ئه‌ڤرۆ نيوز:
رێڤه‌به‌ريا پۆليسێن پارێزگه‌ها دهۆكێ راگه‌هاند كو شڤێدى بريسيێ ل دو كچان دا و بۆ نه‌خۆشخانا سێمێلێ هاتنه ره‌انه‌كرن.
رائيدێ مافپه‌روه‌ر، هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ راگه‌هاند كو شڤێدى ل كه‌مپا خانكێ بريسيێ ل دو كچان دا.
رائيدێ مافپه‌روه‌ر زێده‌تر گۆت: “ئه‌ڤ كچه د ژيێ 18 و 26 ساليێ دا بوون و ب مه‌ره‌ما چاره‌سه‌ريێ ره‌وانه‌ى نه‌خۆشخانا سێمێلێ كرن”.
ئه‌ڤرۆ نيوز:
حه‌شه‌د شه‌عبى ئه‌ڤرۆ رۆژا شه‌مبى ئۆپه‌راسيۆنا خوه ب لايێ رۆژئاڤايێ مووسل ڤه راگه‌هاند ب مه‌ره‌ما رزگاركرنا روويه‌كێ زۆر ژى ده‌وروبه‌رێن وى باژێرى ژ ده‌ستێ داعش.
ئه‌حمه‌د ئه‌سه‌دى ئاخفتنكه‌رێ ب ناڤێ حه‌شه‌د شه‌عبى د به‌ياننامه‌كێ دا كو وێنه‌ك ب ده‌ست ئه‌ڤرۆ نيوز كه‌فتيه راگه‌هاند كو سپێده‌هيا ئه‌ڤرۆ قووناغا دويێ ژ ئۆپه‌راسيۆنا مه‌زن ل ميحوه‌رێ رۆژئاڤايێ باژێرێ مووسل ده‌سپێكر، “حه‌شه‌د شه‌عبى يا ئاماده‌يه بۆ كونترۆلكرنا هه‌موو ده‌ڤه‌ران”.
هه‌ر د ڤێ به‌يانناما وان دا هاتيه: “نوكه چه‌كدارێن حه‌شه‌د به‌ر ب ئارمانجێن خوه يێن ستراتيژى يێن دياركرى دچن”.
ئه‌ڤرۆ نيوز: ئومێد وەلاتی:
ئەڤرو ل چاریانا عەزایم ل سنورێ ناحیا باشیکێ ژمارەکا خەلکێ گوندێن دەردورا باشیکێ خو گەھاندە سنورێ ھێزێن پێشمەرگەھێن کوردستانێ .
گەنجەک د ژیێ 21 ساڵیێ دا کو دگەل وی خەلکێ دابوو بۆ ماڵپەرێ ئەڤرۆ نیوز دیارکر گوت ل وی دەمێ ئەم ل ژێر دەسەلاتا تیرۆرستێن داعش دا د نەخوشترین ژیان دا ژیانە و ھەمی دەمان چاڤەرێن وێ چەندێ بووین کو ب دەستێن تیرۆرستێن داعش بھێینە کوشتن یان ل دەمێ توپبارانکرنا جھێن داعش ژلایێ فروکەیێن ھاوپەیمانان بھێینە کوشتن ، چونکی ھەردەم چەکدارێن تیرۆرستین داعش ل دەمێ فروکەیێن ھاوپەیمانان جھێن وان بوردومان دکر ھەوڵ ددان خو نزیکی خەلکێ سڤیل بکەن داخو ژ توپبارانکرنا فروکەیان بپارێزن .
ھەروەسا د بەردەوامیا ئاخفتنا خودا گوت ئەڤا دڤان چەند سالان دا مە دیتی ل بن دەسەلاتا تیرۆرستێن داعش دا نەخوشترین ژیان بوو و پشتی مە خو گەھاندی یە سنورێ ھێزێن پێشمەرگەھێن کوردستانێ ئەم ھەست پێ دکەین کو نھا ژ دایک بوینە و پێشمەرگە سەرەدەرییەکا باش دگەل مە دکەن و ھەتا دمرین قەرزدارێن وانین .
ئەو خەلکێ ھاتینە سنورێ ھیزێن پێشمەرگەھێن کوردستانێ ژمارا وان 6 خێزان بوون و پتر ژ 23 کەسان و بوون .
ھەروەسا دناف وان خێزانان دا خێزانێن کوردژی ھەبوون و ل سنورێ ھەردوو میحوەرێن باشیک و ناوەران بەردەوام دڤان چەند رۆژان دا خەلکێ سڤیل خو دگەھیننە سنورێ ھێزێن پێشمەرگەھێن کوردستانێ و ئەف خەلکێ د مەھی تەمەنان دا دگەل دانە
ئەڤرۆ نیوز، مەحمود نھێلی:
بەری چەند دەقیقەیا لەشکەرێ تورکیا ب توپێن دور ھاڤێژ دەست ب توپ بارانا چەندین گوندێن سەر بناحیا دێرەلۆک و گەلیێ رەشاڤە دکەن.
ل گۆر شایەتحالان ل دەمژمێر سێ و نیڤێ ئێڤاریا ئەڤرۆ 27ى چريا ئێكێ 2016 ب توپێن دوور ھاڤێژ توپخانەیێن لەشکەرێ تورکیا گوندێ رەشاڤە و بەرچی و گێزیێ و زلیێ و سێری و درگنی و کورک و بناڤیێ یێن سەر ب دەڤەرا نھێلێ ب دژواری بوردومان کرنە و دەنگێ توپان پەنجەرێن خانیان ل دێرلۆکێ ھەژاندنە.
ئاشکرا ژى کر هه‌تا نھا زیانێن وێ توپ بارانی نەھاتینە زانین لێ گەلەک یا نێزیکی گەلیێ رشاڤە و پروژەیێ ھایدرو پاوەرێ دێرەلۆک بوو.
