ئه‌ڤرۆ نيوز:
بينالى يلدرم، سه‌رۆك وه‌زيرێن توركيا نوكه يێ ل هه‌ولێر و بڕياره ل گه‌ل هه‌ر ئێك ژ مه‌سعود بارزانى، سه‌رۆكێ هه‌رێما كوردستانێ و نێچيرڤان بارزانى، سه‌رۆكێ حوكمه‌تا هه‌رێما كوردستانێ كۆم ببيت و نوكه كۆمبوونا ئێكێ يا ده‌سپێكرى.
رۆژا شه‌مبى رێكه‌فتى 7ى كانوونا دويێ 2017 بينالى يلدرم، ب سه‌ره‌دانه‌كا فه‌رمى گه‌هشته به‌غدا و ل گه‌ل حه‌يده‌ر عه‌بادى سه‌رۆك وه‌زيرێن عيراقێ و فوئاد مه‌عسوم يێ سه‌رۆك كۆمار و سه‌ليم جبۆرى يێ سه‌رۆك وه‌زير كۆمبوو و دره‌نگى شه‌ڤ ژى گه‌هشته هه‌ولێر.
ئه‌ڤرۆ نيوز:
رێڤەبەرێ راگەھاندنا وەزارەتا رۆشنبیری و لاوان راگەھاند، وەزارەتا وان ب نڤیسارا فەرمی ھەموو کەنالێن راگەھاندنێ ئاگەھدارکرینە د دەمێ ھەیڤەکێ دا مۆلەتا خوە نوو بکەن و پارێ کارکرنێ بدەن، بەرۆڤاژی دێ پێڕابوونێن قانوونی ھەمبەر ھێنە وەرگرتن و کەنال دێ ھێتە گرتن، ھەروەسا دیار کر، نوکە پلان ھاتیە دانان ماڵپەڕێن ئینتەرنێتێ ژی ب مۆلەت کاربکەن و یێ مۆلەت نەبیت دێ ھێتە فلتەرکرن و ناھێتە ڤەکرن.
فەرھنگ تاھر، رێڤەبەرێ راگەھاندنا وەزارەتا رەوشنبیری و لاوان بۆ رۆژناما ئەڤرۆ گۆت” پتری 100 کەنالێن راگەھاندنێ ل ھەرێما کوردستانێ ھەنە یێن رادیۆ تیڤی، ساڵانە مۆلەتا وان کەنالا ژلایێ وەزارەتا رەوشنبیری و لاوان دھێتە نوکرن بۆ بەردەوامیا کاری و چو کەنالەک بێی مۆلەت نەشێت کاربکەت و نینە ژی مۆلەت وەرنەگرتبیت ل حوکمەتێ و پەخشێ خوە بەلاف بکەت.
گۆت ژی: ل ھەر سێ پارێزگەھێن ھەرێما کوردستانێ ھەولێر و دھۆک و سلێمانیێ یێن مۆلەت نوو نەکربیت قەڕدارێ حوکمەتێ نە، لەوڕا وەزارەتا رەوشنبیری ب نڤیسارا فەرمی و فەرمانا وەزیرێ رەوشنبیری ئاگەھداریا وان کەنالا کریە بۆ دەمێ ھەیڤەکێ بھێن مۆلەتێن خوە نوو بکەن و پارەی بدەن، کو پارێ وانا ملیارەک دینار دکەڤن و ھەر کەنالەکێ نەھێت ڤی ژڤانێ دیاریکری مۆلەتا خوە نوو بکەت ئەڤە دێ پێڕابوونێن قانوونی ل ھەمبەر بھێنە وەرگرتن و کەنال دێ ھێتە گرتن، دەمێ وان چوار رۆژێن بۆری چو کەنالەک نەھاتیە بۆ نووکرنا مۆلەتا خوە، بەلێ ھژمارەکا کەنالان پەیوەندی ب وەزارەتێ کریە.
