NO IORG
نووترين نووچه
Facebook

ئه‌ڤرۆ نيوز:

ل رۆژا ئێك شەمبی 28/8/2016 لیژنا بلند یا سەرپەرشتیا موەلیدێن پارێزگەها دهۆكێ‌ كومبوونا خو یا هەیڤانە ل هولا كۆمبوونا یا قایمقامیا قەزا دهوكێ‌ گرێدا ب سەروكاتیا جهور علی عزیز قایمقامێ‌ قەزا دهوكێ‌ و سەروكێ‌ لیژنێ‌ و ب ئامادەبوونا ئەندازیارو ئەندامێن لیژنا بلند یا سەرپەرشتیا موەلیدێن پارێزگەها دهۆكێ‌ ونوینەرێن رێڤەبەریێن كەهرەب ، بەرهەمێن گازێ‌ ل دهوكێ‌ ،جڤاتا شارەوانیا دهۆكێ‌ و نوینەرێن لیژنێن موەلیدا ل قەزایێن دهۆك،سێمێل،زاخو،ئامێدی،ئاكرێ‌،شێخان وبەردەرەش..دڤێ‌ كومبوونێ‌دا دان و ستاندن هاتنە كرن وچەندین بریار هاتنە دان لسەر بابەتێن رەوشا كەهرەبێ‌ وكاركرنا موەلیدا و نرخێ‌ ئەمپێری بۆ مەها تەباخێ‌ (هەیڤا 8 ) ، ودانانا بەرنامێ‌ كاركرنا موەلیدا بۆ هەیڤا ئیلونێ‌ (هەیڤا 9/2016 ).

