ پێدڤی ب دەمێ زێدەترە، نڤستن ب پرچا تەڕ ڤە سێ مەترسی یێن مەزن یێن ھەین کو ئەو ژی ئەڤێن ل خوارێ نە:
ژانەسەر: پلا گەرماتیا لاشی د خەو دا زێدە دبیت، لاشێ کەرم و شەھا سەری، دشێت سەرئێشانەکا گەلەک دژوار پەیدا بکەت، ل دەمێ پرچا تەڕ، پلا گەرماتیا سەری نەشێن خوە ل گەل پلا گەرمیاتیا لاشی ب گۆنجینیت، ژ بەر ڤێ چەندێ ژی گەلەک جاران ژن نیڤ شەڤ تووشی ژانەسەرێ دبن.
ھەودان: بۆ گەشا بەکتریایێ و ڤایرۆسان، بالیفک جھەکێ گۆنجایە، چونکو خوھا مرۆڤی ل گەل خروکێن مری و دوھنێ لاشی زۆر ب ساناھی وەردگریت، پرچا تەڕ ژی دبیتە ئەگەرێ شەھداربوونا بالیفکێ و ژینگەھەکا گەلەک گۆنجای بۆ گەشەکرنا بەکتریایێ دروست دبیت.
ھەستیاریا پرچێ: مانا پرچێ ب تەڕی، پرچا ژنان ھەستیار دکەت و زیانەکا مەزن ژی ب بەر دکەڤیت.

ئەڤرۆ نيوز، فاتما مزوورى:
گەلەک جاران دھێتە گۆتن کو مۆز خوارنەکە دشیان دایە بکەڤیتە ل گەل دانێن خوارنێ، دیسا ئێکە ژ وان خوارنێن پێدڤی ناکەت پێزانینان ل سەر وەربگری و بەرنامەی بۆ بدانی.
ژ نوکە پێڤە ھەکە تە موزا خالێن رەش ل سەر دیت وێ بکرە، ئانکو ئەو موزێن تیڤکلێ وان قەھوەی دبیت و خالێن رەش دکەڤنە سەر، ژ بەر کو مفایێن وان د بێ سنورن.

مفایێن وێ:
خانێن شێرپەنجێ یێن کوژەک ژ ناڤ دبەت
رێژەکا مەزن یا دژی ژەھراویبوون و دژی ئوکسانێ تێدایە
سیستەمێ بەرەڤانیا لاشی ب ھێز دئێخیت.
دیسا کارێ زێدەکرن و چالاککرنا خانێ سیی یێن ناڤ خوینی.
ھەڤسەنگکرنا ترشێ ناڤ لاشی “Anti-Acid”.
دژی ڤەسوتنا مەعدەیە.
فشارا خوینێ ھەڤسەنگ دکەت.
وزا زێدە و راگرتی ددەتە تە، ب تایبەت ھەکە بەری راھێنانان دو یان ب کێمی ئێکێ بخۆی.
خوینێ زێدە دکەت، ب تایبەت ھەکە نەخۆشیا ئەنێمیت “Anemia” ھەبیت.
دژی قەرحا مەعدەیە.
دژی فشارا دەروونی یە.
دژی قەبسبۆنێ یە.
پلا گەرمیا لاشی ھەڤسەنگ دکەت.
بۆ کۆئەندامێ گەھان و سیستەمێPMS گەلەک یا گرنگە، ل دەمێ بێزاریێ ھەکە دو مۆزان بخۆی، دێ رێژا شەکرا خوینا تە رێک ئێخیت و ھاریکاریا تە کەت بۆ کێمبوونا وێ بێزاریێ.