ئه‌ڤرۆ نیوز:
دگه‌ل هاتنا شه‌پوله‌كا به‌فربارینێ ل سنورێ پارێزگه‌ها دهوكێ رێكا دناڤبه‌را زاخو دهوك دا بو ماوێ زێده‌ترى دوو ده‌م ژمیر و نیڤان هات داخستن ئه‌ڤه د ده‌مه‌كێ دایه زێده‌ترى سێ سال و نیڤه، هێشتا پروژى گه‌لیێ زاخو ب داوى نه‌هاتیه و وه‌لاتى د خازن ب زووترن ده‌م پروژه ب داوى بهێت دا كو ژ زه‌حمه‌تیا رێك و روودان و قوربانیان رزگاربن
ئه‌ڤرۆ نیوز:
سه‌رۆكێ هه‌رێما كوردستانێ مه‌سعود بارزانى دووماهى پێشڤه‌چوونێن شه‌رێ داعش ل مووسل و مه‌ترسى و ئاسته‌نگێن هه‌مبه‌ر پاشه‌رۆژا وێ پارێزگه‌هێ و قوناغا پشتى داعش ل گه‌ل فرانك به‌یكر بالیوزێ بریتانیا ل عیراقێ شرۆڤه‌كر.
سه‌رۆك بارزانى پێشوازیا بالیوزێ بریتانیا ل عیراقێ كر و به‌حسێ په‌یوه‌ندیێن دوو قولى یێن ناڤبه‌را هه‌رێما كوردستانێ و بریتانیا كرن، هه‌روه‌سا بالیوزێ بریتانیا به‌حسێ ستراتیژیه‌تا وه‌لاتێ خوه سه‌باره‌ت ره‌وشا نێڤده‌وله‌تى و گوهۆرینێن سیاسى كر.
ئه‌ڤرۆ نیوز:
وەزارەتا دارایی و ئابوریا هەرێما کوردستانێ خشتەیەکێ نوو یێ دابەشکرنا موچەیێ مەها ١١ یا سالا رابوری بەلاڤکر و ب ڤی رەنگی:-
رۆژا ئێکشەمبی ٢٠١٧/١/٢٩ موچەیێ ڤان وەزارەتان تێ دابەشکرن:
1-وه‌زاره‌تا ساخلەمی
2- وه‌زاره‌تا ئاڤەدانکرن و ئاکنجیبوونێ
3-وه‌زاره‌تا ڤەگواستن و گه‌یاندنێ
ڕۆژا دوو شه‌مبی ٢٠١٧/١/٣٠ موچەیێ ڤان وەزارەتان تێ دابەشکرن:
1-وه‌زاره‌تا كاره‌بێ
2-وه‌زاره‌تا شاره‌وانى و گه‌شت و گوزار
3-وه‌زاره‌تا چاندنێ و ژێدەرێن ئاڤێ
4- وه‌زاره‌تا پیشه‌سازى و بازرگانى
5- وه‌زاره‌تا ئه‌وقاف و كاروبارێ ئاینى
ڕۆژا سێ شه‌مبی ٢٠١٧/١/٣١ ، مووچه‌ی ڤان وەزارەتان و جهان تێ دابەىشکرن:
1- وه‌زاره‌تا داد
2-وه‌زاره‌تا ڕۆشنبیرى و لاوان
3-مووچه‌یێ فه‌رمانبه‌رێن وه‌زاره‌تا شه‌هیدان و ئه‌نفالكریان
4- مووچه‌یێ فه‌رمانبه‌رێن وه‌زاره‌تا كارو كاروبارێ كۆمه‌ڵایه‌تى
5–ئه‌نجومه‌نێ دادوه‌رى
6- سه‌رۆكایه‌تیا هه‌رێمێ
7- سه‌رۆكایه‌تیا په‌رله‌مانی
8- سه‌رۆكایه‌تیا ئەنجومەنێ وه‌زیران
ڕۆژا چارشەمبێ ژى ٢٠١٧/٢/١ ، مووچه‌یێ کەسوکارێن شه‌هیدان و ئه‌نفالكریان و زیندانیێن سیاسی دێ هێتە دابەش کرن .
ڕۆژى پێنجشه‌مبێ ژی 2/2/2017، مووچەیێ (كێم ئه‌ندامان)ێن سه‌ر ب وه‌زاره‌تا كارو كاروبارێ كۆمه‌ڵایه‌تی دێ هێتە دابەشکرن.