* نرخی ئەمپێرێ‌ كارەبا موەلیدا یێ‌ ( هەیڤا – 8 – تەباخێ‌ ) ب ڤی شێوێ‌ ل خوارێ‌ یە :
1- قەزایینَ دهوك،سمیل ودەڤەرێن سەر ب وانڤە :( 8.000 ) هەشت هزار دینارن، و ل قەزا ( زاخو ) ( 8.250 ) دینارن.
2- ل قەزا ئاكرێ‌ وناوچەیێن ( دینارتەوبجیل وگردەسین )/سەنتەر ( 8.250 ) هەشت هزارو دوو سەدو پێنجیدینارن.ل ناوچەو گوندێن دەورو بەرێن ئاكرێ‌ فیدەرێ‌(گردەسێن-شەرمن و ئومەرخۆشان)(7.000 ) هەفت هزار دینار ن ول فیدەرێ‌ ( دینارتە و بجیل ) ( 7.000 ) هەفت دینارن و ئەو جهێن بەلێندەر موەلیدێن وان برێڤە دبەت ل فیدەرێ‌ (گردەسێن -شەرمن و ئومەر خۆشان ) ( 8.250 ) هەشت هزارو دوو سەدو پێنجی دینارن.
4- ل قەزا بەردەرەش/سەنتەر(8.500) هەشت هزارو پێنج سەد دینارن. ول ناوچا( كەلەك و بشیریان ) (8.000 )هەشت هزار دینارن ول (كانی ئەسپان،ئیسماوە زەنگەنان) ( 8.000 ) هەشت هزار دینارن. ول ناوچا (دارەتوو ) ( 8.250 ) هەشت هزارو دوو سەدو پێنجی دینارن ، ول ناوچا ( رۆڤیا/بەلێندەر) ( 8.250 ) هەشت هزارو دوو سەدو پێنجی دینارن.
5- ل سەنتەرێ‌ قەزا شێخان ( 8.250 ) هەشت هزارو دوو سەدو پێنجی دینارن. ول ( ناوچا چرە) ( 8.250 ) هەشت هزارو دوو سەدو پێنجی دینارن. ول( كەلەكچی ودولیشان ) ( 8.250 ) هەشت هزارو دوو سەدو پێنجی دینارن ،ول ناوچا ( قسروك ) ( 8.500 ) هەشت هزارو پێنج سەد دینارن ، ل (مهەتێ‌ ) ( 8.250 ) هەشت هزارو دوو سەدو پێنجی دینارن.ول(وان ناوچە ودەڤەرێن كومپانیا بێخال موەلیدێن وان برێڤەدبەن ل سنورێ‌ قەزا شێخان) فیدەرێ‌ (هزار جووت،لەكان،كفرێ‌ )(8.250) هەشت هزارو دوو سەدو پێنجی دینارن،وفیدەرێ‌(خنس،شەهیا)(8.250) هەشت هزارو دوو سەدو پێنجیدینارن.
6- ل ناحیا باعدرێ‌ (8750) هەشت هزارو هەفت سەدو پێنجی دینارن.ول(ئێسیا) (8.750) هەشت هزارو هەفت سەدو پێنجی دینارن ول ناوچا ئەتریش و بلدێشا (8.250) هەشت هزارودووسەدوپێنجی دینارن.
7- ل قەزا ئامێدیێ‌ /(سەنتەر) ( 7.750 ) هەفت هزارو هەفت سەدو پێنجی دینارن، ول (چەمانكێ‌) ( 7.750 ) هەفت هزارو هەفت سەدو پێنجی دینارن،ول(سەرسنگی) ( 8.250)هەشت هزارو دوو سەدو پێنجی دینارن،ول (دێرالوكێ‌)(8.000)هەشت هزار دینارن ول ( شێلادزێ‌)(8.250)هەشت هزارو دوو سەدو پێنجی دینارن.
