ئەڤرۆ، ھەژار:
راپورتێن رۆژنامەڤانی ل برێتانیا داینە دیارکرن یانا ئەرسینال ھەر نوکە دەست ب لێگەریانا دو یاریزانێن نووکریە ل جھێ ھەردو ستێرێن خوە مەسعود ئوزێل و ئەلکیس شانشێز ھەکە ھاتو د نووکرنا ھەڤبەستێن ئەوان دا سەرنەکەڤتن.
ئەوان راپورتێن رۆژنامەڤانی دیارکرینە یانا ئەرسینال نوکە ھزر ل ئینانا ھەردو یاریزانێن یانا بروسیا دورتموند یا ئەلمانی مارکو رویس و بولیسیتش کریە ھەکە د نووکرنا ھەڤبەستا ھەردو یاریزانێن خوە دا سەرنەکەڤتن دا دەست ب دانوستاندان ل گەل ئەڤان ھەردو یاریزانێن یانا بروسیا دورتموند بکەن کو نوکە یانا ئەرسینال یا بەردوامە ل سەر بزاڤێن رازیکرنا ھەردو یاریزانێن خوە ل حەفتیا بوری ل گەل ھەردو یاریزانا کومبوون کریە بۆ نووکرنا ھەڤبەستا خوە کو یێ ئێکێ یێ شیلی شانشێز داخوازیا مووچەیەکێ بلندتر کریە ژ یێ وی یێ بەری نوکە کو یانا وی کوژمێ ٢٠٠ ھەزار جینێ ئیسترلینی پێشکێشکری نە لێ ئەوی ئەو کوژمە رەتکریە داخوازیا موچەیەکێ بلندتر کریە و یێ مەسعود ئوزێل ژێ حەزا چوونێ ھەیە ل دیڤ راپورتێن رۆژنامەڤانی یێن برێتانی.
رۆژناما دەسەن یا برێتانی ل سەر بابەتێ ھەردو یاریزانا دیارکریە یانەکا چینی رێی ل بەر یانا ئەرسینال بۆ ئەلیکس شانشێز ب زحمەتکریە پشتی یانا چینی کوژمێ ٤٠٠ ھەزار جنیێ ئیسترلینی وەکو مووچەیێ حەفتیانە پێشکێش وی کری و دبیت ئەڤ کوژمە بیتە ئەگەرێ چوونا ئەوی یاریزانی ژبەرکو یانا ئەرسینال ب زحمەت کوژمەکێ ب ڤی رەنگی بدەت دڤی ماوەی دا ھەردیسان ھەر وێ رۆژنامێ ئاماژە ب وێ چەندێ ژێ کریە ھەتا نوکە یانا ئەرسینال نە گەھشتیە رێککەفتنێ ل گەل مەسعود ئوزێل ژبەرکو یاریزانی ئەلمانی حەزا ب جە ھێلانا یانێ ھەیە و دبیت ڤەگەریتە یانا خوە یا بەری نوکە ریال مەدرید پشتی راھێنەرێ یانا مەلەکی زێدان پیتەکێ مەزن ب شیانێن یاریزانی دای ل ماوێ بوری.
وێ رۆژنامێ ئاماژە ب وێ چەندێ ژێ کریە یانا ئەرسینال ھزر ل ئینانا ھەردو یاریزان یێ ئەلمانی مارکو رویس و یێ ئەمریکی بولیسیتش کرینە ھەر چەندە دەستڤە ئینانا ئەڤان ئەوان ژێ یا ب سانەھی نابیت تایبەت بولیسیتش ژبەرکو لیڤەرپول ژێ گرنگیەکا مەزن ب شیانێن ئەڤی یاریزانی دایە .

