ئەڤرۆ نیۆز ،سالار دۆسکی:
پشتی چەندین سازیێن راگەھاندنێ و تورێن جڤاکیێن فەیسبووکێ ژ زار دەڤێ ئەندامەکێ لژنا فەتوایێ ھاتیە بەلاڤەکرن کو مووچێ ل جەم حوکمەتێ زکات لێ دکەفت و دڤێت ھەر فەرمانبەرەک بەت.
مەلا عەبدۆللا سەرۆکێ ئێکەتیا زانایێن ئاینی ل کوردستانێ بۆ ئەڤرۆ نیۆز گۆت: چ بنیات بۆ ئەڤێ فەتوایێ نینە و چ ئەندامێن ئێکەتیا زانایێن ئاینی ئەڤ چەندە نە گۆتیە و چ فەتوا بڤی رەنگی دەرنەچووینە کو بێژن مووچێ فەرمانبەران ئەوێ ھەتا نوکە حوکمەتێ نەدایێ دڤێت زەکاتێ لێ بدەن.
ئه‌ڤرۆ نيوز، ئومێد وه‌لاتى:
نوكه هێرشێن هێزێن پێشمه‌رگه‌ى بۆ سه‌ر چه‌كدارێن داعش ل ميحوه‌رێ خازر ده‌سپێكر و هێزێن پێشمه‌رگه‌ى يێ د پێشره‌ويێ دا بۆ گرتنا گۆندێ تل به‌ند.
ب گۆره‌ى فه‌رماندێن هێزا پشته‌ڤانيا ئێك نوكه ئه‌و يێ هه‌ر ئێك ژ گۆندێن تل به‌ند و وه‌رده ب چه‌كێ گران بۆردۆمان دكه‌ن و هێزێن ئه‌ندازه‌يا راكرنا مينان ژى يێن پێشره‌ويێ دكه‌ت و كارێ راكرنا مينان دكه‌ن.
ئه‌ڤرۆ نيوز:
وەزارەتا دارایی و ئابووری ل حوکمەتا ھەرێما ئاشکەرا کر کو د ڤێ حەفتیێ دا دێ چەند دەستە و وەزارەت مووچەی وەرگرن.
بەلاڤکرنا مووچەی دێ ب ڤی رەنگی بیت:
رۆژا دوشەمبی رێکەفتی 30ی گۆلانا 2016 دێ مووچێ دەزگەھێ گشتیێ ئاسایشێ ھێتە بەلاڤکرن.
رۆژا سێشەمبی رێکەفتی 31ی گۆلانا 2016 دێ مووچێ دێ مووچێ جڤاتا ئاسایش و مووچێ کێم ئەندامێن وەزارەتا کار و کاروبارێن جڤاکی ھێتە بەلاڤکرن.
رۆژا چارشەمبی رێکەفتی 1ی تیرمەھا 2016ێ دێ مووچێ پەروەردێن ژ دەرڤەی باژێری ھێتە بەلاڤکرن.
رۆژا پێنجشەمبی رێکەفتی 2ی تیرمەھا 2016ێ دێ مووچێ پەروەردێن ناڤ باژێری ھێتە بەلاڤکرن.
ئه‌ڤرۆ نیوز:
یان كوبیچ نوونه‌رێ تایبه‌تێ سكرتێرێ گشتى یێ نه‌ته‌وێن یه‌كگرتى ل عیراقێ (یونامی) راگه‌هاند ئه‌و د به‌رهه‌ڤن نێڤبه‌ریێ د ناڤبه‌را هه‌رێم و به‌غدا بكه‌ن ب مه‌ره‌ما لێكنێزیككرنا هه‌درو ئالیان و ئه‌نجامدانا رێككه‌فتنا نوو.