8- ل دەڤەرێن سنورێ‌ قایمەقامیا قەزا سێمێلێ‌ ئەوژی ( باتیل، باستكێ‌، سمایل ئاڤا، بالقوس، خراب دیم وگرشین و مقبلێ‌) ( 8.000 ) هەشت هزار دینارن.ودەڤەرێن ئەمپێری ل زاخو: ( 8.000 ) هەشت هزار دینارن .
9- ل دەڤەرێن ( كورا ،مانگێش ،زاویتە و باگێرا ) (7.750) هەفت هزارو هەفت سەدو پێنجی دینارن.
10- ل شوقێن پارێزگەها دهوكێ‌ كو بەرنامێ‌ كاركرنا موەلیدا ( 24 ) دەمژمێرییە وئەوێن موەلیدێن وان نە سەر ب پرۆژەی ڤە ( 9.000 ) نەه هزار دینارن .
11- ل ناوچا (ئەلقوش /سەنتەرێ‌ ناوچێ‌ -جراحی-بوزا-شێخكا- بێبان ونفێریێ‌) ( 7.000 ) هەفت هزار دینارن ول ( خەتارێ‌ – دوغاتا – منارە- تلسین و بابیرا) ( 4.500 ) چوار هزارو پێنج سەد دینارن
تێبینی:
• بەرنامێ‌ كاركرنا موەلێدا ل سەنتەرێن قەزایێن دهوك،زاخو و سێمێل بۆ مەها ( ئیلونێ‌َ – هەیڤا 9/2016 ) دێ‌ بڤی رەنگێ‌ لخوارێ‌ بیت :
* بەرنامێ‌ كاركرنا موەلیدان ل قەزایێن دهوك ، سێمێل وزاخو دێ‌ ( 24 ) دەمژمیری بیت ، كۆ هەر دەمێ‌ كەهرەبا نشتمانی هاتە برین ، ئێكسەر موەلیدە دێ‌ كەڤنە دكاری دا ، ژبلی وان قەزایێن بەرنامێن خۆ یێن تایبەت هەین كۆ ژلایێ‌ رێڤەبەریێن وانڤە هاتینە دانان .
* هیڤیدارین ژ خودانێن موەلیدا پێگریێ‌ ب بەرنامێ‌ لیژنا سەرپەرشتیا موەلیدان بكەن ئەوێ‌ لسەری دیاركری ، وداخوازێ‌ ژ هەلبژێرێن بەرێز دكەین ، هەر جهەكێ‌ موەلیدا ل تاخێ‌ وی پێگریێ‌ نەكەت ، لیژنا مە ب سكالایەكا نڤیسی ئاگەهدار بكەت داكو پێرابوون د دەرهەقێ‌ وان دا بهێنە ئەنجامدان.
لیژنا سەرپەرشتیا موەلیدا ل پارێزگەها دهوكێ‌

1240

ئەڤرۆ نیوز:
پشتی درستبوونا چەند کێشەیان د ناڤبەرا جونی دیپ و ئەمبەر ھێرد دا و ژێکجودابووین، ھێرد بریاردا 7 ملیون دولاران پێشکێشی رێکخراوەکا خێرخوازی بکەت.
ئەمبەر ھێرد کو ماوەیەکە ژ جونی ئەکتەرێ ب ناڤ و دەنگێ ھولیود جودابووی ئاماژە ب وێ یەکێ دکەت کو ئەو 7 ملیون دولارێن کو وەک مافەک ژ جودابوونێ وەرگرتین دێ پێشکێشی دو رێکخراوێن خێرخوازی کەت.
ئەو رێکخراو ئێک یا تایبەتە ب رێگریا توندوتیژیا بەرامبەر ژنان و یا دوێ رێکخراوەکە گرێدایی ب خزمەتا نەخوشیێن زارۆیان، ھێرد دبێژیت: “ئەز دزانم کو ئەڤ رێکخراوە خزمەتەکا زور دگەھینین لەوما من ژی دڤێت پشتەڤانیا وان بکەن ھیڤیخوازم ژ ئەنجامێ ڤێ ھاریکاریێ گوھورینەکا باش د ژیانا ھندەک کەسان دا دروست ببیت کو پێدڤی ب ھاریکاریانە”.