رێڤەبەرێ راگەھاندنا وەزارەتا رەوشنبیری دیار کر “ب تنێ ل سنورێ پارێزگەھا دھۆکێ 30 کەنالێن رادیۆ تیڤی ھەنە و مۆلەت ھەیە بۆ کارکرنێ، ژلایێ پشکا قانوونی دێ دووڤچوون بۆ ھێتەکرن یێن مۆلەت نوو نەکر و پارە نەدای، نەچارین مۆلەتا وانا بھێتە ھەلوەشاندن، کەنالێن بیانی ژی نڤیسینگەھێن خوە ل ھەرێما کوردستانێ ڤەکرینە و ل سەرانسەری ھەرێما کوردستانێ 40 کەنالێن ئاسمانی ھەنە و بیانی نافخۆ، یێن نافخۆ واتە یێن ھەرێما کوردستانێ بنگەھێن سەرەکی ھەنە و یێن بیانی ژی نڤیسینگەھێن خوە ھەنە، بەلێ رێنمایێن تایبەت بۆ کەنالێن بیانی ھەنە و پارە ژێ ناھێتە وەرگرتن.
ل دۆر رۆژنامە و گۆڤاران ژی فەرھەنگ تاھر گۆت “ب ئەگەرێ قەیرانا دارایی ھژمارەکا زۆرا رۆژنامە و گۆڤارا ھاتینە گرتن و بەرەف کێمبوونێ دچن، مالپەڕێن کۆمەلایەتی و ئینتەرنێتێ جھێ رۆژنامێن کاغەز گرتیە و نوکە وەزارەت یا کار دکەت بۆ پێدانا مۆلەتێ بیرکاری ماڵپەڕێن ئینتەرنێتێ و ھەر ماڵپەڕەکێ نوچەیان و بیاڤێن دی بھێتە ڤەکرن، دڤێت مۆلەتێ ل وەزارەتا رەوشنبیری و لاوان وەربگریت، بەرۆڤاژی رێ بیرکاری چو مالپەڕەکێ بێ مۆلەت ناھێتە دان بێ مۆلەت کاربکەن، چونکو وەزارەت ب رێیا پشکا قانوونی دێ فلتەری ئێخیتە سەر ڤان ماڵپەڕان و یێن زێدەگاڤیێ دکەین دێ لێپرسین د گەل دا ھێتەکرن، مینا دەزگەھێن دی یێن راگەھاندنێ دڤێت بن چاڤدێریا حوکمەتێ دا بن.
ئه‌ڤرۆ نیوز:
حه‌یده‌ر عه‌باى، سه‌رۆك وه‌زیرێن عیراقێ و بینالى یلدرم سه‌رۆك وه‌زیرێن توركیا پشتى ئه‌ڤرۆ ل به‌غدا كۆم بین، ل سه‌ر نه‌ه خالان رێككه‌فتن كو ژ گرنگترین وان خالان، سه‌ربازگه‌ها باشیك، بنگه‌هه‌كێ سه‌ربازى یێ عیراقى یه و پشتى رزگاركرنا مووسل، دێ هێلا نه‌فتا په‌ترۆلا عیراقێ ل گه‌ل توركیا هێته راكێشان.
سه‌باره‌ت هه‌بوونا چه‌كدارێن په‌كه‌كێ ل ئاخا عیراقێ، عه‌بادى د كۆنگره‌یه‌كێ رۆژنامه‌ڤانى دا گوت” دستورێ عیراقێ ب چ ره‌نگان رێكێ ب چ كه‌سه‌كێ ناده‌ت كو هێرشێ بكه‌ته سه‌ر وه‌لاتێن هه‌ڤسوو”.
سه‌باره‌ت قوتابخانێن سه‌ر ب فه‌تحولا گوله‌ن، عه‌بادى گوت” قوتابیێن عیراقێ ل ڤان قوتابخانان دخوینن، دڤێت به‌رژه‌وه‌ندیا قوتابیان ل به‌رچاڤ بهێته وه‌رگرتن و ب هه‌ماهه‌نگیا د ناڤبه‌را مه‌دا، دێ چاره‌یه‌كێ بینین”.
