ئه‌ڤرۆ نيوز:
عه‌ميد سه‌رحه‌د قادر، رێڤه‌به‌رێ پۆليسێن قه‌زا و ناحيێن كه‌ركووك بۆ رووداو گۆت: “ده‌مژمێر 02:40 ده‌قيقه ژ شه‌ڤا بۆرى دو بيرێن په‌ترۆلا كه‌ركووك يێن خه‌بازه ل گوندێ كه‌تاحيه په‌قين.
هه‌ڤده‌م ژێده‌ره‌كى ژ پۆليسێن كۆمپانيا په‌ترۆلا باكوور بۆ رووداو گۆت: “بيرێن په‌ترلێ يێن خه‌بازه مينرێژكربوون، ئاماژه ب وێ چه‌ندێ كر كو دو بير په‌قاندينه و دو ژى ل هه‌مان جهـ د مينرێژكرى نه”.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 5ى ئه‌يارا 2016ێ ئه‌سمان دێ ژ ئه‌وره‌كێ ناڤجى بۆ ئه‌ورێ ته‌مام هێت گوهۆڕين ئه‌گه‌رێ بارانه‌كا كێم ل هنده‌ك ده‌ڤه‌را هه‌يه.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا كارتێكرنا فشارێن نزمێن كه‌نداڤێ عه‌ره‌بى بۆ سه‌ر هه‌رێما كوردستانێ دهێته پێشبينيكرن ئه‌سمان ژ ئه‌وره‌كێ ناڤجى بۆ ئه‌ورێ ته‌مام هێت گوهۆڕين و باران ل ده‌مێن جودا ل جهێن جودا دێ باريت ب تايبه‌ت ل ده‌مێن ئێڤارى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 8 بۆ 9كم بيت، پلێن گه‌رمێ ژى دێ د ناڤبه‌را (20 بۆ 27) پلان دا بيت.
ئەڤرۆ نیوز:
چەند رۆژەک یێن ماین ودێ رێکەڤتناما سایکس – بیکۆ ب دووماھی ھێت ب ڤێ یەکێ ژی دێ گوھۆڕین ب سەر نەخشێ رۆژھەلاتا ناڤین دا ھێن، ئەڤ گوھۆڕینە ژی دێ دبەرژەوەندا ھەرێما کوردستانێ دابن کو بگەھیتە ئارمانجێن خوە، پەرلەمانتارەک ژی دبێژیت یا فەرە ئێکمالیا کوردی بھێتە رێکخستن و مە گۆتارەکا سیاسی یا ئێکگرتی ھەبیت داکو ب عەقلانە بشێین سەردەریێ ل گەل ڤان بارودۆخان بکەین .
ئامینا زکری جێگرا فراکسیونا پارتی دیموکراتی کوردستان ل پەرلەمانێ کوردستانێ سەبارەت ئێکمالیا کوردی دڤێ قۆناغێدا دبێژیت کوململانێ یا سیاسی د ناڤبەرا ھەموو لایەنێن سیاسی تشتەکێ سروشتیە, بەلێ ئەو ململانێ یا سیاسی ھەتا وی رادەی دێ یاساخلەم بیت کو کارتێکرنا نێگەتیڤ ل سەر لایەنێ نیشتیمانی و نەتەوی نەکەت و بۆ رۆژناما ئەڤرۆ گۆت” نوکە ھەرێما کوردستانێ یا د ھندەک قۆناغێن ھەستیاردا دەرباز دبیت مینا شەڕێ داعشێ و نەبوونا بودجەی وشەڕێ سیاسی ل گەل عێراقێ وچەند رۆژێن ماین دێ رێکەڤتناما سایکس – بیکۆ ب دووماھی ھێت، لەوما یا گرنگە کورد ب عەقلانە و ژێرانە سەردەریێ ل گەل ڤێ قوناغێ بکەن ودەستێن خوە بکەن دناڤ ھەڤ دا و خودان گوتارەکا سیاسی بن و ئێکمالیا کوردی بھێتە رێکخستن داکو ب ھێز ببن ل ھەمبەر ھەر رودان وکارەساتەکا ب سەر ھەرێمێ دا دھێت”.
