NO IORG
Facebook

ئه‌ڤرۆ نيوز:

وه‌كـی د ســه‌رهـــاتـیـیـا خودانێن شكه‌فتێ‌ دا مه‌ گۆتی سوحبه‌تا (ذو القرنین)ی ژی ئێك ژ وان پسیاران بــوو یێن زانایێن جوهییان بۆ كافرێن قوره‌یشییان گۆتی دا ئه‌و ژ پێغه‌مبه‌ری -سلاڤ لێ بن- بكه‌ن، وڕاستییا پێغه‌مبه‌رینییا وی پێ‌ بجه‌ڕبینن، له‌و ســه‌رهــاتـییا وی ژی د گه‌ل یا خودانێن شكه‌فتێ‌ د ئێك سووره‌تێ‌ دا هات، وســه‌رهاتییا (ذو القرنین)ی جاره‌كا ب تنێ‌ د قورئانێ‌ دا هاتییه‌.. وده‌مێ‌ خودایێ‌ مه‌زن سه‌رهاتییا ڤی مه‌لكی بۆ مه‌ ڤه‌دگوهێزت نه‌ ژ به‌ر هندێ‌ ڤه‌دگـوهێزت چونكی ئه‌و مه‌لكه‌ك بوو دنیا ئێخستبوو بن ده‌ستێ‌ خۆ، نه‌! به‌لكی ژ به‌ر هندێ‌ چونكی ئه‌و مرۆڤه‌كێ‌ چاك بوو، مالێ‌ دنیایێ‌ ومه‌زنییێ‌ وسه‌لته‌نه‌تێ‌ خودێ‌ ژ بیرا وی نه‌بربوو وئێكا هند ژ وی چێ‌ نه‌كربوو كو ئه‌و خۆ ژ خودایێ‌ خۆ مه‌زنتر ببینت، یان زۆردارییێ‌ ل خه‌لكی بكه‌ت.. ڤێجا دا كو ئه‌م بزانین (ذو القرنین) كی بوو وسـه‌رهاتــییا وی چ بــوو دێ‌ خۆ ده‌یـنه‌ به‌ر سیبه‌را چه‌ند ئایه‌ته‌كان ژ سووره‌تا (الكهف).

ذو القرنین كی بوو؟ و كه‌نگی ژیابوو؟
به‌ری ئه‌م ده‌ست ب ڤه‌گوهاستنا سه‌رهاتییا (ذو القرنین)ی بكه‌ین یا د جهێ‌ خۆ دایه‌ ئه‌م چه‌نده‌كێ‌ ل سه‌ر كه‌سینییا وی باخڤین كانێ‌ ئه‌و كی بوو، وكه‌نگی ژیابوو، وبۆچی دگۆتنێ‌ (ذو القرنین)؟ بۆ هندێ‌ دا سه‌رهاتی پتر ل به‌ر مه‌ یا ئاشكه‌را بت.
ئایه‌تێن قورئانێ‌ چو ئیشاره‌تان ناده‌نه‌ ڤێ‌ چه‌ندێ‌، نه‌ ناڤێ‌ وی یێ‌ دورست بۆ مه‌ دبێژن، ونه‌ به‌حسێ‌ وی ده‌می دكه‌ن یێ‌ ئه‌و تێدا ژیای؛ چونكی قورئانێ‌ -وه‌كی پتر ژ جاره‌كێ‌ مه‌ گۆتی- ب ڤه‌گێڕانا ڤان سه‌رهاتییان نه‌ڤێت دیرۆكێ‌ وه‌ك دیرۆك هند بۆ مه‌ تۆمار بكه‌ت هندی كو دڤێت عیبـره‌تان بۆ مه‌ ژ ڤان سه‌رهاتییان به‌رچاڤ بكه‌ت.