ئه‌ڤرۆ نيوز:
سه‌رۆكێ هه‌رێمێ كوردستانێ سه‌رپه‌رشتیا كۆمبونه‌كا به‌رفره‌ه یا ده‌زگه‌هێن گرێداى ب دووڤچوونا پرۆسا چاكسازیێ كر و راگه‌هاند پێدڤیه هه‌ماهه‌نگى زێده‌تر هه‌بیت و رۆنكرن و ئاگاداركرنا به‌رده‌وام سه‌باره‌ت پێنگاڤێن پرۆسا چاكسازیێ بۆ رایا گشتى بهێنه دیاركرن.
د.ئه‌حمه‌د ئه‌نوه‌ر سه‌رۆكێ ده‌سته‌یا ده‌ستپاكیێ راگه‌هاند كو ره‌شنووسێ ستراتیژى یێ نیشتیمانى بۆ روو ب روونا گه‌نده‌لیێ ژ ئالیێ ده‌سته‌یا وان ڤه د قوناغا دووماهیێ دایه كو تێدا نه‌خشه‌رێیا روو ب رووبروبوونا گه‌نده‌لیێ د ماوێ پێنج سالێن بهێت دا هاته ده‌ستنیشانكرن.
ل دووڤ راگه‌هاندنه‌كا سه‌رۆكایه‌تیا هه‌رێمێ، بۆ دووڤچوونا پرسێن چاكسازیێ و روو ب رووبوونا گه‌نده‌لیێ بڕیار هاته دان رۆژا دوشه‌مبیى 16/1/2017 كومبوونه‌كا به‌رفره‌ه یا سه‌رۆكایه‌تیا جڤاتا وه‌زیران و نوونه‌رێ سه‌رۆكایه‌تیا هه‌رێمێ و ده‌زگه‌هێن په‌یوه‌ندیدار ب پرۆسا چاكسازیێ بهێته سازكرن.
هه‌ر ل دووڤ راگه‌هاندنێ ” كومبوونێ رژدى ل سه‌ر وێ یه‌كێ كریه كو پرۆسا چاكسازیێ یا به‌رده‌وامه و نابیت چ كه‌س و لایه‌نه‌ك ل ژێر چ ناڤ و نیشانه‌كێ ئالوزیان ل هه‌مبه‌ر ڤێ پرۆسێ دروست بكه‌ت”.
ئه‌ڤرۆ نيوز، شه‌وكه‌ت محه‌مه‌د سالح گۆلى:
ل سالا 1987 ھاولاتیەکێ ئەمریکی ب ناڤێ (ستیف ورپستین) پلێتەکا فروکێ یا کو دبێژنێ (پلێتا زێرین) ژ ھێلا ئاسمانی یا ئەمریکی ب 250,000 دوو سەد و پێنجی ھزار دولارا کری، ب ڤێ پلێتێ وی مافێ ھەی ھاتن و چونێ بکەت ب فروکێن ڤێ کومپانیێ بێ سنور و ھندی یێ ساخ و بێ بەرامبەر، جھێ کەسێ ڤێ پلێتێ دکریت د فروکێ دا ل خوشترین جھ د روینیتە خار و ھەروەسا دگەل کرینا پلێتەکا دی ب 150,000 سەد و پێنجی ھزار دولارا دشێت کەسەکی دگەل خو بەت
ستیف شیا پتر ژ 10 ھزار جار ب ڤێ ھێلێ ھاتن و چونێ بکەت د ماوێن جودا جودا دا، گەلەک جارا ب تنێ ژبو خارنێ دا چیتە وەلاتەکێ دی و د ھەمان روژدا دا ڤەگەریتە مالا خو، ھەروەسا ژبو دیتنا یاریێن تەپاپێ ل وەلاتەکێ دی دا ب فروکێ ھاتن و چونێ کەت
بو ھەمی یاریێن تەپاپێ کورێ خو ژی دگەل خو دبر چونکی وی ماف ھەبوو ئانکو جھێ دوو کەسان کری بوو
گەلەک جاران دا کورسیکا فروکێ بخو گریت (حجز) کەت و نەدچوو
ھندەک جارا دا سپێدێ ژ خەو رابیت تێشتێ خوت و دا چیتە کەنەدا ب بھایێ 50$ دولارا خارنێ بو ھەفژینا خو کریت و د ھەمان روژدا دا ڤەگەریتە مالا خو
