ئهڤرۆ نيوز:
نووترين نووچه
- نێچیرڤان بارزانی دوپاتیێ ل گرنگییا چارەسەركرنا ئاشتییانە یا كێشەیان و پاراستنا ئارامییا دەڤەرێ دكەت
- مەسرور بارزانی و شاندەكێ ئەلمانی پێكئینانا حوكمەتێن فیدرال و هەرێمێ گەنگەشەكر
- پۆستێ سەرۆككۆماری بەهرا كوردانە و پێدڤی ب لهەڤهاتنێ یە
- محەمەد زراری: ئەگەرێ سەرەكیێ كێشەیێن هەولێرێ و بەغدایێ نەبوونا قانوونا بودجەیا گشتی یە
- رێککـەفـتنا ل گــەل شـامـێ باشـە و مـە ئۆتۆنۆمـی دڤێت
- نێچیرڤان بارزانی بۆ تۆم باراكی: هەرێما كوردستانێ دێ فاكتەرێ ئارامیێ بیت
- مەسرور بارزانی پێشوازی ل سەرۆكێ حزبا ئەمارجی یا لیبرالی یا ئیراقی كر
- دروستكرنا دوسایدێ هەولێر – گۆمەسپان هاتنوچوونا وەلاتییان ب ساناهی ئێخست
- سەرۆك بارزانی ڕەتكریە دەستێوەردانێ د پرسا بەربژارێ شیعەیان بۆ پۆستێ سەرۆك وەزیران دا بكەت
- ب قەزاكرنا قەرەتەپە و گولالە بنپێكرنەكا دیار یا دەستوورییە
سهرهكى Facebook
دهنگێ نهرازيبوونێ ل دۆر گرانكرنا مامهله و سزایێن هاتن و چوونێ پهيدابوو
ئهڤرۆ نیوز:
د.ئیبراهیم سمو ئهندامێ پهرلهمانێ كوردستانێ، ل دۆر گرانكرنا مامهله و سزایێن هاتن و چوونێ هاته دهنگ و گۆت” ب چ رهنگهكێ ئهڤ بریارا وهزارهتا ناڤخۆ ناچیته خانا چارهكرنا قهیرانا، و ب چ شێوهیهكێ نهیا مهعقوله، لهوما داخاز دكهم وهزارهتا ناڤخو ڤێ بریارێ راوهستینیت و ب چ رهنگا كار پێ نههێته كرن”.
رێڤهبهرێ گشتى یێ هاتنوچوونێ ل ههرێما كوردستانێ ئاشكرا كر كو وهزارهتا ناڤخۆ یا ههرێما كوردستانێ بهایێ ههموو پسۆلهیێن مامهلێن هاتنوچوونێ زێدهكر و ئهڤ بڕیاره ژ لایێ جڤاتا وهزیرێن حوكمهتا ههرێمێ ڤه هاته پهسهندكرن و د هژمارا 193 یا رۆژناما وهقایعى دا هاتیه بهلاڤكرن و ئهڤرۆ رۆژا 3/3/2016 دێ كهڤیته د وارێ بجه ئینانێ دا.
لیوا رزگار عهلى، رێڤهبهرێ گشتى یێ هاتنوچوونێ ل ههرێما كوردستانێ دیار كر كو پشكهك ژ ڤان بهایان دو جاران هند زێدهبووینه بۆ نموونه ههكه د دهمێ بۆرى دا وهلاتیهكى كارێ ڤهگوهاستنا سالناما ترۆمبێلێ كربا بتنێ دا 52 هزار و 500 دینار ژێ هێنه وهرگرتن، بهلێ نوكه بهایێ ڤێ چهندێ بوویه 100 هزار دینار و بۆ خهندان گۆت: “بۆ نووكرنا مۆلهتا هاژووتنا ترۆمبێلى بهرى نوكه 10 هزار دینار ژ شۆفێرى د هاتنه وهرگرتن، بهلێ پشتى ڤێ بڕیارێ دێ 40 هزار دینار ژێ هێنه وهرگرتن”.
