ئه‌ڤرۆ نيوز:
ل چريا دويێ يا ئه‌ڤ ساله زێده‌ترى 79 هزار رێڤينگان ل ده‌رگه‌هێ نێڤده‌وله‌تى يێ ئيبراهيم خه‌ليل هاتنوچوون كريه.
ل دووڤ راپۆرتا نڤێسنگه‌ها ئاكنجیبوون و پاسپۆرتان ل ئیبراهیم خه‌لیل 79 هزار و 246 رێڤینگان ل ده‌رگه‌هێ ئیبراهیم خه‌لیل هاتنوچوون كریه.
هه‌ر ب گۆره‌ى راپۆرتا نڤێسنگه‌ها ناڤبری كو دیار بوويه 40 هزار و 856 رێڤینگ هاتینه ناڤ هه‌رێما كوردستانێ كو ژ وان حه‌فت هزار و 444 هه‌لگرێن پاسپۆرتێن عيراقینه و 32 هزار و 606 هه‌لگرێن پاسپۆرتێن توركی نه، هه‌روه‌سا 806 كه‌س هه‌لگرێن پاسپۆرتێن بیانی نه.
د ڤێ راپۆرتێ دا يا دانه‌يه‌ك ب ده‌ست ئه‌ڤرۆ نيوز كه‌فتى دیاربوويه ژى 38هزار و 390 رێڤینگ ب رێیا ده‌رگه‌هێ ئیبراهیم خه‌لیل چووینه وه‌لاتێ توركیا كو ژ وان چار هزار و 935 كه‌س هه‌لگرێن پاسپورتێن عيراقی نه، 32 هزار و 554 هه‌لگرێن پاسپورتێن توركی نه و 901 كه‌س هه‌لگرێن پاسپۆرتێن بیانی نه.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 28ى كانوونا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1303 |
| 1 يۆرۆيێ ئه‌ورۆپى | 1365 |
| 1 ليرێ توركى | 370 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
روونێن توورکری و بەز و خوارنێن کێم رووشال و خوارنا گەلەک یا خوارنێن بژارتی و کەرستێن نشاوی دبنە ئەگەرێ کومڤەبوون و گیرھەبوونا وان دناڤ مەعیدێ و کۆئەندامێ ھەرسکرنێ دا و ئێشانێ تێدا پەیدادکەن، ئەڤەژی دبیتە ئەگەر کو گەلەک نەخوشی لێ پەیداببن، بۆ ھندێ کو مەعیدا خوە ژ گیرھەیێن روینی و ژەھرێن ژێ پەیدادبن پاقژ بکەی پێدڤیە پێگیریێ ب ڤان شیرەتان بکەی:
• لیستەکێ بۆ خوە ئامادە بکە و تێدا خوارنێن کو نابیت بخوی و یێن پێدڤیە بخوی دیاربکە، بلا ل بیرا تە بیت کو شکولاتا و قەھوە و مەی و شرینی و گوشت و مریشکا قەلاندی ژ خوارنێن قەدەغەبن، ھەر چو نەبیت بۆ دەمێ حەفتیەکێ خوە ژێ دوور بکە، بەلێ چایا کەسک و شیر و شوفان بلا ل سەرێ لیستا خوارنێن نەقەدەغەکری بن.
• ماسیێن بژارتی بۆ سیستەمێ پاقژکرنێ ب کاربینە و پالپشتیێ نەکە ل سەر شەربەت و خوشاڤا بتنێ، چونکو دێ ھەست ب برسیبوونێ بکەی.
• باش خوە ئامادە بکە و بلا ئەو حەفتی ببیتە دەستپێکەک بۆ سیستەمێ ساخلەمیا لەشێ تە و ب تنێ خوارنێن ساخلەم بخو.
• دەمێن خوارنێ رێک بێخە و پشتی سعەت حەفتێ ئێڤاری چو جورێن خوارنێ نەخو.
ئه‌ڤرۆ نيوز:
بەرپرسێ پشکا خوراکی ل رێڤەبەریا کاروبارێن خوەپاراستنا ساخلەمیێ دیارکر شیرێ قودیکا دبیتە ئەگەر ب رێژا 35% سالانە ل جیھانێ زارۆکێن ژێر پێنچ سالیێ گیانێ خوە ژ دەست بدەن، پتریا دایکا ئەو رەوشەنبیری نینە ب شیردانا سروشتی زارۆکێ خوە خۆدان بکەن ھەتا ژیێ زارۆکێ وان دبیتە دو سال پێدڤیە ژن شیرێ سینگێ خوە بدەتە زارۆکێ خوە.
