ئەڤرۆ نیوز:
خوەپاراستن ھەمی دەمان ژ چارەسەریێ باشترە و بتایبەت د گەل وان نەخۆشیێن ب مەترسی وەکو پەنجەشێرێ. خوەپاراستن ژی ژ وێ نەخۆشیێ پێدڤی ب گوھۆرینایە د سیستەمێ خوارنێ دا. ئەو خوارنێن ئەم دخۆین دبیت کوئەندامێ بەرھنگاریێ ب ھێز بێخیت و ھەروەسا دبیت لاواز بکەن، یان ژ دبیت ببیتە ئەگەرێ چێبوونا ھەودانان کو د ئەنجام دا شانێن ساخلەم پووچ بکەت و ببیتە پەنجەشێر.
رێنمایێن خورانێ یێن گرنگ:
دەستپێکێ پێدڤیە بەھرا پتر یا خوارنێ ژ وان خوارنێن پاراستی و داگرتی بن یان ئەو خوارنێن بەستی گرتی و بلەز دھێنە چێکرن، بکورتی پێدڤیە خوە ژ وان خوارنان دوور بکەین یێن زیانێ دگەھیننە ساخلەمیێ، بتایبەت خوارنێن حازر و بلەز.
پێدڤیە گەلەک زەرزەواتی و فێقی بخۆن، ئەو باشترین سیستەمێ خوارنێ یە.
سیستەمێ خوارانێ یێ ساخلەم خوارنا رۆژانەیە، پێدڤیە پێگیریێ پێ بکەی و جار جاران ژی بگوھۆری دا بێزار نەبی.
باشرین خوارنێن سروشتی بۆ خوەپاراستنێ ژ پەنجەشێرێ.
قەرنەبیتا کەسک: قەرنەبیتا کەسک گەلەک کەرستێن دژی گیرھەبوونێ و ھەودانان تێدا ھەنە، ئەو شانێن لەش ژ ژەھراویبوونێ دپارێزیت. وەکو ڤەکۆلین ئاشکرا دکەن ھندەک کەرستێن کارا تێدا ھەنە شانێن پەنجەشیرَێ ناھێلیت، ئەو کەرستە ناھێلن ژی شانێن پەنجەشێرا مەمکی دەرکەڤن.
باجانسۆرک: کەرستەکێ د ناڤ دا ھەی ناڤێ وی “لیکۆبین”ە، ئەو شانێن دبنە ئەگەرێ پەنجەشیرَێ رادگریت. باجانسۆرک مەترسیا پەنجەشیرَا سیھا سۆر و مەعیدەی رادگریت، ھەرەسا بەرھنگاریا وان کەرستان دکەت یێن دبنە ئەگەرێ پەنجەشێرێ.
سیر: د گەل وێ چەندێ کو سیر تافیلکەرە و ل دژی بەکتریایە، ھندەک کەرستێن کارا ژی د ناڤ دا ھەنە شانێن پەنجەشیچرێ رادگریت، خورانا زیچدە یا سیران ناھێلیت پەنجەشێرا مەعیدەی و قولۆنێ چێبیت.
توو: ھندی توو یا رەنگ تاری بیت ئەو کەرستێ دژی گیرھەبوونێ پتر یێ د ناڤ دا، ئەوێ بەرھنگاریا شانێن پەنجەشێرێ دکەت، ڤیتامین C یێ د ناڤ دا ئەوێ ساخلەمیا شانان دپارێزیت.
تڤر: کەرستێن دژی بەکتریا د ناڤ دا ھەنە، تڤرێ کەرستەکێ د ناڤ دا ھەیە ئەنیمێن شانێن پەنجەشێرێ دکوژیت، ژ خورانێن باشە بۆ کوئەندامێ بەرھنگاریێ.
فاسۆلیا سۆر: تڕشاتیێ “فوول” د ناڤ دا ھەیە ئەوێ نەھێلیت دەستپێکین شانان دیار بن. ھەروەسا مرۆڤی ژ پەنجەشێرا مەمکی دپارێزیت.
کەلەمی: گەلەک جۆر یێن ھەین، ھەر جۆرەکی ژی مفایێن خوە یێن ھەین، بەلێ ھەمی جۆر مرۆڤی ژ پەنجەشێرێ دپارێزن.

ئه‌ڤرۆ نيوز:

ئەو کەسێن دچنە ھۆلێن وەرزشی بۆ راھێنانان و رێجیمێ ل مەھا رەمەزانێ د کەڤنە بەر مەترسیا ھێلانا وان راھێنانان ژ بەر رۆژیێ و نەشیانا رێکخستنا دەمی و ھەلبژارتنا دەمێ گونجای بۆ ھۆلا وەرزشی ل مەھا رەمەزانێ.
شارەزایێن ساخلەمیێ و خوارنێ دیار دکەن باشترین دەم بۆ چوونا ھۆلا وەرزشی و ئەنجامدانا راھێنانێن رێجیمێ، دو یان سێ سەعەتان پشتی فتارێ و ب تایبەت پشتی نڤێژێن تەراویحان.
ئەو ژی ژ بەر وێ چەندێ کو ھەرەسانا خوارنێ بتایبەت پشتی خوارنێن ب روون و قەلەو و یێن گەلەک سعرێن گەرمێ و رەگەزێن خوارنێ وەکو پرۆتین و کاربوھێدرات و رون تێدا ھەین، پێدڤی ب دو یان سێ سەعەتان ھەیە ھەتا بھێنە ھەرەسان و وزە ژێ بھێتە وەرگرتن.
دمێ پێدڤی ژی د مەھا رەمەزانێ دا بۆ راھێنانان سەعەتەک ب تنێ یە و حەفتیانە پێنج رۆژان.
یا باش ژی ئەوە ئەو کەسێن ب رۆژێ گەلەک کار دکەن نابیت راھێنانان بەری فتارێ بکەن و بتایبەت ژی ل ڤان رۆژێن گەرم.
ھەروەسا ب ئێکجاری ل رۆژێن گەرم نابیت راھێنانان بەری فتارێ بکەن، یا باشتر ژی پێدڤیە دەم و جھێن گونجای بۆ راھێانان دەستنیشان بکەن کو جھەکێ پاقژ و بێ قەرەبالغ نەبیت.