ئهڤرۆ نیوز:
ب ههلكهفتا سالڤهگهرا دامهزراندنا ئێكهتیا نیشتمانیا كوردستانێ، سهرۆك بارزانى پهیامهكا پیرۆزباهیێ ئاراستهى ئهندامێن مهكتهبا سیاسى و جڤاتا سهركردایهتیا ئێكهتیێ كر د وێ پهیامێ دا رۆلێ مام جهلال د پاراستنا ئێكرێزیا مالا كوردى بلند نرخاند و گۆت” رۆلێ مام جهلال د سالێن بوورى دا بۆ پاراستنا ئێكرێزى و بهرهڤ پێشبرنا دوزا رهویا گهلێ مه ناهێته ژبیركرن و نوكه ژى گهلێ كوردستانێ وێ چاڤهرێكرنێ ل ئێكهتى نیشتمانى كوردستان دكهت”.
د پشكهكا دى یا پهیا خوهدا سهرۆك بارزانى ئاماژه ب سهركهفتنێن هێزێن پێشمهرگهى كریه و دیاركریه” نوكه سهرهراى ههبوونا تهحهدیاتێن مهزن، گهلێ مه د شهرهكێ چارهنڤیساز دایه ل گهل دوژمنهكێ درهنده و پێشمهرگێن قارهمانێن كوردستانێ پرانیا ئهردێ پیرۆزێ وهلاتێ خوه ژ تیرورستان پاقژ كریه، ل سایا سهركهفتنێن پێشمهرگه و خوونا پاكێ شههیدان و بهایێن بلند یێن گهلێ مه، پێگهه و كارتێكرنا كوردستانێ گههشتیه ئاستهكێ بلند و ههموو جیهان رێز و پێزانینێن خوه بۆ گهلێ مه ههنه”.
سهرۆك بارزانى دیاركریه ژى: ئهڤ پێگههه ل گهل گوهۆرینێن دهڤهرێ روو ددهن، دێ وهلمه كهت دهستێن خوه بكهینه د ناڤ دهستێن ئێكدا بۆ دابینكرنا ئایندهكێ گهش و ژیانهكا ئارام بۆ گهلێ مه و رێیێ نهدهین چ دى گهلێ مه ب ئاگرێ ناكوكیێن دهڤهرێ بسووژیت، بۆ ڤێ مهرهمێ ژى پێدڤیه ڤهگهرینه ئیراده و هیڤیێن گهلێ مه كو پیادهكرنا مافێ رهوایێ بریاردانا چارهنڤیسازه”.
ئهڤرۆ نیوز:
ئهڤرو سپێدێ 31/5/2016 ب ئامادهبونا بهرێز ئوسمان یونس جێگرێ پارێزگهرێ دهوكێ و جههوهر عهزیز قایمقامێ دهوكێ درێ و رهسمهكی دا رێڤهبهرێ رێڤهبهریا ئاڤا ژێر زهڤی هاته گوهۆرین و ئهندازیار خهلیل ئیسماعیل ل شوینا ئهندازیار جهمیل ئوسمان عهبو هاته دان.
درێ و رهسمێن گوهرینێ داج ێگرێ پارێزگهرێ دهوكێ دهست خوشی ل ئهندازیار جهمیا ئوسمان رێڤهبهرێ بهرێ كر و پهسنا رولێ وی كر دخزمهتكرنا كهرتێ ئاڤا ژێر زهڤی و دیار كر كو شوین دهستێن وی ددیارن وداخازیا سهركهفتنێ بو رێڤهبهرێ نوی ئهندازیار خهلیل ئیسماعیل خواست وهیڤی خواست كو بهردهوامیێ ب دهته بهرنامێ رێڤهبهرێ بهرێ و تمام بكهن و بهرههڤیا كارگێریا پارێزگهها دهوكێ بو پشتهڤانی و هاریكاری كرا سهركهفتنا كارێ بێخهمهت خزمهتكرنهكا باش بو كهرتێ ئاڤا ژێر زهڤی دوپات كر .
