زاخۆ،ھشیار دوبانکی:
پشتی یاریێن گەرا چاری ژ خولا پێشمەرگە یا پلا ناباب بو یانێن ھەرێما کوردستانێ ب دووماھی ھاتین و تیما زاخۆ یا پشکدار دخولێ دا نەشیای چو سەرکەفتنا توماربکەت ژ سێ یاریێن دەستپێکێ کو بتنێ دو خال ھەنە سەرەرای کوما یانا زاخۆ کەڤتیە تێدا ھەتا رادەکی یا ب سانەھی یە ل دووڤ گوتنا ئەو کەسێن دووڤچوونا تەپا پێ دکەن ل زاخۆ وەسا دبینن ئەگەرێن ئەنجامێن لاوازێن تیما تەپا پێ یا زاخۆ بۆ ئەگەرێ گوھورینا راھێنەرێ پار سال و چونا چەند یاریزانان ڤەدگەرینن.
ل دەستپێکێ حەکیم حەجی قادر ئێک ژوان کەسێن بەردەوام دووڤچوونا تەپا پێ یا زاخۆ کەت بۆ رۆژناما ئەڤرۆ دبیژیت : ل سالا بوری ھادی ئەحمەد ب کێمترین مەزاختی و سەرەرای ئەو ئارێشین ل تیما ھەرێمی ھەی دەربازی چار گوشا زیرین کربوو لێ ب دویتنا من ئینانا راھێنەرا ل تیما زاخۆ یا بێ پیلانە و یاریزانێن ئەڤ سالە دەست ژێ بەردای کارتێکرن یا ل ئەنجامێن تیمێ کری و یاریزانێن پشکدار یێن تیما خولا کوردستانێ یێن زاخۆ پێدڤی ب راھێنەرەکێ خەلکێ زاخۆ یە ژبەرکو دێ پتر تێگەھشتن دناڤبەرا ئەوان دا ھەبیت .
ناڤبری ئەو چەندە ژێ دیارکر پێدڤی یە کارگێریا یانا زاخۆ ب شێوەکێ باشتر پیشتەڤانیا تیما ھەرێمێ بکەت و مووچە و ھەڤبەستێن ئەوان ل دەمێ دروست ب دەنێ ژبەرکو دێ یاریزان ب ئارامی یاریێ کەت ھەکە پشتەڤانیا مادی بۆ ھاتەکرن.

ژلایەکێ دووڤە ئیسماعیل عومەر یاریزانێ یانا زاخۆ دبێژیت: چونا ژمارەکا یاریزانا ئەگەرێ ئەنجامێن لاوازن یێن ئەڤ سالە و دروستکرنا تیمەکا نوو یا ب سانەھی نابیت و ھێلا بەرەڤانیا ئەوان کارتێکرن ل ئەنجامێن ئەوان کرینە .
نەوزاد عەلی ھاریکارێ راھینەرێ یانا زاخۆ دبێژیت : ئاریشا مە یاریزانن و ئاستێ ئەوان نە ل ئاستێ پێدڤی یە ئەم پێدڤی ب ئینانا یاریزانانە بۆ یاریێن بھێت ھەکە یاریزان ل تیمێ نە ھێنە زێدەکرن یێن نوو دەستڤە ئینانا ئەنجاما دێ یا ب زحمەت بیت.