ئه‌ڤرۆ نيوز:
عومه‌ر چه‌ليك جێگرێ سه‌رۆكێ گشتى و په‌يڤدارێ ئاك پارتى دياركر كو د كۆنگرێ دويێ يێ نه‌ئاسايى دا كو برياره 22 ڤى هه‌يڤێ برێڤه بچيت، وه‌زيرێ ڤه‌گوهاستن و ده‌رياڤانى يێ توركيا بينالى يه‌لدرم وه‌كو پالێوراو بۆ پوستێ سه‌رۆكێ گشتى يێ ئاك پارتى هاتيه ده‌ستنيشانكرن.
ل دووڤ مه‌ديايێن توركيا بينالى يه‌لدرم دێ بيته سه‌رۆك وه‌زيرێن توركيا ل شوونا ئوغلوى.
ئەڤرۆ نیوز،زنار تۆڤی:
دوھی بۆ جارا ئێکێ فروکەیان گوندێ خشخاشا بوردۆمان کر و بۆمبە ب دووراتیا 50 مەتران ل نێزیک خانیێن وەلاتیان کەفتینە و زیانێن مەزن گەھاندینە خانیێن چەندین وەلاتیان دەرگەە و پەنجەرێن وان ھەمی شکاندینە و ھەروەسا ترسەکا مەزن لدەف خەلکێ گوندی پەیداکریە و کو ل دەمێ ھاڤێژتنا بومبێ زارۆ و کەس وکارێن وان خێزانان دمالدابوون و ئەو شیشەیێن شکەستی ب سەروان دا ھاتینە.
گوندی وەسا خۆیادکەن کو ب بھایێ 30 ملیۆن دیناران زیان گەھشتیە وان.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى گۆلانا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1303 |
| 1 يۆرۆيێ ئه‌ورۆپى | 1460 |
| 1 ليرێ توركى | 435 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز، بارزان مزوورى:
پيشه‌نگێ هاتنوچوونێ به‌درخان محه‌مه‌د سه‌ليم به‌رپرسێ هاتنوچوونا قه‌زا شێخان بۆ ئه‌ڤرۆ نيوز گۆت: “ئه‌ڤرۆ سپێدێ ل نێزيك گۆندێ بريفكا د روودانه‌كا هاتنچوونێ دا د ناڤبه‌را دو ترۆمبێلان دا سێ كه‌س ب گرانى بريندار بوون”.
زێده‌تر گۆت: “د ڤێ روودانا ژ ئه‌گه‌رێ له‌زێ د ناڤبه‌را تويوتا له‌ندوگروزه‌ر و ترۆمبێلكا بارهه‌لگر مارسدس ئه‌كسور دا په‌يدا بووى دو ژن و زه‌لامه‌ك بگرانى بريندار بوون و بۆ نه‌خۆشخانا ته‌نگاڤيان ل دهۆكێ هاتنه ره‌وانه‌كرن”.
ئه‌ڤرۆ نيوز، مه‌حمود نهێلى:
سپێده‌هيا ئه‌ڤرۆ رۆژا پێنجشه‌مبى ژى و ل ده‌مژمێر 10:30ى سپێدێ جاره‌كا دى فرۆكێن توركيا سنورێن هه‌رێما كوردستانێ بۆردۆمانكرن و ڤێ جارێ ب تنێ ئێك كيلۆمه‌تر ژ پرۆژێ هايدرۆپاوه‌رێ دێره‌لۆك يێ دابينكرنا كاره‌بێ ب رێيا ئاڤێ يا دوور بوو و ڤێ چه‌ندێ ژى مه‌ترسيه‌كا مه‌زن خسته دلێ وه‌لاتيێن ده‌ڤه‌رێ.
ڤيديۆ:
ئەڤرۆ نيوز:
رێکخراوەکا ئەمریکی ل ھەرێما کوردستانێ کو ب تایبەت د ناڤ کەمپێن ئاواران دا کار دکەت ئاشکرا کر کو بازرگانی ب ئەندامێن لەشێ مرۆڤی و لەشفرۆشی د زێدەبوونێ دایە ب تایبەتی د ناڤ کەمپێن ئاواران دا کو ژ ھەیڤێن کانوونا دویێ و شواتا سالا 2016 زێدەترین کرین و فرۆتن ب گۆلچیسکان ھاتیەکرن و بھایێ وان ژی د ناڤبەرا حەفت بۆ 12 ھزار دۆلاران بوویە.
ل دووڤ راگەھاندنەکا وەزارەتا خواندنا بلند و ڤەکۆلینێن زانستی یا حوکمەتا ھەرێما کوردستانێ د.یوسف گۆران، وەزیرێ وەزارەتا ناڤھاتی دوھی رۆژا 18/5/2016 کۆمبوونەک ل گەل شاندەکێ رێکخراوا (ھارت لاند ئەلایندس) یا ئەمریکی ئەنجامدایە و د وێ کۆمبوونێ دا مەیس مەساعدی، رێڤەبەرا پرۆژێن رێکخراوا ناڤھاتی ل کوردستانێ بەحسێ وێ چەندێ کریە کو ژ ئەگەرێ بلندبوونا ھژمارا ئاواران د ناڤ کەمپان دا بازرگانی ب ئەندامێن لەشێ مرۆڤی و لەشفرۆشی د زێدەبوونێ دایە.
