ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 29ى ته‌باخا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1230 |
| 1 يۆرۆيێ ئه‌ورۆپى | 1440 |
| 1 ليرێ توركى | 435 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ئه‌كره‌م شه‌ريف جێگرێ به‌رێ يێ سه‌رۆكێ جڤاتا پارێزگه‌ها سلێمانيێ سكالايا قانوونى ل سه‌ر سه‌رۆكاتيا جڤاتێ تۆماركر، پشتى “بێ ره‌زامه‌نديا وى” ده‌ست ژ كاركێشانا وى ژ پۆستێ وى خستيه به‌ر ده‌نگدانێ و په‌سه‌ندكرى.
ئه‌كره‌م شه‌ريف ئه‌ڤرۆ رۆژا سێشه‌مبى د داخۆيانيه‌كێ دا ل به‌ر ده‌رگه‌هێ سلێمانيێ راگه‌هاند كو وى سكالا قانوونى ل سه‌ر سه‌رۆكاتيا جڤاتێ تۆماركريه، چونكو “بێ ره‌زامه‌نديا وى” ده‌ست ژ كاركێشانا وى خستيه به‌ر ده‌نگدانێ.
حه‌فتيا بۆرى ئه‌كره‌م شه‌ريف د چارچۆڤێ كۆموونا جڤاتێ دا بۆ لێكگوهۆڕينا پۆستان د ناڤبه‌را ئێكه‌تى و گۆڕان دا نه‌رازيبوونه‌كا توند ده‌ربڕى، پشتى حزبا وى كه‌سه‌كێ دى ل جهێ وى كانديد كرى بۆ وه‌رگرتنا پۆستێ سه‌رۆكاتيا جڤاتێ، د ده‌مه‌كى دا پێشتر ئه‌و كانديد كربوو، پاشان ژى ب پتريا ده‌نگان ده‌ست ژ كاركێشانا وى خسته به‌ر ده‌نگدانێ و په‌سه‌ندكر.
ئه‌ڤرۆ نيوز:
رێڤەبەرێ بەلاڤکرنا کارەبێ ل پارێزگەھا دھۆکێ دیارکر، پێنچ فەرمانبەرێن رێڤەبەریا کارەبێ یێن پارێ مانگانە ژ وەلاتیان وەردگرن ھاتنە رەوانەکرن بۆ دادگەھێ و ھندەک فەرمانبەر ژی یێن ھاتنە سزادان و ھندەک ژی ژ کاری ھاتینە لادان، ل دووڤ فەرمانێن کارگێری یێن رێڤەبەریا کارەبێ، ل سەنتەرێ قەزا دھۆکێ 91 ھزار وەلاتیان پشکداریا کارەبێ ھەیە و پتر ژ 40 فەرمانبەران ھەیڤانە د ناڤ مالێن وەلاتیان دگەرن بۆ کۆمکرنا پارێ کارەبێ و پێدڤیە ھەر فەرمانبەرەک سەرەدانا دو ھزار مالان بکەت بۆ وەرگرتنا پارێ کارەبێ و ئەم بەردەوام دووڤچوونێ دکەین، ھەر فەرمانبەرەکێ تشتەکێ وەسا بکەت ئەم وی فەرمانبەری سزاددەین.
سەفەر تەیب، رێڤەبەرێ بەلاڤکرنا کارەبێ ل پارێزگەھا دھۆکێ بۆ ئەڤرۆ دیار کر، پشتی دووڤچوون ل سەر ھاتیە کرن، پێنچ فەرمانبەر ھاتنە دەستەسەرکرن و رەوانەکرن بۆ دادگەھی، گەلەک فەرە وەلاتی پسۆلێن خۆ کارەبێ بەرزە نەکەن، چونکو ب رێیا پسۆلێن کارەبێ ئەم شیان بگەھینە قەناعەتێ و ئاشکرا بکەن کو وان پارە یێ ژ خەلکی وەرگرتی، چونکو ل سەر پسۆلێ نڤێسیە و پارە یێ گەھشتی ل رێڤەبەریێ دناڤ داتایێن کارەبێ دا پاری وان وەلاتیان نەگەھشتیە، ئەڤە دبیتە شاشی، وان پارە بۆ خوە ھەلگرتینە و پێنچ حالەت بوون، ژ وانا ھندەک گۆمان ل سەر ھەبوویە و گەلەک حالەتێن دێ ھەبووینە و بەردەوام ئەم دووڤچوونێ ل سەر دکەین و فەرمانبەرەکێ دی ھەتا نوکە ڤەکۆلین ل گەل دا یا بەردەوامە.