میدیا یا كوردی ل گه‌ل هه‌می پێشڤه‌چوونێن به‌رچاڤ كو پشتی سه‌رهه‌لدانا سالا ١٩٩١ ب خوه‌ڤه دیتی، ئاریشه‌یێن جودا ژی هه‌نه، ئێك ژ ڤان ئاریشه‌یێن به‌رچاڤ، كو زیانه‌كا مه‌زن گه‌هاندیه پرۆسا سیاسی ل هه‌رێما كوردستانێ، ئاریشه‌ی ناپه‌رپرسیاتیێ یه، ب ڕامانه‌كا دی میدیا كوردی نه ل ئاستێ به‌رپرسیاریا سیاسی یه ل هه‌رێما كوردستانێ، هه‌رێمه‌ك كو ل قووناغا به‌ر ب ده‌وله‌تێ دایه، بێگومان قووناغا به‌ر ب ده‌وله‌تبوونێ هه‌ستیارترین قوناغا ژیانا نه‌ته‌وییێن بێ ده‌وله‌تن. هه‌كه ب كورتی به‌حسا ئه‌ركێن قووناغا به‌ر ب ده‌وله‌تبوونێ بكه‌ین، دشێین بێژین:
١. ئێكڕیزی و ئێكهه‌لوێستیا لایه‌نێن سیاسی: ب مخابنى ڤه‌دا میدیا كوردی كاری بۆ نێزیككرنا لایه‌نێن سیاسیێن نه‌كر، به‌لكو به‌روڤاژی كاری بۆ ژێكدوورخستنا لایه‌نێن سیاسی یێن كوردستانى كر. ٢. ئاشتیا جڤاكی: ئاشتیا جڤاكی گه‌له‌ك پێدڤیه بۆ قووناغا به‌ر ب ده‌وڵه‌تبوونێ، میدیایا كوردی د ڤى وارى ژى دا نێگه‌تیڤانه كاركریه و ئاریشێن جڤاكی قوڵتر لێكرینه. ٣. ئاسایشا نه‌ته‌وه‌یی: ئاسایشا نه‌ته‌وه‌یی بنگه‌هه‌كێ گرنگه بۆ قووناغا به‌ر ب ده‌وله‌تبوونێ، میدیا كوردی ل سه‌رده‌مێ هه‌ڕه‌شه و جه‌نگى دا نه‌شییا وه‌ك پێدڤی پشته‌ڤانیا پێشمه‌رگه و هێزێن ئاسایشێ بكه‌ت، به‌لكو هنده‌ك جاران ل دژی پێشمه‌رگه‌ى و پیرۆزیێن نه‌ته‌وه‌یی پێنگاڤێن نه‌حه‌زان ب قازانجا دوژمنان ددان. ٤. كۆمكرنا شیان و زانینێ: هه‌می زانین و وارێن زانستی و شیانێن وان ل دۆر ئارمانجا ب ده‌وله‌تبوونێ ئێك ژ ئه‌ركێن میدیایى یه، لێ میدیا یا كوردستانێ نه‌شیا ڤان هه‌می شیان و زانینێ لێك كۆم بكه‌ت و بێخیته د خزمه‌تا ڤێ قووناغا هه‌ستیار دا. ٥. ئابووریه‌كا ب هێز: بۆ ده‌وله‌تبوونێ ئابووریه‌كا ب هێز پێدڤیه‌كا گه‌له‌كا فه‌ره، لێ میدیا یا كوردی نه‌شیا وێنه‌یێ دروستێ ئابووری و پێشڤه‌چوونێن ئابووری یێن كوردستانێ شرۆڤه بكه‌ت. ٦. قانوون و سه‌روه‌ریه‌كان: قانوون كلیلا سه‌ركه‌فتنێ یه د هه‌می واران دا، تایبه‌ت بۆ ب هێزكرنا سازیێن حوكمه‌تی و په‌یوه‌ندیا ڤان سازیان ل گه‌ل وه‌لاتیان، میدیا كوردی د وارێ قانوونێ ژی دا گه‌له‌ك كێموكاسی هه‌نه كو هه‌ژی ڕه‌خنه‌گرتنێ یه. ئه‌ڤ هه‌ر شه‌ش خالانه كو مه ب كورتی به‌حس كرن، شه‌ش خالێن سه‌ره‌كینه، كو میدیای كوردی دئێخیته ل هه‌مبه‌ر به‌رپرسیاریه‌كا مه‌زن، لێ ب هه‌ر ئه‌گه‌ره‌كى و