ئه‌ڤرۆ نيوز:
ل دووڤ خه‌ملاندنێن ده‌ستپێكێ، ژ ئه‌گه‌رێ خه‌ملاندنا په‌رله‌مانێ عيراقێ ب بهايێ 69 مليون دولاران زيانێن مادى به‌ر ب ئاڤاهيێ په‌رله‌مانێ عيراقێ كه‌فتينه.
هه‌روه‌سا ئاشكرايه كو په‌رله‌مانێ عيراقێ جهه‌كێ دى بۆ كومبوونا ئه‌ندامان ده‌ستنيشانكريه هه‌تا كو په‌رله‌مانێ عيراقێ هولێن خوه نووژه‌ن بكه‌ت.
ئه‌ڤرۆ نيوز:
سه‌رۆكايه‌تيا جڤاتا وه‌يزران هوورده‌كاريێن كومبوونا ئه‌ڤرۆ يا حڤاتێ راگه‌هاند و راگه‌هاند به‌لاڤكرنا موچێ هه‌يڤا 4 دێ ژ هێزێن ئێمناهيێ ده‌ست پێ كه‌ت و دياركريه كو ل دووڤ رێژا داهاتى و رێژا مووچه‌ى، دێ ل سه‌ر وه‌زاره‌تان هێته به‌لاڤكرن.
ل دووڤ راگه‌هاندنا جڤاتا وه‌يزان مووچێ هه‌يڤا 3 د 17 رۆژان دا هاتيه به‌لاڤكرن و دياركريه دێ بزاڤێ كه‌ن هه‌يڤانه مووچه د وه‌خته‌كێ دا دياركرى دا بهێته دان.
ئه‌ڤرۆ نيوز:
ب ناڤودەنگترین چێکەرێ چلكان کو ل سالا ٢٠١١ کراسێ بیکینیێ یێ شەھیانا شاهـ (کایت میدلتون) چێکربوو ژ بو شەھیانا وێ یا ب ناڤ و دەنگ، ھەر ژبەر ئەفی کراسی (ئەسکەندەر ماکوین) گەف لێ کرینە كو بچیتە د زیندانێ ڤە ژ بەر کو چێکرنا ئەڤی کراسی ژ ھزرا (کریستین کیندال) بوو.
پشتی شەھیانا (کایت میدلتون) د گەل ميرێ بریتانیا (ویلیام)ی کراسێ وێ یێ بووکینێ بۆ ماوێ چەند ھەیڤان ل سەر زارێ ھەموو ژنێن بریتاتیا بوو.
ئه‌ڤرۆ نيوز:
ھونرمەند خالد نه‌چا چەند وێنێن ترۆمبێلا ئەکتەرێ خودێ ژێ رازی رشدی ئەبازە به‌لاڤ کرینە و گۆتیە نھا ل بەر فرۆتنێ یە ب بھایێ ١٦٠ ھزار جونه‌ێین مسری.
وەکو د وێنان دا دیار ژی کو ئەف ترۆمبێلە ژ چورێ چاکوارە و مودێل ١٩٦٣یە.
ل سەر ئەفێ چەندێ ژی گەلەکان خوە نەرازی کریە چونکو ئەگەر ترۆمبێل د پێشانگەھەکا ب ناف و دەنگ دا بايه و ب سەرکزێدەکرن بايه دا ب بھایەکێ باشتر هێته فرۆتن، چونکو ترۆمبێل یا ھونەرمەندەکێ ب ناف و دەنگە.
رشدی ئەبازە دھێت ئێک ژ شاهێن سینەما مسری و ل پشت خوە ب دەھان فیلمێن گرنگ ھێلاینە، بەلێ د ژیێ ٥٣ سالیێ دا و پشتی چەندین سالا ھەفریکی د گەل نەخوشیا پەنچە شێرێ کری وه‌غه‌را دووماهيێ كر.
ئه‌ڤرۆ نيوز:
جڤاتا وەزیرێن ھەرێما کوردستانێ به‌رى بێهنه‌كێ کۆمبوو و بڕياره چەند پێشنیاز و بڕیاران ل سەر چەند بابەتان بدەت.
