ئهڤرۆ نيوز:
وهزارهتا دارایى و ئابوورى ل حوكمهتا ههرێما كوردستانێ دوهى رۆژا شهمبى رێكهفتى 23ى نيسانا 2016ێ خشتهكێ نوو مووچان راگههاند كو مووچێن چهندين وهزارهتان تێدايه و ههر ژ رۆژا ئێكشهمى ههتا پێنجشهمبى دێ يێ بهردهوام بيت.
د ڤى خشتهى دا دياركريه كو ئهڤرۆ رۆژا ئێك شهمبى رێكهفتى 24ى نيسانا 2016ێ دێ ههر ئێك ژ وهزارهتا خواندنا بلند و ڤهكولینێن زانستى و وهزارهتا كارهبا و وهزارهتا چاندن و ژێدهرێن ئاڤێ ل گهل وهزارهتا ئاڤهدانكرنێ و ئاكنجیكرنێ مووچهى وهرگرن.
ئهڤرۆ نیوز ، نهوزاد زاده هلۆرى:
دیڤد بهیلى رێڤهبهرێ كارگێریێ پێگهها Quora دیاركر كا وى چهوا شیایه دماوهیێ 17 رۆژان دا فێرى زمانێ فهرهنسى ببیت.
دیڤد بڤى رهنگى بهحسێ ئهزموونا خوه دكهت و چهند تهكنیكهك پێشنیاركرینه بو وان كهسانێن كو دڤێت ب ساناهى و د دهمهكێ كێم دا فێرى زمانهكێ بیانى ببن.
چهند زمانهكێن بیانى دژیهكێ مهزن دا فێربووم و شیام فێرى زمانێ فهرهنسى ببم تنێ د ماوهیێ 17 رۆژان دا ، و راسته كو بهرى نها من ئیسپانى دزانى و ئهڤه ئێكهمین زمانێ بیانى نهبوویه كو فێرببم بهلێ تهكنیكهكا زور ب مفابو بو وان كهسانێن دڤێن فێرى زمانهكێ بیانى بن.
ل هاڤینا سالا 2015 ئهز ل گهل ههڤالهكێ خوه چومه گوندهكێ فهرهنسى كو بتنێ ب فهرهنسى د ئاخفتن و ههڤالێ من ژى رهتكر كو ل گهل من ب ئینگلیزى ب ئاخڤیت ههتا كو فێر دبم
مه روتینهك دانا و ههموو رۆژان ئهڤ یهك دووباره دكر
سپێدهیان زور ژ خهو رادبووین و بو دهما دوو دهمژمێران بتنێ مه كارێن ئاسایى و نه ئاسایى دنڤیسین و ب وى رهنگى مه دهفتهرهك بو ڤێ یهكێ بهرههڤكربوو و نڤیسین ب دهستێ خوه باشتره كو مرۆڤ ژ بهر بكهت.
دهما كو مه بهردهوام تشت دنڤیسى ل وى دهمى من گوهداریا بهرنامهیێن فهرهنسى دگرت ب تایبهتى ئهوان بهرنامان یێن بو فێربوونا زمانان هاتینه تهرخانكرن و تو دكارى ب ئونلاین سهحا كورسێن وان زمانان بكهى و مفاى ژ شاشێن قوتابێن دن وهربگرى.
پشتى هنگى چومه دهرڤه ژ بوو بهزینێ و ل دهما بهزینێ ژى من گوهداریا سترانێن فهرهنسى دگرت و موزیك رێیهكا كارتێكهره بو راهێنانێن مێشكێ ته ب زمانهكێ نوو.
ههموو رۆژان ل گهل ههڤالیى َخوه و ههڤالێن دن یێن فهرهنسى مه خوارنا نیڤرو دخوار و ل بهر من نهدئاخفتن ههتا كو تێبگههم بهلكو من دڤیا بگههمه وان.
پشتى نیڤرو من چێروك و نڤسینێن فهرهنسى دخواندن و خوه دویرى ژ خواندنا فهرههنگان بكه و بزاڤێ بكه خوه تێبگههینه و نڤیسین و چێروكێن ب زهحمهت ژى ب ههلبژێره.