ل دۆر ده‌سنیشانكرنا كه‌سینییا (ذو القرنین)ی سێ‌ گـۆتن ل به‌ر ده‌ستێ‌ مه‌ هه‌نه‌:
یا ئێكێ‌: كو بـۆچوونا (بیروونی)یه‌ ئه‌و دبێژت: (ذو القرنین) ئێك ژ مه‌لكێن (حـمـیه‌رییان) بوو؛ چونكی مه‌لكێ‌ وان ب ڤان ڕه‌نگه‌ ناسناڤان دهاتنه‌ ناسیـن وه‌كی: (ذو نواس)ی و (ذو یزن)ی، وناڤێ‌ وی (ئه‌بوو به‌كرێ‌ كوڕێ‌ ئه‌فریقشی) بوو، ئه‌ڤه‌ ب له‌شكه‌رێ‌ خۆ ڤه‌ چووبوو حه‌تا گه‌هشتییه‌ به‌ر لێڤا ده‌ریایا سپی، ودبێژن: كیشوه‌را ئه‌فریقیایێ‌ ب وی یا هاتییه‌ ناڤكرن.
یا دووێ‌: وئه‌ڤه‌ بۆچوونا زانایێن هندێیه‌ ئه‌و دبێژن: پتـر یا به‌رعاقله‌ كو (ذو القرنین)ێ‌ قـورئانـێ‌ به‌حسێ‌ وی كری (كه‌یـخـسره‌و) بت ئه‌وێ‌ یۆنانی دبێژنێ: (سه‌یرۆس) یان (خۆرس ـ كۆرش) وه‌كی جوهی دبێژنێ‌.. ئه‌ڤی حاكمێ‌ عادل هـه‌ر ژ سالا (559) حه‌تا سالا (530) به‌ری زایینێ‌ حوكم كربوو، و ل سه‌ر ده‌مێ‌ خۆ ئه‌و شیابوو مه‌مله‌كه‌تا فورسێ‌ ویا میدییان بكه‌ته‌ ئێك، ووی ڕۆژهه‌لات وڕۆژئاڤا ئێخستبوونـه‌ بن ده‌ستێ‌ خۆ، وئه‌و بوو یێ‌ ئه‌و ئسرائیلی ژ ئێخسیـرییێ‌ بـه‌رداین یێن (نـه‌بـووخذنـه‌صـری) گرتین وئیناینه‌ بابلێ‌، پشتی كو وی بابل ستاندی، و ل سالا (1838 ز) په‌یكه‌ره‌كێ‌ ژ قافكی یێ‌ ڤی مه‌لكی هاته‌ دیتن دو شاخ ل سه‌ر سه‌رێ‌ وی بوون، وه‌ك ئیشاره‌ت بۆ مه‌مله‌كه‌تا فارس ومیدییان یێن كو وی گه‌هاندینه‌ ئێك، له‌و دگۆتنێ‌: خودانێ‌ دو شاخان، ودیرۆك به‌حسێ‌ دادی وعه‌داله‌تا ڤی مه‌لكی دكه‌ت.
یا سییێ‌: گه‌له‌كێن دی دبێژن: ئه‌ڤ مه‌لكه‌ ئه‌سكه‌نده‌رێ‌ مه‌قدوونی بوو، ئه‌وێ‌ ل دۆرێن سه‌دسالا سییێ‌ به‌ری زایینێ‌ حوكم كری، به‌لێ‌ چو ڕاستی بۆ ڤێ‌ بۆچوونێ‌ نینن؛ چونكی ئه‌ڤ ئه‌سكه‌نده‌ره‌ مه‌لكه‌كێ‌ خودان باوه‌ر نه‌بوو، و ب دادی وعه‌داله‌تێ‌ ژی نه‌هاتییه‌ ناسین.
و ل دۆر ئه‌گه‌را ناسینا وی ب ناسناڤێ‌ (ذو القرنین ـ خودانێ‌ دو شاخان) چه‌ند بۆچوونه‌ك هه‌نه‌: هنده‌ك دبێژن: چونكی وی ڕۆژهه‌لات وڕۆئاڤایا دنیایێ‌ ئێخستبوونه‌ بن ده‌ستێ‌ خۆ، وهنده‌ك دبێژن: چونكی پویرتێ‌ سه‌رێ‌ وی یێ‌ درێژ بوو ووی دو شاخ بۆ خۆ چێ‌ دكرن، ودویر نینه‌ وی كولاڤه‌كێ‌ ئاسنی یێ‌ دو شاخ پێڤه‌ كربته‌ سه‌رێ‌ خۆ ل ده‌مێ‌ شه‌ڕی له‌و ئه‌و ب ڤی ناڤی هاتبته‌ ناسیـن.

ذو القرنین ل ڕۆژئاڤایا دنیایێ‌:
خودایێ‌ مه‌زن ده‌مێ‌ سه‌رهاتییا (ذو القرنین)ی بۆ مه‌ ڤه‌دگوهێزت وبه‌ری بێژت كانێ‌ وی چ كربوو، ب ڤی ڕه‌نگی ڕێكێ‌ بۆ سه‌رهاتییێ‌ خۆش دكه‌ت: وَيَسْأَلُونَكَ عَنْ ذِي الْقَرْنَيْنِ قُلْ سَأَتْلُو عَلَيْكُمْ مِنْهُ ذِكْرًا (83) إِنَّا مَكَّنَّا لَهُ فِي الْأَرْضِ وَآَتَيْنَاهُ مِنْ كُلِّ شَيْءٍ سَبَبًا (84) (الكهف: 83-84) وئه‌ڤ بوتپه‌رێسێن ملله‌تێ‌ ته‌ [ ئه‌ی موحه‌ممه‌د ] پسیارا مه‌لكێ‌ چاك خودانێ‌ دو شاخان (ذو القرنین) ژ ته‌ دكه‌ن، تو بێژه‌ وان: ئه‌ز دێ‌ به‌حسه‌كێ‌ وی بۆ هه‌وه‌ كه‌م، دا هوین وی ل بیرا خۆ بینن، وعیبره‌تێ‌ بۆ خۆ ژێ‌ وه‌ربگرن، هندی ئه‌مین مه‌ عه‌رد ئێخسته‌ بن ده‌ستێ‌ وی، و ژ هه‌ر تشته‌كی مه‌ ڕێ‌ و ئه‌گه‌ر دانه‌ وی كو ئه‌و پێ‌ بگه‌هته‌ تشتێ‌ وی بڤێت ژ گرتنا وه‌لاتان وشكاندنا دوژمنان وهه‌ر تشته‌كێ‌ دی.
ژ ڤان ئایه‌تان دئێته‌ زانین كو خودێ‌ هند هێز وشیان دابوونه‌ (ذو القرنین)ی كو ئــه‌و جـیـهانا سه‌رده‌مێ‌ خۆ هه‌مییێ‌ بێخته‌ بن ده‌ستێ‌ خۆ و ب دادییێ‌ حوكمی بكه‌ت، مه‌عنا: ئه‌و ب خودایێ‌ خۆ ڤه‌ یێ‌ گرێدای بوو، وی ب دورستی په‌رستنا خودایێ‌ خۆ دكر له‌و خودایێ‌ وی ژی هه‌می ئه‌گه‌رێن (ماددی) بۆ وی ئاماده‌ كربوون دا ئه‌و بشێت خه‌لكی بێخته‌ بن حوكمێ‌ خۆ.

