ئه‌ڤرۆ نيوز:
ئه‌ڤرۆ ل ده‌مێ پێشكێشكرنا گوتارا مالئاڤاهيێ دا، هه‌ڤالێن سه‌رۆك وه‌زيرێن توركيا ئه‌حمه‌د داود ئوغلو بوو كرنه گرى.
داود ئوغلو دياركر كو ل 22 ڤێ هه‌يڤێ دێ كۆنگرێ داد و گه‌شه‌پێدان هێته سازكرن و ئه‌و خوه بۆ سه‌روكايه‌تيا پارتا خوه به‌ربژار ناكه‌ت و ده‌ستا ژ پۆستێ سه‌رۆك وه‌زيران ژى به‌رده‌ت.
ئه‌ڤرۆ نيوز:
ب فه‌رمانه‌كا سه‌رۆك وه‌رێن عيراقێ، ئه‌و ليوايا هێزێن پێشمه‌رگێ كوردستانێ يا ئه‌ركێ پاراستنا جڤاتا نوونه‌رێن عيراقێ پێ هاتيه راسپاردن هاته دوورخستن و ليوايه‌كا عه‌ره‌بان ل جهێ وێ دانا.
شاخه‌وان عه‌بدولا په‌رله‌مانتارێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ بۆ باسنيوز راگه‌هاند: ب بڕياره‌كا حه‌يده‌ر عه‌بادى سه‌رۆك وه‌زيرێن عيراقێ ئه‌ڤرۆ رۆژا پێنجشه‌مبى رێكه‌فتى 5ى گۆلانا 2016ێ ليوا پاراستنا جڤاتا نوونه‌رێن عيراقێ هاته دوورخستن كو ليوايه‌كا پێشمه‌رگه‌يه ل جهێ وان فه‌وجه‌كا عه‌ره‌بى هنارتيه جهێ وان.
ده‌رباره‌ى ئه‌گه‌رێن ده‌ركرنا ڤێ بڕيارێ ژى عه‌بدولاى گۆت: “عه‌بادى ل وى ده‌مێ گۆتار ل جڤاتا نوونه‌ران پێشكێش كرى، هنده‌ك ژ په‌رله‌مانتاران دولكێن ئاڤێ تێوه‌ركرن، ئه‌وى ژى داخواز ژ فه‌رماندێ ئه‌وێ هێزا پێشمه‌رگه‌ى كر كو ب هێزێ په‌رله‌مانتارێن نه‌رازى دووربێخيت، به‌لێ فه‌رمانده‌يێ وان ئه‌و ره‌تكر، چونكو وه‌سان دديت كو په‌رله‌مانتاران پارێزبه‌نديا قانوونى هه‌يه و نه‌شێت وى كارى بكه‌ت”.
ته‌كست ل سه‌ر وێ چه‌ندێ ژى كر كو رۆژا شه‌مبى 30ى نيسانا 2016ێ فه‌رماندێ وێ ليوايێ نه‌هێلا ژيانا په‌رله‌مانتارێن كورد بكه‌ڤيته د مه‌ترسيێ دا و سڤكاتى پێ بهێته كرن، “ژ به‌ر هندێ ئه‌ڤرۆ عه‌بادى بڕيارا ده‌ركرنا وان دا”.
ئه‌ڤ ئه‌ندامێ لژنا ئه‌منى ل جڤاتا نوونه‌رێن عيراقێ دا زانين ژى كو ئه‌ڤ بڕياره بێ ئاگه‌هيا سه‌رۆكاتيا جڤاتا نوونه‌ران و لژنا ئه‌منى يا جڤاتا نوونه‌ران هاتيه ده‌ركرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 5ى ئه‌يارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1292 |
| 1 يۆرۆيێ ئه‌ورۆپى | 1470 |
| 1 ليرێ توركى | 455 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
ھەکە تو ھزرا خوە بکەی، ل رۆژا بێھنڤەدانا خوە کومپیۆتەرێ خوە ل گەل خوە ببەیە سەیران و گەریانان، پیچەک ھزرا خوە بکە، دبیت ئەو شاشیەکا مەزن بیت و دێ پتر فشارێ ئێخیە سەر ژیانا خوە. شارەزایان ھۆشداری ل سەر مەترسیا مژوولبوونا ب کاری ڤە و مانا ل سەر ھەڤبەندیان ل سەر تۆرێن جڤاکی ل دەمێ بێھنڤەدانێ. شارەزایان پێشنیاز کریە، دەستووریەکێ وەرگری دا خوە ژ “ژەھرا ئامیرێن ئەلکترۆنی” قورتال بکەی. ئەڤ ھزرە بەربەلاڤ بوو و نوکە ھندەک کۆمپانیێن گەشتوگوزارێ ھندەک جۆرێن سەیرانان بەرھەڤ دکەن دا فەرمانبەر و خوادن کار دەمەکێ درێژتر ببۆرینن بێی ئنترنێت.
دێ جیھانێ ب ئاوایەکێ جودا بینی: مژوولبوونا ب ئامیرێن ئەلکترۆنی و شاشێن دیجیتال ڤە، ناھێلین تو خۆشیێ ژ گەلەک دیمەنێن خوەزایی ببینی ل دەمێ گەریان و سەیرانان. مێشکێ تە بێھنا خوە ڤەنادەت، لەورا یا باشی ئەوە خوە ژ ڤان ئامیران دوور بکەی و بێھنا مێشکێ خوە ڤەدەی.