گۆندێ مژێ یێ سەر دەڤەرا بەرێ گارێ ب تنێ سێ کیلومەترا دووری سەنتەرێ ناحیا دێرەلوکێ یە ب دژواری ھاتە بوردومانکرن.
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 27ى چريا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1303 |
| 1 يۆرۆيێ ئه‌ورۆپى | 1430 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
كرستيانۆ رۆنالدۆ د ديداره‌كێ دا بۆ كۆڤارا راهێنه‌رێ به‌حس ل په‌يوه‌نديێن خوه و ليونێك ميسى و چه‌ندين بابه‌تێن دى يێن گرێداى ريال مه‌دريد دكه‌ت.
د وێ ديدارێ دا، دون زێندان ب “راهێنه‌ره‌كێ نمۆنه‌ى” وه‌سف دكه‌ت و دبێژيت: “ل ژوورا خوه گوهۆڕينێ زێدان بۆ ئه‌گه‌ر په‌يوه‌نديێن ياريكه‌ران ل گه‌ل ئێك خوه‌ش ببن”.
دده‌ته زانين ژى كو به‌رى ئه‌و ببيته راهێنه‌رێ ريال، هه‌موو هيڤيێن وان ژ ناڤ چووبوون و گۆت: “ئه‌و هات و ريال مه‌دريد ناسناڤێ شامپيۆن ليگ بر”.
رۆنالدۆ د درێژاهيا ئاخفتنێن خوه دا به‌حس ل ميسى ژى دكه‌ت و خۆيا دكه‌ت كو ئه‌و گه‌له‌ك رێزێ ل ميسى دگريت، “ئه‌و هه‌ڤالێ منه”، دبێژيت ژى: “راسته هه‌ڤالينيه‌كا وه‌سان د ناڤبه‌را مه دا نينه كو به‌رده‌وام پێكڤه بين، به‌لێ دو هه‌ڤالێن باشين”.
ياريكه‌رێ يانا ريال مه‌دريد ناڤه‌شێريت كو هه‌ڤركيه‌كا دژوار د ناڤبه‌را وان دا هه‌يه، به‌لێ “ئه‌م هه‌ردو رێزێ ل ئێك دگرين، چو ده‌مان مه داخۆيانيێن دژى ئێك نه‌داينه”.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل هەرێما کوردستانێ راگه‌هاند كو سوبه‌هى رۆژا ئه‌ينى رێكه‌فتى 28ى چريا ئێكێ 2016ێ ئه‌سمانێ دهۆكێ دێ ئه‌ور بيت ل گه‌ل بارانا بارينا ل جهێن جودا.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن وه‌لاتێ توركيا و ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ ژ ئه‌وره‌كێ كێم بۆ ئه‌وره‌كێ ته‌مام بهێته گوهۆڕين و ده‌ليڤا باران بارينێ ب رێژا ئێك بۆ دو مليمان ل ده‌ڤه‌رێن جودا يا هه‌ى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى 8 بۆ 10 كم بيت، پلێن گه‌رمێ ژى دێ د ناڤبه‌را 15 بۆ 25 پلان دا بيت.
ئه‌ڤرۆ نيوز:
هادى عامرى، سه‌ركردێ حه‌شه‌د شه‌عبى و ئه‌ميندارى گشتى يێ رێكخراوا به‌در راگه‌هاند كو هه‌كه سه‌رۆك وه‌زيرێن عيراقێ داخوازێ ژ مه بكه‌ت، هێزێن حه‌شه‌د شه‌عبى دێ چنه ناڤ باژێرێ مووسل.
ئه‌وى سه‌ركردێ حه‌شه‌د شه‌عبى د گۆتنێن خوه دا ئاماژه ب وێ چه‌ندێ كر كو مووسل باژێره‌كێ عيراقى يه و رێ ب ده‌ستێوه‌ردانێن هێزێن توركيا ل ئاخا عيراقێ ناده‌ن.
عامرى ئاماژه ب وێ چه‌ندێ ژى كر كو شه‌رێ مووسل يێ ماوه درێژه و ب وى ره‌نگى يێ ب ساناهى و خۆش نينه وه‌كو هنده‌ك كه‌س به‌حس ژێ دكه‌ن.
هه‌تا نوكه رێ ب هێزێن حه‌شه‌د شه‌عبى نه‌هاتيه دان بچنه ناڤ مووسل و ب ره‌نگه‌كێ ئێكسه‌ر پشكداريێ د وى شه‌رى دا بكه‌ن، ب تنێ نوكه چه‌ند ده‌ڤه‌ره‌ك ل رۆژئاڤايێ مووسل كرينه ئه‌ركێ وان و بڕياره ئه‌و نه‌چنه ناڤ باژێرێ مووسل.
ل ده‌مێ راگه‌هاندنا ده‌مژمێر سفر ل 17ى ڤێ هه‌يڤێ ژ لايێ سه‌رۆك وه‌زيرێن عيراقێ حه‌يده‌ر عه‌بادى ڤه ژ بوو رزگاركرنا باژێرێ مووسل، د په‌يڤه‌كێ دا راگه‌هاند كو هه‌ر ئێك ژ حه‌شه‌د شه‌عبى و پێشمه‌رگێ كوردستانێ ناچنه ناڤ سه‌نته‌رێ باژێرێ مووسل و دوهى رۆژا چارشه‌مبى 26ى چريا ئێكێ ژى راگه‌هاند كو هه‌رجهێ هاته كونترۆل كرن ژى دێ سۆپا ژێ ده‌ركه‌ڤيت و ب تنێ دێ پۆليسێن فيدرال د ناڤ باژێران دا مينن.
نيشاندان