ستیف ب رێکا ڤێ کومپانیێ چو 18 وەلاتان ل سەرانسەری جیھانێ، دماوێ 20 بیست سالاندا ستیف 10 ھزار سەفەر کرن بو وەلاتێن جودا جودا، ژوان:
نێزیکی 500 جارا بو ئنگلتەرا
نێزیکی 70 جارا بو ئوسترالیا
نێزیکی 120 جارا بو چینێ و یابانێ
نێزیکی 230 جارا بو فەرەنسا
نێزیکی 600 جارا بو کەنەدا
نێزیکی 300جارا بو وەلاتێن جودا جودا یێن ئەفریقیا
چەندین وەلاتێن ئاسیا و ئەورپا
بھایێت ھاتن و چونا ڤی مروڤی بونە نێزیکی 24,000,000 ملیون دولارا لسەر کومپانیا ھێلا ئاسمانی یا ئەمریکی
ل دوماھیکێ ڤێ کومپانیێ ل 13 مەھا نەھ سالا 2008 بریاردا ڤێ پلێتێ ب راوستینیت ژبەر دوراندنا کومپانیێ دگەل ڤی کەسی، ل مێژووا ھەمان روژ ستیف و ھەڤالەکێ خو دا سەفەرێ کەن بو وەلاتەکی لێ پولیسێن فروکخانێ رێک لێ گرت و نەھێلا ل فروکێ سیار بیت و گوتێ تە ئیدی ماف نینە ھاتن و چونێ ب ڤێ پلێتێ بکەی و پلێتا تە ب دوماھیک ھات
ستیف ب ڤێ چەندێ مەندەھوش ما و تێک چوو نەچار بوو ڤەگەریا مال
پشتی ڤەگەریایە مال بریاردا سکالایەکێ لسەر کومپانیێ تومار بکەت
پشتی سکالە تومارکری، چونکی وەلاتێ ئەمریکا وەلاتەکێ سەربەخو و ئازاد و مافێ کەسێ ناھێتە خارن ل روژا دادگەھێ بریار ھاتە دان پلێتا وی بو نوی بکەنەڤە، و ھەروەسا چونکی کومپانی لسەر سوزا خو لێڤە بو دادگەھێ بریاردا ستیف بھێتە قەرەبون کرن و ڤێ کومپانیێ 3,000,000 سێ ملیون دولار ژی دانێ و حەتا نوکە ژی ئەف برادەرە ھاتن و چونێ ب فروکێن ھێلا ئەسمانی یا ئەمریکی دکەت.
ئه‌ڤرۆ نیوز:
چه‌كداره‌كی ل فرۆكخانه‌یه‌كا باژارێ فلۆریدا ل ئه‌مریكا ته‌قه ب هه‌ره‌مه‌كی ل خه‌لكی كر و د ئه‌نجام دا 5 كه‌س كوشتن و پتری 8 كه‌سان ژی بریندار كرن، ل داویێ چه‌كدار هاته گرتن.
پۆلیسێن فلۆریدا دیار كر كو ناڤێ چه‌كداری سێبستیان سانتیاگۆ یه و 27 سالییه، بۆده‌مێ ساله‌كێ ژی ل ئیراقێ د ناڤ سوپایێ ئه‌مریكا دا كار كرییه، ل ته‌باخا پارسال ئه‌ركێ خوه ل ئیراقێ بداوی ئینایه.
سانتیاگۆ بۆ ده‌مه‌كی نه‌خوه‌شیێن ده‌رۆنی هه‌بوو لێ چاره‌سه‌ری وه‌ردگرت، ناڤهاتی ب ره‌نگه‌كێ ئاسایی چوویه چانتا خوه ل فرۆكخانه‌یێ، لێ پشتی شه‌ره‌ده‌ڤه‌كی، چوویه ل ده‌ستاڤا فرۆكخانه‌یێ ده‌مانجا خوه پركرییه، پاشی ده‌ركه‌فتییه ئه‌و هێرش كرییه.
