ئه‌ڤرۆ نيوز:
نووترين نووچه
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
سه‌ره‌كى Facebook
تێکەلەکێ سروشتی بۆ نەھێلانا بەزێ سەر زکی
ئەڤرۆ نیوز:
تە دڤێت خوە ژ زکمەزنیێ و روونێ ل سەر ناڤتەنگێ قورتال بکەی؟ تو دزانی تێکرایا سۆتنا رون و بەزان ل دەمێ نڤستنێ زێدەتر لێ دھێت و بتایبەت پشتی ڤەخوارنا ڤی تێکھەلەی، کو ل دەمێ نڤستنێ باندۆرا وی ب ھێزتر دکەڤیت.
سایتێ Health ئاشکرا دکەت کو پێدڤیە ڤی تێکھەی دو سەعەتان بەری نڤستنێ ڤەخۆی، دا بەزێ ل سەر زکێ تە ببوھوژینیت.
پێکھاتە: کەچکەکێ دارچینێ.
ئاڤا نیمۆکان.
کەچکەکێ چایا کەسک.
کەچکەکێ زەنجەبیلا قوتایی.
رێیا چێکرنێ:
چایا کەسک و نیمۆکێ و زەنجەبیلێ بکە د ئامانەکی دا و ئاڤێ بکە سەر و دانە سەر ئاگری، پاشی بھێلە ھەتا سار دبیت و دھێتە ڤاڤارتن، پاشی ئاڤا نیمۆکێ و ھنگڤینێ بکە سەر، ھەر شەڤ بەری نڤستنێ ھندەکێ ڤەخۆ، دێ بەزێ زکێ تە حەلیێت.
پلێن گه‌رمێ يێن ئه‌ڤرۆ و سوبه‌هى
كه‌سێ روودانا دوهى ل ئه‌لمانيا ئه‌نجام داى ئيرانى بوو
ئه‌ڤرۆ نيوز:
پۆليسێن ميونشن ئه‌ڤرۆ رۆژا شه‌مبى ئاشكه‌را كر كو ئه‌نجامده‌رێ هێرشا سه‌ر بازاركه‌ران ل وى باژێرى گه‌نجه‌كێ ئه‌لمانى يێ نه‌ژاد ئيرانى بوويه و پشتى روودانێ خوه كوشتيه.
هۆبرتۆس ئه‌ندريا فه‌رماندێ پۆليسێن باژێرێ ميونشن، ئه‌ڤرۆ د كۆنگره‌كێ رۆژنامه‌ڤانى دا ده‌رباره‌ى هێرشا دوهى رۆژا ئه‌ينى راگه‌هاند: ب گۆره‌ى ڤه‌كولينێن ده‌سپێكى هێرشكه‌ر گه‌نجه‌كێ 18 سللى يێ ئه‌لمانى بوو ب نه‌ژاد ئيرانى و ماوێ دو سالايه ل ئه‌لمانيا يێ بنه‌جهه.
ئاماژه ب وێ چه‌ندێ ژى كر كو ئه‌و كه‌نجێ بريتانى يێ هێرش ئه‌نجام داى چو به‌لگه‌يه‌ك ل گه‌ل نينه كو كه‌سێن دى هاريكاريا وى كريه و ته‌قه ژى د رێيا ب كارئينانا ده‌بانجێ بوويه و چه‌كێ مه‌زن ڤێ نه‌بوويه، به‌لێ هه‌تا نوكه ئه‌گه‌رێ ل پشت روودانێ بۆ پۆليسان ئاشكه‌را نه‌بووينه و پێشتر ئه‌و كه‌س جهێ گۆمانا پۆليسان نه‌بوويه، پێزانين ژى ل سه‌ر خێزان و كه‌سوكارێن وى ب ده‌ست نه‌كه‌فتيه.
هێرشكه‌ر ل ده‌مێ نێزيكى خوارنگه‌هه‌كا باژێرێ ميونشن بووى، ب له‌ز ده‌ست ب ته‌قێ كريه و پاشان به‌ر ب سه‌نته‌رێ بازاركرنێ ڤه ب ته‌قێ چوويه و پاشان ره‌ڤيه. هه‌ر وه‌كو پۆليسان گۆتى.
ب گۆره‌ى دووماهى ئامارێن روودانێ، 10 كه‌س هاتينه كوشتن و 16 كه‌س ژى بريندار بووينه و هێرشكه‌رى خوه ژى كوشتيه، به‌لێ هێشتا پۆليسان ناسنامێن قوربانيێن روودانێ ئاشكه‌را نه‌كرينه.
سێ کەس ئەڤرۆ ل دهۆکێ خەندقین
ئەڤرۆ نیوز:
ئەڤرو ل دمژمێر ٦:۰۰ ئێڤارێ بەشێ قورتالکرنێ یێ تیما نقومەڤان ل بەرەڤانیا باژێرێ زاخو هاتنە ئاگەهدارکرن کو دوو گەنج ل کومەلگەها سحێلا ل سەر ئاڤا خابیرێ زاخو بناڤێن ..( ٲکرم اسماعیل محمود ) دژیێ ۲۳ سالیدا و ( جانگیر ابراهیم جانگیر ) ۲۱ سالی کو ئێک ئاکنجیێ قەزا زاخویە و یێ دی ئاکنجیێ سحێلا یە ب مەرەما مەلەڤانیکرنێ دچنە سەرئاڤا خابیری ل سحێلا مخابنیڤە هەدوو گەنج خەندقین تیمێن بەرەڤانیا باژێری ل جهێ رویدانێ ئامادەبوون تەرمێ گەنجەکی دیتیە هاتیە رەوانەکرن بو نۆشداریا داد تەرمێ گەنجەکی مایە تیمێن بەرەڤانیا باژێری د مبەردەوامن ل لێگەرینێ بو دتینا لاشێ دی.
