ئەڤرۆ نیوز،زنار تۆڤی:
سەرۆک کومارێ تورکیا رەجەب تەییب ئەردۆگانی ئەڤ شەڤە د پرێس کۆنفرانسەکێ دا دیارکر کو ئەم رێکێ نادەین چ قەوارەیێن سیاسی ل باکوورێ سووریێ بهێنە دروستکرن،کو مەڕەما وی پەیەدە یە ل سووریێ.
هەروەسا گۆت ژی،دێ ئۆپەراسیۆنێن مە ل دژی پەکەکێ ل ناڤخۆ و ل دەرڤەیا تورکی دێ د بەردەوام بن،هەتاکو ئەم ب شێین مەترسیا وێ ل سەر وەلاتێ خوە دووربێخین.
ئه‌ڤرۆ نیوز:
بۆ ئێكه‌م جار فرۆكه‌یێن ئه‌پاچی یێن ئه‌مریكی هێرشێن ئاسمانی ل سه‌ر بنگه‌هێن داعشێ ل ل ئیراقێ كرن.
وه‌زیرێ به‌رگرییا ئه‌مریكا ره‌ت كر چ زانیارییان ل دۆر ڤان هێرشان بده‌ت، لێ خویا كر كوئه‌پاچی بۆ پشته‌ڤانیكرنا پێشڤه‌چوونێن هێزێن ئیراقی ل دژی داعشێ ئه‌ڤ هێرشه كرینه.
بۆ ئێكه‌م جار ل ده‌ستپێكا ئه‌ڤ ساله سه‌رۆكێ ئه‌مریكا ل دۆر بكارئینانا هه‌لیكۆپته‌رێن ئه‌پاچی د شه‌رێ دژی داعشێ دا رازی ببوو، لێ جارا ئێكێ یه ئه‌پاچی هێرشان ده‌ست پێ دكه‌ن.
ئه‌ڤرۆ نيوز:
هێزێن پێشمه‌رگێ كوردستانێ، تيمێن كه‌تيبا ئه‌ندازه‌يا له‌شكرى يا هێزێن پشته‌ڤانيا ئێك تۆنێله‌كا دى ژى ديت كو درێژيا وێ نێزيكى 700 مه‌ترايه.
ليوا مه‌حمود كاكه‌ى بۆ مالپه‌رێ فه‌رميێ پارتى ديموكراتى كوردستان راگه‌هاند: تيمێن كه‌تيبا ئه‌ندازه‌يا له‌شكرى و هێزێن پشته‌ڤانيا ئێك، تۆنێله‌ك ل ته‌ل ئه‌سوه‌د ديت كو درێژاهيا وێ دگه‌هيته 700 مه‌تران و دبيت ل وێرێ داعش خوه ڤه‌دشارت و خوارنا قوديكان ژى ل وێرێ هه‌بوو.
زێده‌تر گۆت: “ئه‌ڤ تۆنێله ل گۆندێ گرێ ره‌ش هه‌تا دگه‌هيته نێزيك سه‌نگه‌رێن هێزێن پێشمه‌رگه‌ى ل ميحوه‌رێ خازر يا درێژه و د ناڤ وێ تۆنێلێ دا پشتينێن مينرێژكرى و ژماره‌كا بۆمبان هه‌بوون، مه ژناڤبرن”.
ئاماژه ب وێ چه‌ندێ ژى كر كو ئه‌ڤه تۆنێلا حه‌فتێ يا داعشه هێزێن پێشمه‌رگه‌ى ئاشكه‌را دكه‌ن ژ پشتى گۆتنا هه‌ر 10 گۆندێن ميحوه‌رێ خازر.
ئه‌ڤرۆ نيوز:
مالپه‌رێ جڤاكى ديمه‌نه‌كێ ڤيديۆيێ به‌لاڤكريه كو سه‌رۆك وه‌لاتێ گزيرتا مالدايڤ محه‌مه‌د نه‌شيد بۆ خوه ياريان ب كورسيێ دكه‌ت پشتى كو كوده‌تايه‌كا له‌شكرى ل دژى وى هاتيه ئه‌نجام دان.