د. سەگڤان حەسەن، بەرپرسێ پشکا خوراکی ل رێڤەبەریا کاروبارێن خوەپاراستنا ساخلەمیێ بۆ ئەڤرۆ دیارکر شیرێ قودیکا گەلەک مەترسیا ل سەر پاشەرۆژا زارۆیان ھەی، ھەکە نوکە کارتێکرنا وێ دیارنەبیت ل پاشەرۆژێ دێ کارتێکرنا خراب یا شیرێ قودیکا ل سەر جڤاکێ مە دیاربیت و گۆت: پێدڤیە ھەموو ھەولدان بھێنە کرن بۆ نەھێلانا زێدەبوونا شیرێ قودیکا و دایک بھێنە ھوشیارکرن ب ھیچ شیوەیەکی شیرێ قودیکا بکارنەئینن بۆ خۆارنا زارۆیان.
ناڤبری ئەوژی گۆت:” دەمێ زارۆک دھێتە ل سەردونیایێ پێدڤیە دایک شیرێ خوە بتنێ بدەتە زارۆیێ خوە ھەتا ژیێ زارۆکی دبنە شەش ھەیڤ و پاشی خوارنێ بدەنە زارۆکێ خوە دگەل شیرێ دایکێ ھەتا ژیێ زارۆکی دبنە دو سال.
د. سەگڤان حەسەن دیارکر پشتی نەمانا شەرێ تیرۆرستێن داعشێ پێدڤیە شەرێ شیرێ قودیکا بھێتە کرن، چونکو راستی ژی شیرێ قودیکا مەترسیەکا زۆر مەزن ل سەر پاشەرۆژا جڤاکێ مە یە، موخابن گەلەک ژ دایکا ھوسا ھزر دکەن شیرێ قودیکا یێ باشە بۆ زارۆکێ، ژبەرکو زارۆک زوو پێ تێر دبیت و زوو برسی نابیت ئەڤە ژی چونکو شیرێ قودیکا دمینیت ناڤ رووڤیکێن زاروکی دا ئەو مانا شیرێ دناڤ رووڤیکێن زاروکی دا گەلەک مەترسیە ل سەر گەشەکرنا زارۆکی، شیرێ دایکێ باشترین خۆارنە بۆ زاروکان ھەر ژ ئێک رۆژی ھەتا شەش ھەیڤی و پشتی شەش ھەیڤیێ دگەل شیردانا سروشتی گەلەک باشترە دایک خۆارنێن تەمامکەر بدەتە زاروکێ خوە ھەتا ژیێ زاروکی دبنە دو سال باشترە دایک یا بەردەوام بیت ل سەر شیردانا سروشتی.
بەرپرسێ پشکا خوراکی ئاشکرا کر کو شیرێ دایکێ زارۆکی ژ زکچوونێ وھەودانا سەھا دپارێزیت ئەڤە نەخۆشی نە ئەگەرێن مرنا سەرەکی یا زاروکانە، تایبەتی ژی دەمێ دایک شیرێ قودیکا بکاردئینت گیانێ زاروکی دکەڤیتە مەترسیەکا مەزن دا ل پاشەرۆژی ئەو مەترسی دێ دیاربیت، ب تنێ شیردانا سروشتی ساخلەمیا زارۆکی پێشڤە دبەت و دایک ژێ دھێتە پاراستن ژ نەخۆشیا بتایبەتی ژی نەخۆشیا پەنچەشێرا ھێلدانا ومەمکی.
ئاماژە دا وێ چەندێ کو ھەر زاروکەکێ شیرێ دایکێ نەخۆت ل پاشەرۆژێ ئەو زاروک تووشی نەخۆشیا شەکرێ و بێھنتەنگیێ و قەلەویێ دبیت، ژبەرکو شیرێ دایکێ بتنێ خوارنا نموونە وتەمامکەرە بو وەرارا لەشی ومێشکێ زاروکان ئەو شیرێ قودیکا ئەڤ چەندە تێدا نینە ھەموو ئێش و نەخۆشینە بو زاروکی و وەرارا لەشێ وی.
د. سەگڤان حەسەن زێدەتر گۆت زور یا گرنگە ھەموو دایک ل شەش ھەیڤێن ئێکێ ب تنێ شیرێ خوە بدانە زارۆکێن خوە بتایبەتی ژی شیرێ ئێکێ یێ پشتی زارۆکبوونێ ئەو شیر کەرەستەکێ نیسەکە و وەکو ڤاکسینەکی یە بۆ پاراستنا زارۆکی ژ نەخۆشیان.
