ئەڤرۆ نیۆز، قائید میرۆ:
ھاتن وچوونا ھەولێرێ رادگەھینیت ھژمارەک شوفێرێن تەکسیێ ھەمبەر مۆل و نەخۆشخانا داگیرکریە ناھێلێن شوفێرێن دی کاربکەن.
رائید فازل حاجی، پەیڤدارێ پۆلیسێن ھاتن وچوونا ھەولێرێ ب ئەڤرۆ نیۆز راگەھاند” رێڤەبەرایەتیا ھاتن وچوونێ بڕیاردایە چو تەکسیا بۆنینە ھەمبەر دەرگەھێ بازاڕ و مۆل و جھێن گشتی داگیربکەن و بەرۆڤاژی دێ ھێنە سزادان، ھژمارەک شوفێر رێکێ نادەن شوفێرێن دی ھەمبەر نەخۆشخانە و مۆل و جھێن گشتی راوەستن و ئەڤەژی دەرڤەی قانوونێ یە.
رائید فازلی گۆتژی” مە بڕیارەکادی دەرکریە بۆ ڤان تەکسیێن لۆگۆیێن مۆل و جھێن بازرگانی بکار دئینن ھەر شوفێرەکێ سەرپێچیێ بکەت، ئەڤە دێ ھێتە سزادان.
ئهڤرۆ نيوز:
تۆلگاهان سايشمان، سترا ناڤدارا سينهما توركيا پشتى د ژيانا راستى يا خوه ژى دا ئاشقى ئهمينا گۆلشه بوويى، كێشه ل گهل ئالمێدا ئهبادى، خۆشتڤيا وى دا دروست بوو و ژ ئهگهرێ وێ چهندێ پهيوهنديا وان ههردويان بهر ب نهمانێ ڤه دچيت.
ئهمينا گۆلشه، بهرى نوكه خۆشتڤيا مهسعود ئۆزێل، ياريكهرێ بهرنياسێ ئهلمانيا و نهژاد كورد بوو، ل گهل تۆلگاهان د درامايهكا توركى دا ب ناڤێ “چو جاران دهستان ژ ته بهرنادهم” د پشكدارن و پێكڤه كار دكهن، د وى ماوهى دا سهرنجا تۆلگاهان راكێشايه و ب ئاشكهراى ڤيانا خوه بۆ وێ كچێ دهربڕيه.
پشتى ڤيانا تۆلگاهان ژ لايێ ئهمينايێ هاتيه رهتكرن پاشان پهيوهندى د ناڤبهرا وان ههردويان دا تێكچوو، چونكو وى ب ئاشكهراى گۆتبوويێ ئاشقى تهمه.
ب گۆرهى ميديايێن توركيا، ههرچهنده ئهڤينيا تۆلگاهان ژ لايێ ئهمينايێ ڤه هاتيه رهتكرن، بهلێ ئهو بهردهوام بزاڤێ دكهت كو وێ رازى كهت و پهيوهنديهكا ئهڤينى يا دولايانه دروست بكهن.
ئهڤ درامايه نوكه ل سهر كهنالێ كورد ماكس ب ناڤێ “چو جاران دهستان ژ ته بهرنادهم” بهلاڤ دبيت و ناڤێ تۆلگاهان ژى “يت” و يێ ئهمينايێ ژى “نور”ه.
ئهڤرۆ نيوز:
سهرۆكێ جڤاتا نوونهرێن عيراقێ يێ لاداى، سهليم جبۆرى، ب رێيا نامهكا مۆبايلێ گهف ل مهشعان جبۆرى يێ نوونهر ل جڤاتا نوونهران كرن.
ئهڤ نامه ژ لايێ مهشعان جبۆرى ڤه ل تۆڕا جڤاكيا فهيسبۆكى هاتيه بهلاڤكرن و ل گهل نڤيسيه: “ڤێ نامێ بهرچاڤى گهلێ عيراقێ دكهم ئهوا ژ لايێ سهرۆكێ جڤاتا نوونهران يێ بهرى بۆ من ب رێيا مۆبايلێ هاتى و تێدا گهفان ل من دكهت كو ژ ههلويستێ خوه لێڤه بم و من ب كهسهكێ قهرقۆزێ مالكى و شيعان ب ناڤ دكهت”.