پشتی ڤێ‌ ده‌سپێكێ‌ خودایێ‌ مه‌زن به‌حسێ‌ غه‌زایا (ذو القرنین) ی بۆ ڕۆژئاڤایا عه‌ردی دكه‌ت ودبێژت: فَأَتْبَعَ سَبَبًا (85) حَتَّى إِذَا بَلَغَ مَغْرِبَ الشَّمْسِ وَجَدَهَا تَغْرُبُ فِي عَيْنٍ حَمِئَةٍ وَوَجَدَ عِنْدَهَا قَوْمًا قُلْنَا يَا ذَا الْقَرْنَيْنِ إِمَّا أَنْ تُعَذِّبَ وَإِمَّا أَنْ تَتَّخِذَ فِيهِمْ حُسْنًا (86) قَالَ أَمَّا مَنْ ظَلَمَ فَسَوْفَ نُعَذِّبُهُ ثُمَّ يُرَدُّ إِلَى رَبِّهِ فَيُعَذِّبُهُ عَذَابًا نُكْرًا (87) وَأَمَّا مَنْ آَمَنَ وَعَمِلَ صَالِحًا فَلَهُ جَزَاءً الْحُسْنَى وَسَنَقُولُ لَهُ مِنْ أَمْرِنَا يُسْرًا (88) (الكهف: 85-88) ئینا وی ب مجدی وزیره‌كی ئه‌و ڕێ‌ وئه‌گه‌رێن مه‌ داینێ‌ ب كار ئینان.. حه‌تا ده‌مــێ‌ خودانێ‌ دو شاخان گه‌هشتییه‌ جهێ‌ ڕۆژ لێ‌ ئاڤا دبت وی دیت ل به‌ر چاڤ هه‌ر وه‌كی ئه‌و د كانییه‌كا گه‌رما خودان هه‌ڕییه‌كا ڕه‌ش دا یــا ئـــاڤــا دبــت، ووی ل وێرێ‌ ملله‌ته‌ك دیت، مه‌ گۆت: ئه‌ی خودانێ‌ دو شاخان یان تو ب كــوشــتــنـێ‌ وان عه‌زاب بده‌، ئه‌گه‌ر وان باوه‌ری ب ته‌وحیدا خودێ‌ نه‌ئینا، یان تو باشییێ‌ د گه‌ل وان بكه‌، وهیدایه‌تێ‌ نیشا بـده‌ وبــه‌رێ‌ وان بده‌ ڕێ‌. خودانێ‌ دو شاخان گـۆت: هه‌چییێ‌ ژ وان زۆرداری ل خۆ كر وكوفر ب خودایێ‌ خۆ كر، ئه‌م د دنیایێ‌ دا دێ‌ وی عه‌زاب ده‌ین، پاشی ئه‌و دێ‌ زڤڕته‌ نك خودایێ‌ خـۆ، ڤێجا ئه‌و ب عه‌زابه‌كا مه‌زن دێ‌ وی د ئاگرێ‌ جه‌هنه‌مێ‌ دا عه‌زاب ده‌ت. وهه‌چییێ‌ ژ وان باوه‌ری ب خودایێ‌ خۆ وته‌وحیدا وی ئینا، وكار ب گۆتنا وی كر جزایێ‌ وی ژ نك خودێ‌ به‌حه‌شته‌، وئه‌م دێ‌ باشییێ‌ د گه‌ل وی كه‌ین، و ب گۆتنه‌كا نه‌رم دێ‌ وی ئاخێڤین، وسه‌ره‌ده‌رییه‌كا باش دێ‌ د گه‌ل كه‌ین.
وجــهــێ‌ ڕۆژ لـێ‌ ئـاڤـا دبت ئه‌و جهه‌ یێ‌ ل به‌ر چاڤێن مرۆڤی ڕۆژ لـێ‌ ئاڤا دبت، ووه‌سا ژ ڤان ئایه‌تان ئاشكه‌را دبت كو (ذو القرنین)ی هند ب لایێ‌ ڕۆژئاڤایێ‌ ڤه‌ یێ‌ چووی حه‌تا گه‌هشتییه‌ به‌ر لێڤێن ئه‌قیانووسێ‌ ئه‌تله‌نتی (المحیط الأطلسی) ئه‌و جهێ‌ خه‌لكی ل وی ده‌می هزر دكر كو دنیا (هشكاتی) ل نك خلاس دبت، و ل وی جهی (ذو القرنین)ی ملله‌ته‌ك دیت لێ‌ دژیان ئینا وی حوكمێ‌ خۆ یێ‌ عادل ل ســه‌ر وان ب جـهـ ئینا: ((هـه‌چـییێ‌ ژ وان زۆرداری ل خۆ كر وكوفر ب خودایێ‌ خۆ كر، ئه‌م د دنیایێ‌ دا دێ‌ وی عه‌زاب ده‌ین، پاشی ئه‌و دێ‌ زڤڕته‌ نك خودایێ‌ خـۆ، ڤێجا ئه‌و ب عه‌زابه‌كا مه‌زن دێ‌ وی د ئاگرێ‌ جه‌هنه‌مێ‌ دا عه‌زاب ده‌ت. وهه‌چییێ‌ ژ وان باوه‌ری ب خودایێ‌ خۆ وته‌وحیدا وی ئینا، وكار ب گۆتنا وی كر جزایێ‌ وی ژ نك خودێ‌ به‌حه‌شته‌، وئه‌م دێ‌ باشییێ‌ د گه‌ل وی كه‌ین، و ب گۆتنه‌كا نه‌رم دێ‌ وی ئاخێڤین، وسه‌ره‌ده‌رییه‌كا باش دێ‌ د گه‌ل كه‌ین)).
وئه‌ڤه‌ ئه‌و حوكم بوو یێ‌ خودێ‌ نیشا وی دای وبه‌رێ‌ وی دایێ‌.

