زاخۆ،ھشیار دوبانکی:

یانا زاخۆ بەردەوامی دا ئەنجامێن خوە یێن لاواز دخولا نایابا عیراقێ دا پشتی دیاریا خوە یا گەرا نەھێ دا بەرامبەر یانا مینا توشی خوسارەتێ بوی ب سێ گولا بەرامبەر گولەکێ وشارەزایێن وەرزشی وەسا دەنە زانین کو گھورینا راھینەرا و ھاوسەنگێ دمەزاختنا پارەی دا وئێنانا یاریزانێن نەل ئاست ئەگەرێ ئەنجامین نەباشن
ل دەستپێکێ رۆژنامەڤانێ وەرزشی ل زاخۆ عەلی حاجی دبێژیت :ب دیتنامن ئەگەرێت ئەنجامێن نەباش یێن یانا زاخۆ بۆ وێ چەندێ ڤەدگەرن کو ل دەستپێکا خولێ چەند یاریزانێن نە ل ئاست ھەڤبەست ل گەل ھاتە ئیمزاکرن و ھەتا نوکە یانا یا باجا ئەوان دەت و ھەردیسان یاریزانێن پیشەکار ژێ نە ل ئاستێ پێدڤی نە چو مفا ژ ئەوان نە ھاتیە دیتن و بەشەک ژ جەماوەری ژێ وەسا دبینن چەند ژ ئەندامێن یانێ ھژمارەکا یاریزانا بۆ خوە گرتینە ل سەر راھێنەری فەرزکرینە دڤێت یاریێ بکەن.
عەبدولرەحمان سوبحی شروڤەکارێ یاریا تەپا پێ ل باژیرێ زاخۆ دبێژیت : دانانا ستراتیجیەکێ بۆ کارگێریا یانا زاخۆ تشتەکێ گرنکە دڤێـت بەرنامەکی دانیت و گەلەک یا گرنگە کارگێری ھزرێ ل تیمەکێ بکەن بۆ سێ ھەتا چار سالان تیمەکێ دروست بکەن باشترە ژ ھەر سال تیمەکآ دروست بکەن و ھەردیسان راھێنەر ژێ یێ بەردەوام بیت ل گەل تیمێ بۆ ماوەکێ درێژ.
ناڤبری گوت ژێ: دەمێ یانە راھێنەرەکی بینت دێ پارە کێمتر مەزێخیت و ھەکە بوونە دو راھێنەر دێ پارەکێ مەزنتر مەزێخیت لەورا یا گرنگ ئەوە ئەو بەرنامەکی بۆ خوە دروست بکەن ھەر نوکە کاربکەن بۆ سالا بھێت و دیڤدا ژبەرکو زاخۆ بێ پلان کارێن خوە کەت ھەردیسان د سالەکێ دا کوژمەکێ خیالی مەزێخیت و سالا دیڤدا یانە کەڤتیە قەیرانا دارایی دا ھەکە ھاوسەنگیا پارێ خوە بکەت ب بەرنامەکێ رێکو پێک زاخۆ توشی قەیرانا دارایی ژێ نابیت ل وەرزێ بوری یانا زاخۆ کوژمەکێ مەزن یێ پارەی مەزاخت بەس داکو ب گەھیتە چار گوشا زێرین لێ ھەر نەشیا ب گەھیتە چار گوشا زێرین لەورا بلا ھەر دەم ھیڤیا مە ئەو بیت ئەو بینە ژمارەکا ب زحمەت دخولێ دا نە ھەر زیکا ھزر ل برنا ناسناڤێ خولێ بکەین بلا ئەو خەونا پێڤەبین دێ باشتر بیت ژ ئێکسەر ئەم ھزرێ ل برنا ناسناڤی بکەین.