ل گۆری گۆتنا برايێ سانتیاگۆی، چێدبیت ل ده‌مێ سانتیاگۆی هێرش كری بیرهاتنێن ده‌مێ وی ل ئیراقێ هاتبنه بیرا.
ئه‌ڤرۆ نیوز:
ل فرۆكخانه‌یا لودرده‌یل هۆلیوۆد ل ویلایه‌تا فلۆریدا ل ئه‌مریكا چه‌كداره‌كی هێرش كره خه‌لكی و ته‌قه ل نه‌هـ كه‌سان كر.
ل گۆری ژێده‌رێن ئێمناهییا ئه‌مریكا، چه‌كداری ل جهێ وه‌رگرتنا چانته‌یان ل فرۆكخانه‌یێ ب هه‌ره‌مه‌كی ته‌قه ل خه‌لكی كر و پێنج كه‌س كوشتن و هژماره‌ك ژی بریندار كرن.
پۆلیس ل جهێ روودانێ به‌لاڤ بووینه و شیاینه هێرشكه‌ری بگرن، لێ نه‌هاتییه زانین چ ئه‌گه‌ر ل پشتی كرنا ڤێ هێرشێ هه‌یه.
ئه‌ڤرۆ نیوز:
ل فرۆكخانه‌یا لودرده‌یل هۆلیوۆد ل ویلایه‌تا فلۆریدا ل ئه‌مریكا چه‌كداره‌كی هێرش كره خه‌لكی و ته‌قه ل نه‌هـ كه‌سان كر.
ل گۆری ژێده‌رێن ده‌ستپێكی كه‌سه‌ك هاتییه كوشتن و هه‌شت ژی بریندار بووینه، پۆلیس ل جهێ روودانێ به‌لاڤ بووینه و شیاینه هێرشكه‌ری بگرن، لێ نه‌هاتییه زانین چ ئه‌گه‌ر ل پشتی كرنا ڤێ هێرشێ هه‌نه.
ئه‌ڤرۆ نیوز:
هێزێن پاراستنا گه‌ل یه‌په‌گێ ل رۆژئاڤایێ كوردستانێ هه‌ژمارا وان داعشێن د سالا 2016ێ دا ژ ئالیێ شه‌رڤانێن وێ ڤه هاتینه كوشتن دیار كر.
ل گۆری ئامارا یه‌په‌گێ ل پارسال 4 هزار و 622 تیرۆرستێن داعشێ ژ ئالیێ هێزێن وێ ڤه هاتینه كوشتن، هه‌روه‌سا د شه‌رێن 2016ێ دا ل دژی داعشێ 613 شه‌رڤانێن وێ گیانێ خوه ژ ده‌ست دایه.
هه‌روه‌سا د هه‌مان سال دا یه‌په‌گێ 9 هه‌زار و 425 كیلۆمه‌ترێن چوارگۆشه ژ ئاخا سووریێ رزگاركرینه.
ئه‌ڤرۆ نيوز:
ژنەک کو ل سالا 1983 ل شنگالێ ژ دایک بوویە و ل گەل چار کچ و ھەڤژینێ خوە د ناڤبەرا دوھۆلا و دووگری د کەڤنە دەستێن داعشا دا بۆ ئەڤرۆ دبێژیت: ھەر ژ رۆژا 3/8/2014 ھەتا نوکە تشتەکێ ژ ھەڤژینێ خوەە نزانم، تیرۆرست ئەبو سالح کچەکا من یا 13 سالی بخوە بر و کچێن من یێن 9 سالی و 11 سالی ژی تیرۆرستان برن، رۆژانە من پسیارا چارەنڤیسی کچێن خوە ژ داعشا دکر، لێ تیرۆرستان راستی نە دگۆت و ھەر سێ کچێن من نیشا من نەدان و بێ سەر و شو,ن کرن.