ئه‌ڤرۆ نيوز:
ئه‌و فرۆكا ئه‌ڤرۆ رۆژا پێنجشه‌مبى ژ پاريس به‌ر ب مسرێ ڤه چووى، ب گۆره‌ى وه‌زاره‌تا فرۆكه‌ڤانيا مسرێ يا پرت پرت بووى.
فرۆكا مسرى 66 سه‌رنشين و ده‌سته‌يا فرۆكه‌ڤانيێ تێدا بوون و پشتى دو خوله‌كان ژ برينا ئه‌سمانێ يونان و گه‌هشتنا وان بۆ ئه‌سمانێ مسرێ ديار نه‌مايه و ب گۆره‌ى وه‌زاره‌تا فرۆكه‌ڤانيا مسرى ئه‌و يا پرت پرت بووى.
كۆمپانيا مسر بۆ فرۆكه‌ڤانيێ ژى راگه‌هانديه كو پێشتر ئه‌وێ فرۆكێ كێشه‌كا ته‌كنيكى هه‌بوويه و داخوازا هاريكاريێ كريه.
فرۆكێ 30 سه‌رنشينێن مسرى و 15 يێن فره‌نسى و دو كه‌سێن عيراقێ يێن تێدا، فرانسوا ئۆلاند سه‌رۆكێ فره‌نسا ژى ب گۆره‌ى راگه‌هاندنه‌كا كوچكا ئيليزێ دێ پشتى ده‌مه‌كێ كێم ل گه‌ل عه‌بدولفتاح سيسى سه‌رۆكێ مسرێ ده‌رباره‌ى فرۆكێ ئاخڤيت. ديسا راگه‌هانديه ژى “چو ئه‌گه‌ره‌كى ب دوورى نزانين”.
ئەڤرۆ نيوز:
وەزارەتا کارەبێ یا حوکمەتا ھەرێما کوردستانێ ل دۆر دانا کارەبێ بۆ کەرتێ تایبەت رۆنکرنەکێ ددەت و وەلاتیان ژی پشتراست دکەت کو بھایێ کارەبا نشتیمانی زێدە نابیت، پەیڤدارێ وەزارەتێ ژی دبێژیت: ئەم د ئامادەکاریێن خوە دا بۆ ڤێ چەندێ دبەردەوامین و ھەرێما کوردستانێ کریە 14 زۆن و ھەر زۆنەکێ ژی 100 ھزار پشکدارێن کارەبێ بەردکەڤن.
حوکمەتا ھەرێما کوردستانێ کارەبا نشتیمانی دیچ ڕادەستی کەرتێ تایبەت کەت و ل دووڤ زانیاریان ژی، ھەتا دووماھیا ئەڤ سالە ب فەرمی دێ دەتە ھژمارەکا کۆمپانیان، پشتی ھینگی کارەب ژ لایێ کۆمپانیان دێ ھێتە ب رێڤەبرن.
محەمەد ئەمین ھەورامی، پەیڤدارێ وەزارەتا کارەبێ یا حوکمەتا ھەرێمێ ڕاگەھاند، ھەتا نوکە ب فەرمی چ ژڤان بۆ دانا کارەبێ ب کەتێ تایبەت نەھاتینە دیارکرن و بۆ SNN گۆت: “د نوکە دا ل دووڤ جوگرافیا تۆرا کارەبا ھەرێما کوردستانێ، ئەم ل سەر ئامادەکاریێن خوە دبەردەوامین، ھەرێما کوردستانێ کریە 14 زۆن و ھەر زۆنەکێ ژی 100 ھزار پشکدارێن کارەبێ بەردکەڤن، چونکو مە ل ھەرێمێ ملیۆنەک و 350 ھزار پشکدارێن کارەبێ ھەنە، دڤێت وان ژی جودا بکەین، دا کو بزانین چەند ژ وان حکومی و بازرگانی و پیشەسازی نە”.
گۆتژی: “زانیاریێن ھوور ل سەر پشکداران ھاتینە کۆمکرن، لێ ھێشتا ھندەک کارێن دی ماینە، ب تایبەت ژ لایێ ڕادەستکرنا ئامیران بۆ کۆمپانیان، بۆ ھندێ ئەو کۆمپانیا کەرتێ کارەبێ وەربگریت بەرپرسیارەتیا ئامیران ژی ب ستوویێ خوە ڤە بگریت”.
دەربارەی شێوازێ پلانا وەزارەتێ ژی ھەورامی گۆت: “پلان ئەوە، ستافێ وەزارەتا کارەبێ ل دووڤ حەزا خوە دێ کار د گەل کۆمپانیان کەن و مووچێ وان ژی ھەر ژ لایێ کۆمپانیان ڤە دێ ھێتە دان”.
دەربارەی زێدەکرنا بھایێ کارەبێ، پەیڤدارێ وەزارەتا کارەبێ گۆت: “بھایێ کارەبێ دێ ھەر وەکو نوکە مینیت و بھایێ وێ دێ ل بن کۆنترولا حوکمەتێ بیت ب ھاماھەنگی ل گەل کۆمپانیان، ژ لایێ حوکمەتێ ڤە رێنمایی دێ دەرکەڤن و چ پلان بۆ زێدەکرنا بھایێ کارەبا نشتیمانی نینن”.
نيشاندان