Image resultImage resultImage resultImage resultImage resultئه‌مبه‌ر هێردImage resultImage result

1045

ئەڤرۆ نیوز:
خانمە ئەکتەرەکا سینەمایی یا ھۆلیۆد دو سالە ل سەر ئێک دبیتە پر داھاترین ئەکتەرا ژن ل سەرانسەری جیھانی و ئەڤ سالەژی ل سەرێ رێزێ دھێت.
جێفیفر لورێنس خانمە ئەکتەرا 26 سالی یا سینەما ھولیود سالا بووری سەرجەمێ داھاتێ وێ 46 ملیون دولار بوون و بۆ ئەڤ سالەژی ل سەرێ رێزبەندیێ ھات ژ پرداھاتریین ئەکتەرێن جیھانی ژ ئالیێ داھاتی ڤە.
ل دووڤ دەنگوباسەکێ فوربز ئەڤ سالە داھاتێ وێ ل چاڤ سالا بوری ب رێژا 11% کێمتر بوویە بەلێ جیاوازیا داھاتێ وێ ب چاڤ ئەکتەرێن دی یێن ژن دا، ھەر ئەو ل سەرێ لیستێ ھێلایە و چ ئەکتەرەکا دی یا خانم ل سەرانسەری جیھانێ ھندی وێ پارە نین.
جێنیفر لورێنس پرانیا داھاتێ وێ ژ ئەگەرێ پشکداری و ئەکتەریا وێ بوویە د دو فلمان دا کو ڤی دووماھیێ پشکداربوین و ل پشتی وێ ملیسا مەک کارتی کو ئەکتەرەکا کومیدیی یا بناڤ و دەنگا سینەما ئەمریکایە دھێت کو داھاتێ وێ د فلمەکێ دا گەھشیە 35 ملیون دولاران.

Image resultImage resultImage resultImage resultImage resultImage resultImage result

فۆتۆ: نيوار محه‌مه‌د سه‌ليم

ئه‌ڤرۆ نيوز:

بەرپرسێ ژوورا پارێزەرێن شێخان راگەھاند کو، ژنەکێ ل نیڤا شەڤێ ئاگر بەردا ژوورا ھەڤژینێ خوە و رەڤی، وی ژی سکالایەک ل بنگەھێ پولیسان ل دژی ھەڤژینا خوە تومار کر کو ئاگر بەردایە مالێ و رەڤیە و کەس نزانیت بەرب کیڤە چوویە، گۆتژی پشتی ڤێ روودانێ ب 10 رۆژان تەرمێ وێ ژنێ ب کوشتی ل چولی ھاتە دیتن، د راپورتا نوژداریا داد دا ھاتیە کو شوونوارێن لێدانێ ل سەر لاشێ وێ ھەبوون.

