ئه‌ڤرۆ نيوز:
ساخله‌ميا ئه‌حمه‌د تورك هه‌ڤسه‌رۆكێ باژێرڤانيا ماردينێ ل زيندانێ به‌ر ب خرابيێ دچيت.
ئه‌ردال كۆزۆ، پارێزه‌ر ئه‌حمه‌د تورك بۆ ميديايێن توركيا راگه‌هاند: نوكه كاودانێن ساخله‌ميا ئه‌حمه‌د تورك د زيندانا سته‌مبۆلێ دا نه‌يا بنه‌جهه و به‌ر ب خرابيێ دچيت و ب نه‌چارى هه‌ر ل زيندانێ چاره‌سه‌ريێ وه‌ردگريت.
ئەڤرۆ نیوز:
سەرۆکێ بەرێ یێ بنگەھێ نەتەوەیی یێ ڤەکۆلینان، د. ھانی نازر ئاشکرا کر؛ سەقایێ سارێ نھا زیان ل سەر ساخلەمیێ ھەنە و بتیابەت زارۆیان، لەورا دێ ھندەک جۆرێن فێقی دیار کەت یێن مرۆڤی ژ نەخۆشیێن سەرمایێ دپارێزن:
1- سێڤ: سێڤ یا ل ھەموو جیھانێ ھەی و مفایێن وێ ناھێنە ھژمارێ، 100 گرامێن سێڤێ 85% ئاڤە و 30 جۆرێن ڤیتامین و کانزایان د ناڤ دا ھەنە، ھەروەسا سێڤ قەبارەکێ مەزنێ وزێ ب رێیا ئەو شەکرا د ناڤ دا ددەتە مرۆڤی و کوئەندامێ بەرھنگاریێ ب ھێز دئێخیت.
2- کولندێ زەر: کولندێ زەر ژێدەرەکێ خورانێ یێ گرنگە بۆ مرۆڤی و ل وەرزێ زڤستانێ پتر دھێتە خوارن و خەلک حەز ژێ دکەت. کولندێ زەر یێ دەولەمەندە ب کەرستێ بیتاکاروتین و رێژەیەکا کێم یا سعرێن گەرمێ د ناڤ دا ھەیە، لەورا ئەو خورانەکا نموونەیە ل وەرزێ زڤستانێ.
3- پرتەقال: تایبەتمەندا خوارنێ یا ئەلمانی مارگرێت مورلۆ ئاشکرا کر؛ پرتەقال و دۆشاڤا وێ ڤیتامین C یێ د ناڤ دا، کۆپەکێ دۆشاڤا پرتەقالێ پێدڤیا رۆژانە ژ ڤیتامین C دابین دکەت. لێ یا باش ئەوە ھەر رۆژ پرتەقالان نەخوی، بەلێ فێقیێن جۆرا و جۆر بخۆ، ژبەرکو ڤیتامین C یا د ناڤ فلفلێ و مەعدەنووسێ ژی دا ھەی.
4- کیڤی: زێدەباری تاما وێ یا خۆش، قەبارەکێ باش یێ ڤیتامین C یێ د ناڤ دا ھەی یێ ھاریکار بۆ خوەپاراستنێ ژ نەخۆشیێن سەرمایێ ل وەرزێ زڤستانێ.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى كانوونا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1313 |
| 1 يۆرۆيێ ئه‌ورۆپى | 1380 |
| 1 ليرێ توركى | 375 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
وه‌زيرێن ده‌رڤه يێن وه‌لاتێن به‌نه‌لۆكس ل گه‌ل سه‌رۆكێ حوكمه‌تا هه‌رێما كوردستانێ كۆم بوون.
رۆژا دوشه‌مبى 19ى كانوونا ئێكێ 2016، نێچيرڤان بارزانى، سه‌رۆكێ حوكمه‌تا هه‌رێما كوردستانێ ل گه‌ل وه‌زيرێن ده‌رڤه يێن هۆله‌ندا، به‌لجيكا و لوكسمبۆرگ كۆمبوو.
د كۆمبوونێ دا، نێچيرڤان بارزانى و وان سێ وه‌زيران كو ئه‌ندامێن “په‌نه‌لۆكس”ن دانوستاندن ل سه‌ر ره‌وشا ئاوارێن مووسل و دووماهى پێشهاتێن ئۆپه‌راسيۆنا رزگاركرنا مووسل و شه‌رێ دژى رێكخراوا تۆندڕه‌ويا داعش كرن.
شه‌ڤا ئێكشه‌مبى 18ى كانوونا ئێكێ 2016 شانده‌كێ وه‌لاتێن په‌نه‌لۆكس ب سه‌ره‌دانه‌كێ گه‌هشتنه هه‌رێما كوردستانێ.