نه‌شيد يێ 49 سالى ل سه‌ر كورسيێ يێ روونشتيه و ئێك ب هێز ئه‌وى پالدده‌ت و هه‌موو ئاماده‌بووى پێ دكه‌نه كه‌نى.
محه‌مه‌د نه‌شيد سه‌رۆك وه‌لاتێ گزيرتا مالدايڤ ب هه‌لبژارتن و ب ره‌نگه‌كێ ديموكراتى ببوو سه‌رۆكێ وى وه‌لاتى، به‌لێ پشتى پێنج سالان كۆته‌دا ل سه‌ر هاته كرن و ژ سه‌رۆكاتيێ كه‌فت.
ئەڤرۆ نیوز:
زانایان ئاشکرا کر، ئەو شیان حەبکەکێ چێکەن دشێت چارەسەرکرنا وان ھەمی زیانان بکەت یێن خرفین و نەخۆشیێن دی یێن گرێدایی پیراتیێ پەیدا دکەن، ھەروەسا دشێت کۆنترۆلێ ل سەر نەخۆشیێن دەماران بکەن وەکو زھایمەرێ و فالنجیبوونا لەرزۆک.
ئەو حەبک وەکو تمامکەرێ خوارنێ دھێتە بکارئینان و ژ 30 جۆرێن ڤیتامین و خوویێن کانزایی پێکدھێت، دێ د دو سالێن بھێن دا ل سەر مرۆڤان ھێتە تاقیکرن، وەکو رۆژنامەیا دەیلی میل یا بریتانی ئاشکرا کری.
تاقیکرنێن دەستپێکی ئەنجامێن باش ھەبوون، زانایان دوپا کر کو ئەو شیا نەخۆشیێن پیراتیێ گیرۆ بکەت.
دوماھیی ڤەکۆلین ئەڤ دەرمانە ل سەر وان مشکان تاقی کر یێن نیڤەکا شانێن مێکێ خوە ژ دەست داین، کو ئەڤ یەکە بەرانبەری وێ یە یا مرۆڤ د قۆناغەکا پێشکەفتی دا ژ نەخۆشیا زھایمەرێ تووش دبیتێ، رۆژانە حەبکەک ددایێ و بۆ دەمێ ھەیزەکێ و گوھۆرینێن باش پەیدا کرن.
ھەروەسا د گەل بۆرینا دەمی شانێن مێشکێ وان باشتر لێھاتن و باشبوونەک کەتە بیناھیا چاڤان و ھەڤسەنگی و چالاکیا جەستەیی و باشتر بوونا ھەستا بێھنکرنێ.
ئەڤرۆ نیوز:
رەمەزان دەلیڤەیە ب ۆ بھێزکرنا ھەڤبەندیێن خێزانی و جڤاکی و ب ڤێ چەندێ مفایەکێ مەزن دگەھینیتە ساخلەمیا دەروونی، یا ژ ھەمیێ گرنکتر ل رەمەزانێ رۆژیە کو مرۆڤ خوە ژ خوارن و ڤەخورانان بێبار دکەت، ئەڤە ژی مفایی دگەھینیتە ساخلەمیا مرۆڤی، زێدەباری سەقایێ رۆحانی کو تەنابوونەکێ دئێخیتە دەروونێ مرۆڤی.
ئەڤە ھندەک شیرەتێن گرێدایی ساخلەمیا دەروونی نە ل مەھا رەمەزانێ، کو رەنگڤەدانەکا ئەرێنی ل سەر ھەزبەندیا ھەڤژینان دکەن د ڤێ مەھێ دا:
رۆژی ئێک ژ راھێنانێن دەروونیە یێن ھاریکار بۆ سستکرن و کێمکرنا حەزێن سیکسی، خوە بێبارکرن ژ خوارنێ بۆ دەمێ 16 سەعەتان باندۆرێ ل ئاستێ وزەیا لەشی دکەت و ھەست ب پێدڤییا سیکسی کێم دکەت.