سەفەر تەیب خۆیا ژی کر، پێدڤیە خودانێ خانیێ بۆ مە دیاربکەت، چونکو پارێ ژ وەلاتی دھێتە وەرگرتن، ئەو وەلاتی دزانن چەند پارە دایە، چونکو ھەکە فەرمانبەر پارەی وەربگریت بزڤریتە رێڤەبەریێ دبێژیت من پارە نە وەرگرتیە، ئەم ناچارین باوەر ژێ بکەن، چونکو چو میکانزم نینن ئەم بزانین کا فەرمانبەرێ مە پارە وەرگرتیە ژ وەلاتیان یان نە، لەورا پێدڤیە وەلاتی سەرەدانا مە بکەت و ئاشکرا بکەت ھەتا ئەم بشێین پێرابوونان وەربگرین.
رێڤەبەرێ بەلاڤکرنا کارەبی دھۆکێ ئاشکرا کر، رەوشا کارەبێ ل سەنتەرێ پارێزگەھا دھۆکێ رۆژانە 15 ھەتا 18 دەمژمێران ھەیە، قەیرانا دارایی زۆر کارتێکرن ل سەر کارێ کارەبێ کریە و میزانیا پلانێ نەمایە و گەلەک پشکدار زێدەبووینە، ھەیڤانە 300 ھەتا 400 مالێن نوو دھێنە زێدەکرن ل سەر کارەبێ، ھەلبەت ئەڤ زێدەبوونە ژی پێدڤی ب کەرەستێن کارەبێ دبن، ھەکە پارە نەبیت ئاریشە دروست دبن.
سەفەر تەیب گۆت ژی “ل سنۆری سەنتەرێ قەزا پارێزگەھا دھۆکێ وەلاتی ب کوژمێ 30 ملیار دیناران قەرداری رێڤەبەریا کارەبێ نە، ژ بلی قەزا و ناحیێن ب سەر دھۆکێ ڤە، حەفت تیمێن رێڤەبەریا کارەبێ ھەوەکا مەزن بۆ نەھێلانا زێدەگاڤیان ئەنجام دان و بەری نوکە ژی بەردەوام دووڤچوون و چاڤدێری دھێتە کرن بۆ نەھێلانا زێدەگاڤیان، ل 1/4/2016 تیمێن نەھێلانا زێدەگاڤیان ھاتنە زێدەکرن و سەرەدانا پتر ژ 10 ھزار مالێن وەلاتیان ھاتە کرن، ئەم سەرەدانا ھەموو مالان دکەین بێی جوداھی.
رێڤەبەرێ بەلاڤکرنا کارەبێ ل دھۆکێ خۆیا کر، گەلەک زێدەگاڤی ھاتنە کرن و رێژەکا باش یا وەلاتیان بۆ خوە رابوون ب راکرنا زێدەگاڤیێن سەر کارەبێ، لێ زێدەگاڤی ھەر ھەنە و حالەت ھەنە زێدەگاڤی یا ھاتیە کرن و جارەکا دی وی وەلاتی زێدەگاڤی یا کریە ڤە و پێگیری پێ نەکریە، دووبارە ئەم ل سەر راوەستاینە.