ئەڤرۆ نیوز ، ھەژار :
ھێرشبەرێ ھەلبژارتیێ ئیسپانیا و یانا بەرشەلۆنا یێ بەری نوکە دڤید ڤیا ئەوێ نوکە یاریێ ل یانا نیورک یا ئەمریکی یاریێ کەت دیارکر ئەو ل ڤی دەمی خولا ئەمریکا ب جە ناھێلت ئەو گەلەک یێ ئارامە دخولا ئەمریکا دا ل گەل یانا خوە و دخوازیت جارەکا دی ڤەگەریتە ھەلبژارتیێ ئیسپانیا و ھیڤی ئومێدا وی ئەوە جارەکا دی ڤەگەریت یاریێ بۆ ھەلبژارتیێ ئیسپانیا بکەت.
زێدەتر ڤیا دیارکر ھەر چەندە سال بۆ سالێ ژیێ وی مەزنتر لێ دھێت دبیت بۆ ھەلبژارتنا وی بۆ ھەلبژارتیێ ئیسپانیا ب زحمەت بکەڤیت و ھەردیسان نوکە ھێرشبەرێن خودان شیان ژێ ل ھەلبژارتیێ ئیسپانیا یاریێ کەن لێ ئەو چو جاران خوە ژێ ب ئومێد ناکەت و یێ رازیی یە ژ ئاستێ خوە و دێ چاڤەرێ وێ چەندێ بیت جارەکا دی درێسێ ھەلبژارتیێ ئیسپانیا ل بەر خوە بکەت د قارەمانی و یاریێن نێڤدەولی دا .

دڤید ڤیا ل گەل یانا خوە یا نوکە نیورک

دڤید ڤیا ل گەل بەرشەلۆنا ئێک ژ باشترین ئاست ل گەل یانا کەتەلونی پێشکێشکر

ل گەل ئەتلەتیکو مەدرید کو ژ گولکەرێن تیمێ بوو

ئەڤرۆ، قەیس وەیس :
کارین کەمال کچا باژێرێ دھوکێ و یاریزانا یاریا شەترەنجێ ئەوا ل سالا ٢٠١٦ ێ پشکداری د چەندین قارەمانیان دا کری وچەندین ناسناڤ بدەستخوڤە ئیناین داخویانیەکا تایبەت دا بو روژناما ئەڤرۆ گوت : ل ڤێ سالی ئەز بومە قارەمانا عیراقێ ل سەر ئاستێ کچان ودیسان من رێزا دوێ دقارەمانیا وەلاتێن عەرەبی دا بدەستخوڤە ئینا ئەوا ل وەلاتێ سودان ھاتیە کرن ، ھەروەسان دگەل یانا ئتیسالات یا بەغدایی پشکداربوم دقارەمانیا روژئاڤایا ئاسیا ل وەلاتێ ئیمارات کو رێزا ئێکێ ب شێوێ راپید و ل رێزا دوێ ب ھەردو شێوێن پلیتز وکلاسیک مە ئینا ، دیسان پشکداریا من د ئۆلۆمپیاتێن جیھانی ل وەلاتێ ئەزربێجانێ مەزنترین پشکداری بو ئەڤ سالە بومن.
کارینێ بەردەوامی دا ئاخفتنا خوە دا و گوت : بتنێ بابێ من و مالباتا من ئەگەرێن ئەڤان سەرکەفتنێن من و گەھشتی مە ڤی ئاستێ ھەکە ئەو نەبان من باوەرم نوکە ل ڤی ئاستی نەبووم ژبەرکو پشتەڤانیەکا مەزن بومن دھێـتەکرن تایبەت ژلایێ بابێ من ڤە کو پشتەڤانێ من سەرەکی ئەوە و بەرامبەر ھەمی ئاریشا د راوست .
دیسان کارینێ لدور رەوشا یاریا شەترەنجێ ل پارێزگەھێ گوت : یاریزانێن باش یێن ھەین و ئەز دبینم ھەردو خوشکێن من دێ ل دەمەکێ نێزیک بنە قارەمان بەلێ ئەوژی وەکی من دبێ پشتەڤانی نە و دڤێت جارەکادی بابێ من بیتە ئەگەرێ سەرکەفتنێن وان ، ئەڤ قارەمانێن دئێنە ڤەکرن دبنە ئەگەرێ مانا ڤێ یاریێ ئەگەر نەمینن من باوەرە دێ شەترەنجا پارێزگەھێ بەرەف لاوازیێ ڤە چیت .
ل دوماھیێ قارەمانا عیراقێ گوت : ئێکەتیا شەترەنجێ کارەکێ مەزن کەن سەرەرای نەبونا چو پشتەڤانیا مادی بابێ من نەبا من باوەرە شەترەنجا دھۆکێ نەدما ، کو ئەز دبینم کەمال جەلالەدین ئانکو شەترەنجا پارێزگەھا دھوکێ .