ئەڤرۆ،ھەژار مەعروف:

راھێنەرێ بەرنیاس ل سەر ئاستێ عیراقێ و ھەرێما کوردستان سەردار محەمەد ل وەرزێ ئەڤ سالە ھەڤبەستا سێ یانێن بەرنیاس ل سەر ئاستێ وەلاتێن عەرەبی رەتکر و داخوازا لێبورینێ ژێ کریە ل دەستپێکا حەفتیا بوری ئێک ژ یانێن مەزن ل سەر ئاستێ کێشوارێ ئەفریقیا و وەلاتێ لیبیا یانا ئەھلی ترابلسی داخوازی ژێ کر بوو ئیمزاکرنا ھەڤبەستا وێ یانێ بەری نوکە ژێ یانەکا کوێتی و ئێکا عومانی ژێ داخوازی ژێ کریە.
سەردار محەمەد راھێنەرێ لەشسڤکیێ کورێ باژێرێ دھۆکێ د دیدارەکێ دا بۆ رۆژناما ئەڤرۆ گوت: دەستپێما ڤێ حەفتیێ یانا ئەھلی ترابلسی یا لیبی ئێک ئێک ژ یانێن بەرنیاسە ل سەر ئاستێ کێشواری ئەفریقیا داخوازی ژ من کر ھەڤبەستا وێ یانێ ئیمزابکەم بۆ ماوێ سالەکێ کو راھێنەرێ یانێ حەمزە جەمل داخوازی ژ یانێ کر بوو ھەڤبەستێ ل گەل من ئیمزابکەن لێ من داخوازا لێبورینی کر ژبەر چەند ئەگەرێن تایبەت و من خواست بەردەوامی ب دەمە خولەکا راھێنەری ئەوا دھێتە چاڤەرێکرن ل ماوێ بھێت لڤێن ئەی تو یا لەشسڤکی بھێتەڤەکرن دھێـتە ھژمارتن مەزنترین باوەرنامە ل سەر ئاستێ نیڤدەولی .
زێدەتر ناڤبری دیارکر بەری نوکە ژێ دو ھەڤبەست بۆ ئەوی ژ یانێن عەرەبی ھاتینە کو کو ل حەفتیا بوری ھەڤبەستا ئەلسویق یا عومانی رەتکر ئەوا دخولا پلا نایاب یا وی وەلاتی دا کەت ژبەر کێشە مادی بوو کو ھەڤبەستا یانێن وی وەلاتی د کێمن و ھەردیسان بەری دەستپێکرنا وەرزێ ئەڤ سالە یێ تەپا پێ یانا کازمە کوێتی ئێک ژ یانێن بەرنیاس ل سەر ئاستێ خولا پلا نایاب یا وەلاتێ کوێتی داخوازی ژێ کر بوو گەھشت بوونە رێککەفتنێ ل سەر ھەمی خالان لێ ژبەر نەبوونا فیزا و گیروبوونا فیزی داخوازا لێبورینی کر ژبەرکو فیزە بۆ عیراقیا ل وەلاتێ کوێتی گەلەک گیروبیت ھەر دیسان سێ ھەڤبەستێن نافخوی یێن خولا عیراقێ ژێ رەتکر بوون ئەوژی ھەر ئێک ژ یانێن شورتە نەفت ئەلوەست و نەفت ئەلجنوب .
سەردار محەمەد زێدەتر دیارکر ئەو دێ چاڤەرێ ھەڤبەستەکا باشتر بیت ھەکەر نەبوو ئەو دێ بەردەوامی دەتە کارێ پێشکەڤتنا خوە د خولێن راھێنەری و تەپا پێ دا کو بەری چەند مەھان باوەرنامەیە A یا تەپا پێ وەرگرتی یە ھەردیسان بریارە پشکداریێ د خولا راھێنەری یا لەشسڤکی دا ژێ بکەت بۆ لێڤن A٢ کو ئەڤ باوەرنامە دھێتە ھژمارتن بلندترین باوەرنامە ل فیفا و ئەوی د باوارێ راھێنەریا لەشسڤکیێ باوەرنامە A١ ژێ ھەیە .