ئه‌ڤ ئاخافتنێن یان كوبیچ د چارچوڤێ كومبوونه‌كا ل گه‌ل ئارام شێخ محه‌مه‌د جێگرێ سه‌رۆكێ په‌رله‌مانێ عیراقێ هات و دیاركرژى” وه‌لاتێ ژاپونێ به‌رهه‌ڤیا خوه دیاركریه بۆ هاریكاریكرنا هه‌رێما كوردستانێ، هه‌روه‌سا ل گه‌ل سازیێن وه‌لاتێن جى حه‌فت و بانكا نێڤده‌وله‌تى د په‌یوه‌ندیێن راسته‌وخو دانه بۆ هه‌ڤكاریكرنا دراڤى یا هه‌رێما كوردستانێ”.
ئه‌ڤرۆ نیوز:
جه‌مال محه‌مه‌د سوپاسالارێ وه‌زاره‌تا پێشمه‌رگه‌ى راگه‌هاند كو ئازادكرنا باژارۆكێ فه‌لوجه و ئوپه‌راسیونا ئازادكرنا ره‌قه، ده‌ستپێكه‌كه بۆ ئازادكرنا مووسل.
جه‌مال محه‌مه‌د ئاماژه ب وێ یه‌كێ كر كو تاوه‌كو نوكه به‌رپرسێن عیراقێ چ پلانه‌ك بۆ ئازادكرنا باژارێ مووسل نه‌داینه وه‌زاره‌تا پێشمه‌رگه‌ى و سه‌ركردایه‌تیا كوردى، هه‌تاوه‌كو بزانین چاوان و ب چ ره‌نگ پشكداریێ د ئازادكرنا مووسل دا بكه‌ین.
ئەڤرۆ نیوز:
موبایلێن زەیرەک و کومپیوتەر و ئایپاد و ئامیرێن دی یێن سیتەمێ وای فای تێدا جێگیر، ھەموو ئەو ئامیرە ب سیتەمێ شەپولان کار دکەن، بەلێ دڤێت تو بزانی کانێ وای فای چ کارتێکرنا تەندروستی ل سەر تە و زارۆیێ تە ھەیە، لەوا بەری بنڤی و دەمێ تە کار پێ نەبیت، وای فای بگرە ژبەر کو وای فای دبیتە ئەگەرێ، کو مروڤ ھەردەم ھەست ب ماندبوونێ بکەت.
ھەروەسا دبیتە ئەگەرێ وێ یەکێ کو خەوا مروڤی تێکبچت و ھەروەسا سەرئێشێ بۆ مروڤی دروست دکەت و ھەروەسا تەرکیزا مروڤی نامینیت ، ھەروەسا دبیتە ئەگەرێ درستبوونا ئێشانا گوھی، ھەروەسا دودلیێ بۆ مروڤی چێدکەت.
ھەروەسا ڤەکولەر ئاماژە ب وێ یەکێ دکەت کو وای فای کارتێکرن یا ھەی ل سەر شینبوونا رووەکی ئەڤەژی پشتی چەندین ڤەکولینان ئەو چەندە ھاتیە سەلماندن.