ناڤهاتى ئاماژه دا وێ چهندێ كو بلندكرنا ڤان بهایان چو كارتێكرنێ ل وهلاتیان ناكهت، چونكى وهلاتى رۆژانه ڤى كارى ئهنجام نادهن و ل عیراقێ ئهڤ بهایه گهلهك ژ یێن ههرێمێ زێدهترن.
بچووكترين ملياردێرا جيهانێ
ئهڤرۆ نيوز: رهوان نهێلى:
ههسپ سوارا نهرويجى ئهلكسندا ئهندرسون ب بچووكترين ملياردێر ل جيهانێ دهێته هژمارتن پشتى كو شياى 1.2 مليار دولاران خرڤهكهت و هێشتا ژيێ وێ نهگههشتيه 20 سالان.
بۆ جارا ئێكێ يه ناڤێ ڤێ كچێ د چيته قائيما ملياردێرێن جيهانێ كو ل رێزا 1475 ل سهر ئاستێ جيهانێ دهێت.
خێزانا ڤێ كچێ بههرا پتر ژ پارهى ب رێيا بازرگانيا تويتنێ خرڤهكريه كو باپيرێ وێ مهزنترين كۆمپانيا جگارا ل نهرويج ههبوو.
سهرهراى زهنگينيا ڤێ كچێ، بهلێ بههرا پتر ژ وهختێ خوه ل خانى ڤه و ل گهل ههسپێن خوه دبهته سهر و ل ئهلمانيا دژيت و ممارسا وهرزشا ههسپ سواربوونێ دكهت و گهلهك خهلات ل سهر ئاستێ جيهانێ بدهستڤه ئيناينه.
قوتابیهكێ پهیمانگهها تهكنیكى یا ئامێدیێ د ئاڤێدا خهندقى
ئهڤرۆ نیوز،زنار تۆڤى، مهحمود نهێلى:
رائیدێ مافپهروهر بێوار عهبدولعهزیز بهرپرسێ راگههاندنا پهیوهندى و بهرهڤانیا باژێرێ دهوكێ بۆ ئهڤرۆ نیوز گۆت:ل نیڤرۆیا رۆژا چارشهمبى 2/3/2016 كومهكا قوتابیێن پهیمانگهها تهكنیكى یا ئامێدیێ دچنه باژێرێ سهرسنكێ ل نێزیك بهنداڤا بادهرهشكێ و د ههمان دهمدا قوتابیێ بناڤێ (ئهحمهد فهتاح ئهحمهد) كو ژیێ وى 20 سالن قوتابى بوویه ل پهیمانگهها تهكنیكى یا ئامێدیێ خۆ د هاڤێژته ئاڤێ ل وێ بهنداڤێ و تێدا دخهندقیت .
ناڤهاتى دیاركر ژى:ههر زوو تیما نقومڤانان یا پۆلیسێن بهرهڤانیا باژێرێ دهوكێ ل بهنداڤا بادهرهشكێ ئامادهبوون و شیان پشتى دهمهكێ تهرمێ وى ژ ئاڤێ بینهدهر،ههروهسا پهرێن ڤهكۆلین ل بنگههێ پۆلیسێن سهرسنكێ هاتیه تۆماركرن بۆ زانینا ئهگهرێن دروست یێن ڤێ روودانێ.
بهایێ مامهله و سزایێن هاتنوچوونێ هاته زێدهكرن
ئهڤرۆ نیۆز، رێوار مزیرى:
رێڤهبهرێ گشتى یێ هاتنوچوونێ ل ههرێما كوردستانێ ئاشكرا كر كو وهزارهتا ناڤخۆ یا ههرێما كوردستانێ بهایێ ههموو پسۆلهیێن مامهلێن هاتنوچوونێ زێدهكر و ئهڤ بڕیاره ژ لایێ جڤاتا وهزیرێن حوكمهتا ههرێمێ ڤه هاته پهسهندكرن و د هژمارا 193 یا رۆژناما وهقایعى دا هاتیه بهلاڤكرن و ئهڤرۆ رۆژا 3/3/2016 دێ كهڤیته د وارێ بجه ئینانێ دا.