پارێزەر ئەڤین خودێدا ژ ژوورا پارێزەرێن شێخان بۆ رۆژناما ئەڤرۆ دیارکر کو ژنەکێ ل نیڤا شەڤێ ئاگر بەردا ژوورا ھەڤژینێ خوە و رەڤی و گۆت: ژ خەوێ رابوو ھند دیت پێن وی سوتن، بەرێ خوە دا زارۆیێن خوە د باش بوون د ژوورا دیڤە د نڤستی بوون و دەیکا وان نە ل مالە، وی بزاڤ کرن ئەڤ ئاگرە ڤەمراند و زارۆیێن خوە برنە مالا جیرانان، وان ژی گەھاندە نەخۆشخانێ بۆ چارەسەریێ، وی ژی سکالایەک ل بنگەھێ پولیسان ل دژی ھەڤژینا خوە تومار کر کو ئاگر بەردایە مالێ و رەڤیە و کەس نزانیت بەرب کیڤە چوویە.
پارێزەرێ گۆتژی: پشتی ڤێ روودانا سووتنێ ب 10 رۆژان تەرمێ وێ ژنێ کوشتی ل چولی ھاتە دیتن، د راپورتا نوژداریا داد دا ھاتیە کو شوونوارێن لێدانێ ل سەر لاشێ وێ ھەبوون و ب رێیا (DNA) ل گەل خووشکا وێ دیار بۆ کو ئەو ھەڤژینا زەلامێ سوتیە یێ کو سکالا ل سەر وێ تومار کری کو وێ ئاگر بەردایە مالا وی و رەڤیە، پشتی دیتنا تەرمێ ڤێ ژنێ زەلامێ وێ ھاتیە دەستەسەرکرن و گونەھبارکرن ب کوشتنا وێ.
سەروەر رەزیکی چارەسەرکارێ دەروونی ئاماژە پێ کر کو، ژن گەلەک جاران گەلەک تشتان دکەتە ددلێ خوەدا و ژ دلێ خوە نائینتە دەر، ئەفجا ئەو خەم و کول و عاجزی دبنە ئەگەر رۆژەکێ ئەو برینا دەروونی دەرببیت و مینا ڤێ روودانا سەری ھاتیە بەحسکرن لێ پەیدا بیت و گۆت: دبیت کومەکا ئەگەرا ھەبیت ھەتا ئەڤ ژنە ڤێ کریارێ بکەت، بەلێ ئەگەرێ ژ ھەموویان بەرفرەھتر و سەردەمیانە خیانەتا ھەڤژینیێ یە و دبیتە ئەگەرێ تۆلڤەکرن و بەردانا ئاگری ب ژوورا زەلامێ خوە کو وەسا ھزر کریە وی دلێ وێ سوتیە و ئەو ژی پێدڤیە وی ب سوژیت داکو بشێت تولێن خوە ژێ ڤەکەت.
چارەسەرکارێ دەروونی گۆتژی: ھەکە ئەڤ ژنە تووشی حالەتەکێ دەروونی ژی بیت ناگەھیتە وێ رادێ کو زەلامێ خوە ب سوژیت.

1190

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 28ى ته‌باخا 2016ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 42500
1 گرام زێرێ  (ع) 21 48500
1 گرام زێرێ  (ع) 22 50500
1 گرام زيڤ 3000

 