ئه‌ڤرۆ نيوز:
گەنجەکێ 32 سالی دلێ خوە بۆ ئەڤرۆ ڤەدکەت و دبێژیت: ماوەیەکێ زور درێژە دلێ من گەلەک لسەر کچەکا نیاسا مە ھەیە کو نھا ژیێ وێ 24 سالە بەس ئەز نەشیایمە بو وێ دیار کەم کا ئەز چەند حەز ژ وێ دکەم و بەری سالەکێ مالا مە گوتە من دێ بو تە ڤێ کچێ خوازین گەلەک کەیفا من ھات و ئەز رازی بوم من ، بێ کو ئەڤینا خوە بو وان دیار کەم پشتی دگەل کچکێ ئاخفتین وێ گوت نەشێم شوو پێ بکەم من ھەڤالەکێ ھەی. بەلێ پشتی ھینگێ ئەز گەلەک پێڤە ھاتمە گرێدان و روژانە ھەکە دگەل نە ئاخڤم ئەز نەشێم بژیم بەس ئەز نەشێم بێژمێ کو ئەز حەز ژ تە دکەم و نزا چ بکەم ئەڤجا ھیڤیدارم ھوون رێکەکێ بو من بێژن کا ئەز چ بکەم چونکی نھا وێ ئەز گەلەک یێ بێزار کریم ؟
گەنجێ ھێژا :
باشترە بزانی ھەکە ئاخفتنا وێ کو ھەڤالەکێ ھەی یا دروست بیت ھەولدانا تە یا بێ دووماھیە بو تە و وێ، ژبەر کو رەوشەنبیریا خەلکێ مە کوڕ یان کچ بیت ب زەحمەت بشێت دگەل وێ چەندێ بگونجیت لەوما ھزرێ دڤێ چەندێ دا بکە و لبەر خوە بەرزە نەکە یا دیارە کا ئاخفتنا ھەوە ھەڤالینی یە یان نە و نەخاسمە یاروژانە، لەوا خوە نەئێخە د خەلەکا ڤالا دا و ھەر بێ ئارمانج بزڤری و خوە ھشیار بکە و پێنگاڤێن واقعی پاڤێژە و بابەتی دگەل ڤەکە و ب روونی و ئاشکەرایی و وێرەک بە و دیتنێن خوە بو دیار بکە و نەترسە ژ بەرسڤێ ھەر یا چەوا بیت و لدووڤ وێ بەرسڤێ سەرەدەریێ بکە و دەمێ خوە ب ھەروە نەبە نەخاسمە نوکە دەمێ وەرگرتنا بریارێ یە لدور ڤی بابەتی .
ئەڤرۆ نیوز:
سەرەرای ھندێ کو یا فەرە تیشکا رۆژێ ل مرۆڤی بدەت چونکو ژێدەرێ سەرەکیێ ڤیتامین (D)یە، لێ ئێک ژ ئاریشێن سەرەکیێن دێمی یە، د دەمەکی دا بۆ ھندەک خانمان یا ب زەحمەتە ھەتاڤ ل دێمێ وان نەدەت، ئەگەرێن کاریگەر ھەنە بۆ پاراستنا دێمی ژ ھەتاڤێ و ئەڤ شوونوارێن ئێکسەرێن تیشکا ھەتاڤێ ل دووڤ خوە دھێلن ب تایبەت د وەرزێ ھاڤینێ دا، کرێمێ خوە پاراستنێ ژ ھەتاڤێ ل بازارێن جوانکاریێ و دەرمانخانان ھەنە، بەری تو بکڕی خوە پشتراست بکە ژ جۆرێ دێمێ خوە، چونکو ھەر ئێکێ پێدڤیێن خوە یێن سەرەکی و سروشتێ خوە ھەیە:
* دێمێ دوھنی و یێ تێکەل: پێدڤی ب کریمەکێ ھەتاڤێ ھەیە کو ئاڤ ل گەل بیت، دا کو پتر دێمێ تە دوھنی نەگریت.
* دێمێ ھشک: پێدڤیە ھەردەم یێ تەڕ بیت، لەوما وەکو زەیتێ د ناڤا کریمێ ھەتاڤێ دا ھەیە، داکو دێمێ تە دو رەنگی نەھێتە دیتن.
* دێمێ ئاسایی: خانمێن ئەڤ جۆرە دێمە ھەی ب شەنسن، چونکو رێیا چاڤدانا وی گەلەکا ب ساناھیە، پێدڤی ب جۆرەکێ دەستنیشانکریێ کریمی نینە، بەلکو ب تنێ تەراتی د ناڤ دا ھەبیت.
* دێمێ ھەستیار: پێدڤی کریمەکێ تایبەتە کو یێ ڤالا بیت ژ مادێن بھێندار و کحولی، داکو دێمێ تە زێدەتر ھەستیار نەبیت، باشترە ئەڤی جۆرێ کریمێ خوە پاراستنێ ژ تیشکا ھەتاڤێ ژ دەرمانخان بکڕی.
نيشاندان