لیوا رزگار عهلى، رێڤهبهرێ گشتى یێ هاتنوچوونێ ل ههرێما كوردستانێ دیار كر كو پشكهك ژ ڤان بهایان دو جاران هند زێدهبووینه بۆ نموونه ههكه د دهمێ بۆرى دا وهلاتیهكى كارێ ڤهگوهاستنا سالناما ترۆمبێلێ كربا بتنێ دا 52 هزار و 500 دینار ژێ هێنه وهرگرتن، بهلێ نوكه بهایێ ڤێ چهندێ بوویه 100 هزار دینار و بۆ خهندان گۆت: “بۆ نووكرنا مۆلهتا هاژووتنا ترۆمبێلى بهرى نوكه 10 هزار دینار ژ شۆفێرى د هاتنه وهرگرتن، بهلێ پشتى ڤێ بڕیارێ دێ 40 هزار دینار ژێ هێنه وهرگرتن”.
ناڤهاتى ئاماژه دا وێ چهندێ كو بلندكرنا ڤان بهایان چو كارتێكرنێ ل وهلاتیان ناكهت، چونكى وهلاتى رۆژانه ڤى كارى ئهنجام نادهن و ل عیراقێ ئهڤ بهایه گهلهك ژ یێن ههرێمێ زێدهترن.
پهكهكێ ئهنجامدهرێن پهقاندنا بوریا نهفتا ههرێمێ ئاشكرا دكهت
ئهڤرۆ نیوز:
فهرماندێ ناڤهندى یێ هێزێن پاراستنا گهل رهت دكهت وان چو كریارهك دژى بۆریا نهفتا ههرێما كوردستانێ ل توركیا ئهنجام دابیت و رادگههینیت” راكێشانا بۆریا غازا ههرێمێ پێدڤى ب رازیبوونا باكوورێ كوردستانێ یه”.
فهرماندێ ناڤهندى یێ هێزێن پاراستنا گهل ئاماژه ب وێ یهكێ ژى كر پشتى وان دووڤچوون كرى دیاربوو كه چ هێزێن وان نه ل رووحایێ و نه ل شرنهخێ بۆریا نهفتا ههرێمێ نه پهقاندى یه و گۆت” دهزگههێ ههوالگیریا توركیا و تاقما كۆنترا یا سهر ب میتى ڤه، ئهو كاره یێ ئهنجام داى”.
ئهردێ ڤان ههردو جهان ل دهۆكێ دێ ل سهر وهلاتيان بهلاڤ كهن
ئەڤرۆ نیۆز، قائید میرۆ:
پەرلەمانتارەکێ لیژنا باژێڕڤانیان دیارکر، ل چەند ھەیڤێن داھاتی دێ پڕۆسا بەلافکرنا پارچێن ئەردی دەستپێکەت و ل سنوری دھۆکێ ئەرد ل سێمێل و دۆمیز دێ ھێتە بەلافکرن.
سیراج شێخ ئەحمەد، ئەندامێ لیژنا باژێرڤانیان ل پەرلەمانێ کوردستانێ بۆ ئەڤرۆ نیۆز گۆت: “نوکە حوکمەت یا بزاڤان دکەت بۆ کۆمکرنا ناڤێن وەلاتیێن کێم دەرامەت بۆ بەلافکرنا پارچێن ئەردی و ل چەند ھەیڤێن داھاتی دێ پڕۆسا بەلافکرنا ئەردی دەست پێکەت”.