ذو القرنین ل ڕۆژهه‌لاتا دنیایێ‌:
وپشتی (ذو القرنین) ی وه‌لاتێن ڕۆژئاڤایێ‌ ئێخستینه‌ بن ده‌ستێ‌ خۆ ئه‌وی ڕێكا خۆ ڤه‌گوهاسته‌ ڕۆژهه‌لاتێ‌، قورئان دبێژت: ثُمَّ أَتْبَعَ سَبَبًا (89) حَتَّى إِذَا بَلَغَ مَطْلِعَ الشَّمْسِ وَجَدَهَا تَطْلُعُ عَلَى قَوْمٍ لَمْ نَجْعَلْ لَهُمْ مِنْ دُونِهَا سِتْرًا (90) كَذَلِكَ وَقَدْ أَحَطْنَا بِمَا لَدَيْهِ خُبْرًا  (الكهف: 89-91) پاشی خودانێ‌ دو شاخان دویچوونا وان ئه‌گه‌ران كر یێن خودێ‌ داینێ‌ وزڤڕی ڕۆژهه‌لاتێ‌. حه‌تا ده‌مێ‌ ئه‌و گه‌هشتییه‌ جهێ‌ هه‌لاتنا ڕۆژێ‌، وی دیت ئه‌و یا ل سه‌ر ملله‌ته‌كی دهه‌لێت وان چو ئاڤاهی نینن وان ستاره‌ بكه‌ن، وچو داروبار ژی نینن سیبه‌رێ‌ ل وان بكه‌ن. وه‌سا و ب ڕاستی زانیـنا مه‌ دۆر ل وی تشتی گرتبوو یێ‌ ل نك وی هه‌ی ژ خێرێ‌ وئه‌گه‌رێن مه‌زن، ل هه‌ر جهه‌كێ‌ ئه‌و بچتێ‌.
وجهێ‌ ڕۆژ لـێ‌ دهه‌لێت وه‌كی جهێ‌ ئه‌و لـێ‌ ئاڤا دبت ئه‌وه‌ یێ‌ ل به‌ر چاڤێ‌ مرۆڤی وه‌سا دیار دبت، وئه‌و ل جهه‌كی بۆ جهه‌كی یا جودایه‌، ونه‌هاتییه‌ زانین كانێ‌ ئه‌ڤ ملله‌ته‌ یێ‌ ئایه‌ت به‌حس ژێ‌ دكه‌ن كی بوون، و ل كیڤه‌ دژیان: ل ڕۆژهه‌لاتا كـیـشـوه‌را ئاسـیایێ‌ دژیان، یان ژی ل به‌ر كــنـارێ‌ ڕۆژهه‌لاتا كیشوه‌را ئه‌فریقیایێ‌ بوون، هه‌ر چه‌وا بت وه‌سا یا دیاره‌ كو ئه‌و ملله‌ته‌ك بوون وه‌لاتێ‌ وان ل به‌ر چاڤێ‌ ڕۆژێ‌ یێ‌ ئاشكه‌را بوو، ونه‌ چو ئاڤاهی وان هه‌بوون ســیـبه‌رێ‌ ل وان بكه‌ن نه‌ چو داروبار، ودویر نـیـنـه‌ جلكه‌كێ‌ وه‌سا ژی د به‌ر وان نه‌بوویه‌ وان ژ ڕۆژێ‌ ستاره‌ بـكـه‌ت، وپشتی وی حوكمێ‌ خۆ ل سه‌ر وان ژی ب جهـ ئینای، ئه‌وی به‌رده‌وامی ب چوونا خۆ كر حه‌تا گه‌هشتییه‌ وی جهی یێ‌ ئه‌و ملله‌تێ‌ (هه‌مه‌ج) لـێ‌ دژیا ئه‌وێ‌ قورئانێ‌ ب ناڤێ‌ (یاجووج وماجووج) دایه‌ ناسینێ‌..

