ئەڤرۆ نیوز، زنار تۆڤی:
ئەڤرۆ رۆژا پێنجشەمبی 5 گۆلانا 2016 جارەکادی تۆپخانەیا سۆپایێ تورکی ب مەرەما ھەبوونا چەکدارێن پەکەکێ پتر ژ 40 تۆپان ل نێزیکی گوندێن دێشێشێ و سەرەر و ئۆرە و دەرارێ و کورەشینی دان ل دەڤەرا بەرواری بالا و بۆ ماوێ پتر ژ دەمژمێرەکێ تۆپخانەیا سۆپایێ تورکی ئەو دەڤەرە بوردۆمانکرن و نوکەژی تۆپباران یا بەردەوامە،لێ ڤێ جارێ دەنگەکێ مەزن ژ وان تۆپان دھات.
ئه‌ڤرۆ نيوز، فاتما مزوورى:
ڤه‌كۆلينه‌كا نوو گه‌هشتنه وى ئه‌نجامى كو كێمكرنا كالۆرى د رێيا ب رووژيبوونێ دا، ب ره‌نگه‌كێ دژوار، بۆ ماوێ دو سالان، مه‌زاجى باش دكه‌ت و كوالێتيا ژيانێ و مرۆڤێ و نڤستنێ و سكسكرنێ باشتر لێ دكه‌ت.
مه‌ره‌م ژ رووژووگرتنێ د ڤێ ڤه‌كۆلينێ دا ئه‌وه خوارنێ نه‌خون ب ره‌نگه‌كێ زێده، پشكداربوويێن ڤێ ڤه‌كۆلينێ د رێژاهيا ماوێ دو سالان كلورى ب رێژا 25% كێمكرن.
ماڵپه‌ڕێ سایه‌نس ده‌یلی رۆژا دوشه‌مبيا بۆرى به‌لاڤكر كو ئه‌ڤ ڤه‌كۆلينه ژ لايێ تيمه‌كێ ب سه‌رۆكاتيا كورى كه‌ى مارتن ل سه‌نته‌رێ پێنينگۆن يێ نوشدارى ل لويزيانا يا وه‌لاتێ ئه‌مريكا هاتيه ئه‌نجام دان و ل گۆڤارا جاما بۆ نوشداريا هناڤان هاتيه به‌لاڤكرن.
ڤه‌كۆلين ل سه‌ر 220 ژن و زه‌لامێن پێگه‌هشتى هاتيه ئه‌نجام دان كو كێشا وان يا ساخله‌م بوويه و د قه‌له‌و نه‌بوون، بۆ زانايان ده‌ركه‌فتيه كو ئه‌و كه‌سێن ب رووژى، د سه‌ر مفاوه‌رگرتنا له‌شى و سكسى، نێزيكى 10% كێشا وان ژى هاتيه خوار و كو دكه‌ته نێزيكى 7 كيلۆ و نيڤان بۆ هه‌ر كه‌سه‌كى ژ وان.
ئه‌ڤرۆ نيوز:
ژێده‌ره‌كى ژ فه‌رمانده‌يا ئۆپه‌راسيۆنێن ئه‌نبار راگه‌هاند، ئه‌ڤرۆ رۆژا پێنجشه‌مبى فه‌رماندێ فه‌وجا ئێك يا ليوا 30 يا سۆپايێ عيراقێ د بۆردۆمانه‌كا چه‌كدارێن داعش دا ل فه‌لۆجه هاته كوشتن.
ئه‌وى ژێده‌رى بۆ سومه‌ريه نيوز گۆت: “ئه‌ڤرۆ چه‌كدارێن رێكخراوا تيرۆرستى يا داعش ب هاونان ئه‌و هێزێن ئه‌منى بۆردۆمان كرن ئه‌وێن ل ده‌ڤه‌رێن عامريه و فه‌لۆجه و خالا ئێكبرينێ يا سه‌لام به‌ر ب قه‌زا فه‌لۆجه پێشره‌وى يا كرى”.