زێدهتر گۆت: “باژێڕڤانی مژۆلی بەرھەڤکرنا پارچەیێن ئەردینە و ل ھەولێرێ ئەرد ھاتیە بەرھەڤکرن و ل دھۆکێ ژی ل سێمێل و دۆمیز ئەرد ھاتیە بەرھەڤکرن ب سەر خەلکێ ھەژار و کێم دەرامەت بھێتە بەلافکرن، ب تنێ ل پارێزگەھا سلێمانیێ ئاریشا ئەردی ھەیە و ئەو ژی دێ ھێتە بەرھەڤکرن”.
گوهۆڕين كهفتن بهێنڤهدانێن ههيڤا ئادارێ
ئهڤرۆ نيوز:
حوكمهتا ههرێما كوردستانێ بهێنڤهدانێن ههيڤا ئادارێ راگههاندن و ئاخفتنكهرێ ب ناڤێ حوكمهتا ههرێمێ ژى رادگههينيت كو ل جهێ 5ى ئادارێ كو رۆژا سهرهلدانێ يه، دێ كهڤيته رۆژا 6ى ههيڤێ و ئهو رۆژ دێ بيته بهێڤهدانا فهرمى.
سهفين دزهى ئاخفتنكهرێ ب ناڤێ حوكمهتا ههرێما كوردستانێ بۆ مالپهرێ فهرميێ حوكمهتێ راگههاند: “رۆژا ئێكشهمبى 6ى ئادارێ بهێنڤهدانا فهرميه ل جهێ رۆژا 5ى ئادارێ كو بيرهوهريا سهرهلدانێ يه و دكهڤيته رۆژا شهمبى”.
ئاماژه ب چهندێ ژى كر كو رۆژا ئێكشهمبى 13ى ئادارێ دێ بيته بهێنڤهدان ل جهێ 11ى ئادارێ كو دكهڤيته رۆژا ئهينى، ديسا رۆژا دوشهمبى 14ى ئادارێ ب ههلكهفتا ژ دايكبوونا رابهرێ نهتهوى مستهفا بارزانى، ديسا 20 ههتا 24ێ ئادارێ ب ههلكهفتا نهورۆزێ بهێنڤهدانێن فهرمى نه.
ئهو چهند ژى ئاشكهرا كر كو ئهڤ رۆژێن ئاماژه پێكرى ل سهرجهم دامودهزگههێن حوكمهتێ بهێنڤهدانا فهرمى يه، ههردو وهزارهتێن پهروهردێ و خواندنا بلند دێ ب گۆرهى خشتهكا تايبهت بهێنڤهدانێن خوه دياركهن.
قوتابیەکا کچ ل نیڤەکا زانکۆیێ گولەیەک ل سینگێ خوە دا
ئەڤرۆ نیۆز، قائید میرۆ:
ئەڤرۆ قوتابیەکا کچ ناڤا زانکۆیا بەیان لباژێڕێ ھەولێرێ خوە بریندارکرو سەرۆکێ زانکۆیێ ژی دبێژیت، نوزانین چاوا چەک بریە زانکۆیێ دا.
دکتۆر سەعید رەسول، سەرۆکێ زانکۆیا بەیان یا ئەھلی ب ئەڤرۆ نیۆز راگەھاند” بەری نیڤرۆیا ئەڤرۆ ل کۆلیژا قانوون یا زانکۆیا بەیان قوتابیەکا کچ دناڤا ھۆلا خواندنێ ب چەکێ دەمانچێ بزاڤێن خوە کوشتنێ داینە و برینداربووینە.
رەسول گۆتژی” پشتی برینداربوونێ قوتابیا کچ ھاتیە ڤەگوھاستن بۆ نەخۆشخانا ھەوارھاتنێ و مە دوڤچوون بۆکریە، بەلێ چو ئاریشە نەبوویە، لێ یا سەیر بۆمە ئەڤە چاوا شیایە چەکی دگەل خوە ببەتە ناڤا زانکۆیێ و پۆلیس یێ ڤەکۆلینێ دکەن.