ذو القرنین ویاجووج وماجووج:
وسه‌رهاتییا (ذو القرنین) ی د گه‌ل یاجووج وماجووجی قورئان ب ڤی ڕه‌نگی بۆ مه‌ ڤه‌دگێڕت: ثُمَّ أَتْبَعَ سَبَبًا (92) حَتَّى إِذَا بَلَغَ بَيْنَ السَّدَّيْنِ وَجَدَ مِنْ دُونِهِمَا قَوْمًا لَا يَكَادُونَ يَفْقَهُونَ قَوْلًا (93) قَالُوا يَا ذَا الْقَرْنَيْنِ إِنَّ يَأْجُوجَ وَمَأْجُوجَ مُفْسِدُونَ فِي الْأَرْضِ فَهَلْ نَجْعَلُ لَكَ خَرْجًا عَلَى أَنْ تَجْعَلَ بَيْنَنَا وَبَيْنَهُمْ سَدًّا (94) قَالَ مَا مَكَّنِّي فِيهِ رَبِّي خَيْرٌ فَأَعِينُونِي بِقُوَّةٍ أَجْعَلْ بَيْنَكُمْ وَبَيْنَهُمْ رَدْمًا (95) آَتُونِي زُبَرَ الْحَدِيدِ حَتَّى إِذَا سَاوَى بَيْنَ الصَّدَفَيْنِ قَالَ انْفُخُوا حَتَّى إِذَا جَعَلَهُ نَارًا قَالَ آَتُونِي أُفْرِغْ عَلَيْهِ قِطْرًا (96) فَمَا اسْطَاعُوا أَنْ يَظْهَرُوهُ وَمَا اسْتَطَاعُوا لَهُ نَقْبًا (97) قَالَ هَذَا رَحْمَةٌ مِنْ رَبِّي فَإِذَا جَاءَ وَعْدُ رَبِّي جَعَلَهُ دَكَّاءَ وَكَانَ وَعْدُ رَبِّي حَقًّا (98)(الكهف: 92-98) پاشی خودانێ‌ دو شاخان ئه‌و ڕێ‌ وئه‌گه‌ر ب كار ئینان یێن مه‌ داینێ‌ ودا ڕێ‌. حه‌تا ده‌مێ‌ ئه‌و گه‌هشتییه‌ ناڤبه‌را وان هه‌ردو چیایان دا یێن تشتێ‌ ل پشت خـۆ ڤه‌دشێرن، وی ل پشت وان ملله‌ته‌ك دیت، نێزیك بوو ئه‌و ژبلی ئه‌زمانێ‌ خۆ د چو ئه‌زمـانێن دی نـه‌گه‌هن. وان گـۆت: ئه‌ی خودانێ‌ دو شاخان هندی یاجووج وماجووجن -كو دو ملله‌تێن مه‌زنن ژ دوونده‌ها ئاده‌می- ب كوشتنا مرۆڤان وپویچكرنا شینكاتی خرابكارییێ‌ د عه‌ردی دا دكه‌ن، ئه‌رێ‌ ڤێجا ئه‌م كرێ‌ وخه‌راجه‌كێ‌ نه‌ده‌ینه‌ ته‌، وماله‌كی بۆ ته‌ كۆم نه‌كه‌ین، به‌رانبه‌ر هندێ‌ كو تو په‌رژانه‌كی بێخییه‌ د ناڤبه‌را مه‌ ووان دا؟ خودانێ‌ دو شاخان گۆت: تشتێ‌ خودایێ‌ من ژ ملكی وده‌سهه‌لاتێ‌ دایه‌ من بۆ من ژ مالـێ‌ هه‌وه‌ چێتره‌، ڤێجا هوین ب هێزا خۆ هاریكارییا من بكه‌ن ئه‌ز دێ‌ ناڤبڕه‌كێ‌ ئێخمه‌ ناڤبه‌را هه‌وه‌ ووان دا. هوین پارچه‌یێن ئاسنی بۆ من بینن، وده‌مێ‌ وان ئه‌و ئیناین و ل ناڤبه‌را هه‌ردو چیایان دانای حه‌تا ڕاستكری، وی گۆته‌ پالان: ئاگری خۆش كه‌ن، حه‌تا ئاسن هه‌می بوویه‌ ئاگر، وی گۆت: هوین سفری بۆ من بینن دا ئه‌ز ب سه‌ر دا بكه‌م. ڤێجا یاجووج وماجووج نه‌شیان ب سه‌ر ناڤـبـڕێ‌ بكه‌ڤن؛ هندی یا بلند وحلی بوو، وئه‌و نه‌شیان وێ‌ ژ بن ژی ڤه‌ كون بكه‌ن ژ به‌ر فره‌هی وموكمییا وێ‌. خودانێ‌ دو شاخان گـۆت: ئه‌ڤ ناڤبڕا من دانای دا خرابییا یاجووج وماجووجان ڤه‌گرت دلۆڤانییه‌كه‌ ژ خودایـێ‌ من ب مرۆڤان، ڤێجا ئه‌گه‌ر ژڤانێ‌ خودایێ‌ من هات ل ڕۆژا قیامه‌تێ‌ ئه‌و دێ‌ وێ‌ ناڤبڕێ‌ ب عه‌ردی ڤه‌ ڕاست كه‌ت وهه‌ڕفینت، وژڤانێ‌ خودایێ‌ من حه‌ق بوویه‌. ومه‌ یاجووج وماجووج هێلان -حـه‌تا ڕۆژا ژڤانێ‌ مه‌ دئێت- دا هنده‌ك ژ وان تێكه‌لـی هنده‌كان ببن ؛ ژ به‌ر هژمارا وان یا بۆش، وبۆ ڕابوونێ‌ د ((بۆڕییێ‌)) دا هاته‌ پفكرن، ڤێجا مه‌ هه‌می چێكری بۆ حسێبێ‌ وجزای كـۆمكرن.
و ژ ڤێ‌ سه‌رهاتییێ‌ بۆ مه‌ دیار دبت كو مه‌خسه‌دا (ذو القرنین)ی ب ڤان شه‌ڕ وڤه‌كرنێن خۆ دا بۆ وه‌لاتان ئه‌و نه‌بوو ماله‌كێ‌ زێده‌تر بۆ خۆ كۆم بكه‌ت، یان ده‌ره‌جه‌ ومه‌نصبێن خۆ بلندتر لێ‌ بكه‌ت، به‌لكی مه‌خسه‌دا وى ئه‌و بوو دینێ‌ خودێ‌ یێ‌ دورست وته‌وحـیـدێ‌ د ناڤ خـه‌لـكـی دا بـه‌لاڤ بـكـه‌ت ودادییێ‌ ب جهـ بینت، وڤی ملله‌تی ئـه‌وێ‌ د ناڤـبـه‌را دو چیایان دا دژیا ونه‌خۆشی ژ ده‌ستێ‌ یاجووج وماجووجان ل سه‌ری ددیت هــزر كر (ذو القرنین) ژی وه‌كی هه‌ر مه‌لكه‌كێ‌ دی ژ مه‌لكێن دنیایێ‌ حه‌ز ژ مال ومه‌زنییێ‌ دكه‌ت، له‌و وان ژ وی خواست ئه‌و به‌لا یاجووج وماجووجان ژ وان ڤه‌كه‌ت به‌رانبه‌ر هندێ‌ ئه‌و ماله‌كێ‌ زێده‌ بده‌نه‌ وی، به‌لـێ‌ وی بۆ وان ئاشكـه‌راكـر كـو ئـه‌وا خودێ‌ دایه‌ وی ژ مالـێ‌ دنیایێ‌ تێرا وی هه‌یه‌، ووی چو مال ژ وان نه‌ڤێت به‌رانبه‌ر ڤێ‌ قه‌نجییێ‌، ب تنێ‌ بلا ئه‌و ب زه‌لام وشیانێن خۆ هاری وی بكه‌ن.. وئه‌و بوو وی سه‌دده‌كا مه‌زن د ناڤبه‌را وان دا ئاڤاكر ب وی ڕه‌نگێ‌ ئایه‌تان بۆ مه‌ ڤه‌گێڕای، وئایه‌ت بۆ مه‌ ئاشكه‌را دكه‌ن كو ئه‌گه‌ر ده‌مێ‌ ڕۆژا قیامه‌تێ‌ نێزیك بوو خودێ‌ وێ‌ سه‌ددێ‌ دێ‌ ل به‌ر یاجووج وماجووجان ڤه‌كه‌ت وئه‌و دێ‌ ب سه‌ر عه‌ردی دا گرن وخرابییه‌كا مه‌زن دێ‌ به‌لاڤ كه‌ن.