892

ئەڤرۆ نیوز:
دوگیانی ھەردەم کریارەکا فزیولوجی نینە، بەلکو دبیت دھندەک دەلیڤەیان دا ببیتە ئەگەرێ مرنێ و زێدە پەیدابوونا سەربارکێن بەردەوام بۆ دایک و زارۆیان، ئەگەر ب شێوازەک گشتی دوگیانی ژیانا دایکا و نەوزاد و سۆریلانکان بەرئاتافی ئاریشەیان بکەت و ھەلبەتە دێ ب مەترسی تر بیت ل دەما ھێشتا کاریگەرێن نەباشیێ دگەلدا ھەبن مەزنترین مەترسی ژی ل دەمێ دوگیانیێ و زاروکبوونێ مرنە کو ژ ئەنجامێ گەلەک سەربارکێن دوگیانیێ پەیدادبیت.
دوگیانیا گەلەک مەترسیدار ئەوە کو دایکێ و کورپەلەیێ وێ بەرئاتافی مرنێ دکەت، ئەڤجا چ دماوێ یان پشتی یان بەری زاروبوونێ بیت، یانژی ئەوە یا کو دایکێ و زاروکی تووشی مەترسیان دکەت و دشیاندایە دایک گیانێ خۆ ژ دەست بدەت دماوێ دوگیانیێدا یان دماوێ زاروکبونێدا ژ بەر خوون بەربوونێ یان بلندبوونا فشارا خوونێ و سەربارکێن وێ ب ھندەک نەخۆشیان دیاردبن وەک(ژەھراویبوونا دوگیانیێ، نەخۆشی، نەخوشیێن پەیوەندیدار ب دلی ڤە، نەخوشیێن خوینگێرێن خوینێ…ھتد).
د ھندەک حالەتێن دیتر دا دبیت رەنگە نەخۆشی و ئاستەنگێن مەزنتر ژی بۆ دایکێ پەیداببن و ل دەمێ دایک سەرەدادنا کلینیکێن دووڤچوونا دوگیانیێ دکەن ل وی دەمی پێدڤیە کلینیک ب سێرڤەیەکێ راببن ژبۆ دەستنیشانکرنا مەترسیا دوگیانیێ دایکێ و زاروکێ وێ یێ نەبووی ژی داکو ئەو زارۆ بھێتە پاراستن ژ بەرچوونێ، و وەرارا وی د مالبچووکی دا بھێتە زانین و مرن د مالبچووکی داپەیدانەبیت و ھەر کێماسیەک د لەشیدا بھێتە دەستنیشانکرن و گەلەک ئاریشەیێن دیتر پشتی پەیدابوونا وی پەیدادبن پێدڤیە بھێنە دەستنیشانکرن و ژ بۆ ڤێ یەکێ ژی دووڤچوون و چاڤدێری دڤێن.
دووڤچونا رەوشا ژنا دوگیان دێ ب گەلەک خالان بیت وەکو زانینا کاودانێن ساخلەمیا ژنێ و پێشاندانا وان بۆ کومەکا ستافێ ساخلەمیێ کو پێکھاتی بیت ژ ھندەک نوشدارێن تایبەمەندێن خوراکیێ و تایبەتمەندێن جڤاکی و دیسان ئەو دێ رابن ب دەست نیشانکرن و زانینا حالەتێن دوگیانیێ و زاروکبوونێن مەترسیدار وەک نیشانێن لێدانا زەنگێ و مەترسیێ(بەری دوگیانیێ) کو گرنگە ژنا دوگیان و ئەندامێن خێزانا وێ ڤان نیشانا بزانن، دیسان فەرە وان نیشانان ژی بزانن یێن چاڤدێریا نوشداری دخوازن یان دخوازن قەستا نوشداری بکەت ژوان نیشانان ژی ( ھەکە ماوە د ناڤبەرا دوگیانیا دووماھیێ و یا پێشتر ژ دو سالان کێمتر بیت، یان ژیێ ژنا دوگیان ژ (18) سالان کێمتر بیت و ژ (35) سالان بوری بیت، یان ھەکە چوار زاروک یان پێھەلتر ھەبن و ئەگەر بەری دەمی زارویەکێ ژ دو کیلویان کێمتر ببیت، یان ھەکە بەری دەمی گەلەک نەخوشی دیت بیت یان ب کریارا قەیسەری زاروک ببیت و ئەگەر بەری دەمی ژنا دوگیان زارویەکێ پێش وەخت ببیت.یان زارویەکێ مری ژ دایک ببیت و ھەکە کێشا ژنا دوگیان ژ (38) کیلویان کێمتر بیت یان درێژیا وێ ژ (145سم) پتر نەبیت.
ژبۆ دەستنیشانکرنا نوو و چارەسەریا دوگیانیا ب مەترسی پێدڤیە مێژویا ساخلەمیا وێ ب ھووری بھێتە ڤەکولین کو د شیاندایە ب ڤێ رێکێ ھندەک ئەگەرێن بەرچاڤ دیار بکەین کو مەترسیێ ل سەر دوگیانیێ پەیدادکەن و پشکنینەکا ھوور و گشتی بو لەشێ دایکێ بھێتە کرن و پشکنینێن نوشداری یێن روتینی و پێدڤی بۆ بھێنە ئەنجامدان و ھەلسەنگاندنەکا باش و رێکخستی بو حالەتێ ساخلەمیا دایکێ د ماوێ دوگیانیێدا بھێتە کرن و پشکنینەکا گشتی بۆ زارویێ وێ د ماوێ دوگیانیێدا کو پێکھاتینە ژ پشکنینێن تایبەت ژبو خویاکرنا باشیا ساخلەمیا زارویێ وێ ھەبن و ھەروەسان پێدڤی یە کارتێکرنا دوگیانیێ ل سەر زاروکی بھێتە لێکولین ژبو دیارکرنا ھەر مەترسیەکا کارتێکرنێ ل زاروکی دکەت و رێکا زارۆبوونێ بھێتە دەستنیشانکرن کا ب سروشتی یان ب کریارەکا قەیسەری ژدایک ببیت، و دیسان پشتی ژدایکبوونا زارۆیی ئێکسەر پشکنین بھێنە کرن ژ بۆ دەستنیشانکرنا ھەر نیشانەکا دبیتە ئەگەرێ تێکدانا ساخلەمیا وی و ب ڤان رێیان دێ شێین ژنا دوگیان و زارۆیێ وێ ژ ھەر مەترسیەکێ پارێزین و دووگیانی ب شێوازەکێ ساخلەم و دوور ژ گەفان دێ ب دووماھی ھێت.