ژ بەر قەیرانا دارایی بزاڤێن دزینا شوونواران دھێنە کرن
ئەڤرۆ نيوز:
رێڤەبەرێ شوونوارێن قەزا ئاکرێ ھیوا شەمال بۆ ڕۆژناما ئەڤرۆ دیار کر کو قەیرانا دارایی کارتێکرن ل سەر ھندێ کریە کو خەلکێ مە بزاڤێ بکەت کو دەست درێژیێ ل سەر جھێن شوونواری بکەت و خورستیا وان شوونواران تێک بدەت ب مەرەما دیتنا کەلوپەلێن شوونواری یێن بھا گران وەکو پارچێن زێری و کەڤنە گۆسک و چەندین پارچێن دی یێن شوونواری، ب مەرەما بدەستڤەئینانا پارەی.
ھیوای زێدەتر گۆت” قانوونا شوونواران ڕێ نادەت ب چو ڕەنگەکی دەست درێژی ل سەر شوونواران بھێتەکرن، داخوازێ ژ لایەنێن پەیوەندیدار و دەزگەھێن ئێمناھیێ دکەم دھەڤکاربن ل گەل رێڤەبەریا شوونواران ل قەزا ئاکرێ و بەردەرەش داکو ئەڤ دەست درێژیە ل سەر جھێن شوونواری نەھێتەکرن، چونکی یا پێدڤیە وەک ئەرکەکێ نیشتیمانی ل سەر ھەر تاکە کەسەکی ئەوێ ل سەر ڤێ ئاخێ دژیت شوونواران ب پارێزیت نە تێک بدەت”.
ھیوای ئاشکراکر”چەندین پارچێن شوونواری یێن ھاتینە دەستەسەرکرن و دیتن ل سەر وان جھێن شوونواری کو ژبەر ترس و لەزێ نەگەھشتینە ببەن و ھەر ل وی جھی دا یێن ھێلاین، بەلێ ھەتا نوکە کەس نەھاتیە دەستەسەرکرن و دووڤچوون یا بەردەوامە، داکو ئەو کەسێن دەست درێژی کریە ل سەر وان جھان بھێنە دەستەسەرکرن و سزادان ل دووڤ قانوونێ”.
ناڤبری دیارکر ژی کو زێرەڤان بۆ ھەموو جھێن شوونواری یێن ھاتینە دابینکرن، بەلێ ھەر دکێمن، ل دووڤ ھژمارا شوونوارێن ل ئاکرێ ھەین، ھێشتا مە پێدڤی ب زێرەڤانان ھەیە، چونکو پێدڤیە ئەو زێرەڤان د دەمێ 24 دەمژمێران دا و ب شەڤ و ڕۆژ چاڤدێریا وی جھی بکەت و پێدڤیە ھەر جھەکێ شوونواری زێرەڤانەک بۆ ھەبیت، لەوما دڤێت ژبلی دەزگەھێن ئێمناھیێ، جڤاتێن گوندان و مختار ژی ل گەل مە دھاریکاربن داکو ئەڤ دیاردە نەمینیت” گۆت ژی ” نڤیسارێن فەرمی بۆ جھێن شولەژێ یێن ھنارتین کو ئەم پێدڤی ب زێرەڤاناینە کەن ژبۆ نەھێلانا ڤان دیاردان و پاراستنا جھێن شوونواری”.
700 جھێن شوونواری ل قەزا ئاکرێ یێن ھەین، ژ وان (کەلھا ئاکرێ و کەلھا شوش و کەلھا کەلاتێ و کەلھا کەلەدێرێ و شکەفتا گوندێ دێر و شکەفتا دێرا مارقریا قوسی و دێرا مار عودیشۆ و مزگەفتا ئەسحابان و مەزارێ شێخ عبدالعزیز گیلانی و خانیێن کەڤنار).
نيشاندان
WP Facebook Auto Publish Powered By : XYZScripts.com