ئەڤرۆ نيوز:
سەرۆکێ جڤاتا دەڤەرداریا شنگالێ راگەھاند, کو پارتا کارکەرێن کوردستانێ پەکەکێ، ھەتا نوکە 45 کچ و ژنێن ئێزدییان یێن رەڤاندین و برینە قەندیلی.
د ھەڤپەیڤینەکا ئاژانسا ئەنادول دا، وەیس نائیف، سەرۆکێ جڤاتا قایمقامیا شنگالێ گۆت: “د جڤاکا ئێزدی و دابەنەریتێن خەلکێ شنگالێ دا، نابیت کچ و ژن بھێنە بەرزەکرن و ژ مالێن وان بھێنە دوورکرن، مەزنترین ئازارا ئێزدییان ژی ل سەر دەستێ داعشێ، رەڤاندنا ژن و کچێن وان بوویە، نوکە ژی مەزنترین کێشەیا ئێزدیان پەکەکە یە و ھەتا نوکە 45 کچ و ژن رەڤاندینە و برینە قەندیلی و ناھێلن ڤەگەرنە مالێن خوە”.
گۆتژی “نوکە شنگال دەڤەرەکا سەربازییە و خەلکێ وێ ژبەر پەکەکێ ناڤەگەرنە سەر مالێن خوە، د دەمەکی دا کو ب تنێ فەرماندەیا شنگالێ پتری ھەشت ھزار پێشمەرگەیان یێن ھەین و شیانێن پاراستنا شنگالێ ھەنە، لێ پەکەکە خوە نا ڤەکێشیت و بوویە مەزنترین کێشە ل ھەمبەر خەلکێ دەڤەرێ.
سەرۆکێ جڤاتا دەڤەرداریا شنگالێ دا زانین ژی کو ئەو دخوازن شنگال ڤەگەریتە سەر ھەرێما کوردستانێ و ھەر ئالییەکێ ببیتە رێگر ژی، د خوازیت کارەساتەکا دی ب سەر خەلکێ شنگالێ دا بینیت.
ئەڤرۆ نیوز:
رۆژناما نیویورک تایمز یا ئەمریکی د راپۆرتەکێ دا دیار کریە پشتی کو ھێزێن ھەڤپەیمانیا نێڤدەولەتی ب ھاریکاریا ھێزێن ھەرێمی و ب تایبەتی ژی ھێزێن کوردین شیان ل عیراقێ و سووریایێ دربێن مەزن ل رێکخراوا تیرۆرستی یا داعشێ بدەن، ئەو رێکخراوا تیرۆرستی گەلەک یا لاواز بووی و داعش نەشێت وەکو جاران شەری بکەت و رۆژ ب رۆژێ ژی ئاخا ل ژێر دەستھەلاتا خوە ژ دەست دەت و ژ بەر ھندێ ژی داعش بەرەیەکێ نوو یێ شەری ڤەدکەت و ل لیبیا، یەمەن، ئەفغانستان و وەلاتێن ئەفریقی خوە ب ھێز دکەت و ژ بەر ھندێ ژی دڤێت ھێزێن ھەڤپەیمانیا نێڤدەولەتی یا ل دژی داعشێ پێداچوونێ د ستراتیژیا خوە یا شەری بکەن و بەری کو ئەو بشێن ل وان وەلاتان مەترسیێ دروست بکەن دڤێت ژناڤ بچن.
د بەردەوامیا راپۆرتێ دا ھاتیە دیار کرن کو نھا ل لیبیا ژی ھێزێن لیبیا ب ھاریکاریا ئەمریکا شەرەکێ دژوار ل دژی داعشێ دکەن و شیان سەرکەڤتنێن مەزن ژی تۆمار بکەن، لێ رێکخراوا تیرۆرسی یا داعشێ نھا ب رێیا رێکخراوا تیرۆرستی یا شەباب ل نیجێریا و گەلەک وەلاتێن دی یێن ئەفریقیا چەکداران بۆ خوە پەیدا دکەت و دڤێت ب رێیا وان وەلاتان جارەکا دی خوە ب رێکخستن بکەت، ژ بەر ھندێ ژی دڤێتە خواستن ھەڤپەیمانیا نێڤدەولەتی یا ل دژی داعشێ ل گۆر لڤینێن نوو یێن وێ رێکخراوێ پێداچوونێ د ستراتیژیا شەرێ خو ل دژی تیرۆرێ بکەت، چونکو دڤێت بەری ئەو بشێن ل وان وەلاتان خوە ب ھێز بکەن و چەکداران پەیدا بکەن دڤێت ژناڤ شەری وان بھێتە کرن و ب ھەموو رەنگەکێ ژی بزاڤ بھێنە کرن کو نەھێلن خەلک بگەھیتە داعشێ.
