ئه‌ڤرۆ نیوز:
په‌یجێ رێڤه‌به‌ریا  تورا پاراستنا جڤاكى ل دهۆكێ دیاركر كو سوبە رێکەفتی ۱/٦/۲٠۱٦ مووچێ سەرجەم کێم ئەندامان دێ هێته‌ خەرجکرن .
موچێ هەیڤا ۱/۲٠۱٦ دێ بڤی رەنگی دابەش بیت:
۸۹٥٠٠ هەشتێ و نەهـ هزار و پێنج سەد دینار بۆ وان کێم ئەندامێن بێ مووچە و نە فەرمانبەر.
٥۹٥٠٠ پێنجی و نەهـ هزار و پێنج سەد دینار بۆ کێمئەندامێن فەرمانبەر و خودان مووچە كو دشێن سوبە سەرەدانا بەنکا بکەن.

رێڤه‌به‌ریا  تورا پاراستنا جڤاكى ل دهۆكێ ئاماژه‌ ب وێ یه‌كێ كریه‌ كو چ بەحسێ خەرجکرنا مووچێن چاڤدێری خێزان نینە و نەهاتیە خەرجکرن

ئه‌ڤرۆ نیوز:
به‌رى چه‌نده‌كێ نێچیرڤان بارزانى سه‌رۆك وه‌زیرێن هه‌رێما كوردستانێ پشكدارى د رێوره‌سمێن هه‌لكه‌فتا دامه‌زراندنا ئێكه‌تى نیشتمانى كوردستان دا كر و دیاركر هه‌تا دووماهیا حه‌فتیا بهێت دێ مووچێ هه‌یڤا نیسانێ یێ هه‌موو وه‌زاره‌ت و فه‌رمانگه‌هێن هه‌رێمێ هێته‌ به‌لاڤكرن.

ئه‌ڤرۆ نیوز:
ب هه‌لكه‌فتا سالڤه‌گه‌را دامه‌زراندنا ئێكه‌تیا نیشتمانیا كوردستانێ، سه‌رۆك بارزانى په‌یامه‌كا پیرۆزباهیێ ئاراسته‌ى ئه‌ندامێن مه‌كته‌با سیاسى و جڤاتا سه‌ركردایه‌تیا ئێكه‌تیێ كر د وێ په‌یامێ دا رۆلێ مام جه‌لال د پاراستنا ئێكرێزیا مالا كوردى بلند نرخاند و گۆت” رۆلێ مام جه‌لال د سالێن بوورى دا بۆ پاراستنا ئێكرێزى و به‌ره‌ڤ پێشبرنا دوزا ره‌ویا گه‌لێ مه‌ ناهێته‌ ژبیركرن و نوكه‌ ژى گه‌لێ كوردستانێ وێ چاڤه‌رێكرنێ ل ئێكه‌تى نیشتمانى كوردستان دكه‌ت”.
د پشكه‌كا دى یا په‌یا خوه‌دا سه‌رۆك بارزانى ئاماژه‌ ب سه‌ركه‌فتنێن هێزێن پێشمه‌رگه‌ى كریه‌ و دیاركریه‌” نوكه‌ سه‌ره‌راى هه‌بوونا ته‌حه‌دیاتێن مه‌زن، گه‌لێ مه‌ د شه‌ره‌كێ چاره‌نڤیساز دایه‌ ل گه‌ل دوژمنه‌كێ دره‌نده‌ و پێشمه‌رگێن قاره‌مانێن كوردستانێ پرانیا ئه‌ردێ پیرۆزێ وه‌لاتێ خوه‌ ژ تیرورستان پاقژ كریه‌، ل سایا سه‌ركه‌فتنێن پێشمه‌رگه‌ و خوونا پاكێ شه‌هیدان و بهایێن بلند یێن گه‌لێ مه‌، پێگه‌ه و كارتێكرنا كوردستانێ گه‌هشتیه‌ ئاسته‌كێ بلند و هه‌موو جیهان رێز و پێزانینێن خوه‌ بۆ گه‌لێ مه‌ هه‌نه‌”.
سه‌رۆك بارزانى دیاركریه‌ ژى: ئه‌ڤ پێگه‌هه‌ ل گه‌ل گوهۆرینێن ده‌ڤه‌رێ  روو دده‌ن، دێ وه‌لمه‌ كه‌ت ده‌ستێن خوه‌ بكه‌ینه‌ د ناڤ ده‌ستێن ئێكدا بۆ دابینكرنا ئاینده‌كێ گه‌ش و ژیانه‌كا ئارام بۆ گه‌لێ مه‌ و رێیێ نه‌ده‌ین چ دى گه‌لێ مه‌ ب ئاگرێ ناكوكیێن ده‌ڤه‌رێ بسووژیت، بۆ ڤێ مه‌ره‌مێ ژى پێدڤیه‌ ڤه‌گه‌رینه‌ ئیراده‌ و هیڤیێن گه‌لێ مه‌ كو پیاده‌كرنا مافێ ره‌وایێ بریاردانا چاره‌نڤیسازه‌”.