1016

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 22ى خزيرانا 2016ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 40000
1 گرام زێرێ  (ع) 21 46000
1 گرام زێرێ  (ع) 22 49000
1 گرام زيڤ 3000

 

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 22ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى 1260
1 يۆرۆيێ ئه‌ورۆپى 1410
1 ليرێ توركى 430

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

253

ئه‌ڤرۆ نيوز:

خشته‌ و ده‌مێ ياريێن ئه‌ڤرۆ رۆژا چارشه‌مبى رێكه‌فتى 22ى خزيرانا 2016ێ ژ كۆپا ئه‌مريكا و يورۆ 2016ێ:

كۆپا ئه‌مريكا – پێش دووماهى:
كۆلۆمپيا – چێلى 3:00

يورۆ – گه‌را سيێ ژ قووناغا كۆمێن E و F:

هنگاریا – پرتۆگال 7:00

ئایسلەندا – نەمسا 7:00

بەلجیکا – سوید 10:00
ئیتالیا – ئيرلەندا 10:00

618

ئه‌ڤرۆ نيوز:

د بڕياره‌كا كێم وێنه‌ دا، واليه‌كا باژێره‌كێ وێلز بڕيار دا ناڤێ باژێرێ خوه‌ بۆ “بێل” ب گوهۆڕيت وه‌كو رێزگرتن بۆ ياريكه‌رێ هه‌لبژارتيێ خوه‌ ژ به‌ر رۆلێ وى يێ به‌رچاڤ د سه‌ركه‌فتنێن هه‌لبژارتيێ وى وه‌لاتى دا.

واليێ “بالا” يێ وێلزى بڕياره‌كا دادوه‌رى دا پشتى ناڤێ باژێرێ خوه‌ يێ دكه‌ڤيته‌ باكوورێ پايته‌ختێ وێلز “كارديف” كره‌ “بێل” ب ره‌نگه‌كێ ده‌مكى وه‌كو رێزگرتن بۆ ستێرا يانا ريال مه‌دريد يا ئسپانى، گارس بێل به‌رنياسترين ياريكه‌رێ وى وه‌لاتى.

گارس بێل يێ 26 سالى شيا بۆ جارا ئێكێ وه‌لاتێ خوه‌ بگه‌هينيته‌ يورۆ پشتى 1958ێ و تێدا رۆله‌كێ به‌رچاڤ ژى هه‌يه‌ و شيان وه‌كو قاره‌مانا كۆما دويێ ده‌ربازى قووناغا 16ێ بكه‌ت سه‌ره‌راى هه‌بوونا هه‌لبژارتيێن وه‌كو ئنگلته‌ر و سلۆڤاكيا و چيك.

ئه‌ڤرۆ نيوز:

رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ پێشبينيێن خوه‌ بۆ كه‌شوهه‌وايێ باژێرێن كوردستانێ به‌لاڤكر.

ب گۆره‌ى پێشبينيان ب ره‌نگه‌كێ گشتى پلێن گه‌رمێ بلندبوونێ ب خوه‌ ڤه‌ دبينن و ل دهۆك ئه‌ڤرۆ و سوبه‌هى پلا گه‌رمێ دێ 38 و 39 بيت.


ئه‌ڤرۆ نيوز:

ژێده‌ره‌كى ژ پارێزگه‌ها سه‌لاحه‌دين راگه‌هاند: ئه‌ڤرۆ رۆژا چارشه‌مبى ل سه‌ر رێيا سه‌ره‌كى يا كه‌ركووك-تكريت چه‌ند چه‌كدارێن نه‌نياس هه‌شت وه‌لاتيێن سڤيل ره‌ڤانديه‌ و سێ ژ وان كوشتينه‌.

ئه‌وى ژێده‌رى بۆ ميديايێن ناڤخۆ يێن عيراقى راگه‌هانديه‌ كو ئه‌و چه‌كدارێن نه‌نياس ل نێزيك ناحيا “ئامرلى” خالا پشكنينێ دانايه‌ و هه‌شت وه‌لاتى كو د رێ دابوون بۆ چوونا ناڤ تكريت و كه‌ركووك ل وێرێ گرتينه‌ و ره‌ڤاندينه‌.

ژێده‌رى ئاماژه‌ ب وێ چه‌ندێ ژى كريه‌ كو پێشتر پۆليسێن ده‌ڤه‌رێ ته‌رمێ سێ كه‌سان ديتيه‌ يێن وان ره‌ڤانديان بوون و نوكه‌ ژى چاره‌نڤيسێ ئه‌وان پێنج كه‌سێن دى يێ ديار نينه‌.