ل ئالیێ دی داعشێ دوھی ل باژێرێ عەدەن یێ یەمەنێ ژی د ئەنجاما پەقینەکا مەزن دا شێست کەسان جانێ خوە ژ دەست دان و گەلەک کەسێن دی بریندار بوون و رێکخراوا تیرۆرستی یا داعشێ ژی بەرپرسیار خوە ل ھەمبەر وێ پەقینێ راگەھاند، چاڤدێرێن سیاسی ژی دیار دکەن کو ھەکە نھا داعش ل سووریێ و عیراقێ لاواز ببیت و دەرکەڤیت ژی دێ ب سالان ل وەلاتێن وەکو ئەفغانستان، یەمەن و لیبیا کو نھا رەوشا وان گەلەکا ئالۆزە دێ بشێن کریارێن تیرۆرستی ئەنجام بدەن.
ئەڤرۆ نيوز:
رێڤەبەریا گەشناسی و بیڤەلەرزا ھەرێمێ راگەھاند, کو پێشبینی دھێتە کرن ل پێنج شەمبیا بھێت پلێن گەرمێ نزم ببن و ل دەسپێکا حەفتیا بھێت ژی گەرما ھاڤینا ئەڤ سالە ب دوماھیک بھێت.
فزل ئیبراھیم رێڤەبەرێ گەشناسی و بیڤەلەرزا ھەرێمێ بۆ خەندان دیار کر کو ئەو پێلا گەرمێ یا ب سەر ھەرێمێ دا ھاتی دو رۆژێن دی دێ یا بەردەام بیت و رۆژا پێنج شەمبی پلا گەرمێ دێ نزم بیت و ل دەسپێکا حەفتیا بھێت ژی پلێن گەرمێ ب گشتی ل ھەرێمێ دێ ھێنە خوار بۆ 40% و گەرما ھاڤینا ئەڤ سالە دێ ب دوماھیک ھێت ژبەر نێزیکبوونا وەرزێ پایزێ.
ناڤبری گۆتژی ” د ماوێ ڤان ھەردو سالێن بوری دا پلێن گەرمێ ل ھەرێما کوردستانێ د جیاواز بوون ل گەل سالێن دیتر د وەرزێ ھاڤینێدا, ئەگەرێ بلندبوونا گەرمێ ژی د ڤان ھەردو سالان دا بۆ دیاردا نینۆ ڤەدگەریت ئەو ژی ھەر وەختەکێ پلێن گەرمێ ل سەر رویێ ئاڤێ ل زەریایا ھێمن دھێتە گۆھورین و دبیت ئەگەرێ گۆھورینا پێلێن ئاڤێ, ئەڤە ژی کارتێکرنێ دکەتە سەر ئاراستەکرنا فشارا ھەوایێ وان دەڤەران”.
رێڤەبەرێ گەشناسی و بیڤەلەرزا ھەرێمێ دیار کر ژی کو ھەر وەختەکێ دیاردا نینۆ بەلاڤ بۆ دبیتە ئەگەرێ نزمبوونا فشارا پالەپەستویا وەرزی و پلێن گەرمێ ل وان دەڤەران بلند دکەت, بەلێ ب لاوازبوونا ڤێ دیاردێ پلێن گەرمێ نزم دبن.