ل دووماھیێ ئاشکرا کر خوە دوورکرن ژ مامک و بوتلێن دەستکرد زور یا گرنگە چونکو ئەو نەخۆشیا ڤەدگوھێزن، گەلەک باشە شیرێ دەستکرد نەھێتە دان ب ھیچ شیوەیەکی بۆ زاروکان و ریکلاما شیرێ قودیکا ژی نەھێتە کرن و دایک بھێنە ھاندان شیرێ خوە بدەنە زاروکی بتایبەتی ژی ل شەش ھەیڤێن ئێکێ ژ بوونا زارۆکی.
ئه‌ڤرۆ نيوز:
گەنجەکێ 20 سالی دلێ خوە بۆ ئەڤرۆ ڤەدکەت و دبێژیت: من قوناغا دوازدێ ب داوی ئینایە و کرێکارم، ئەڤە بۆ ماوێ 6 ھەیڤایە ئەز حەز ژ کچەکا 19 سالی دکەم و ئەو قوتابیا زانکویێ یە قوناغێ ئێکێ و د زەنگینن، ئەو بمن رازی نابیت و ھەکە ئەو شوو بمن نەکەت ئەز دێ مرم و نزانم دێ چەوا حەز ژ من کەت و جارەکێ من ل سەر ڤی بابەتی ل گەل وێ ئاخفت بەس گۆتە من تو فەقیری و ئەز دێ شوو ب زەنگینا کەم، ھەروەسا گۆت، دڤێت ئەندازیار یان دکتور بیت، بەس ھەکە ئەو بمن رازی ببیت دێ شەڤ و رۆژا کەمە ئێک بەس دا کو وێ کەیف خوش بکەم، ئەڤجا ھیڤیدارم ھاریکاریا من بکەن ھوون چ دبێژن و ئەز چ بکەم ؟
گەنجێ ھێژا:
پشتی مە ئاریشا تە خواندی ئەڤ کچە ب تە رازی نابیت و ئەڤ کچە حەز ژ کەسێن زەنگین دکەت, ئەڤجا ھەکە تە بڤیت ئەڤ کچە حەز ژ تە بکەت دڤێت تو ھەول بدەی ھزرا وێ بگۆھۆری, ئەڤە ژی ب زحمەت نینە نەمازە ھەکە ئەو ھندەک تایبەتمەندیێن سەرنج راکێش ل دەڤ تە ببینیت. چ جوانی بیت یان زیرەکی د وارەکێ ژیانێ دا, ھەروەسا ھەول بدە پتر ل گەل باخڤی و بۆ دیار کە کو زەنگینیا بەردەوام نینە ھەروەسا ھەژاری ژی یا بەردوام نینە , بۆ ھەر کەسی دەرفەت ھەیە زەنگین ببیت و ھەژار و بەلنگاز ژی ببیت و بێ ھیڤی نەبە, ژلایەکی دیڤە ھەکە تە شیان ھەبن ھەول بدە بخوینە و کولیژا خوە ببە سەری، خالەکا دی ژی ھەیە من دڤێت بو تە دیار کەم ئەوژی ژیێ تە نوکە بیست سالە و ھەتا بیست و ئیک سالیێ ژی مرۆڤ ل قوناغا سنێلیێ یە، ئەڤجا ھەکە ھات و ئەڤ کچە رازی ژی نەبوو ژیێ بەر تە ڤەکریە و دبیت تو کچەکا باشتر و جانتر ببینی.
بەرسڤدان، ڤەکولەرێ جڤاکی: عەبدولجەبار عەبدولرەحمان
ئه‌ڤرۆ نيوز:
(ح، ع) ژنەکە چیرۆکا دەستەسەرکرنا خوە بۆ ئەڤرۆ دیار دکەت و دبێژیت: ئەز و خێزانا من ل گەل ھژمارەکا زۆر یا وەلاتیان ل 3/8/2014 ل زالگەھا تیرۆرستێن داعشێ ل شنگال ھاتینە دەستەسەر کرن، ھەردو کچێن من د ژیێ 9 و 10 سالیێ دا تیرۆرستان برن و ئەم دناڤ ھۆلەکێ دا وەکو بەندەیا دھاتین و دچووین ھەتا تیرۆرستەکێ ئەم ھەلبژارتین و بۆ خوە کڕین.