ئهڤرۆ نيوز:
ئهڤرۆ رۆژا ئێكشهمبى خۆنيشاندهران ل دهڤهران كهسك رێيا خوه گوهۆڕى و هێرش كره سهر چار وهزارهتان و خواست كو بهرپرسێن وان وهزارهتان دهست ژ كارێ خوه بهردهن.
ل بهغدا يا پايتهختێ عيراقێ خۆنيشاندانان دهسپێكر و چار وهزارهت ئابلۆقهدان و خۆنيشاندهر داخوازا دهست ژ كاركێشانا بهرپرسێن وان چار وهزارهتان دكهن.
هێزێن ئهمنى يێن وان وهزارهتان رێيێن چوونا ناڤ ئاڤاهيێن وان وهزارهتان گرتينه و رێ ب خوهنيشاندهران نادهن بچنه ژوور و فهرمانبهر ژى نهشێن نوكه ب دهركهڤن.
ب گۆرهى ژێدهرێن دهنگوباسێن عيراقى، خۆنيشاندهران بارهگايێن ههر ئێك ژ وهزارهتا داد و دهرڤه ل دهڤهرا سالحيه و رهوشهنبيرى ل دهسپێكا جادا حهيفا و ئاڤهدانكرن و بنهجهكرنێ ل دهڤهرا عهلاوى دوورپێچكرينه و داخواز ژ بهرپرسێن وان دكهن دهست ژ كارێ خوه بهردهن.
هێزێن ئهمنى ژى ب رهنگهكێ گهلهك بهرفرههـ ل وان دهڤهران دهێنه ديتن و فرۆكێن كۆپتهر يێن هێزێن ئهمنى ژى ل هنداڤى خۆنيشاندهران هاتنوچوونێ دكهن.
ئەڤرۆ نیوز:
ھندەک زارۆ وەسا دشەرمینن کو تشتێ خوە شەرم دکەت داخواز کەت، بۆ نموونە پشکداریا وی د پولێڤە نینە چۆنکو ھەست ب شەرمەکا ئێکجار مەزن دکەت ئەرێن ڤێ یەکێ ژی دبیت گەشێ وی یێ مالێ یێ ئارام نەبیت و دایک و باب ب شەر بچن، داکو بشێین ڤێ شەرمێ لنک زارۆیێ خوە ڤەرەڤینین دێ ل دووڤ ڤان خالێن خوارێ چین:
ــ دەستنیشانکرنا ژێدەرێن شەرمێ لنک زارۆیی و ل کیژان ھەلویستی ھەست ب شەرمێ دکەت داکو ژێ دوور بین.
ــ پەیداکرنا گەشەکێ ئارام ل مال و دوور کەتن ژ ناکوکی و گرژیێن دناڤبەرا دایک و بابان دا.
ــ داکو زارۆیی جھگیریا دەروونی ھەبیت دڤێت شێوازێ پەروەردا وی یا دروست و ھەڤسەنگ بیت، لەوما دڤێت دایک ترسا خوە یا زێدە ل سەر زارۆیی ب ڤەشێریت و دەلیڤێ بدەتێ ئەو ب خوە کارێن خوە بکەت داکو بشێت ھەلویستان ب ئارامی و باوەری ب خوە بوون چارە کەت.
ــ زارۆیێ خوە د کومەکا چالاکیان دا تومارکە ئەڤێن پشکداریا ب کوم دکەن داکو ل گەل زارۆیان یاریا بکەت و ئارەزوویێن خوە ل گەل وان بکاربینیت و فێرێ چالاکیان بیت داکو ھەست ب زاتێ خوە بکەت و ھێدی ھێدی ژ شەرمێ خلاس بیت.
ــ زارۆیێن خوە بێ ترس فێرکە کا وان چو بڤێت داخواز بکەن.
ــ کومەکا چیروکان ڤەگێرە ھەلویستێن زیرەکیێ یین زارۆیان و رادێ ھێزا کەساتیا وان تێدا دیار بیت کو ئازایا وان د ھەلویستێن جودا جودا دا ھەبیت.