(و. ر) ئەو ژنەیە دبێژیت: (پشتی داعش ئەم گرتین ئەم ڤەگوھاستینە خانەسوری دووڤ دا ب ترۆمبیلێن مەزن ئەم ڤەگوھاستینە شنگالێ و برینە تەلەعفەر و کرینە د قوتابخانەیەکێ ڤە و ل وێرە ب زۆری کچ و ژن و زارۆ ژێک جۆدا کرن و بۆ ماوێ ھەیڤەکێ ئەم دناڤ وێ قوتابخانێ دا ھێلاین تیرۆرستان ژن برنە زیندانا بادوش بۆ ماوێ دو ھەیڤان ئەم تێدا ماین و جارەکا دی تیرۆرستان ژن ڤەگوھاستنە تەلەعفەر ل وێرە ھەر سێ کچین من کو ژیێ وان (9 سالی و 11 سالی و 13 سالی) بوون برن من گەلەک ھەولدان کرن دا کچێن من نەبەن، لێ تیرۆرستەکێ ئەز گرتم و ئێکی دی ددانا من و ئەز د قوتام ھەتا ئەز کەڤتیمە ئەردی و من ئاگەە ژ خوەە نەمای ژنوو وان کچێن من برن و من نەزانی کیڤە برن و بۆ ماوێ دو سالان دناڤ دەستێن داعشێ دا ئەز ل کچێن خوە د گەریام ب تنی من د ڤیا ببینم و دەمێ من پسیارا وان دکر ھەر تیرۆرستەکێ تشتەک دگۆت و نیشا من نەدان) .
ڤێ ژنێ ئەو چەندە ژی گۆت: (تیرۆرست ئەبۆ سالح کچا من یا 13 سالی و ھەشت کچێن دی ل گەل خوە برن و ل سەر خوە بەلاڤ کرن ھەر چەکدارەکی کچەک بۆ خوە بر ل گۆندێ “کسر المحراب”، من گەلەک ھەولدا کو کچێن من ل گەل من بمینن لێ یا بێ مفا بوو، ژبەرکو ل تەلەعفەر تیرۆرستەک بناڤێ ئەبو حەجی رازی نەبوو کچێن من ل گەل من بن و تیرۆرستەکێ دی بناڤی حەجی مەھدی ناڤێ من نڤیسی و ب زۆری ئەز ل ترۆمبێلی سیار کرم و برم، تیرۆرستان ئەز بتنی بۆ سوریێ ڤەگوھاستم و برمە باژێری رەقە دناڤ ئاڤاھیەکێ دا پتر ژ 50 کچ و ژنێن کوردێن ئێزدی تێدا بوون).
ھەروەسا ڤێ ژنا ڕزگاربوویی گۆتژی: (تیرۆرستان ھەر چەند رۆژان ئەم بۆ جھەکێ ڤەدگوھاستین و ب ترۆمبێلێن جام رەش و ب شەڤێ ئەم دبرین و دگوت، دا ھوون شارەزا نەبن و چ جھا نەزانن و دا نە رەڤن، ل رەقە بارەگایێن تیرۆرستێن داعشێن عیراقی و سوری و لیبی د ژێک جۆدا بوون باوەریا وان ب ئێکدو نە د ھات کو د ناڤ ئێک دا بن).
(و. ر) بەحس ل ڤێ چەندێ ژی کر و گۆت: (ل شەدادی ئەز کرمە د ئاڤاھیەکیُ دو قاتی ڤە و دەرگەە و پەنچەر لمن گرتن و بۆ ماوێ پێنچ ھەیڤان دناڤ وی ئاڤاھی دا ھێلام و داعشا پتریا ژنان بۆ کارێن خوە یێن ناڤمالێ بکار دئینان ل رەقە و پشتی پێنچ ھەیڤان ئەم ژ شوقەیێن شەدادی دەرخستین و ل سەر چەکدارێن خوە بەلاڤ کرین تیرۆرستەکێ ئەز و ژنەکا دی یا ئێزدی پێکڤە برینە ناڤ مالا خوە دا و بۆ ماوێ چار ھەیڤان ل گەل بووین، ئەو گەلەک یێ خراب و زالم بوو وی تیرۆرستی ئەز فروتمە چەکدارەکێ دی و بۆ ماوێ سێ ھەیڤان ل گەل بووم).