دھۆک، لەزگین جۆقی:
ڤێ ژنێ گۆت: زەلامێ من ل کوردستانێ کار دکر، لەورا ئەو نەھاتە گرتن، لێ زەلامێن دی ھەموو جۆدا کرن و ئەم ژن ب کوستەران برینە تەلەعفەر و کچ ھەموو جۆدا کرن ب زۆرداری برن و بۆ ماوێ ھەیڤەکێ ئەم د ناڤ قوتابخانەکێ دا ھێلاین و دووڤدا ئەم ڤەگوھاستینە بادوش بۆ ماوێ حەڤتیەکێ ل وێرە تیرۆرستان زارۆیێن کوڕ د برن و ھەموو ژ دایکێن وان جۆدا کرن و زارۆیێ من یێ 11 سالی ژی تیرۆرستان بر.
(ح،ع) ێ ئەو چەندە ژی ئەشکرا کر کو، جارەکا دی فرۆکێ بادوش تۆپ باران کر و تیرۆرستێن داعشێ ئەم ڤەگوھاستینە تەلەعفەر و ل سەر گۆندان بەلاڤ کرین ھەر کەسەکێ موسلمان ببا خێزانا وی د ھاتە ڤەگەراندن و ھەموو ژنێن بێ زەلام برنە گۆندێ کسر محراب بۆ ماوێ سێ ھەیڤان ماینە کسر محراب و گۆت: تیرۆرستەکێ ب ناڤی خەلیفە یێ رەش و قەلەو بوو کچا من یا 10 سالی ب زۆرداری و ب لێدانێ و قوتانێ ل گەل خوە بر و ئەم ڤەگوھاستینە مووسل بۆ ماوێ ھەیڤەکێ ماینە مووسل.
ھەروەسا ڤێ ژنا رزگاربوویی دیار کر کو، تیرۆرستێن داعش جارەکا دی ژن ژێک جۆدا کرن و ھەموو ژنێن دانعەمر ژ ناڤ برن و گۆتن دێ ڤەگوھێزینە سوریایێ و جارەکا دی ژنێن 30 سالی و سەردا زڤراندنە تەلەعفەر و گۆت: بۆ ماوێ سێ ھەیڤان ئەم ل تەلەعفەر ھیلاێن و جارەکا دی تیرۆرستێن داعش ھاتن و ئەم ل گەل خوە برین و کچێن 9 سالی و دەە سالی ھەموو برن ھەروەسا کوڕ ژی برن مەشق و ئایینێ خوە نێشا ددا.
ھەروەسا ڤێ ژنێ خویا کر و گۆت: تیرۆرستێن داعش بێ زارۆیێن مە ئەم ژ تەلەعفەر ڤەگوھاستینە سوریێ و دەمێ ئەم برینە سوریێ جەرگێ من دسووت، ژبەرکو 24 دەمژمیران ئەز د ھزرا کچ و کوڕێن خوە یێن 11 سالی دا بووم خەو ب چاڤێن من نە د کەڤت گەلەک جاران من پیسارا زارۆیێن خوە ژ تیرۆرستێن داعشێ دکر، لێ وان دگوت نەماینە، و ل سوریێ تیرۆرستێن داعشێ بۆ ماوێ 8 رۆژا ئەم کرینە د زیندانەکا بن ئەردڤە و رۆژەکی ھندەک تیرۆرستێن داعش ھاتن و ئەم ژ زیندانَی دەرێخستین و ب ترۆمبێلان ڤەگوھاستینە مالەکا مەزن د وێ مالێ دا تیرۆرستێن داعش ناڤێ ھەموو ژنان نڤیسی و دەست ب دابەشکرنا ژنان کرن ب کوستەرا و ھەر ھندەک ژن ل سەر دەڤەرەکا بن دەستھەلاتا خوەدا دابەش کرن و ئەم 20 ژن پێکڤە برینە باژێری تدمر ل فرۆکخانەکێ ل دەڤەرا تدمر بازارێ کرین و فروتنا کچ و ژنان دانا بوو.
(ح، ع) ێ ئاماژە ب وێ چەندێ ژی کر کو، د ھۆلەکا مەزن ڤە تیرۆرستێن داعش ل ھەر دو رەخێن ھۆلێ د روونشتی بوون و ناڤێن کچ و ژنان د خۆاندن و ئەم ل گەل زارۆیان دناڤ ھۆلێ د گێراندین وەکو نمايشكار و ئەم دناڤ تیرۆرستێن داعشێ را دچووین و دھاتین سەرێ مە ڤالا دکرن ھەتا تیرۆرستەکێ ئەم بۆ خوە ھەلبژارتێن و ھەکە تیرۆرستان کچەک یان ژنەک نە ھەلبژارتبایە ئەو کچ یان ژن ھەر د ناڤ ھۆلێ دھات و د چوو ھەتا داعشەک دھات و د ھەلبژارت و دکری.