ئەڤرۆ نیوز:
گەلەک دایک کازندا دکەن دبێژن کچا من گۆھێ خوە نادەتە من، بەرۆڤاژی ئافتنێن من دکەت ھاش من نینە، بەرھنگاریا بریارێن من دکەت، نە شێم تێبگەھم و بەردەوام ل گەل باخڤم، دایک گەلەک ڤان دەبرینا بکاردئینن بێ کو راستیا سایکولوجیا کچێن خوە سنێلە بزانن، د قوناغەکا ژیێ خوە یێ ب زەحمەت دا دبورن ژ ئەنجامێ وان گوھۆرینێن لەشی و ھورمونی و دەروونی یێن رووبەروو دبنێ، زێدەباری گوھۆرینێن تەکنولوژیایێ و شێوازێ ژیانا سەردەمانە کو بلەز ل سەر وێ را دبوریت.
تایبەتمەندێن زانستێ دەروونی دوپات دکەن کو ناکوکیێن دایکێ ل گەل کچا وێ یا سنێلە ژ 15 خولەکا پتر نا بوریت، و دبیت ب شێوەکێ رۆژانە ژی بیت، بەرۆڤاژی کورێن سنێلە ئەڤێن کو بۆ ماوێ شەش خولەکان و ھەر حەفت رۆژان جارەکێ ب تنێ شیماتیا و شەرەدەڤان ل گەل دایکا خوە دکەن.
سەرەرای ھندێ گەلەک دایک ھەردەم بزاڤێ دکەن دەلیڤێن ژیانەکا باشتر بۆ کچێن خوە بەنە سەر و پتر خوە نێزیکی وان بکەن، بەلێ گەلەک ژ ڤان ھەولا سەرکەفتن نە ئینایە، چۆنکو کچا سنێلە ڤان ھەولێن دایکا خوە دبینیت کونترولکرن ل سەر ژیانا وێ، چونکو باوەری دناڤبەرا واندا نینە.
بۆ سڤککرنا ووندبوونێ دناڤبەرا دایکێ و کچا وێ یا سنێلەدا و شکاندنا دیوارێ نە باوەریێ دناڤبەرا واندا تایبەتمەندێن دەروونی دبێژن: چاڤدێریکرن یان دان و ستاندنەکا ئەرێنێ ل گەل کچا سنێلە بکەت داکو تووشی خەلەتیان نەبیت مینا چێکرنا پەیوەندیێن دلینی، گەلەک سنێلان نەڤێت دایکا وان چاڤدێریێ لێ بکەت یان ژ دایکا خوە ترسن، دڤێت ئەڤ دیوارێ ترسێ و ووندبوونێ دناڤبەرا دایکێ و کچێ دا نەمینیت و دایک ژی بزانین کچا وێ مەزن بوویە نە زارۆیە دلێ خوە بۆ دایکا خوە ڤەکەت و دێ وێ بگەھیت و نەھێنیێن وێ پارێزیت بێ کو پاشڤە بەت یان توند و تیژیێ ل گەل بکەت.
ئهڤرۆ نيوز:
ل شوونا تو دەمێ خوە ل سەر جھێ نڤستنێ ب ھزرکرنێ ببورینی ھەول بدە بتنێ ل دەمێ خەوا تە دھێت قەستا جھێ نڤشتنێ بکە و ھەکە خەوا تە نەھات راببە و قەستا ل بەر تێلەفزیونێ بکە یان خو ب تشتەکی ڤە مژوول بکە و و ھەکە باوەشکێن تە ھاتن جارەک دی قەستا جھێ نڤشتنێ بکە و نیڤرۆیان ژی نەنڤە.
دبیت ھندەک جاران دەرمان ئاریشەیێن نەنڤستنێ چارەسەربکەن بەلێ ئەڤ چارەسەری یە یا دووم کورتە و نابیت تو بەردەوام دەرمانان بو نڤستنێ ب کاربینی و ھەکە تە گەلەک دەرمان ب کارئینان دبیت ئێدی کاریگەریا خو ژ دەست بدەن و دەربارەی نڤشتنا نیڤرۆیان ژی دبیت تو یێ چالاک بی و ژنشکەکێڤە ل نیڤرۆیان خەوا تە بھێت، نابیت تو ھزر د خەوێ دا بکەی ب تایبەت ژی ل بیرا تە بیت کو تو ب شەڤێ نەنڤستی و نڤستنا نیڤرۆیان دێ شەڤا ددووڤدا ژی تە ژ خەوێ بێ بەھر کەت,ھزر د تشتەکێ دی دا بکە و نیڤرۆیان نەنڤە و رۆژانە بزانە تو چەند نڤستی و کەنگی ھشیاربوی و ھەول بدە یێ خەو چر نەبی.
