پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا كارتێكرنا فشارێن بلندێن وه‌لاتێ توركيا و هاتنا فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ ل چه‌ند ويستگه‌هێن جودا يێن هه‌رێما كوردستانێ ب رێژێن جودا باران باريه و ل دووڤ ڤى خشتێ ل خوارێ:
ئه‌ڤرۆ نيوز:
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل هەرێما کوردستانێ راگه‌هاند كو سوبه‌هى رۆژا شه‌مبى رێكه‌فتى 3ى كانوونا ئێكێ 2016ێ ئه‌سمان دێ ئه‌وره‌كێ باراناوى بيت و باران ژى دێ ب دژوارى ل ده‌ڤه‌رێن چيايى باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا كارتێكرنا فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان ئه‌وره‌كێ باراناوى بيت و باران ژى دێ ب دژوارى ل ده‌ڤه‌رێن چيايى باريت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 10 هه‌تا 20كم دا و ماوێ ديتنێ ژى دێ د ناڤبه‌را 8 بۆ 10كم دا بيت، پلێن گه‌رمێ ژى دێ د ناڤبه‌را 10 بۆ 15 پلان دا بن.
ئه‌ڤرۆ نيوز:
راگه‌هاندنا پۆليسێن پارێزگه‌ها دهۆكێ ل راگه‌هاند كو شڤێدى دره‌نگى شه‌ڤ ل سێمێل حه‌فت كه‌س ب تاوانا قومارێ هاتنه ده‌سته‌سه‌ركرن.
د راگه‌هاندنه‌كێ دا كو ل سه‌ر په‌يجێ خوه يێ فه‌رمى يێ رێڤه‌به‌ريێ به‌لاڤكريه دايه زانين كو شڤێدى 1ى كانوونا دويێ 2016 ل سه‌نته‌رێ قه‌زا سێمێلێ دادوه‌رێ پۆليسێن هێزا ئاماده و هه‌وارهاتنێ حه‌فت تاوانبار ل سه‌ر تاوانا قومارێ ده‌سته‌سه‌ركرن و هاتنه ره‌وانه‌كرن بۆ گرتيخانێ.
ئەڤرۆ نیوز، مەحمود نھێلی:
ئێڤاریا ئەڤرۆ 1ى كانوونا ئێكێ 2016 تەرمێ شوکری ریکانی وێنەگرێ کەنالێ KNN ل گوندێ بانسرێ یێ سەر ب دەڤەرا رێکان ل سنورێ ناحیا شێلادزێ یێ سەر ب قەزا ئامێدیێ ھاتە دیتن.
ل گورەی کەسانێن نێزیک ل شوکری رێکانی بەری چوار رۆژان ناڤبری ب مەبەستا گەریانێ چوبو گوندێ خوە ل دەڤەرا رێکان لێ ئەڤرۆ ب گولەیێن نەناسکری ھاتە کوشتن و تەرمێ وی ھاتە دیتن.
وان کەسان دیار ژی کر، کو ناڤبری گەلەک حەژ گووندی دکر ھەر ناڤبەر ناڤبەر قەستا گوندێ خوە دکر، لێ ئەڤ سالە ژ بەر رەوشا ئەمنی یا دەڤەرێ و بوردومانکرنا فرۆکەیان گەریانا وی بۆ گوندی کێم ببوو، لێ چونا وی یا ڤێجارێ یا بێ ڤەگەریان بوو.
تێ زانین تەرمی وی ھێشتا نەگەھشتیە ناڤ کەس و کارێن وی و ھووردەکاریێن چاوانا کوشتنا وی ژی نەھاتینە زانین و لایەنێن ئەمنی ژی چ داخویانی بەلاڤنەکرینە.
ئه‌ڤرۆ نيوز:
بهايێ به‌رميله‌كا نه‌فتا برێنت، ئه‌ڤرۆ گه‌هشته 54.44 دولارێن ئه‌مريكى، پشتى رێككه‌فتنا ئه‌ندامێن رێكخراوا ئوپێك يا نه‌فتێ، ل رۆژا 4 شه‌مبيا بوورى، بۆ كێمكرنا ئاستێ فروتنا نه‌فتێ، بهايێ به‌رميله‌كا نه‌فتێ 8% زێده‌بوو و ئێك ژ ئه‌گه‌رێن بلندبوونا بهايێ نه‌فتێ، ڤه‌دگه‌ريت بۆ رازيبوونا وه‌لاتێ رووسيا بو كێمكرنا فروتنا نه‌فتا خوه و ژڤانه ل نيڤا ئێكێ يا بهێت رووسيا ژى 300 هزار به‌رميلان كێم بكه‌ت.
ئەڤرۆ نیوز، نەوزاد زادە ھلوری:
ب مەرەما دوماھی ئینان ب بایکوتا دەستەیا ماموستایێن نەرازی، ئاسایشا کوردستانێ ل کولانا کوردستان ل سلێمانیێ 15 ماموستا و سەرپەرشتیارێن پەروەردەیی گرتن کو بزاڤ دکر لسەر بایکوتێ بەردەوام بن.