شهڤان ژى ب كێمى پهرهك ب فهرهنسى ل بارا كارێن خوهیێن رۆژانه من دنڤیسین و ههڤالێ من ژى شاشیێن من راستڤهدكرن
پشتى 17 رۆژان من ئهو گوند بجه هێلا و چومه پاریس ، و ل وێرێ من كچهك نیاسى و پێكڤه ئاخفتین و پشتى چهند خولهكهكان وێ پرسیار ژ من كر كا ئهڤه چهنده ئهز ل فهرهنسامه ؟ من ژى گوتێ ئهڤه بتنێ 17 رۆژه . و نك وێ ئهڤ یهك تشتهكى َزورێ حێبهتى بو و گوته من ئهو فهرهنسا ئهز ژ ته دزانم یا كهسهكێ یه ههر ب كێمى دڤیابا سالهكێ ل وێرى َمابایه.
ئهگهر ته بڤێت فێرى زمانهكێ بى بزاڤێ بكه ههموو هوركاریێن ژیانا خوه بكهیه زمانێ وان وهكو فلم و بهرنام و ئهنترنێت و ستران و نڤیسین و خوێندن و پێدڤى یه ئهڤ یهك ههموو ب وى زمانى بن.
ئهڤرۆ نیوز:
یهكگرتووى ئیسلامى كوردستان رۆژا گرێدا كۆنگرێ خوه یێ حهفتێ دهستنیشانكر و ل دووڤ ژێدهرێن دهنگوباسان سهلاحهدین بههائهدین ئهمیندارێ بهرێ دێ جارهكا دى خوه بهربژێر كهت.
غازى سهعید ئهندامێ سهكردایهتیا یهكگرتوو بۆ رووداو دیاركر رۆژا 26/5 دێ كۆنگرێ حهفتێ یێ یهكگرتوو هێته گرێدان.
یهكگرتوو ل 6/2/1994 هاتیه دامهزراندن، تاوهكو نوكه شهش كۆنگره گرێداینه و ل كۆنگرێ شهشێ، سهلاحهدین بههائهدین ل سهر خواستا خوه، خوهڤهكێشابوو.
ئهڤرۆ نيوز:
پۆليسێن دهڤهرا “پيرس” ل ئهمريكا راگههاند كو سێ گهنجان دهستدرێژيا سكسى كريه سهر كچهكێ و ڤيديۆيا وێ ل تۆڕا جڤاكيا سناپ چات بهلاڤكريه.
ئهو گهنج ل باخچهكى روونشتينه و ل گهل وێ كچێ و خووشكا وێ يا بچووكتر و مهى ڤهخواريه و ئهوێ كچێ هووشێن خوه ژ دهست داينه و كوڕان ژى دهستێن وێ ب وايرا كارهبێ گرێدايه و بريه سهر بانێ ئاڤاهيهكى سكس ل گهل كريه و ڤيديۆيا وێ ل تۆڕا جڤاكيا سناپ چات بهلاڤكريه.
بنگههێ پۆليسان راگههانديه كو ژ ترسا وێ چهندێ كو دهستدرێژيێ بكهنه سهر وێ ژى خوه ڤهشارتيه، گهنج ژى د ناڤبهرا ژيێن 13 بۆ 17 ساليێ دانه و هاتينه دهستهسهركرن.
ئهڤرۆ نیوز:
موقتهدا سهدر سهرۆكێ ڕهوتێ سهدری داخوازا خوهنیشادانێن ملیۆنی بۆ چارهسهركرنا ئاریشهیێن عیراقێ دكهت و داخواز ژ لایهنگرێن خوه كریه ڕۆژا دوشهمبی خوهنیشادانان ئهنجام بدهن و خۆشهڤی خهلیل، ئهندامێ پهرلهمانێ عیراقێ ژ فراكسیۆنا پارتی دیموكراتی كوردستان ئهڤرۆ گۆت ژی دیاركر، ههتا نوكه ڕێككهفتن بۆ كۆمبوونا پهرلهمانی نههاتیهكرن و ههتا لایهنێن سیاسی نهگههن ڕێككهفتنهكێ پهرلهمان نهشێت چو كۆمبوونان ب ڕێڤهببهت.