پێخه‌مه‌ت هه‌ر ئارمانجه‌كا دیار و نه دیار میدیا كوردی ناشیایه ب ئه‌ركێن خوه یێ تژی ل به‌رپرسیاریێ رابیت. خوه هه‌كه به‌رسڤا میدیاكارێن كوردستانێ ئه‌ڤه بیت: (كو پیشه‌یی كاركرنه)، ل ڤێره ئه‌م دبێژین: پیشه‌ییبوون نه ل دژی ولاتی یه، میدیاكار دشێت ئه‌ركه‌ێن وه‌لاتى و ئه‌ركێن پیشه‌یی تێكهه‌لى ئێكودو بكه‌ت و به‌ر ب ده‌وله‌تبوونێ ڤه بچیت، چونكێ ده‌وله‌تبوون چاره‌سه‌ریا هه‌می ئاریشان دكه‌ت، ب ئاریشا پیشه‌ییبوونێ و پیشه‌ینه‌بوونێ ژى. دووماهیێ ئه‌ز دبێژم: میدیا كوردی، تایبه‌ت میدیا سیاسی ركابه‌ر ل سه‌ر شۆپه‌كا شاش دچیت و پێدڤی ب ریفۆرمێ یه، به‌ری هه‌ر ریفۆرمه‌كێ ژی ریفۆرم ل تێگه‌هشتنا وان بۆ هه‌ستیاریا قووناغا به‌ر ب ده‌وله‌تێ یه!! پرسیار ئه‌ڤه: ئه‌رێ ئه‌و دشێن ڤێ ریفۆرمێ بكه‌ن؟ به‌رسڤ ئه‌ڤه‌یه: هه‌كه ئه‌و شیان واز ل سیاسه‌تێ بینن و ب ته‌نێ كارێ میدیاى بكه‌ن، خوه نه ئێخنه د ناڤ به‌رژه‌وه‌ندیا حزبێن سیاسی دا، به‌لێ ئه‌و دشێن!!. لێ هه‌كه واز ل سیاسه‌تێ نه‌ئینن، نه‌خێر نه‌شێن و وه‌ك میدیایا فتنه‌چى هه‌ر دێ مینن و… مینن!!.
ئەڤرۆ نيوز:
چەند ڤەکۆلینەکێن زانستی مەترسیێن فرچێن ددانان دەرخستینە و ئاماژە بۆ وان نەخۆشیان کرینە کو تووشی بکارئینەران دکەت.
دکتۆر رۆنا ئەسکەندەر، نوشدارێ ددانان، ئاماژێ ب وێ چەندێ دکەت کو پشکەکا زۆر یا مەترسیێن ساخلەمیێ یێن لاشێ مرۆڤی بۆ فرچێن ددانان ڤەدگەرن، ب تایبەتی ژی ھەکە “پاقژ نەبیت، دبیتە ئەگەرێ تووشبوونا مرۆڤی ب ڤایرۆسەکی، کو دبیتە ئەگەرێ ھەودانێن مێلاکێ”. کو ھەستیارترین ئەندامێ لاشێ مرۆڤی یە.
ئەو نوشدار دبێژیت: “فرچێ ددانان د ماوێ دو رۆژان دا ب رێژەکا ئێکجار زۆر ڤایرۆس پیس دبیت و پێدڤیە فرچان پشتی بکارئینانێ ل دووری ئێک ب دانن ب رەنگەکی کو ھند د نێزیک نەبن ڤایرۆس و میکرۆبان ڤەگوھێزن”.
ب گۆرەی ڤەکولینەکێ دەما فرچێ ددانان پیس دبیت، ب تنێ ب شووشتنا ئاڤێ پاقژ نابیت و نابیتە ئەگەرێ لادانا میکرۆبان.
نوشدار و بسپۆرێن تایبەت د وارێ ددانان دا بەردەوام شیرەتکاریا وێ چەندێ دکەن کو پێدڤیە زوو فرچێ ددانان بھێتە گوھۆڕین و درێژترین ماوێ بکارئینانێ ژ دو ھەیڤان نەبۆریت.
ئەڤرۆ نيوز:
نوشدارێن بسپۆر د وارێ تایبەت ب خوارنا ساخلەم AngeliqueHoulbert بەحس ل وان مفا یان زیانێن خوارنا فێقی دکەن یێن پشتی دانێن خوارنێ و کارتێکرنا وان ل سەر لاشی ژ روویێ ساخلەمیێ ڤە.