دیسان ڤێ ژنێ ئاماژە ب وێ چەندێ ژی کر کو، دەمێ تیرۆست دچوو شەری دەرگەە و پەنچەر ل مە قفل دکرن و ھندەک تیرۆرست د کرنە زێرەڤان و ھندەک جاران شەش رۆژان دما ناڤ شەری و پاشی د زڤری و گۆت: (ڤی تیرۆرستی ژی ئەز فروتمە ھەڤالەکێ خوە یێ تیرورست کو لیبی بۆ، سێ ھەیڤا ل گەل وی ژیام و گەلەک جاران کرین و فروتن ب ژنان دکر و ئەم نە د شیاین ب ھیچ ئاوایەکێ دانوستاندنێ ل گەل بکەین و ھەر تشتەکی وان ڤیابا دڤێت وەکو وان با ھەکە مرۆڤی ئاخفتبا و خوە نە رازی کربا زولم پتر ل گەل بکار دئینا و دا قوتن و فروشن).
ل دووماھیێ (و. ر) گۆت: ل رۆژا 27/12/2016 ب ھەڤکاریا نڤیسینگەھا کاروبارێن رەڤاندیان ل دھۆکێ ب پێیان ئەز و کچەکا من کو ژدایک بوویا سالا 2013 یە ھاتینە رزگار کرن، لێ ھەڤژینێ من و سێ کچێن من یێن دی د دەستێ داعش دا ماینە.
داعشا پتریا ژنان بۆ کارێن خوە یێن ناڤمالێ بکار دئینان
ژنەک کو ل سالا 1983 ل شنگالێ ژ دایک بوویە و ل گەل چار کچ و ھەڤژینێ خوە د ناڤبەرا دوھۆلا و دووگری د کەڤنە دەستێن داعشا دا بۆ ئەڤرۆ دبێژیت: ھەر ژ رۆژا 3/8/2014 ھەتا نوکە تشتەکێ ژ ھەڤژینێ خوەە نزانم، تیرۆرست ئەبو سالح کچەکا من یا 13 سالی بخوە بر و کچێن من یێن 9 سالی و 11 سالی ژی تیرۆرستان برن، رۆژانە من پسیارا چارەنڤیسی کچێن خوە ژ داعشا دکر، لێ تیرۆرستان راستی نە دگۆت و ھەر سێ کچێن من نیشا من نەدان و بێ سەر و شو,ن کرن.
(و. ر) ئەو ژنەیە دبێژیت: (پشتی داعش ئەم گرتین ئەم ڤەگوھاستینە خانەسوری دووڤ دا ب ترۆمبیلێن مەزن ئەم ڤەگوھاستینە شنگالێ و برینە تەلەعفەر و کرینە د قوتابخانەیەکێ ڤە و ل وێرە ب زۆری کچ و ژن و زارۆ ژێک جۆدا کرن و بۆ ماوێ ھەیڤەکێ ئەم دناڤ وێ قوتابخانێ دا ھێلاین تیرۆرستان ژن برنە زیندانا بادوش بۆ ماوێ دو ھەیڤان ئەم تێدا ماین و جارەکا دی تیرۆرستان ژن ڤەگوھاستنە تەلەعفەر ل وێرە ھەر سێ کچین من کو ژیێ وان (9 سالی و 11 سالی و 13 سالی) بوون برن من گەلەک ھەولدان کرن دا کچێن من نەبەن، لێ تیرۆرستەکێ ئەز گرتم و ئێکی دی ددانا من و ئەز د قوتام ھەتا ئەز کەڤتیمە ئەردی و من ئاگەە ژ خوەە نەمای ژنوو وان کچێن من برن و من نەزانی کیڤە برن و بۆ ماوێ دو سالان دناڤ دەستێن داعشێ دا ئەز ل کچێن خوە د گەریام ب تنی من د ڤیا ببینم و دەمێ من پسیارا وان دکر ھەر تیرۆرستەکێ تشتەک دگۆت و نیشا من نەدان) .