ئاماژه بو ێ چه‌ندێ ژى كريه كو ژ ئه‌گه‌رێ وێ بۆردۆمانێ فه‌رماندێ فه‌وجا ئێك يا ليوا 30 يا هێزێن سۆپايێ عيراقێ هاتيه كوشتن.
هه‌ڤده‌م ليوا روكن ئيسماعيل ئه‌لمه‌حلاوى فه‌رماندێ ئۆپه‌راسيۆنێن ئه‌نبار راگه‌هاند كو ئه‌ڤرۆ پێنجشه‌مبى رێكه‌فتى 5ى ئه‌يارا 2016ێ هێزێن سۆپاى هه‌وا سيێ يا پرۆسا رزگاركرنا ده‌ڤه‌رێن باشوورێ فه‌لۆجه يا ده‌سپێكرى.
ئەڤرۆ نیوز:
ئەنجومەنێ پارێزگەھا دھۆکێ کۆمبوونا خو یا(72) دوھی 4/5/2016 کر، کو ژ دو پشکا پێک ھاتبوو، یا ئێکێ رێڤەبەرێ رێکخستنا ئاھێن خوارنێ، رێڤەبەرێ گشتی یێ ئاھێن خوارنێ، رێڤەبەرێ کۆمپانیا گشتی یا دان و دکاکا، رێڤەبەرێ کۆمپانیا گشتی یا بازرگانی یا دانەوێلا و رێڤەبەریا کۆچ و کۆچبەران مێڤان کرن و گەنگەشە ل سەر ئاریشێن پلێتا ئاھێن خوارنێ کر، د پشکا دویێ دا راپۆرتێن لیژنێن دووڤچوونا ناحیەکرنا گوندێن ئاسھێ و خەلانێ و کۆمەلگەھا خانکێ ھاتنە خواندن و گوندێ ئاسھێ و کۆمەلگەھا خانکێ ھاتنە پەسەندکرن کو ببنە ناحیە.
ژ بۆ بەرژەوەندیا گشتی و راوستیان ل سەر ئاریشێن گرێدای ب (پلێتێن ئاھێن خوارنێ ڤە) ئەنجومەنی گەنگەشە و دانوستاندن ل گەل رێڤبەرێن دیارکری کر و رێڤەبەرێن مێڤان و ئەندامێن ئەنجومەنی ب درێژی بەحسێ ئاریشێن پلێت و ئاھێن خوارنێ و ئاواران ھاتەکرن.
د پشکا دویێ دا لیژنێن دەستنیشانکری کو دووڤچوونا پرسا ناحیەکرنا خەلانێ و ئاسھێ و خانکێ بکەن راپۆرتێن خوە خواندن، ب ئاوایەکی ھشیار فەریق ئەندامێ ئەنجومەنی راپۆرتا ناحیەکرنا کۆمەلگەھا خانکێ خواند و دیار کر کو ریە سپی و ماقویل و رەوشەنبیرێن خانکێ، ئانکو ھەمی تەخێن کۆمەلگەھێ درازینە و دخوازن کو کۆمەلگەھا خانکێ ببیتە ناحیە.
ژ ئالیێ خوەڤە سەرۆکێ ئەنجومەنێ پارێزگەھا دھۆکێ پەسنا بێریڤان شەمۆ جێگرا سەرۆکێ ئەنجومەنی کر کو بزاڤێن زۆر بۆ ناحیەکرنا خانکێ کریە و پاشی ئێخستە دەنگدانێ و ب تێکرایی یا دەنگێن ئەندامێن بەرھەڤبووی ھاتە پەسەندکرن کو خانکێ ببیتە ناحیە.