ژلایێ خوڤه رێڤهبهرێ بهرێ داخازیا سهركهفتنێ بو رێڤهبهرێ نوی خواست و بهرههڤیا خو بو پشتهڤانی كرنێ ل رێڤهبهرێ نوی دوپات كر.
ژلایێ خوڤه رێڤهبهرێ نوی سوز دا ئهوا دشیان دابیت بو خزمهتكرنا كهرتێ ئاڤا ژێر زهڤی و هاولاتیان كێم خومیێ نهكهت و تمام كهرێ بهرنامێ رێڤهبهرێ كهڤن بیت و بزاڤێ بكهن باشتر خزمهتێ بكهت.
ههژی گوتنێ یه ل دیف وێ رێككهفتنا دنافبهرا پارتی و ئێكگرتو دا بو پێك ئینانا حكومهتا خوجهی یا پارێزگهها دهوكێ 25 پوست بو ئێكگرتو هاتینه تهرخان كرن و بتنێ 7 پوست ماینه دهست ب كار نهبوین و ئهژی ل ڤان نێزیكا پشتی نههێلانا ئاستهنگێن كارگێری دێ دهست ب كار بن.
رێڤهبهریا ئاڤا ژێر زهڤی ل سالا 1972 هاتیه دامهزراندن و ئهڤه رێڤهبهرێ 8 یه دێ دهست ب كار بیت ل ڤێ رێڤهبهریێ.
ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 31ى گۆلانا 2016ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1297 |
| 1 يۆرۆيێ ئهورۆپى | 1445 |
| 1 ليرێ توركى | 435 |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئهڤرۆ نيوز:
د راگههاندنهكێ دا كو دانهك بۆ ئهڤرۆ نيوز روانهكريه، فهرماندهيا هێزا پشتهڤانيا 1 راگههانديه كو د ددوماهى ئۆپهراسيۆنا هێزێن پێشمهرگێ كوردستانێ بۆ رزگاركرنا دهڤهرێن بن دهستێ داعش ئهو شيان 9 گۆندێن كاكهيان ل سنورێ خازر ژ بن دهستێ چهكدارێن داعش دهربينن.
دهقێ راگههاندنێ:
ل رۆژا 29ى گۆلانا 2016ێ ب سهرۆكاتيا سهرۆك و پێشمهرگێ كوردستانێ رێزدار مهسعود بارزانى سهرۆكێ ههرێما كوردستانێ و فهرماندێ هێزێن چهكدارێن ههرێمێ و پشتى دانانا پلانهكا لهشكرى يا سهركهفتى بۆ كونترۆلكرنا ئهو گۆندێن برايێن كاكهى و شهبهك ل سنورێ ميحوهرێ خازر، سۆپاس بۆ خودێ د ماوهكێ كێم دا و ب كێمترين زيان شياين گۆندێن “وهردهك، چهمهكۆر، كۆلهپۆر، گهزهكان، تۆلهبهند، موفتيه، زههره خاتوونا مهزن و بچووك و تل ئهسوهدا مهزن” كو دبنه 9 گۆند ژ دهستێ درندهترين دوژمنێ مرۆڤاتيێ پاقژ بكهين و زيانێن زۆر ب تيرۆرستێن داعش بگههينين و سهروهريهكا دى بۆ هێزێن پێشمهرگێ كوردستانێ تۆمار بكهين.
ل ڤێره سۆپاسيا ههموو ئهوان فهرماندان دكهين يێن د ڤێ داستانا مهزن دا پشكدارى شهرى بووين و دهستێ برايێن پێشمهرگه ماچى دكهين كو ب رهنگهكێ قههرهمانانه خوه سهلماند كو هێزا پێشمهرگهى بۆ پاراستنا ئاخا كوردستانێ ههردهم گيانێ وى يێ ل سهر دهستى.