ڤێ ژنێ ئەو چەندە ژی گۆت: (تیرۆرست ئەبۆ سالح کچا من یا 13 سالی و ھەشت کچێن دی ل گەل خوە برن و ل سەر خوە بەلاڤ کرن ھەر چەکدارەکی کچەک بۆ خوە بر ل گۆندێ “کسر المحراب”، من گەلەک ھەولدا کو کچێن من ل گەل من بمینن لێ یا بێ مفا بوو، ژبەرکو ل تەلەعفەر تیرۆرستەک بناڤێ ئەبو حەجی رازی نەبوو کچێن من ل گەل من بن و تیرۆرستەکێ دی بناڤی حەجی مەھدی ناڤێ من نڤیسی و ب زۆری ئەز ل ترۆمبێلی سیار کرم و برم، تیرۆرستان ئەز بتنی بۆ سوریێ ڤەگوھاستم و برمە باژێری رەقە دناڤ ئاڤاھیەکێ دا پتر ژ 50 کچ و ژنێن کوردێن ئێزدی تێدا بوون).
ھەروەسا ڤێ ژنا ڕزگاربوویی گۆتژی: (تیرۆرستان ھەر چەند رۆژان ئەم بۆ جھەکێ ڤەدگوھاستین و ب ترۆمبێلێن جام رەش و ب شەڤێ ئەم دبرین و دگوت، دا ھوون شارەزا نەبن و چ جھا نەزانن و دا نە رەڤن، ل رەقە بارەگایێن تیرۆرستێن داعشێن عیراقی و سوری و لیبی د ژێک جۆدا بوون باوەریا وان ب ئێکدو نە د ھات کو د ناڤ ئێک دا بن).
(و. ر) بەحس ل ڤێ چەندێ ژی کر و گۆت: (ل شەدادی ئەز کرمە د ئاڤاھیەکیُ دو قاتی ڤە و دەرگەە و پەنچەر لمن گرتن و بۆ ماوێ پێنچ ھەیڤان دناڤ وی ئاڤاھی دا ھێلام و داعشا پتریا ژنان بۆ کارێن خوە یێن ناڤمالێ بکار دئینان ل رەقە و پشتی پێنچ ھەیڤان ئەم ژ شوقەیێن شەدادی دەرخستین و ل سەر چەکدارێن خوە بەلاڤ کرین تیرۆرستەکێ ئەز و ژنەکا دی یا ئێزدی پێکڤە برینە ناڤ مالا خوە دا و بۆ ماوێ چار ھەیڤان ل گەل بووین، ئەو گەلەک یێ خراب و زالم بوو وی تیرۆرستی ئەز فروتمە چەکدارەکێ دی و بۆ ماوێ سێ ھەیڤان ل گەل بووم).
دیسان ڤێ ژنێ ئاماژە ب وێ چەندێ ژی کر کو، دەمێ تیرۆست دچوو شەری دەرگەە و پەنچەر ل مە قفل دکرن و ھندەک تیرۆرست د کرنە زێرەڤان و ھندەک جاران شەش رۆژان دما ناڤ شەری و پاشی د زڤری و گۆت: (ڤی تیرۆرستی ژی ئەز فروتمە ھەڤالەکێ خوە یێ تیرورست کو لیبی بۆ، سێ ھەیڤا ل گەل وی ژیام و گەلەک جاران کرین و فروتن ب ژنان دکر و ئەم نە د شیاین ب ھیچ ئاوایەکێ دانوستاندنێ ل گەل بکەین و ھەر تشتەکی وان ڤیابا دڤێت وەکو وان با ھەکە مرۆڤی ئاخفتبا و خوە نە رازی کربا زولم پتر ل گەل بکار دئینا و دا قوتن و فروشن).
ل دووماھیێ (و. ر) گۆت: ل رۆژا 27/12/2016 ب ھەڤکاریا نڤیسینگەھا کاروبارێن رەڤاندیان ل دھۆکێ ب پێیان ئەز و کچەکا من کو ژدایک بوویا سالا 2013 یە ھاتینە رزگار کرن، لێ ھەڤژینێ من و سێ کچێن من یێن دی د دەستێ داعش دا ماینە.
نيشاندان