گۆتژی ” ل دووڤ ڤەکۆلینێن دیاردا نینۆی ل پایزا ئەڤ سالە دێ ب دوماھیک ھێت, لەوما پێشبینی ناھێتە کرن ل ھاڤینێن سالێن بھێن پلێن گەرمێ وەکو یێن ڤان دو سالان بلند ببن”.
ئەڤرۆ نيوز:
ھەڤسەرۆکێ HDP د داخۆیانیەکی دا راگەھاند کو دڤێت PKK بێ شەرت و مەرج ھێرشێن خوە ل باژێر و چیایان بدەتە راوەستاندن و دیار کر حسابێن شەرێ کرێت و سیاسەتا تاری یا ئاکپارتی ب کوشتنا سەرباز و پۆلیسان ناھێتە پرسین و تۆلا ھەری مەزن ب دروستکرنا ئاشتیێ و راوەستاندنا ھێرشان ئەم دشێین ژ ئەردۆگانی و حوکمەتا ئاکپارتی ب پرسین.
سەلاحەدین دەمیرتاش ھەڤسەرۆکێ پارتا دیمۆکراسیا گەلان HDP ل باژێرێ ئیزمیر یێ تورکیا کۆمبوونەکا بەرفرەە یا جەماوەری سازکر و ل سەر رەوشا تورکیا و باکورێ کوردستانێ راوەستیا و راگەھاند کو مخابن تورکیا بەر ب شەرەکی دژوار یێ ناڤخوەیێ ڤە دچیت و ئەڤ شەرە دێ کارتێکرنەکا خراب ل ھەموو وەلاتیێن تورکیا بکەت و گۆت: (حوکمەتا ئاکپارتی ب سەرکێشیا سەرۆک کۆمار ئەردۆگانی وەلاتی رۆژ ب رۆژی دکەتە د ناڤ شەرێ ناڤخوەیی دا و رۆژانە ب دەھان لاوێن کورد و تورک دھێنە کوشتن و دڤێت ھەموو ئاشتیخواز، دیمۆکراسیخواز و دژبەرێن شەری دەنگێن خوە بۆ راوەستاندنا شەری بلند بکەن و ئەم ھەموو پێکڤە ئاگرێ مەترسیدار ڤەمرینین).
دەمیرتاشی د پشکەکا دی یا ئاخڤتنا خوە دا ژی ل سەر بەلاڤبوون و دژواربوونا ھێرشێن PKK ل باژێرێن تورکیا و باکورێ کوردستانێ ژی راوەستیا و دیار کر کۆ راستە شەرێ کو ئەڤرۆ دھێتە کرن ژ ئەنجاما سیاسەتا کرێت و تاری یا ئاکپارتی و سەرۆک کۆمارێ تورکیا دوبارە دەستپێ کریە و گۆت: (ئەردۆگان و ئاکپارتی وەلات وێران کرینە و رۆژانە ئاگرێ کو ژ ئالیێ دەستھەلاتداران ڤە ھاتیە ھەلکرن مە ھەموویان دسۆتینیت و دڤێت PKK ژی ئێدی دەست ژ ھێرشێن ل ناڤ باژێران و چیایان بەردەت و نابیت باجێ سیاسەتا شاش و تاری و شەرێ کرێت یا حوکمەتێ سەرباز و پۆلیس ئانکۆ لاوێن کورد و تورک بدەن و داخواز ژ PKK دکەم بێ شەرت و مەرج شەری راوەستینیت و دەست ژ چالاکیێن پەقاندنان بەردەت، ژ بەر کو ب کوشتنا پۆلیس و سەربازان پرس ناھێتە چارەکرن).