ھەروەسا ڤێ ژنا رزگاربووی گۆت: تیرۆرستەکێ داعشێ ب ناڤێ شەھوان ئەز کڕیم و پشتی ئەز بۆ ماوێ دو ھەیڤان ل گەل ژیایم وێ تیرۆرستی ئەز فروتمە ئەبو مریەمێ سودانی، پشتی بۆ ماوەیەکێ ل گەل وی ژی مایم، جارەکا دی وی تیرۆرستی ئەز فروتمە ئەبو سەعده‌دین جزراوی بۆ ماوێ سالەکێ ئەز ل گەل تیرۆرست ئەبو سەعده‌دين جزراوی بووم تیرۆرستێن داعشێ زۆر زولم و زۆرداری ل ژنێن خۆدان زارۆ دکر و ئەم سابیە بووین ھەر دەمێ ژنەکێ فەرمانا تیرۆرستان بجە نەئێنابا تیرۆرستان زۆر ئەشکەنجە ددا و د کرە دیاری بۆ ھەڤالەکێ خوە یێ دی یێ تیرۆرست، و داعشا پرچا مە ژنان بویاغ دکر و ئەم میکیاژ دکر و وێنەیێن مە دگرتن ئەم بۆ فروتنێ نیشا د داین، لێ ب ھەڤکاریا خێرخوازەکێ ب ریێا نڤیسینگەھا کار و بارێن رەڤاندیان ل دھۆکێ ل رۆژا 29/11/2016 ئەز ھاتمە رزگار کرن.
ئه‌ڤرۆ نيوز:
ژ ده‌سپێكا شه‌رێ دژى داعش و هه‌تا نوكه هزار و 654 پێشمه‌رگه شه‌هيد بووينه و 9 هزار و 707 پێشمه‌رگه بريندار بووينه و 62 پێشمه‌رگه د بێ شه‌روشوونن، ئه‌ڤه ژى ب گۆره‌ى ئامارا ده‌زگه‌هێ ساخله‌ميا پێشمه‌رگه‌ى ل هه‌ولێر.
شه‌مال جه‌بار ياوه‌ر، سه‌رۆكێ ده‌زگه‌هێ ساخله‌مييا پێشمه‌رگه‌ى ئه‌ڤرۆ د كۆنگره‌كێ رۆژنامه‌ڤانى دا راگه‌هاند: ب گۆره‌ى ئامارێن فه‌رمى كو ژ وه‌زاره‌تا پێشمه‌رگه‌ى وه‌رگرتينه، ژ 10ى تيرمه‌ها 2014ێ هه‌تا 27ى ڤێ هه‌يڤێ هزار و 654 پێشمه‌رگه ل شه‌رێ دژى داعش شه‌هيد بووينه و 9 هزار و 707 ژى بريندار بووينه و 62 پێشمه‌رگه ژى د بێ سه‌روشوونن”.
ئه‌ڤرۆ نيوز:
وه‌زاره‌تا ده‌رڤه يا ئه‌مريكا داخوازێ ژ په‌كه‌كێ دكه‌ت كو شنگال چۆل بكه‌ت و وه‌سان دبينيت كو ئه‌گه‌ره‌كه ل هه‌مبه‌ر ئاشتيێ و ڤه‌گه‌ريانا خه‌لكێ ئاواره بۆ سه‌ر مال و حالێن خوه.
مارك تۆنه‌ر، جێگرێ ئاخفتنكه‌رێ وه‌زاره‌تا ده‌رڤه يا ئه‌مريكا رۆژا سێشه‌مبى 18ى كانوونا ئێكێ 2016 د كۆنگره‌كێ رۆژنامه‌ڤانى دا راگه‌هاند “په‌كه‌كه ژ لايێ ئه‌مريكا ڤه وه‌كو گرۆپه‌كێ تيرۆرستى هاتيه نياسين و پێدڤى ناكه‌ت چو رۆله‌ك د شنگال دا هه‌بيت”.
گۆتژى: “باوه‌ريا مه يا وه‌سايه كو هه‌بوونا په‌كه‌كێ ل شنگال ئه‌گه‌ره‌كێ مه‌زنه ل به‌رامبه‌ر ئاشتيێ و ڤه‌نه‌گه‌ريانا ئاواران و ئه‌و كه‌سێن مال و حالێن خوه ب جهـ هێلاين، ژ به‌ر هندێ ژى پێدڤيه ده‌ڤه‌رێ چوول بكه‌ن”.
نيشاندان