ئاڤاکرنا ھەڤبەندیێن کەسوکی ب ئاوایەکێ باشتر: ئەم یێن کەتینە دەمەکی، یا مە بەری بێھنەکێ گۆتی ئەم ژبیر دکەین، ئەگەر مژوولبوونا ب ئامیرێن ئەلکترۆنی و ھنارتنا نامان یێن ھەموو سحبەتان دبڕن و دبنە ئەگەرێ بەرزەبوونا ھزرێ و ھەتا برێڤەچوونێ ژی.
دێ تەنا و ئارام بی: دەمێ تو بەرسڤا تەلەفۆنێن گرێدایی کاری ددەی، تو تۆرە و ھەستیار دبی. بەلێ دەمێ تو دەست ژ ھزرکرنێ بەرددەی ل ھندەک جھان د گەل ھندەک مرۆڤان، دێ بینی تو پتر یێ تەنا و ئارامی.
ئه‌ڤرۆ نيوز، فاتما مزوورى:
سينه‌ماكارێ كورد به‌همه‌ن قوبادى كو نوكه د ئێك ده‌م دا فلمێن وى ل 13 ولاتان دهێنه نمايشكرن، مژوولى به‌رهه‌مئينانا فلمه‌كێ سينه‌ماى يه ل ئه‌مريكا و يێ د قووناغا وێنه‌گرتنێ دا و به‌رهه‌مێ ئێك ژ مه‌زنترين كۆمپانيێن هۆليۆدێ يه.
قوبادى كو نوكه ب سه‌ره‌دانه‌كێ ل هه‌رێما كوردستانێ يه بۆ رووداو گۆت: “ئه‌ڤ فلمه به‌رهه‌مێ ئێك ژ مه‌زنترين كۆمپانيێن هۆليۆدێ يه، به‌لێ هه‌تا نوكه گرێبه‌ست نه‌هاتيه ئيمزا كرن، ژ به‌ر هندێ من نه‌ڤێت ناڤێ وێ بێژم”.
قوبادى گۆتژى: “كۆمپانيه‌كا مسرى داخواز ژێ كريه كو فلمه‌كى ل سه‌ر كه‌ساتيه‌كا ئيسلامى يا سه‌رده‌مێ پێغه‌مبه‌رى دروست بكه‌م، به‌لێ هێشتا من بڕيار ل سه‌ر وى كارى نه‌دايه”.
ئه‌ڤرۆ نيوز:
ئه‌ڤرۆ ل پيرمام سه‌ركرداتيا پارتى ديموكراتى كوردستان بۆ دانوستاندنێ ل سه‌ر پرۆژێ سه‌رۆك بارزانى ل دۆر چاكسازيان و ره‌وشا عيراقێ و كوردستانێ كۆمبوو.
ب گۆره‌ى پێزانينێن پێشتر ئه‌ڤرۆ نيوز به‌لاڤكرين، ئه‌ڤرۆ رۆژا پێنجشه‌مبى رێكه‌فتى 5ى ئه‌يارا 2016ێ ل پيرمام، كۆمبوونا سه‌ركرداتيا پارتى ب رێڤه چوو و مه‌ره‌م پێ هه‌لسه‌نگاندنه بۆ قووناغا چاكسازيان يا بارزانى ل 10ى شوباتا 2016ێ دا راگه‌هاندى.
ئه‌ڤرۆ نيوز، مەحمود نھێلی:
د ھەیاما 24 دەمژمێرێن بوری دا رێژەیەکا باش یا بارانێ ل دەڤەرێ باریە و ئاستێ بارینا بارانێن ئەڤ سالە ل ھند ناحیێن قەزا ئامێدیێ گەھشتیە نێزیکی 1400 ملیمان کو پار ڤی دەمی ئەڤ رێژەیە تومار نەکربوویە و ئاستێ رووبارێ زێ ل دێرەلۆکێ ژی بلند بوویە.
ھاشم یەحیا بەرپرسێ پشکا کەشناسیێ ل ئامێدیێ بۆ ئەڤرۆ دیارکر، کو رێژا بارینا باران د 24 دەمژمێرێن بوری دا ل ئامێدیێ 5 ملیمێن بارانێ و سەرجەم دبیتە 1030 ملیم و گۆت: ( ل ناحیا سەرسەنکی بلندترین رێژە ب خوە گرتیە و ھەیاما 24 دەمژمێرێن بوری دا 5 ملیم باران باریە و سەرجەمێ ئەڤ سالە دبیتە 1373 ملیم و کێمترین رێژە ژی ل بامەرنێ بوویە کو سەرجەمێ ئەڤ سالە ھەموویێ بتنێ 988 ملیمێن بارانێ).
ناڤبری ئاشکرا ژی کر کو ل دێرەلۆکێ 7 ملیم و سەرجەم دبیتە 1065 ملیم باران و ل چەمانکێ 7 ملیم باران باریە و سەرجەم دبیتە 1335 ملیم و کانی ماسێ ژی 7 ملیم و سەرجەم دبیتە 1142 ملیم
و ھەروەسا ھوبا چاندنا دێرەلۆک ئاشکرا کر کو ئەڤ باران بارینێن ڤان دوو رۆژێن بوری بوویە ئەگەرێ بلند بوونا ئاستێ رووبارێ زێ پتر ژ دوو میتران.
نيشاندان