بێریڤان سەلیم شەمو جێگرا سەرۆکێ ئەنجومەنێ پارێزگەھا دھۆکێ بۆ رۆژناما ئەڤرۆ دیار کر کو جڤاتا باژێرڤانیا خانکێ ب رەسمی داخواز ژ ئەنجومەنێ پارێزگەھێ کریە کو خانکێ ببیتە ناحیە و گۆت “من ل سالا بۆری (2015) داخوازیەک پێشکێشی سەرۆکێ ئەنجومەنی کر کو لیژنەکێ بۆ دووڤچوونا کۆمەلگەھا خانکێ پێک بینیت ژ بۆ بریاردانا ناحیەکرنا خانکێ، سەرۆکێ ئەنجومەنی ژی ژ ئالیێ خوە ڤە رازی بوو کو لیژنا خزمەتگوزاریان ب وی ئەرکی رابیت”.
پاشی سەباح بابیری ئەندامێ ئەنجومەنی راپۆرتا ناحیەکرنا گوندێ ئاسھێ خانکێ خواند و ئەنجومەنێ پارێزگەھا دھۆکێ ب تێکرایی یا دەنگێن ئەندامێن بەرھەڤبووی ئەو ژی پەسەند کر کو ببیتە ناحیە.
دەربارەی ناحیەکرنا گوندێ خەلانێ ھندەک پێشھات ھاتنە پێش کو جار پتریا خەلکێ گوندی دگەل ناحیەبوونێ نە و جار دژی ناحیەبوونێ نە، لەورا ئەنجومەنی ب تێکرایی یا دەنگان پەسەندا خوە ل دۆر دووڤچوونا پرسا ناحیەبوونێ ھەلوەشاند.
ھەژی گۆتنێ یە کۆمەلگەھا خانکێ 21 گوندان ب خوەڤە دگریت و ژمارا ئاکنجیێن وێ 24 ھزار کەسن و 5% موسلمانن و رێژا دی ئێزدینە و سێ ھۆلێن بیرەوەریان و سەنتەرێ رەوشەنبیری و تایەکێ بنگەھێ لالش و 11 قوتابخانە لێ ھەنە و جڤاتا باژێرڤانیێ ژی ھەیە، رۆبەرێ وێ 33 ھزار 600 دونەمێن عەردینە، 11 کم دوورە ژ قەزا سێمێلێ دکەڤیتە باشوورێ سێمێلێ. ھەروەسا پرۆژێ ئاڤا چەمبەرەکاتی ژ رووبارێ دیجلە بۆ کۆمەلگەھا خانکێ دھێت.
ئه‌ڤرۆ نيوز:
سه‌ركرداتيا پارتى ديموكراتى كوردستان ئڤرۆ رۆژا پێنجشه‌مبى دێ كۆمبوونه‌كا گرنگ ب ئاماده‌بوونا مه‌سعود بارزانى سه‌رۆكێ وێ حزبێ ئه‌نجام ده‌ت و پرۆسا چاكسازيان و ژماره‌كا گورانكاريان ژى ئێخيته به‌ر دانوستاندنێ.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 6ى ئه‌يارا 2016ێ ئه‌سمان دێ ژ ئه‌وره‌كێ ناڤجى بۆ ئه‌ورێ ته‌مام هێت گوهۆڕين ئه‌گه‌رێ بارانه‌كا كێم ل هنده‌ك ده‌ڤه‌را هه‌يه.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا كارتێكرنا فشارێن نزمێن كه‌نداڤێ عه‌ره‌بى بۆ سه‌ر هه‌رێما كوردستانێ دهێته پێشبينيكرن ئه‌سمان ژ ئه‌وره‌كێ ناڤجى بۆ ئه‌ورێ ته‌مام هێت گوهۆڕين و باران ل ده‌مێن جودا ل جهێن جودا دێ باريت ب تايبه‌ت ل ده‌مێن ئێڤارى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (16 بۆ 24) پلان دا بيت.
ئەڤرۆ نسری:
بریکارێ بەرێ یێ وەزارەتا دارایی یا حوکمەتا ھەرێما کوردستانێ راگەھاند کو چو سکالا دژی وی نەھاتینە تۆمار کرن.
رەشید تاھر بۆ رۆژناما ئەڤرۆ ئاشکرا کر کو سکالا ل سەر وەزارەتا دارایی یێ ھاتیە تۆمارکرن نە ل سەر ناڤێ رەشید تاھر و سەرا پرۆژەکێ وەزارەتێ یە یێ سالا 2012 یێ دەرگەھێ گۆمرکا حاجی عومران.