دڤی واریدا کارگێرەکێ مەلبەندێ کومەلا ئیسلامی یا ل سلێمانیێ نەڤیا ناڤێ خوە بێژیت بو ئەڤرۆ نیوز گۆت: (بریارا بایکوتێ دوماھی ھاتیە و پێدڤی یە بایکوت بھێتە دوماھی ئینان لێ ھندەک ماموستا بزاڤان دکە نکو بەردەوام بن لسەر بایکوتێ ، و ژبەرڤێ ئاسایشا کوردستانێ بدوڤ ماموستا و سەرپەرشتیارێن کو دخوازن درێژیێ ب بایکوتێ بدەن کەفتیە و ھەتا نھا 15 ماموستا و سەرپەرشت ھاتینە گرتن).
زێدەتر گۆت: (ئەگەر لاینێن شولەژێ دخوازن دوماھی ب بایکوتێ بینن پێدڤی یە ھزرێ د بەدیلەکێ ل شوونا بایکوتێ بکە نکو ئەو ژی بجھکرنا داخوازێن وایە).
`
ئه‌ڤرۆ نيوز، لەزگین جۆقی:
ئه‌ڤرۆ رۆژا پێنجشه‌مبى 1ى كانوونا ئێكێ 2016 ب ئاماده‌بوونا د. نزار عسمه‌ت ته‌يب، رێڤه‌به‌رێ گشتيێ ساخله‌ميا پارێزگه‌ها دهۆكێ، رۆژا جيهانى يا نه‌خۆشيا ئايدزێ ل نه‌خۆشخانا ئازادى هاته ساخكرن.
د. نزار عسمه‌ت، رێڤه‌به‌رێ گشتيێ ساخله‌ميا پارێزگه‌ها دهۆكێ د په‌يڤه‌كێ دا راگه‌هاند كو رۆژا جيهانى يا نه‌خۆشيا ئايدزێ وه‌كو هه‌موو رۆژێن دى يێن جيهانى يه و گۆت: “مه‌ره‌م پێ ئه‌وه زێده‌تر خه‌لكێ خوه هشيار بكه‌ين”، خۆيا ژى كر كو ئه‌ڤ نه‌خۆشيه ل جيهانێ يا د زێده‌بوونێ دا، “ل دهۆكێ ژى ژ به‌ر ڤه‌بوونا سنوران و په‌يدابوونا تێكهه‌ليێ هنده‌ك حاله‌ت يێن په‌يدا بووين”.
د. نزار هيڤى خواست كو بزاڤێن زێده‌تر ژ بوو چاره‌سه‌رى و كونترۆلكرنا ڤێ نه‌خۆشيێ بهێنه هاڤێتن، “ب تايبه‌ت كو حاله‌تێن ڤه‌شارتى يێن ڤێ نه‌خۆشيێ هه‌نه”.
د. سه‌گڤان حه‌سه‌ن عه‌لى ژ رێڤه‌به‌ريا كاوربارێن خوه‌پاراستنا ساخله‌ميا پارێزگه‌ها دهۆكێ ئاشكه‌را كر كو ل دهۆكێ شه‌ش حاله‌تێن ئايدزێ هانه و گۆت: “نوكه چاره‌سه‌ريێ وه‌ردگرن”.
ل سالا 1986ێ بۆ جارا ئێكێ ئايدز ل عيراقێ په‌يدا بوو ئه‌و ژى كۆمپانيه‌كا فره‌نسى خوينا پيس ئينا و ل وى ده‌مى 237 كه‌س تووشى ئايدزێ بوون.
سه‌گڤان حه‌سه‌ن زێده‌تر گۆت: “نها ل هه‌رێما كوردستانێ 30 حاله‌تێن ئايدزێ هاتينه تۆماركرن ب ره‌نگه‌كى ل هه‌ولێر 14 حاله‌ت و سلێمانيێ 10 حاله‌ت و ل دهۆك ژى شه‌ش حاله‌ت”.
ئەڤرۆ نیوز:
ژ ئەگەرێ نەبوونا گازوایلێ نەە یەکێن بەرھەمئینانا کارەبێ ھاتینە راوەستاندن و بۆ ب کارخستنا وان ژی ھەیڤانە 100 ملیۆن دۆلار پێدڤینە، و پێشبینی دھێتە کرن ل دووڤ شیانێن نوکە ھەین ھەیڤا 12 ڕۆژانە تنێ ھەشت دەمژمێران کارەبا نیشتیمانی بدەنە وەلاتیان.
ئومێد ئەحمەد، رێڤەبەرێ کۆنترۆلا کارەبا ھەرێما کوردستانێ ئاشکرا کر کو ژکارخستنا نەە یەکێن بەرھەمئینانا کارەبێ ژ ئەگەرێ نەبوونا گازوایلێ یە و ڤێ چەندێ ئاریشێن مەزن پەیداکرینە و گۆت: “ژ کارخستنا ڤان یەکان و نەبوونا گازوایلێ بوویە ئەگەرێ وێ چەندێ کو دەمژمێرێن دانا کارەبا نیشتیمانی نەھێنە زێدەکرن”.