ھەروەسا ھەڤسەرۆکێ HDP راگەھاند ژی کو دڤێت ھەموو تاخ و چینێن جڤاکێ تورکیا و باکورێ کوردستان، ب تایبەت ژی رەوشەنبیر، نڤیسەر، رۆژنامەڤان، ئەکادیمی، ئاشتیخواز، دیمۆکراسیخواز و دژبەرێن شەری بۆ راوەستاندنا شەر و چارەکرنا پرسگرێکا کوردی ب ئاشتی و دانوستاندنان دەنگێ خوە بلند بکەن و ل دژی شەری بەرەیێ ئاشتیێ ب ھێز کەن و گۆت: (ئەز جارەکا دی دبێژم مخابن حوکمەت ئانکۆ دەستھەلاتدارێن تورکیا وەلات بەر ب شەرێ ناڤخوەیی ڤە دبەن و ئەڤ شەرە دێ ھەموو تورکیا ژناڤ بەت و دێ ھەموو ئالی زرارمەندێن شەری بن، ڤێجا دەم دەمێ بلندکرنا ئالا ئاشتیێیە و تورکیا ب تنێ ئاشتی و دیالۆگێ دشێت ل سەر پیان بمینیت و پرسا کورد و پرسێن دی چارە بکەت و ژ بلی ڤێ یەکێ ھەموو رێ و رێبازێن دی دێ خزمەتا وێرانکرن و شەرێ ناڤخوەیی کەن).
د داویا ئاخڤتنا خوە دا ژی دەمیرتاشی سەرنج راکێشا سەر ھێرشێن دەولەتا تورکیا و ھێزێن تیرۆرست یێن ئەلنوسرا، سولتان موراد، ئەحرار شام و داعشێ بۆ سەر گوند و باژێرێن رۆژئاڤایێ کوردستانێ و گۆت: (مە ھێڤی دکر دەستھەلاتدارێن تورکیا سەربۆرێ ژ دیرۆکێ وەربگرن و ببنە ھێزا ئاشتیێ ل رۆژھەلاتا ناڤین، لێ مخابن دەستھەلاتدارێن تورکیا خوە کرنە پشکەک ژ شەرێ ل سووریێ و ل بەر چاڤێن جیھانێ پشتەڤانیا کۆمێن تیرۆرست دکەن و گوند و باژێرکێن رۆژئاڤایێ کوردستانێ ددەتە بەر تۆپان و فرۆکێن شەر یێن وان ژی کوردان بۆمبەباران دکەن و جارەکا دی بانگ ل حوکمەتا تورکیا دکەم کو دەست ژ تۆپبارانکرن و بۆمبەباران کرنا ئاخا رۆژئاڤایێ کوردستانێ بەردەن و تانک و سەرباز و ھێزێن خوە یێن تایبەت ژ رۆژئاڤا ڤەکێشینن، ھەکە نە مەترسیا وێ یەکێ ھەیە کو تورکیا ببیتە قادا شەرێن دژوار و شەرێ سووریا ژی ڤەگوھێزیتە ناڤ ئاخا تورکیا و باکورێ کوردستانێ. دیسان داخواز ژ ئەمریکا، جڤاتا ئاسایشا نێڤدەولەتی، یەکیتیا ئورۆپا و نەتەوێن یەکگرتی دکەم کو فشارێن بێخنە سەر تورکیا دا کو دەست ژ ھێرشێن بۆ سەر ئاخا رۆژئاڤایێ کوردستانێ بەردەت).
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 29ى ته‌باخا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1288 |
| 1 يۆرۆيێ ئه‌ورۆپى | 1442 |
| 1 ليرێ توركى | 435 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
رائيدێ مافپه‌روه‌ر ئازاد تاها، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا دوشه‌مبى رێكه‌فتى 29ى ته‌باخا 2016ێ ژى ل ده‌مژمێر 9:30 سپێدێ ترۆمبێله‌كا ڤيكترا ل سه‌ر جادا كه‌له‌ك بۆ به‌رده‌ره‌ش ترۆمبێله‌كا تايبه‌ت ئۆپل ڤيكترا وه‌رگه‌ريا و د ئه‌نجام دا كه‌سه‌كى گيانێ خوه ژ ده‌ست دا”.
نيشاندان