ئەڤرۆ، محەمەد عەلی:
خوە بەرھەڤکرن بۆ قۆناغا دوێ یا خولا نایابا پێشمەرگەیێ کوردستانێ یا تەپا پێ و زێدەتر مفا وەرگرتن و بلندکرنا شارەزاھیا یاریزانێن خوە بفەرمی کارگێریا یانا دھۆک ناڤێ ھەشت یاریزانێن خوە یێن تیما لاوە لسەر کشوفاتێن تیما خوە بۆ ئێکەتیا تەپا پێ یا کوردستانێ زێدەکرن.
لدور ڤێ یەکێ زێرەڤان سەعدوللا ھاریکارێ راھێنەرێ تیما یانا دھۆک بۆ رۆژناما ئەڤرۆ گۆت: ژبۆ زێدەتر پشتبەستن و بلندکرنا ئاستێ یاریزانێن تیما مە یا لاوان ھەشت یاریزان بۆ تیما پێشکەڤتیان د خولا پێشمەرگە دا ھاتنە زێدەکر ئەوژی موسا شوکر گولچیێ تیما لاوان و ھۆگر مەحمود و بشار سەباح ، عومەر محەمەد سەلیم، سەعید قادر و سەربەست حسێن و ئاھەنگ عەلی.
ھەروەسان ناڤھاتی گۆت: ئەڤ پێنگاڤە ھاتیە ھاڤێتن ژبۆ ھندێ زێدەتر باوەری ب شیانێن کورێن پارێزگەھێ ھەبیت و دانانا پێکھاتیەکی بۆ وەرزێ بھێت پرانیا وان یێن دھۆکێ بن بێی پێدڤی بکەت ژ دەرڤەیی پارێزگەھێ بینن، ژلایەکێ دویڤە ناڤبری ئەوچەندە ژی دازانین بۆ قۆناغا دوێ یا خولێ بەرھەڤیێن باش دھێنە کرن.

ئەڤرۆ:
سەروکی یانا شنھگای یا چینی سوی جیوانگ رەتکر کو یاریزانێ ناڤبری ھەڤبەست ل گەل یانا ئەوان ئیمزاکر بیت بتنێ ژبەر وی کوژمێ مەزن یێ پارەی و دیارکر ئەوان ژێ بۆ وێ چەندێ ھەڤبەست ل گەل ئیمزاکریە بۆ وێ چەندێ پتر مفای ژ شیانێن ئەوی وەربگرن و ھەڤرکیێ ل سەر قارەمانیێن نافخوی و دەرڤەی وەلاتێ چینێ بکەن.
زێدەتر سەروک یانا چینی بۆ مالپەرێ ئاژانسا سکای سپورتیس دیارکر پشتی راھێنەرێ یانا چێلسی شێوازی یاریا خوە گوھوری و یاریزانێ بەرازیلی ئوسکار دەلیڤەیا کرنا خوە یا یاریێ کێم دیتی و پشت بەستن راھێنەرێ ناڤبری ل سەر نەتکر ئەو ھزر ل یانەکا دی کریە و دخوازیت ب رێیا یانا ئەوان جارەکا دی ڤەگەریتە ھەلبژارتیێ بەرازیل پتر دەلیڤەیا خوە یا کرنا یاریێ ل گەل ئەوان ھەبیت.
ھەژی گوتنێ یە ئوسکار ب کوژمێ ٦٠ ملیون جنیێ ئیسترلینی ل گەل مووچەیێ حەفتیانە ٥٠٠ ھەزار جینێ ئیسترلینی یاریزانێ ناڤبری ٢٠٣ یاری ل گەل یانا چێلسی کرینە و شیا ل گەل یانا ناڤبری ناسناڤ خولا ئنگلتەرا و کاسا ئنگلتەرا ب دەستخوڤە بینت ل گەل قارەمانیا چامپیونیز لیگ ژێ .