سهرێ خوه بۆ شههيدان د چهمينيت و ژ خودێ دخوازين ههر چ زوويه شيفايێ بۆ برينداران بهنێريت، سلاڤ ل خوراگريا كهسوكارێن سهربلندێن شههيد و خهلكێ كوردستانێ و ههربلند بيت ئالايێ پيرۆزێ كوردستانێ، بژى پێشمهرگه.
فهرماندهيا هێزا پشتهڤانيا 1
31-5-2016
ئەڤرۆ نیوز، غیاس زێباری:
ژبوو پشتەڤانیا پرۆژێ سەرۆک مەسعود بارزانی یێ ریفراندۆم و سەرخۆبوونێ ئەڤرۆ جەماوەرێ ئاکرێ کەرنەڤالەکا جەماوەری سازدا و تێدا پەیڤا جەماوەری ژ لایێ مامۆستا جەوھەر حەدێ رێڤەبەرێ ئەوقافا ئاکرێ ھاتە خواندن و پەیڤا حوکمەتێ ژی ژ لایێ مازن محەمەد سعەید دەڤەردارێ ئاکرێ ھاتە خواندن.
عەبدولا ئلیاس ئەندامێ لژنا سەرپەرشتا کەرنەفالێ بۆ ئەڤرۆ نیوز گۆت: “ئەڤرۆ رۆژا سێشەمبی جەماوەرێ دەڤەرا ئاکرێ ب گشتی کۆم بوونە بۆ دیارکرنا پشتەڤانیا خۆ بۆ پرۆژێ سەرۆک بارزانی یێ ریفراندۆم و سەرخۆبوونا کوردستانێ”.
زێدەتر گۆت: “ئەم رەوشا نھو یا دەڤەرێ بۆ ڤێ چەندێ ب دەلیڤە دزانین و ئەڤرۆ ل سەر ئاستێ سیاسی و لەشکری ھەرێما کوردستانێ قووناغێن زۆر برینە و پشتەڤانیەکا جیھانی ژی ھەیە”.
ئهڤرۆ نيوز، فاتما مزوورى:
ل ئێك ژ كهنالێن وهلاتێ مهغرب و د پهخشێ ئێكسهر دا، كچهك ژ ئهگهرێ تهنورێ خوه يێ كورت تووشى كاودانهكێ شهرمزاركهر بوو، ئهڤه ژى پشتى وێ چهندێ كو دايكا وێ پهچنتى دا كو لاشێ وێ يێ رووت دهرنهكهڤيت.
ژ ئهگهرێ وێ روودانێ ژى گرنژينهك كهفته سهر لێڤێن پێشكێشكارا بهرنامهى و بۆ جهێ شهرمزاريێ بۆ كچێ.
چالاكڤانێن مهدهنى يێن وى وهلاتى ژى راگههاند كو ئهڤ رهفتارا دايكێ زێدهتر ئهڤ كچه تووشى شهرمزاريێ كريه.
ئهڤرۆ نيوز، فاتما مزوورى:
ل تۆڕا جڤاكيا تويتهرى، دهنگويێ شكاندن و جهيلبرێككرنا دووماهى ڤێرژنێ ئاى ئۆ ئێس يێ نوو هاته بهلاڤكرن وهكو نووچهكێ خۆش بوو ب بكارئنيهرێن خودانێن ئايفونان.
ل دهسپێكا ڤێ ههيڤێ كۆمپانيا ئهپل گهشهپێدهرى سيستهمێ ئاى ئۆ ئێس دووماهى ڤێرژنێ خوه خسته بهر دهستێ ب كارئينهران كو 9.3.2 بوو، بهلێ ههر زوو ژ لايێ گرۆپێ تۆدێسكۆ ل تويتهرى دهنگويێ شكاندنا سيستهمى هاته بهلاڤكرن و ڤيديۆ خسته بهر چاڤێن ب كارئينهران.
نيشاندان