ئه‌ڤرۆ نيوز:
د روودانه‌كا ترفيكى دا ل سه‌ر رێيا سه‌ره‌كى يا پێشابوور بۆ گرشين ل نێزيك گۆندێ باجێدكه‌ندالا دو ترۆمبێلان لێكدا.
د ڤێ روودانا ئێڤاريا دوهى رۆژا چارشه‌مبى رێكه‌فتى 4ى ئه‌يارا 2016ێ دا، ئه‌و د ناڤبه‌را دو ترۆمبێلێن ژ جۆرێ ترێل داف و بى ئێم ده‌بليۆ تايبه‌ت دا رووداى، ب مخابنى ڤه دو كه‌سان گيانێ خوه ژ ده‌ست دا.
ئەڤرۆ نیوز،زنار تۆڤی:
بریارە ئەڤرۆ ل ئێڤاریا رۆژا پێنجشەمبی 5 ئەیارا 2016 فراکسیۆنێن کورستانی ل پەرلەمانێ عێراقێ ل سلێمانیێ کۆمبن و ئەڤ کومبۆنا فراکسیۆنێن کوردستانی بۆ ھندێ کا دێ چاوان جارەکادی ڤەگەرنە بەغدا و بەشداری د کۆمبوونێن پەرلەمانێ عێراقێ دا کەن.
ھەروەسا مەرەما وان ژڤێ کۆمبوونێ ئەوە کو ل کۆمبوونێن داھاتی یێن فراکسیۆنێن کوردستانی مەکتەبێن سیاسی یێن پارتێن کوردستانی بەشداری کۆمبوونێن وان بن،ژپێخەمەت رێکخستنا ناڤمالیا کوردی ل بەغدا و ئێک ھەلویستیا کوردان بەرامبەر پارت و لایەنێن عەرەبی.
دیسان داخوازیا فراکسیۆنێن کوردستانی ل پەرلەمانێ کوردستانێ ئەوە کو ئێدی لایەنێن سیاسی ل کوردستانێ ژی نێزیکی ئێک بن و ھەمی ئێک ھەلویست بن،ژ پێخەمەت بەرژەوەندیا کوردستانێ.
ئه‌ڤرۆ نيوز، رۆندك زه‌كى:
ئەڤرۆ ب نوونەراتیا سەرۆک بارزانی دێ (فیستڤالا نێڤدەولەتی یا زمان و کەلتور) ل ھەولێرێ ب رێڤە چیت، مەرەم ژ ئەڤێ فیستفالێ ژی ئەوە کو خواستنەکا برایەتی و ئاشتی ژ لاوان بۆ ھەموو جیھانێ، پێشکێش بکەن ب رێیا میوزیکێ .
IFLC کو رێکخراوەیەکا نا حکوومی کەلتوریە گەنجان ژ ھەموو جیھانێ دئینن کو ستران و میوزیکا وەلاتێ خوە بێژن ھەر گەنجەک نینەراتیا وەلاتێ خوە دکەت ، د 14 دەھەمین فیستڤالا رێکخراوا IFLC دا زێدەتر ژ 30 وەلاتێن جیاواز دێ ھێتە گێران، قوتابێن پشکدارژی یێت زێدەتر ژ 150 وەلاتانە و ھەر یەک ب ئەدایا وەلاتێ خوە کارێن ھونەری و شانویا دێ پێشکێش کەن .
ئەڤرۆ ژی ژ ئەفریقیا ھەتا رۆژھەلاتا ئەوروپا ھەتا دگەھیتە رۆژھەلاتا نافین و ئەمریکا ھەموو ب پێکڤە دگەھنە ھەولێرا پایتەختێ کوردستانێ.
دھێتە زانین کو IFLC ئێکە ژ مازترین رێکخراوێن نە حکوومی ل سەرانسەری جیھانێ
نيشاندان