369

ئەڤرۆ نیوز:

ھشکبوونا دەمارا ئەو نەخۆشی یە دەمێ تیفلکێ سەرڤەی دەمارێ ژ ناڤ دچیت و پیچ پیچە د راوەستیت و کارێ خوە ناکەن و داخازیان ناگەھیننە مێشکی و پشکێن دی یێن لەشی، تا نوکە زانایان دیارنەکریە ئەگەرێ ڤێ نەخوشیێ چیە تنێ ھندەک بەلگە ھەنە کو بەرگریا لەشی ھێرشێ دکەتە شانێن دەماران و ژ ناڤ دبەت.
د.سەگڤان محمد ێالح، تایبەتمەندێ نەخۆشیێن مێشکی و دەمارا دیارکر کو نەخوشیا ھشکبوونا دەماران، دەمارێن مێشکی و مەژیێ برابرا پشتێ و دەمارێن چاڤادگریت و دبیتە ھەودان و گۆت: ھەتا نوکە دیار نەبوویە ئەگەرێ ڤێ نەخوشیێ ڤایروسە یان کێمبوونا بەرگریێ یە یان ھەردو پێکڤەنە.
دیارکر ژی ئەڤە ئامیرێن دەمارێن ناوەندی یە و دەمارێن دەست و پێیان ناگریت ،ئەڤ نەخوشیە کارتیکرنێ ل وی تیفلکێ تەنکێ سەرڤەی دەمارێ دکەت و خرابکەت و داخازیان ناگەھینتە مێشکی، و گۆتژی: ھەکە نەخوشیێ دەمارا چاڤی گرت دێ روژ بو روژێ بەرەڤ کێماتیێ چیت و شێلی بوون ل دەف پەیدابیت، بەلێ دگەل وەرگرتنا چارە سەریێ ئەڤ دەمارە دێ جارەکا دی زڤریت دەست ب گەشەبوونێ کەت، بەلێ چارەسەری نە 100%..
دیسان د.سگڤانی دیار کر کو ئەڤ نەخوشیە ئێک ژ نەخۆشیێن دومدرێژە، دو سالا جارەکێ یان ھەر شەش ھەیڤا دو جارا دھێتە نەخوشی، ئەو نەساخێن ھەر شەش ھەیڤا دو جارا ئەڤ نەخوشیە ھاتێ دێ زووتر کەڤیت و پێدڤی ب ھاریکاریێ بیت بو ھاتن و چوونێ، چونکی دەمارێن وی ب شێوەکێ بەردەوام ژ ناڤ دچن و دزڤرن ئەڤەژی دێ بیتە ئەگەرەک سستی بکەڤیتە د لەشێ نەخوشیدا و نەشێت برێڤە بچیت و وەک پەککەفتنەکێ ل دەف پەیدابیت و پێدڤی ب ھاریکاریێ بیت بو ھات و چونێ یان عەرەبانێ بکار بینیت دیسان دێ کارتیکرنێ ل دەرونێ وی کەت و ل بیردانکا وی و تشت دێ ژ بیرێ چن و گۆتژی: جھێ جوگرافی ئێک ژ وان ئەگەرایە یێن دبنە ئەگەرێ پەیدابوونا ڤێ نەخوشیێ وەکی خەلکێ نێزیکی ھێلا جەمسەری ئەو جھێن گەرم برێژەیەکا کێم تووشی ڤێ نەخوشیێ دبن ھەر 200 ھزار مروڤا ئێک تووش دبیتێ، بەرامبەر ڤان جھا وەلاتێن ئەوروپی یێن سار ب رێژەکا زور تووش دبنێ کو ھەر 100 ھزار مروڤا 80 تووش دبنێ، دیسان ھندەک وەلاتێن ھەین ب رێژەکا زوورتر تووش دبنێ وەک سوێد و نەرویج کو ھەر100 ھزار مروڤا 200 تووشی ڤێ نەخوشیێ دبن.
دیسان گوت: ھندەک ئەگەرێن جینی ژی یێن ھەین ڤێ نەخوشیێ پەیدادکەن خو ھەکە ل وان جھێن جوگرافی ژی بن ئەوێن ئەڤ نەخوشیە، بەلێ کێم وەکی ئیران و فەلەستین کو خەلکێ وان برێژەیەکا زور تووش دبنێ سەرەرای نێزیکبوونا وان بو ھێلا جەمسەری و ھندەک وەلاتێن دی ھەنە د سارن، بەلێ کێم تووشی ڤێ نەخوشیێ دبن وەک وەلاتێ کەنەدا، ھەروەسا ل دووڤ وان لێکولینێن ھاتینە کرن ل سەر ڤێ نەخوشیێ کو ئەو کەسێن ژ وەلاتەکی دچیتە وەلاتەکێ دیتر ئەگەر ژیێ وی دبن 15 سالیێ دابو دێ ژ خەلکێ وی وەلاتی ھێتە ھژمارتن و ل دووڤ جھێ جوگرافیێ ڤی وەلاتی دێ تووشی ڤێ نەخوشیێ بیت.
ھەروەسا د.سەگڤانی دیارکر کو ئەو زارویێن ل زاروکینیا خوە گەلەک تووشی ھەودانان بووین ب رێژەکا زور کێم تووشی ڤێ نەخوشیێ دبن، دیسان جگارە کێشان و زێدەبوونا بێ ئارامیێ و ب شێوەیەکێ بەر دەوام ژی ئێک ژ وان ئەگەرێن تووشبوونا ڤێ نەخوشیێ یە، دیسان گۆت: کارتێکرنا ھورموناتا ژی ئێک ژ ئەگەرانە کو ژن پتر تووش دبنێ و چەند ھورمونێ مێیاتی یێ زیدەبیت پتر دێ تووشی ڤێ نەخوشیێ بیت ھەر دو ژن تووش دبنێ تا زەلامەک تووش دبیتێ .
ھەروەسا د.سەگڤان محەمەد ێالح، ئەوژی دیارکر کو مروڤ ل ژیێ 20 تا 50 سالیێ تووشی ڤێ نەخوشیێ دبن دیسان ل دەوروبەرێن 30 سالیێ دا بارا پتر دگریت و گۆت:ل پارێزگەھا دھوکێ بەری سێ ھەیڤا مە 80 نەساخ ھەبوون، بەلێ دگەل ھاتنا ئاوارەیان نەخوشێن مە زێدەبووینە.
دیارکر ژی کو دو رێکێن ھەین بو چارەسەرکرنا ڤێ نەخوشیێ ئێک دەمێ نەخوش تووش دبیتێ و دەمارێن وی دراوەستن ئەم چارەسەریێ ددەینێ دا وەکی بەرێ بزڤریت، جورێ دوێ ئەم ددەینێ وەک پاراستن دا تووشی ڤێ نەخوشیێ نەبیت ئەوژی چەند جورەکێن شرینقانە کو ژ بەغدا بو مەدھێن وەکی( ئەڤونێکس، بیتافیرونا، ریبیف) کو جورەک ژ ڤان روژەکێ وەردگریت روژەکێ نە و جورێ دی حەفتیێ دو جارا وەردگریت و جورێ سیێ حەفتیێ جارەکێ د دانن و گۆت: ئەو کەسێن بشێن 100 میترا برێڤە بچن ئەڤ جورێ دەرزیکا بو دھێتە دانان، بەلێ ھەکە نەشیا برێڤەبچیت بو ناھێتە دانان ل دەمێ دانانێ رێژەکا کێم یا نەخوشان تووشی حەساسیێ دبن، دیسان جورەکێ حەبکا ژی(فینگولیمود) دەرکەتیە کو ل شوونا شرینقا دھێنە دانان، بەلێ بەس ل ئورپا ھەنە و زور دگراننن.