وهزارهتا دارایى و ئابوورى خشتهكێ نوو یێ مووچان راگههاند كو دێ رۆژێن ئێكشهمبى و رۆژێن دوشهمبى دێ هێنه بهلاڤكرن و ب ڤى رهنگى:
رۆژا ئێك شهمبى:
1- وهزارهتا خواندنا بلند و ڤهكولینێن زانستى
2- وهزارهتا كارهبا
3- وهزارهتا چاندن و ژێدهرێن ئاڤێ
4- وهزارهتا ئاڤهدانكرنێ و ئاكنجیكرنێ
رۆژا دوشهمبى و سێ شهمبى، موچێ وهزارهتا نافخو دێ هێته بهلاڤكرن
رۆژا چارشهمبى، دێ ئهڤ جهه وهرگرن
1-وهزارهتا باژێرڤانى و گهشت و گوزار
2-وهزارهتا ئهوقاف و كاروبارێن ئاین
رۆژا پێنج شهمبى ژى
1-وهزارهتا ڕۆشنبیرى و لاوان
2-وهزارهتا داد
3- وهزارهتا گواستنهوهو گهیاندن
4- وهزارهتا كارو كاروبارى كۆمهڵایهتى
5- وهزارهتا پیشهسازى و بازرگانى
6- سهرۆكایهتا ههرێم
7- سهرۆكایهتا پهرلهمان
8- ئهنجومهنى وهزیران
ئهڤرۆ نيوز:
رێڤهبهريا دهگهرێ سنورێ يێ پێشابيرێ راگههاند كو ئاسايشا رۆژئاڤايێ كوردستانێ رێ نادهت بريندارێن قامشلۆ بۆ چارهسهريا خوه بهێنه باشوورێ كوردستانێ.
شەوكەت بەربوھاری، رێڤهبهرێ خالا سنورى يا پێشابيرێ بۆ كوردستان24 خۆياكر كو شهڤا بۆرى گهنجهك ب چهكێ قهناسێ ل رۆژاڤايێ كوردستانێ بريندار ببوو، دڤيا ب مهرهما چارهسهريێ د رێيا پێشابيرێ را بهێته باشوورێ كوردستانێ، بهلێ ب مخابنى ڤه ئاسايشا پهيهدێ ل سێمالكا رێ ل گێرت و نههێلا بهێته ناڤ ههرێما كوردستانێ.
گۆتژى: “پشتى كهسوكارێن گهنجێ بريندار بووى ب تلهفۆنێ پهيوهندى ب مه كرى، مه ژى پهيوهندى ب ئاسايشا سێمالكا كر و گۆته مه كو كهسهكێ ب وى ناڤى يێ بريندار يێ ههى و يێ ڤهگهريا و جارا دويێ مه ديسا پهيوهندى پێ كر و بهرسڤا مه نهدا و دهمژمێر 11 ههتا 2ى شهڤێ ئهو بريندار ل خالا سنورى يا سێمالكا بوو”.
ئهڤه د دهمهكى دايه كو پشتى روودانا شهرى د ناڤبهرا هێزێن ئاسايشا رۆژئاڤايێ كوردستانێ و رژێما سوريا ل قامشلۆ مهسعود بارزانى سهرۆكێ ههرێما كوردستانێ ههموو بنگههێن ساخلهميێ و نهخۆشخانێن ههرێمێ خستنه حالهتێ ئاماده باشيێ بۆ وهرگرتنا بريندارێن روودانا قامشلۆ.
ئهڤرۆ نيوز:
جاران دهما كوڕى ڤيابا كچهكێ بۆ خوه ب خوازيت دا بابێ وى و هندهك كهس چنه مالا كچكێ و ژێ خوازن يان دا دهنێ و يان ژى نهددايێ بهلێ ب رهنگهكێ جوان و ب تنێ وان كهسان دزانى، ئهڤه نوكه ژى د ناڤ جڤاكێ مه دا يا ههى، بهلێ ل جڤاكێن دى گهلهك گوهۆڕين يێ ب سهرداهاتين.
ل ڤێرێ هندهك ژ وان شێوازان دێ ب ڤيديۆ بهرچاڤ كهين كو نه ههمى ژ وان سهر دگرن:
1- زهلامهك خوه بهرههڤ دكهت دا داخوازا پێكئينانا خێزانێ ژ ههڤالا خوه بكهت و خوه ل جههكێ بلند بهرددهته خوار و دهما ههڤالا وى دچيته هنداڤ دزانيت كو يا چێكرى يه و پۆستهك يێ نڤيسى و “بلند كرى دێ شوو ب من كهى؟”.
2- ل جههكێ نهيێ رۆمانسى كورك گهلهك د ئاخڤيت و پاشان داخوازێ ژ ههڤالا خوه دكهت “دێ شوو ب من كهى؟”
3- د ناڤ پێلێن دژوارێ دهرياى دا داخوازێ ژ ههڤالا خوه دكهت “دێ شوو ب من كهى؟”، دبيت د بنيات دا رازى نهبيت.
4- گهنجهك ل فرۆكخانا دوبهى داخوازا ههڤژينێ ژ ههڤالا خوه دكهت و ئهو ژى گهلهك تۆڕه دبيت.
ئهڤرۆ نيوز:
ئهڤرۆ رێكهفتى 23ى نيسانا 2016ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
نيشاندان