پێشتر د. نوری عوسمان بەرپرسێ فەرمانگەھا ھەماھەنگی و دووڤچوونێ ل جڤاتا وەزیرێن ھەرێمێ راگەھاندبوو: د کۆمبوونێ دا دێ گەنگەشە ل سەر پێشنیازا وەزارەتا باژێرڤانیان و گەشتوگوزار ھێتە کرن بۆ دارێشتنا رێنمایێن نوو ب مەرەما تەرخانکرنا ئەردی بۆ وەلاتیێن مفادارنەبووین و گۆت: “ھەر د کۆمبوونێ دا دێ بەحسێ پرسا دارایی و مووچێ فەرمانبەران ھێتە کرن، ھەروەسا دێ ب ھووری بەحسێ نەخشێ حوکمەتێ بۆ زێدەکرنا داھاتی و باشترکرنا رەوشا خەلکی ھێتە کرن”.
ئەڤرۆ نیۆز، سالار دۆسکی:
شارەزیەکێ ئابووری دیار دکەت کو پێشبینی دھێتەکرن ماوەکێ گەلەک کێم دا حوکمەت پێدا چوونێ دمووچێ فەرمانبەران دا بکەت و ئەڤ پاشکەفتنا موچان دا ھەی کێم بکەت
. د.خالد حەیدەر شارەزایێ ئابووری و ھاریکارێ سەرۆکێ زانکۆیا سلێمانیێ بۆ ئەڤرۆنیۆز گۆت: پشتی بلند وبونا بھایێ پەترۆلێ ل بازارێن جیھانێ و داھاتێ ھەرێما کوردستانێ ھەموو پەترۆلێ یە، پێشبینی یا وێ چەندێ دکەم کو حوکمەتا ھەرێما کوردستانێ ماوەکێ گەلەک کێم دا دێ پێداچوونێ د ئەڤێ پاشکەفتنێ دا کەت و دێ ھێدی ھێدی بارێ ئابووریێ وەلاتیان بەر ب باشبوونێ ڤە چیت. ھەمان شارەزا گۆت: لێ دبینم دێ ھەر پاشکەفتن مووچان دا ھەبیت چونکە بارێ حوکمەتا ھەرێما کوردستانێ یێ گرانە چ ژ مووچان بگرە، یان ژی مەزاختیێ شەرێ پێشمەرگێ کوردستانێ ل گەل داعش کو رۆژانە مەزاختیەکێ مەزن دھێتە مەزاختن. ھەمان شەرزان گۆت ژی: پێدڤی یە حوکمەت ئەڤێ چەندێ بکەتە وانەک و پێدا چوونەکێ ھەیکەلێن کارگێری بکەت و کار بکەت گەندەلی کێم بیت و رێگربیت ل مەزاختنا زێدە و کار بکەت ھندەک رێک بھێنە پەیداکرن کو داھاتێ ھەرێما کوردستانێ ل سەر پەترۆلێ بتنێ نەبیت
ئه‌ڤرۆ، بێوارحسێن :
رێڤه‌به‌ریا ره‌وشه‌نبیرى چومان خویاكر كۆ وان سالانه فیسته‌ڤاله‌كا سالانه یا هه‌ى كو ژ هه‌موو ده‌ڤه‌را باله‌كایه‌تى خه‌لك پشكدارن و هه‌ر سال ئێكێ ئه‌یارێ دهێته گێران.
رێڤه‌به‌رێ ره‌وشه‌نبیرى هونه‌رى چومان به‌ختیار قادر خویاكر : د ڤیسته‌ڤالى دا تشتى كه‌لتورى و كه‌له‌پورى و تشتێن كه‌فن یێن باب و پاپیران هاتنه نمایشكرن و خارنێن تایبه‌ت وێ ده‌ڤه‌رێ ژى سه‌ره‌راى گوتنا چه‌ندین سترانێن لاوك و حه‌یرانان.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا سێشه‌مبى رێكه‌فتى 3ى ئه‌يارا 2016ێ ئه‌وره‌كێ ناڤجى دێ ل ئه‌سمانى هه‌بيت و هنده‌ك جاران بۆ ئه‌ورێ ته‌مام هێت گوهۆڕين.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا كارتێكرنا فشارێن نزمێن رۆژهه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌وره‌كێ ناڤجى دێ ل ئه‌سمانى هه‌بيت و هنده‌ك جاران بۆ ئه‌ورێ ته‌مام هێت گوهۆڕين.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 15كم دا و هنده‌ك و ماوێ ديتنێ ژى دێ 8 بۆ 9كم بيت، پلێن گه‌رمێ ژى دێ د ناڤبه‌را (19 بۆ 28) پلان دا بيت.
نيشاندان