ناڤھاتی ئاماژە دا وێ چەندێ کو ھەکە ئەو نەە یەکێن ژ کارکەفتین ب کەڤنە کاری شیانێن بەرھەمئینانا ھزار و 200 مێگاواتێن کارەبێ دێ ھەبن و رۆژانە ل سەرانسەری ھەرێما کوردستانێ نێزیکی پێنج دەمژمێران کارەب دێ زێدەتر ھەبیت، بەلێ بۆ ب کارخستنا وان یەکان ھەیڤانە 100 ملیۆن دۆلار پێدڤینە و بۆ رووداو گۆت: “مە ل گەل بەرپرسێن حوکمەتا ھەرێما کوردستانێ ئاخفتیە بۆ وێ چەندێ بزاڤان بۆ دابینکرنا وی کۆژمێ پارەی بکەن، بەلێ ھەتا نوکە بەرسڤا مە نەدایە ژ بەر ڤێ چەندێ پێشبینی دھێتە کرن ل دووڤ شیانێن نوکە ھەین ھەیڤا 12 ڕۆژانە تنێ ھەشت دەمژمێران کارەبا نیشتیمانی بدەنە وەلاتیان”.
ھەژی گۆتنێ یە کو نوکە شیانێن بەرھەمئنانا کارەبێ ل ھەرێما کوردستانێ نێزیکی دو ھزار و 500 مێگاواتانە ئەڤە د دەمەکی دایە کو داخواز ل سەر کارەبێ بۆ پێنج ھزار و 500 مێگاواتان بلندبوویە و ب ڤی رەنگی ھەرێما کوردستانێ پێدڤی یا ب سێ ھزار مێگاواتێن دی یێن کارەبێ ھەی بۆ وێ چەندێ کارەب ببیتە 24 دەمژمێری.
ئەڤرۆ نيوز:
ل دووڤ ڕاگەھاندنەکا ڕێکخراوا یونسکۆ یا سەر ب نەتەوێن ئێکگرتی ڤە، کو میدیایێن جیھانی وەکو نووچەک بەلاڤکریە، تێدا جەژنا نەورۆزێ وەکو کەڤنترین کەلەپۆر و جەژنا مەعنەوی یا جیھانێ و نەتەوێن رۆژھەلاتا ناڤەراست تۆمار کر.
وەکو دیار 12 وەلات ل سەر ئاستێ جیھانێ نەورۆزێ وەکو جەژنەکا کەلەپۆری یا ھەڤپشک و ب میراتێ نەتەوی یێ خوە دزانن، کو چەند سالان بەری نوکە ب سەرپەرشتیا ئیرانێ پرۆژێ تۆمارکرنا نەورۆزێ وەکو ھەلکەفتەکا کەڤن بۆ رێکخراوا یونسکۆ دابوو نیاسین.
ژ ئەگەرێ ڤێ چەندێ دوھی 30ى چريا دويێ2016 ڕێکخراوا یونسکۆ یا سەر ب نەتەوێن ئێکگرتی ڤە، جەژنا نەورۆزێ ب فەرمی وەکو کەڤنترین جەژن و ئایینێ دێرین یێ جیھانێ دا نیاسین.
ل سالا 2010 رۆژا نەورۆزێ وەکو رۆژەکا جیھانی ژ لایێ کۆرێ گشتیێ رێکخراوا نەتەوێن ئێکگرتی ڤە ب فەرمی ھاتە نیاسین، دیسا دوھی ژی ژ لایێ رێکخراوا پاراستنا کەلەپۆرێن جیھانی (یونسکۆ) ڤە، نەورۆز وەکو کەڤنترین کەلەپۆرێ مەعنەوی یێ جیھانێ ب فەرمی ھاتە تۆمارکرن.
نەورۆز رۆژا ئێکێ یا بھارێ و دەستپێکا سالا نوو یا ھەتاڤێ یە، ژ لایێ نەتەوێ کورد و چەند نەتەوە و وەلاتێن دی یێن دەڤەرێڤە ب رۆژەکا گرنگ یا نەتەوی و کەلەپۆری یا دێرین دھێتە نیاسین، دیسا ل نک نەتەوێ کورد نەورۆزێ ھندەک چەڤەنگ و سیمبۆلێن گرنگ و کەلتۆرەکێ باش ھەیە و نیشانا خودانیێ و دێرینبوونا ڤێ ھەلکەفتێ یە ل کوردستانێ.
ل ھەموو پارچێن کوردستانێ و پتر ژ ھەموو نەتەوێن دی یێن دەڤەرێ ب پیرۆزی ھەلکەفتا نەورۆزێ دھێتە ساخکرن.
نيشاندان