ئه‌ڤرۆ نيوز:

وه‌زاره‌تا ناڤخۆ داخواز ژ حوكمه‌تا هه‌رێما كوردستانێ كريه‌ كو كاودانێن نوكه‌ يێن وه‌لاتيان به‌رچاڤ وه‌ربگريت و سزايێ سه‌رپێچيێن هاتنوچوونێ بكه‌ته‌ قستێ هه‌يڤانه‌ و جڤاتا وه‌زيران ره‌زامه‌ندى ده‌ربڕيه‌.

كه‌ريم شنگالى وه‌زيرێ ناڤخۆيێ حوكمه‌تا هه‌رێما كوردستانێ بۆ رۆژناما هه‌ولێر راگه‌هاند كو ب فه‌رمى داخواز ژ حوكمه‌تێ كريه‌ كو كاودانێن نوكه‌ يێن هه‌رێما كوردستانێ و ره‌وشا ژيارا وه‌لاتيان و ئه‌و قه‌يرانا دارايى يا روو ب روويێ خه‌لكى بووى به‌رچاڤ بهێته‌ وه‌گرتن و سزايێ كاميرێن هاتنوچوونێ ببيته‌ قستێ هه‌يڤانه‌.

شنگالى گۆت: “ئه‌ڤ كێشه‌ ب تنێ ب ڤێ ميكانيزمێ دشيان دايه‌ بهێته‌ چاره‌كرن و وه‌لاتى سه‌رپێچيێن هاتنوچوونێ ب ره‌نگێ قستێ هه‌يڤانه‌ بده‌ن”، ئه‌ڤ بڕياره‌ دێ ب رێيا رێنمايه‌كا نوو هێته‌ په‌يره‌وكرن و دێ ب گۆره‌ى زۆريا سه‌رپێچيا بيت.

وه‌زيرێ ناڤخۆ دا زانين كو ل رۆژا پێنجشه‌مبيا بۆرى 25ى ته‌باخا 2016ێ ل جڤاتا وه‌زيران گه‌هشتيه‌ قووناغا دووماهيێ و وه‌كو پره‌نسيپ بڕيار دايه‌، ب ڤان نێزيكان دێ كه‌ڤيته‌ وارێ بجهئينانێ و چاڤه‌رێ ده‌ركه‌فتنا بڕيارێ نه‌.

ئه‌ڤرۆ نيوز:

ڤەکۆلەرێن زانکۆیا کوبنھاگن ڤەکۆلینەکی ل سەر 1200 گەنجێن ساخلەمیا وان باش کر، دا بزانن بەرێخوەدانا تەلەڤزیۆنێ چەند باندۆرێ ل سەر زەلامینیا زەلامی دکەت.
ڤەکۆلور گەھشتنە وی ئەنجامی، بەرێخوەدانا تەلەڤزیۆنێ پتر ژ 5 سەعەتان رۆژانە، دبیتە ئەگەرێ کێمبوونا سپێرمێن زەلامی بۆ سێکا قەبارێ خوە. ڤەکۆلینێ ئاشکرا ژی کر، ئەوێن گەلەک بەرێخوە ددەنە تەلەڤزیۆنێ و پێڤەماین، کێمبوونا ھورمۆنێن نێراتیێ “تستوستیرۆن” ل نک وان دیار بوو، ئوێ سپێرمان بەرھەم دئینیت.
ڤەکۆلەران دوپات ژی کر، دەربازکرنا ھەمان دەم ل بەر کۆمپیۆتەری ئەو باندۆر نینە، ژبەرکو ئەوێن بەرێخوە ددەنە تەلەڤزیۆنێ ئاوایەکێ ژیانێ یێ نەساخلەم دەرباز دکەن و دەمێ وان یێ ڤالا یە ژ راھێنانێن وەرزشی، ئەو یەک ژی دبیتە ئەگەرێ کێمبوونا سپێرمان.
ڤەکۆلینێن بەری نوکە ئاماژە دایە، گەلەک بەرێخوەدانا تەلەڤزیۆنێ ترسا مرنێ زێدە دکەت ژ بەر جەلتا دەماران، ژ بەرکو بۆراندنا دو سەعەتان ل بەر تەلەڤزیۆنێ پێشبینیا گرتنا دەماران ب رێژەیا 40% زێدە دکەت، لێ ئەوێن پتر ژ 5 سەعەتان ل بەر تەلەڤزیۆنێ دەرباز دکەن، رێژەیا ترسا مرنێ ل نک وان دوجارکی ھند لێ دھێت.

ئه‌ڤرۆ نيوز:

ھەکە ئاریشا تە ئەو بیت دفنا تەیا مەزنە، یان تو حەز ژ دفنا خوە ناکەی چونکو یا دیارە، مە چارە یا ھەی.
زەنجەبیلا نوو بکار بینە بۆ بچووککرنا دفنێ ب ئاوایەکێ سروشتی. ئەو چواو؟
رێ: رھێن نوو یێن زەنجەبیلێ بینە بەلێ نەیا ھشک، پاش بھێرە، تژی کەچکەکێ خوارنێ بکە نیڤا دەستێ خوە و پیچەکا ئاڤێ بکە سەر، پاشی وەکو ھەڤیری تێکھەل بکە ھەتا تیر دبیت.
ل دووڤ پێدڤیێ ھندەکێ دانە سەر دفنا خوە، بۆ نموونە ھەکە دفنا تەیا مەزن بیت، دانە سەر ھەمی دفنێ یان ژی ھەردو لایان، پیچەکێ بھێلە پێڤە، دێ ھەست ب سۆتنێ کەی بەلێ دێ زوو ئەو سۆتن چیت، پاشی دێ ھەست ب جوداھیێ کەی.
تێبینی: ھشیاری چاڤان بی نێزیک نەبیت.

website security
WP Facebook Auto Publish Powered By : XYZScripts.com