ب رەنگەکێ گشتی دەربارەی خوارنا فێقی پشتی خوارنێ گەلەک دھێتە پرسیار کرن، ھەتا بزانن ھەتا چەند یا دروستە بھێنە خوارن، یان ژی باشترین دەم بۆ خوارنا فێقی کیشکە.
دھێتە گۆتن کو خوارنا فێقی پشتی دانێ خوارنێ دبیتە ئەگەرێ ئارینا مێلاکێ یان ترشبوونا مەعدەیی، بەلێ د راستی دا ترشبوونا مەعدەی پەیوەندی ب ھەبوونا بەکتریایێ ڤە ھەیە، کو ژ ئەگەرێ زۆر دژواریا پلا ترشیا د مەعدەی دا رووددەت، ل دەمێ چارەکرن و مژینا ئەوێ شەکرا د ناڤ فێقی دا ژ لایێ خوارێ یێ مەعدەی ڤەگوھێزیت بۆ خوینێ و خانان و کارتێکرنا وێ ل سەر وزا لاشی ددانیت، رێژەکا کێم یا شەکرێ ژی دھێلیت ل گەل میکرۆبان کارلێکێ دکەن و د گوھۆڕیت بۆ ماددێ ئیسانول.
ئەوا گرنگ ئەوە کو گەھشتنا خوارنێ بۆ قولونێ و ھەرسکرنێ 6 ھەتا 10 دەمژمێران پێ دڤێت، خوارنا فێقی ژی چو کارتێکرن نینە ل سەر وێ کریارا ھەرسێ و بەرپرس نینە ژ ئارینا مێلاکێ و ئەگەرێ سەرەکی جورێ وان خوارنایە یێن کو د ناڤ دانێن خوارنێ یێن سەرەکی دا ھاتینە خوارن، چونکو رێژەکا زۆر یا کاربۆھیدارتی تێدایە و وەکو شرینی و پتات و نان، د گوھۆڕیت بۆ دوھنی و کاردکەتە سەر مێلاکێ.
خوارنا فێقی و شرینیان ژی پێکڤە ئەگەرەک نینە بۆ ئێشان و ترشبوونا مەعدەی وەکو دھێتە بەحسکرن، بەلکو پرۆتین ئەگەرن بۆ وی حالەتی، ھەر ژ بەر ھندێ بزاڤێ بکە و فێقی و خوارنا پرۆتینی پێکڤە نەخۆ.
ھەر فێقیەکێ ترش ژی وەکو پرتەقال و لەیمۆن و سندی ب مفانە ل گەل ھەموو خوارنان، چونکو رێ ل قەلەوی و کومبوونا دوھنی دگریت.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئه‌ينى رێكه‌فتى 28ى كانوونا دويێ 2017 ئه‌سمان دێ ئه‌وره‌كێ باراناوى بيت ب درێژاهيا ده‌مێ رۆژێ و ل ده‌ڤه‌رێن بلند ژى دێ به‌فر باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ بێ هێزبوونا كارتێكرنا فشارێن بلندێن وه‌لاتێ توركيا دهێته پێشبينيكرن هنده‌ك ئه‌ورێن كێم ل ئه‌سمانێ دهۆكێ ئه‌وره‌كێ باراناوى بيت ب درێژاهيا ده‌مێ رۆژێ و ل ده‌ڤه‌رێن بلند ژى دێ به‌فر باريت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 20كم دا و ماوێ ديتنێ ژى دێ د ناڤبه‌را 8 بۆ 10كم دا بيت، پلێن گه‌رمێ ژى دێ د ناڤبه‌را 1 بۆ 7 پلان دا بن.
ئه‌ڤرۆ نيوز:
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ د راگه‌هاندنه‌كێ دا كو دانه‌ك بۆ ئه‌ڤرۆ نيوز ره‌ونه‌كريه، ئاشكه‌را كريه كو د ماوێ 24 ده‌مژمێرێن بۆرى دا ل ويستگه‌هێن جودا يێن هه‌رێما كوردستانێ رێژێن جودا يێن باران بارينێ هاتينه تۆماركرن و ل دووڤ ڤى خشتێ ل خوارێ دياركرى:
ئەڤرۆ،ھەژار مەعروف:
یانا ئایک سولنا یا سویدی پشتی یاریزانێ خوە یێ گەنج ئەلکسندار ئیسحاق ل ماوێ چەند رۆژێن بوری ب کوژمێ ٩٠ ملیون کرونی سویدی فروتیە یانا بروسیا دورتموند و دڤێ ھەڤبەستێ دا یا مفاداربوو ژلایێ دارایی ڤە و ھەر بۆ ڤێ چەندێ بۆ ب ھێزکرنا پێکھاتیێ تیما خوە ل ماوێ بھێت ھزر ل ئینانا یاریزانێن خودان شیان کریە ل ماوێ بھێت .