ئهڤرۆ نيوز:
پارێزەرەکێ دادگەھا دھۆکێ راگەھاند، کو کەسەکی د سالێن ھەشتیان دا پێکگوھورکانێ کر بوون، ژ ئەنجامێ ئاریشە و شەرەدەڤ دناڤبەرا واندا رابوو ھەڤژینا خوە د یا ژیەکێ مەزن دا کو ئەو 30 سال بۆ ب خۆشی و نە خۆشیا ل گەل بەردا، گۆتژی زارۆیێن وان گەلەک د مەزن ژی بوون، و ھەردو برایێت وێ خووشکێن ھەڤژینێ وێ بۆ خوە ئینابوون وان ژی ھەڤژینێن خوە بەردان ئانکو ئەڤ کەسە بۆ ئەگەرێ خرابکرنا دو مالێن دی ل دووڤ خوەرا.
پارێزەر ھەژار محەمەد ل دادگەھا دھۆکێ بۆ رۆژناما ئەڤرۆ دیارکر کو د خێزانەکێدا کەسەکێ و ھەڤژینا خوە پێکنەکر و گۆت: ھەردەم ئاریشە و شەرەدەڤ دناڤبەرا واندا روودان زارۆیێن وان گەلەک د مەزن ژی بوون د سالێن ھەشتیان دا پێکگوھورکانێ کر بوون، ھەڤژینا وی د ژیەکێ مەزن دا بۆ ئەو 30 سال بۆ ب خۆشی و نە خۆشیا ل گەل، رابوو بەردا، ھندی ژنێ گۆتێ دێ چەوا دڤی ژی دا من بەردەی خودێ قەبوول ناکەت، بێ مفا بوون ھیڤیێن وێ، گۆتژی ئەو کەسێ ھەڤژینا خوە بەردای برایێ وێ ژنکێ ھەردو برایان خووشکێن ھەڤژینێ وێ بۆ خوە ئینابوون، پشتی وی ھەڤژینا خوە بەردای، برایێن ژنێ گۆتن ئەم ژی دێ ھەڤژینێن خوە بەردەین، برایێ ڤی کەسێ دێ دو خێزانێن دیتر دووڤ خوەدا خراب کەت نامەک د بەرێ دا بۆ ھەڤژینا خوە نڤێسی بوو کو چەند حەزژێ دکەت وێ ئەڤ نامە دانا بەر سینگێ دادوەری و گۆتێ ھەکە ئەڤی زەلامی ھند حەزژێ من نەکربا و من ھندە تەحەمولا وی کری و زارۆیێن وی مەزنکرین دێ بۆچی من بەردەت، زەلامی ھەر ئەڤ ژنە بەردا و برایێ وی یێ دیتر ژی ھەڤژینا خوە بەردا.
زێدەتر گۆت: دو خێزانێن دی بوونە قوربانی سەر رەقیا خێزانەکێ و ژێک ھاتنە جووداکرن، سێ مال ژ بەرکچوون ژبەر پێکگوھورکانێ، ل ڤێرە بابەتێ وژدانێ و مرۆڤایەتیێ ل کیڤەیە؟! لایەنێ خێرێ چ رۆل نەبوون؟ ئەڤان ھەردو خێزانێن دیتر یێن خودان زارۆ چو گونەھا وان بوو د ئاگرێ ڤی کەسی دا بسوژن؟ پارێزەری ئاشکراکر ژی کو وژدانا برایەکێ ش وان خودان چوار زارۆ لڤی و کۆت ئەز دێ ھەڤژینا خوە زڤرینمەڤە، کچێ گۆت ھەکە ب زڤرم بۆ خاترا زارۆیێن خوە دێ زڤرم ھندەک وەختا بۆ وان دایک بووم و ھەم باب ژی بووم، مالا کچێ قەبوول نەکر ب زڤریتەڤە ھندی کچێ گۆتە مالا خوە ھەر قەبوول نەکرن پاشی برا بۆ رێگر ھندی داوا ل برایێ خوەکرن ھەر بێ مفا بۆ و ل دووماھیێ ژن نەزڤری مالا ھەڤژینێ خوە.
نيشاندان