ئه‌ڤرۆ نيوز:
شاندێ پارتى ديموكراتى كوردستان چه‌نده‌كێ به‌رى نوكه گه‌هشتنه باره‌گايێ مه‌كته‌با سياسى يا ئێكه‌تى نشتيمانى كوردستان ل سلێمانيێ و نوكه يێ د كۆمبوونێ دا.
پشتى په‌ياما بارزانى ل 20ى هه‌يڤا بۆرى بۆ چاره‌كرنا كێشه‌يان، پارتى شانده‌كێ دانوستاندكار ب سه‌رۆكاتيا فازل ميرانى پێكئينا و نوكه سه‌ره‌دانا پتريا لايه‌نێن سياسى كريه ژبلى ئێكه‌تى و گۆڕان و ئه‌ڤرۆ بڕياره ل گه‌ل هه‌ردويان ژى كۆم ببيت.
شاندێ پارتى ژ هه‌ر ئێك ژ فازل ميرانى، ئه‌حمه‌د كانى، كاكه‌ئه‌مين نه‌جار، مه‌حمود محه‌مه‌د، دلشاد شه‌هاب، عزه‌دين به‌روارى و ئێكه‌تيێ ژى ب هه‌ر ئێك ژ مه‌لا به‌ختيار، حاكم قادر، شێخ جه‌عفه‌ر شێخ مسته‌فا، عومه‌ر فه‌تاح، سه‌عدى پيره، رزگار عه‌لى، رفعه‌ت عه‌بدولا پێشوازى لێكريه.
پێشتر سه‌رۆك بارزانى په‌يامه‌كێ بۆ خه‌لكێ كوردستانێ سه‌باره‌ت ره‌وشا ناڤخويا كوردستانێ به‌لاڤ دكه‌ت و رادگه‌هينيت: سه‌باره‌ت چاره‌كرنا قه‌يرانا هه‌رێمێ، من ره‌ئيا خوه يا دياركرى و دووپات دكه‌م كو چاره‌كرنا قه‌يرانا سياسى يا هه‌رێمێ دێ ب ڤى ره‌نگێ چێ بيت كو حزب ده‌ست ب دانوستاندنان بكه‌ن و په‌رله‌مانى كارا بكه‌ن و سه‌رۆكايه‌تيه‌كا نوو بۆ په‌رله‌مانى هه‌لبژێرن، چونكه ئه‌وێن بووينه ئه‌گه‌رێ ژێده‌رێ قه‌يرانان نابيت جاره‌كادى سه‌رۆكايه‌تيا په‌رله‌مانى وه‌ربگرن.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا دوشه‌مبى رێكه‌فتى 19ى كانوونا ئێكێ 2016 ئه‌سمانێ دهۆكێ دێ ئه‌وره‌كێ ناڤه‌ندى و سار بيت و ل ده‌مێ سپێدێ دێ ل هنده‌ك جهان مژ دروست بيت. هوشدارى ژى دايه شوفێران ژ ئه‌گه‌رێ دروستبوونا شه‌ختان ل رێيێن ژ ده‌رڤه.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ كووربوونا كارتێكرنا فشارێن نزمێن وه‌لاتێ توركيا كو بارسته هه‌وايه‌كێ سار ل گه‌ل دايه بۆ سه‌ر هه‌رێما كوردستانێ دهێته پێشبينيكرن ئه‌وره‌كێ ناڤه‌ندى و سار بيت و ل ده‌مێ سپێدێ دێ ل هنده‌ك جهان مژ دروست بيت.
كه‌شناسيا هه‌رێمێ هوشدارى ژى دايه كو سوبه‌هى ژ ئه‌گه‌رێ نزمبوونا پلێن گه‌رمێ بۆ هه‌تا سفرێ دێ شه‌خته ل هنده‌ك جهان په‌يدا بن و ب تايبه‌ت ژى رێيێن ژ ده‌رڤه.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 15كم دا و ماوێ ديتنێ ژى دێ د ناڤبه‌را 8 بۆ 10كم دا بيت، پلێن گه‌رمێ ژى دێ د ناڤبه‌را 1 بۆ 7 پلان دا بن.
ئه‌ڤرۆ نيوز:
رێژا بارین بارینێ ل ویستگەهێن پاریزگەها دهوکێ د 24 دەمژمێرێن بورى دا 2016/12/18دهوك = 4.8 ملم
زاخو = 0.8 ملم
ئاكرى = 1 ملم
زاويته = 4 ملم
سميل = 5 ملم
باتيل = 5 ملم
ئاميديى = 0.2 ملم
سه‌رسنك = 1 ملم
بامه‌رنى = 0.6 ملم
كانى ماسى = 0.4 ملم
دركار = 0.8 ملم
باعه‌درى = 4 ملم
به‌رده‌ره‌ش = 3.2 ملم
دينارته = 0.6 ملم
گه‌رده‌سين = 3 ملم
قه‌سروك = 2 ملم
شيخان = 6 ملم
بجێل = 6.5 ملم
نيشاندان