گرێدانەکا موکم یا دناڤبەرا جۆرێ خوارنێ و شیانێن ئەنجامدانا سیکسی دا ھەی، ھندی خوارنێ فێقی و زەرزەوات و خوارنێن ب روون د گەل بن، شیانێن ئەنجامدانا سیکسی باشتر لێدھێن، ژ بیر نەکەی ئاڤێ ژی گەلەک ڤەخۆ دا تووشی ھشکاتیێ نەبی.
لێکگوھارتنا دلینیێ د ناڤبەرا ھەڤژینان دا و خو ژ دەرڤەی ژوورا نڤستنێ ژی باندۆرەکا ئەرێنی یا ھەی بۆ ب ھێزکرنا پەیوەندیان، کەنگی دوماھی جار تە گۆتیە ھەڤژینا خوە “خۆشتڤیا من” ئەڤان گۆتنان کارابوونەکا مەزن یا ھەی.
ئەم دشێین رەمەزانێ بکەینە دەمەک بۆ گوھۆرینا نەریتێن نەرێنی یێن باندۆرێ ل ھەڤبەندیا ھەڤژینان دکەن؟ ھوین باندۆرا بێھنا جگاران دزانن ل سەر گەلەک ژنان ب تایبەت ل ژوورا نڤستنێ.
ئه‌ڤرۆ نيوز:
ئه‌ميندارێ گشتيێ وه‌زاره‌تا پێشمه‌رگه‌ى ل حوكمه‌تا هه‌رێما كوردستانێ ژمارا شه‌هيد و بريندارێن هێزا پێشمه‌رگێ كوردستانێ ئاشكه‌را دكه‌ت.
فه‌ريق جه‌بار ياوه‌ر، ئه‌ميندارێ گشتيێ وه‌زاره‌تا پێشمه‌رگه‌ى ل په‌يجێ خوه يێ تايبه‌ت ل تۆڕا جڤاكيا فه‌يسبۆكى راگه‌هاند: ژ ده‌سپێكا شه‌رێ دژى رێكخراوا تۆندڕه‌ويا داعش 62 پێشمه‌رگه يێن به‌رزه بووين و چاره‌نڤيسێ وان يێ نه‌دياره”.
هه‌ر وه‌كو نڤيسينگه‌ها رۆژنامه‌ڤانى يا جه‌بار ياوه‌ر ئاماژه پێكرى، ل شه‌رێ دژى داعش هه‌تا نوكه هزار و 466 پێشمه‌رگه شه‌هيد بووينه و 8 هزار و 610 كه‌س ژى بريندار بووينه.
ئه‌ڤرۆ نيوز:
شێخ رافع ئه‌لره‌فاعى مفتيێ سونه‌يێن عيراقێ بۆ باسنيوز راگه‌هاند: ميليشياتێن حه‌شه‌د شه‌عبى تاوانێن كۆمكوژيێ به‌رامبه‌ر وه‌لاتيێن سڤيل ل فه‌لۆجه ئه‌نجام داينه، ژ به‌ر هندێ داخوازێ دكه‌ين ده‌ست ب جهـ خوه ژ به‌ره‌يێن شه‌رى ل دژى داعش ل سنورێ فه‌لۆجه ڤه‌كێشن.
گۆتژى: “حه‌شه‌د شه‌عبى دامه‌زراوه‌يه‌كا تيرۆرستيه و حالێ وێ ژى وه‌كو يێ داعشه و خرابتر ژ داعش تاوانێن دژى مرۆڤاتيێ ئه‌نجامداينه و ب ئه‌شكه‌نجه‌دانا كه‌سانێن سڤيل و سۆتنا ته‌رمێن وان رادبيت”.
نيشاندان