راپورتێن رۆژنامەڤانی ل سوید وەسا داینە دیارکرن یانا ئایک سولنا ستوکولھم دخوازیت ھەڤبەستێ ل گەل ستێرا بەری نوکە یا یانا مالمو و یاریزانێ یانا ھوڤنھایم یا ئەلمانی ژیلوان حەمەد ئیمزابکەت پشتی ل ماوێ چەند رۆژێن بوری ب فەرمی ھەڤبەستەکا باش پێشکێشکری وی کری کو دبیتە بلندترین ھەڤبەست د یانا ئەوان دا دبیت ئەو کوژمێ پارەی ژیلوان رازیبکەت ل ماوێ بھێت ھەڤبەستا ئەڤێ یانێ ئیمزا بکەت.
ژێدەرەکێ نێزیک ژ یاریزانێ بۆ رۆژناما ئەڤرۆ دیارکر ھەردو یانێن مالمو و ئایک سولنا یا بزاڤێن مەزن کەت بۆ رازیبکرنا ھەڤبەستا یاریزانێ کورد ژیلوان حەمەد لێ ھەتا نوکە ژیلوان چو بریاریێن دووماھیێ ل سەر نەداینە لێ ھەکە ھاتو ل ماوێ چەند رۆژێن بھێت نە گەھشتە رێککەفتنێ ل گەل یانێن ئەلمانی ئەو دێ ڤەگەریتە خولا سوید ڤە کو ئارمانجا وی یا سەرەکی ئەوە دخولا ئەلمانیا دا بمینت ھەر چەندە چەندین یانێن ئورۆپی یێن خولێن ژ ئەوانا ھولەندا بەلجیکا.
ئەوی ژێدەری ئاماژە ب وێ چەندێ ژی کر ل چەند رۆژێن بھێت چارەنڤێسی ژیلوان دێ ئێکلا بیت ل گەل یانەکا نوو دبیت ئەو ڤەگەریتە وەلاتێ سوید تایبەت یانا ئایک ژبەرکو ئەوێ یانێ ھەڤبەستەکا باش پێشکێشی وی کریە و دبیت ئەڤ چەندە بیتە ئەگەرێ رازیبوونا وی بۆ ئیمزاکرنا ھەڤبەستێ .
ئەڤرۆ نیوز،ھەژار مەعروف:
وەسا دھێتە چاڤەرێکرن ل دووماھیا وەرزێ ئەڤ سالە یاریزانێ ھێلا بەرەڤانیا یانا ریال مەدرید پیپی پێکھاتیێ یانا ریال مەدرید ب جە بھێلت و بەر ب یانەکا نوو ڤە بچیت ، رادیویا کادێنا کوپی یا ئیسپانی دەنگوباسەک بەلاڤەکریە یاریزانێ پرتوگالی و یانا ریال مەدرید دێ ل دووماھیا ڤی وەرزی یانا ریال مەدرید ب جە ھێلت و بەر ب یانەکا چینی ڤە چیت ژبەرکو ھەڤبەستا ئەوی دێ ل ھەیڤا شەش ئەڤ سالە ب دووماھی ھێت ل گەل یانا مەلەکی.
ئەوێ رادیویێ ئاماژە ب وێ چەندێ ژی کریە بەری نوکە پیپی داخوازی ژ یانا ریال مەدرید کر بوو ھەڤبەستا ئەوی بۆ دو سالان بھێتە زێدەکرن لێ یانا ریال مەدرید بتنێ بۆ سالەکێ ھەڤبەستا ئەوی درێژ کربوو یاریزانی ژی وەسا دیارکریە پشتی ھەڤبەستا ئەوی ب دووماھی بھێت ب کوژمێ ١٥ ملیون یورۆیا دێ بەر ب یانا ھەیپی یا چینی چیت.
نيشاندان