یێ سیێ سنێلەک دژیێ ۱۳ سالیدا لسەر ئاڤا رویبارێ دووکەرێ سنورێ ناحیا مانگێشکی بەری نیڤرو خندقی بوو.
ژێدەر: بەرەڤانیا باژێری
ب وێنە: سێ کەس کەفتنە بن بەفرێ و گیانێ خوە ژ دەست دا
ڤیدیۆ: بۆردومانا فروکێن تورکیا ل چیایێ گارەی
ب وێنە: ترۆمبێلەک وەرگەریا و کەسەکێ گیانێ خوە ژ دەستدا
خوبه‌خشه‌كێ ئه‌مریكى ل كوردستانێ هاته ڤه‌شارتن
ئه‌ڤرۆ، كــاروان باعــــه‌درى:
خوبه‌خشه‌ك ب ناسنامه ئه‌مریكى بناڤێ ” مستر لى “ئه‌ڤه بۆ ماوه‌یێ چار مه‌هان بوو ل كه‌مپا باجد كه‌ندالا ل پارێزگه‌ها دهۆكێ وه‌ك خوبه‌خش كار دكر و مامۆستایێ زمانێ ئینگلیزى بوو ل وێ كه‌مپێ و چه‌ندین خۆل بۆ قوتابیان ڤه‌كربوون و چه‌ندین كه‌لو په‌ل بۆ قوتابییان ل گه‌ل خۆ دئینان و ئه‌ڤرۆ وه‌غه‌ركرا دوماهییێ كر و ل به‌ر مه‌زارگه‌هێ شه‌رفه‌دین هاته ڤه‌شارتن .
پشتى وه‌غه‌را دوماهیێ كرى ، خێزانا وى دیاركرن كو خوبه‌خشێ وه‌غه‌ركرى وه‌سیه‌ت كربوو ، ئه‌گه‌ر مر ل به‌ر مه‌زارگه‌هێ شه‌رفه‌دین ڤه‌شێرن ژبه‌ر حه‌ژێكرنا وى بۆ خه‌لكێ ئێزدى ژبه‌ر وێ زوڵم و زۆرداریا ب سه‌ر ئۆلا ئێزدیان هاتى د كاره‌ساتا شنگالێ دا .
راگه‌هاندنكار دیار نه‌عمۆ خه‌تارى ، ل چیایێ شنگالێ بۆ مالپه‌رێ ئه‌ڤرۆنیوز دیاركر، پشتى خێزانا ” مستر لى ” ئه‌ڤ وه‌سیه‌ته گه‌هاندیه جهێن شۆله‌ژێ ل هه‌رێما كوردستانێ ، و هه‌رێمێ رازیبوونا خۆ دیاركرى ، ئه‌ڤرۆ فه‌رمانده‌یا پێشمه‌رگه‌هێن شنگالێ ب مه‌راسیمه‌كا تایبه‌ت ل گۆرستانا جانگۆریێن شنگالێ هاته بن ئاخ كرن .
بۆچى كورد د كونفرانسێ هه‌ڤپه‌يمانيا دژى داعش دا د پشكدار نينن؟
ئه‌ڤرۆ نيوز:
مایکڵ فاڵۆن، وەزیرێ بەرەڤانیا بریتانیا سەدەمێ بەشداری پێ نەکرنا کوردا د کۆنفرانسێ هەڤپەیمانیا ل دژى داعشێ دا ئاشکرا کر و گۆت “حکومەتا عێراقێ هاتیە گازیکرن ئان ڤەخاندن کو نوونەراتیا تەماما پێکهاتەیان دکەت”.
مایکل فالۆن وەزیرێ بەرەڤانیا بریتانیا د داخوویانیەکا تایبەت دا ب ئێن ئاڕ تى راگەهاند “حکومەتا عێراقێ ژلایێ وەزیرێ بەرەڤانیا عێراقێ ڤە نوونەرایەتى دهێتە کرن کو خەلکێ موسلە و سونەیە و ل عێراقێ ژى وەکى دهێتە زانین حکومەتەکا هەڤپەیمانی هەیە و ژ سەرۆکەکێ کورد و سەرۆک وەزیرانەکێ شیعە و وەزیرەکێ بەرەڤانیێ یێ سوننە پێکهاتیە و حکومەتا عێراقێ حکومەتا نوونەرایەتیا پێکهاتەیانە”.
جارەکا دى پرسیار ژ وەزیرێ بەرەڤانیا بریتانیا کر کو ئایا ئەو وەسا نابینیت کو پێدڤى بوو کورد د وێ کۆنفرانسێ دا هەبوونا ئان کو هەبان؟.
وەزیرێ بەرەڤانیا بریتانیا راگەهاند “ئەو بریارا حکومەتا عێراقێ یە کو کى دڤێت نوونەرایەتیێ بکەت و هەر وەلاتەک ژى ژلایێ وەزیرەکێ بەرەڤانیێ ڤە نوونەرایەتى دهێتە کرن”.
پێشتر ئاشتۆن کارتەر، وەزیرێ بەرەڤانیا ئەمریکا راگەهاندبوو “د وێ کۆنفرانسێ دا بەحسا رۆلێ پێشمەرگەى هاتیە کرن و پێشمەرگە هەڤپەیمانێ بهێزێ ئەمریکایە”.
ژێده‌ر: NRT
نيشاندان
WP Facebook Auto Publish Powered By : XYZScripts.com