272

تایبەتمەندەکێ نەخۆشیێن گولچیسکا و میزەروی بۆ ئەڤرۆ دیارکر کو نەخۆشێن گولچیسکا درێژاھیا رۆژی پێدڤی ب ئاڤ ڤەخۆارنەکا زێدە ھەنە دگەل خوارنا فێقی وەکو شتی و گوندوری و تری و موز و خورمێ و گەلەک جۆرین دی، ل دەمێ پاشیڤێ زۆر یا ب مفایە بۆ نەساخی لێ ھەکە نەساخی ئێشانەکا مەزن یا گولچیسکا ھەبیت، رۆژانە ھەشت دەمژمیران جارەکێ پێدڤیە دەرمانان بخۆت و نەشێت رۆژیێ بگریت.
د. نەشوان محەمەد رەشید، تایبەتمەندێ نەخۆشیێن گولچیسکا ومیزەروێ بۆ ئەڤرۆ دیارکر کو رۆژ گەلەک درێژ وگەرمن و بۆ مروڤی ئاسایی یێ کو چو ئێشێن گولچیسکا نەبن رەنگە چو ئاریشە نەبیت، لێ بۆ وان نەخۆشان یێ ئێشێن گولچیسکا ھەین زۆر ئاریشە پەیدادبن و گۆت: یا باشتر ئەوە ل ھەیڤا رەمەزانێ نەخۆشێن گولچیسکا سەرا نوشدارێن خوە یێن تایبەتمەند بکەن ھەکە نوشداری دیت چ ئاریشە بۆ گولچیسکێن وی پەیدانابن دێ شێت رۆژیان گریت دروستە، لێ ھەکە نوشداری دیت نەساخ نەشێت ژبەر گولچیسکین خوە رۆژیان بگرت دێ نوشدار بێژیتێ نابیت تو رۆژیان بگری.
تایبەتمەندێ نەخۆشیێن گولچیسکا ومیزەروێ زێدەتر گۆت: ھەکە نەساخی پیچەکا ھەولدانێ ھەبیت یان بەرکێن بچووک ھەبن، ئەو دشێت رۆژیا خوە بگریت و چ کارتێکرن ل گولچیسکا وی ناھێتە کرن، تایبەتی ھەکە ئاڤێ و شەربەتێ و فێقی ب ئاڤ گەلەک بکاربینیت، لێ پێدڤیە ڤەخارنا چایێ و قەھوێ بھێتە کیمکرن، چونکو بۆ گولچیسکا نەیا باشە، بەلکو خوارنا فێقی وەکو شتی و گوندوری و تری و موز و خورمێ و گەلەک جۆرێن دی یێن فێقی زۆر دباشن بۆ پاقژکرنا گولچیسکا و مانا ئاڤێ دگەل نەساخی کو بۆ گولچیسکا یا باشە.
د. نەشوان محەمەد، دیارکر کو نەساخێن گولچیسکا پێدڤیە دھەیڤا رەمەزانێ د ا، خوە ژ خوارنا سیر دوور بکەن، ھەروەسا ژی خوە دوور بکەن ژ سەقایێ گەرم داکو ئەو ئاڤ ا د لەشێ نەساخی دا کێم نەبیت و زیان نەگەھنە گولچیسکێن نەساخی.
ناڤبری ئەوژی دیارکر کو ھندەک جۆرێن نەخۆشیێن گولچیسکێ دا ھەنە ئەم دبێژینە نەساخی نابیت ب چو شێوەیان رۆژیێ بگرن، چونکو رەنگە ئەو نەساخ ب رۆژی گرتنێ نەخۆشیا وی زێدەتر لێ بھێت، لێ پرانیا وان یێن ئاریشێن بچووک گولچیسکێ دا ھەین وەکو بەرەکێ بچووک یان ھەودانەکا گولچیسکێ دا ھەبیت ئەو دشێت رۆژیێ بگریت و د بیاڤێ ساخلەمیێ دا چو زیان ناگەھنێ، لێ دگەل خوارنا فێقیێ گەلەک ب ئاڤ دەمێ پاشیڤێ و ڤەخوارنا ئاڤ وشەربەتەکا زێدە ھەکە پێدڤێ خوارنا دەرمانان ھەبیت ئەم دێ بتنێ وی جۆرێ دەرمانی دەینە وی نەساخێ ئێشەکا بچووک گولچیسکێ داکو رۆژێ جارەکێ دەرمانێ بخۆت.
د. نشوان ئاشکرا کر کو ئەو نەساخێ رۆژانە پێدڤی دەرمان خۆارنی بیت کو ھەر ھەشت دەمژمێران جارەکێ دەرمانان بخوت ژبەر ئێشا گولچیسکا نەشێت رۆژیان بگریت، چونکو ھەکە رۆژیان بگریت نەشێت دەرمانێ خوە ب شیویەکێ دروست بخۆت و دێ زیان گەھیتە گولچیسکێن وی.

992

ئه‌ڤرۆ نيوز:

ژنا دوگیان وەکو ژنەکا سروشتی یە ل دەمێ ساخلەمیا وێ یا باش بیت، ١٧ دەمژمێرێن رۆژیگرتنێ ھەکە کارتێکرن ل ساخلەمیا وێ کر، یانژی ھەکە ل ھەر سێ مەھێن دووماھیێ بوو و تووشی تەنگەزاریێن ساخلەمیێ بوو و رەوشا وێ تێکچوو، یان ھەکە دیت کارتێکرن دێ ل ساخلەمیا زارۆیێ وێ ھێتە کرن، رێک بۆ دھێتە دان رۆژیا نەگریت، ل حالەتێن سروشتی چو ئاریشە نینن و پێدڤیە رۆژیان بگریت.
د. ئەمەل عەبدولحەکیم، تایبەتمەندا نەخۆشیێن ژنان و زارۆبوونێ دیارکر کو رەمەزانا ئەڤ سالە د وەرزێ ھاڤینێ دایە و گەلەک یا ب زەحمەتە روژیگر ١٧ دەمژمێران ب روژینە، ژنا دوگیان ژی دڤێت روژیێن خوبگریت چونکی ژنا دوگیان وەک ژنا نەدوگیانە ئەگەر ساخلەمیا وێ یاباش بو و چ کارتێکرن لێ نەبوو دێ شێت روژیاخوە ب شَێوەکێ نورمال بگریت ب مەرجەکی ئەو دەمژمێرێن دناڤبەرا پاشیڤ و فتارێدا ھند خوارنێ و شلەمەنیا ڤەخوت کو ب روژێ کارتێکرنێ ل وێ و زارویێ وێ نەکەت.
د.ئەمەل عەبدولحکیم تایبەتمەندا ژنان و زاروبوونێ دیارکر ژی پێدڤیە ژنا دوگیان خوارنێ ب جارەکێ لسەر ئێک نەخوت، چونکی دێ کارتێکرنێ ل مەعیدا وێ کەت، بەلکو یا پێدڤیە خوارنا خوە بکەتە سێ (وەجبە) دناڤبەرا فتارێ و پاشیڤێدا و گۆت: پێدڤیە ژنا دوگیان خورمێ و قەسپا بخوت شووینا شرینیێن دی وەک زەلابی و بەقلاوێ، چونکی زور ب روین و شەکرن ئەڤەژی دێ کارتیکرنێ ل ساخلەمیا وێ کەت.
تایبەتمەندا نەخۆشیێن ژنان ئەوژی دیارکر پێدڤیە ژنا دوگیان گوشتی و فێقی و پروتینا بخوت و رێژەکا زورا ئاڤێ ڤەخوت کو نێزیکی ١٠ تا ١٥ گلاسا دپێڤینە و گۆت: یابێدڤیە ژنا دوگیان پاشیڤا خوە درەنگ بخوت دا ئەو دەمژمێرێن روژێ یێن درێژ کارتیکرنێ لێ نەکەن، ھەروەسا گەلەک کەسکاتیا بخوت، چونکی کەسکاتی ناھێلیت (قەبزبون).
ھەروەسا د.ئەمەلێ دیارکر کو ل سێ مەھێن دەستپێکێ (معیدا )ژنا دوگیان نەیا درستە بەردەوام دلێ وێ رادبیت و دگەل دلرابوونێ گەلەک شلەمەنی و (معادن)ژ لەشێ وێ دەردکەڤن، لەو را رەنگە ئەڤ دەمژمێرن درێژ کارتێکرنێ ل وێ و زارویێ وێ بکەت و گۆت: د ڤی حالەتی دا وێ مافێ ھەی روژیا خوە بخوت و پشتی زارۆیێ خوە ددانیت وێ روژیێ بگریتەڤە ،گوت: ھەرسێ مەھێن نیڤەکێ ئاسانترن بو ژنا دوگیان ژ مەھێن دەستپێک و دووماھیێ، چونکی ل مەھێن دووماھیێ فشارا خوینێ یا بلند بیت یان نەخوشیا شەکرێ ھەبیت یان میلاکێن وێ نە د دروست بن یان ژانێن بەری وەختی بێنێ، یان زارویێ وێ بەری وەختی ژ دایک بیت لڤی دەمی ژی ماف یێ ھەی روژیا خوە بخوت. دیسان پشتی ژنێ زارۆ دبیت پێدڤیە ل وی دەمی ژی گەلەک شلەمەنیا و خوارنێن باش بخوت دا شیر تێرا زارویێ وێ بکەت، ل دەمێ یا ب روژی، بەلێ ھەکە دیت ساخلەمیا وێ نە یا باشە و زارویێ وێ زور یێ زەعیفە و شیرێ وێ بەرەڤ کێمبوونێ ڤە دچیت درستە د ڤێ ماوەی دا روژیا خو بخوت.

596

ئه‌ڤرۆ نيوز:

ژنه‌ك ب رێيا مالپه‌رێ ئه‌ڤرۆ نيوز پرسيارا وێ چه‌ندێ دكه‌ت كو ئه‌وان دو پارچێن ئه‌ردى يێن هه‌ين و ب مه‌ره‌ما وێ چه‌ندێ نه‌ بۆ خوه‌ ب فرۆشن و خانيه‌كى پێ ئاڤا بكه‌ن و ب مه‌ره‌ما بازرگانيێ نه‌كرينه‌، ئه‌رێ دێ زه‌كات ڤێ كه‌ڤيت يان نه‌؟

مه‌لا ئه‌نه‌س محمه‌د شه‌ريف: هه‌كه‌ ئه‌و پارچێن ئه‌ردى ئه‌و بن يێن حوكمه‌تێ داينێ يان ژى ژ بابينيێ بۆ مابن، زكات تێدا نينه‌، يان ژى بۆ خوه‌ كريبن دا كو ئاڤا بكه‌ن زه‌كات پێ ناكه‌ڤيت. به‌لێ هه‌كه‌ ئه‌وان پارچێن ئه‌ردى د ده‌مى دا بۆ وێ چه‌ندێ كربين كو وان پاره‌ هه‌بووينه‌ و ڤيايه‌ ده‌ما گران ببن ب فرۆشن يان كو دا پارێن وان پووچ نه‌بن و پاشان پارچێن ئه‌ردى گران ببن و ب فرۆشن و خانى بۆ خوه‌ پێ ئاڤا كه‌ن، ل وى ده‌مى دێ زه‌كات پێ كه‌ڤيت. هه‌كه‌ نه‌ بۆ كرين و فرۆتنێ بيت بۆ ملكى بيت، زه‌كات ل سه‌ر ناكه‌ڤيت.

تێبينى: هه‌ر كه‌سێ پرسياره‌كا ئاينى هه‌بيت و ب رێيا په‌يجێ Evro News بۆ مه‌ ره‌وانه‌ كه‌ن دێ به‌رسڤا هه‌وه‌يێن هێژا ژ لايێ مامۆستايێن ئاينى ڤه‌ هێته‌ دان بێى كو ئاماژه‌ ب ناڤێن هه‌وه‌ بهێته‌ كرن يان ژى هوون دشێن په‌يوه‌نديێ ب ڤێ ژمارا تله‌فۆنێ بكه‌ن: 07504872852

website security
WP Facebook Auto Publish Powered By : XYZScripts.com