ئامینا زکری گۆت ژی” رێبازا پارتی پێکڤەژیان و دەولەت وئارامی و سەربخوەیێ یە وپارتی ل سەر ڤان پرەنسیبان یا ھاتیە دامەزراندن، ژبەر ھندێ بەردەوام خەبات بو ھندێ یا کری ودەرگەھێ دانوستاندنێ بۆ ھەموو لایەنان یێ ڤەکریە وپێنگاڤ ژی بۆ ھندێ ھاڤیتینە ب شێوەیەکێ پراکتیکی, ئەڤرۆکە ئەڤ قۆناغا ھەرێما کوردستانێ تێپەراندی پێکڤەژیان و فرە لایەنی دناڤ ھەرێمێ دا پەیدابوو، ئەڤ خوش گوزەرانیا رەوشا ژیانا خەلکێ ھەرێما کوردستانێ دیاردکەت کو پارتی خەبات یا بۆکری و ئەو قۆناغا نھا ھەرێما کوردستانێ گەھشتیێ دەستکەڤتێن پارتی وئێکەتیێ بوون ھەرێم گەھشتیە ڤێ قۆناغێ” .
ئامینایێ دیارکرکو پارتی ب سەرۆکاتیا بارزانی بەردەوام ھەولێن داین ئێکمالیا کوردی رێک بێخیت وگۆت” پارتی دشکەستنا و سەرکەڤتناندا یا دیارکری کو ھێزەکە یا بەرگریێ ژمللەتی دکەت و ژشکەستناندا ژی پشتا مللەتی بەرنادەت، پێشمەرگەی ژی سەلماند کو ھێزەکا نیشتیمانیە وئەو ناکوکیێن سیاسی ل ھەرێمێ کارتێکرنێ ل ئیرادا پێشمەرگەی ناکەت کو ئەڤە ژی سیاسەتا حەکیما نە یا بارزانی بوو، ژلایەکێ دی پارتی ب ھەم و تەخ و بەرپرس و ئەندام و کارگێرو سەروکایەتی ڤە دقۆناغێن نەخوەش دا پشتا خوە نەدا مللەتی ب خوە بەخشانە بەرگری ل شەرەفا مللەتێ کورد کر و کو ھەتا نوکە ژی یێ دسەنگەران دا ب خوەبەخشانە، چونکی خوە بەرپرس دبینیت ژبەر ھندێ ئارمانجا مە ئەوە ئێکمالیا کوردی بھێتە رێکخستن و مە گۆتارەکا سیاسی یا ئێکگرتی ھەبیت وچەندین قوربانی داینە بۆ ھندێ خوەش گوزەرانی و ئارامیێ بۆ مللەتی پەیدا بکەن و مللەتی بگەھینە وان ھیڤی و ئومێدان” .
ل دۆر وێ پرسێ کو چەند رۆژەک یێن ماین رێکەفتناما سایکس – بیکۆ ب دووماھی ھێت گەلو چ یا پێدڤیە بھێتە کرن، گۆت” دڤێت لایەنێن مە بزانن کو ھەڤڕکی و ململانێ یا حیزبی تشتەکێ بەروەختە ونامینیت، بەلێ ھندەک پرۆسە و پرۆژە یان ھندەک کاودانێن دیرۆکی یێن ھەین کو دوبارە نابنەڤە ھندەک جاران دبنە خالەکا ب سەر مللەتی ڤە, سایکس – بیکۆ یا دچیتن نەخشێ رۆژھەلاتا ناڤین یێ دگوھۆڕینێ دا وئایندەکێ گەش یێ دبەر ھەرێمێ دا و ئەڤە ژی ب ئێک گۆتاری و ئێکگرتنێ دێ پرسێن نەتەوی دێ ب دەسڤەھێن وئەم دشێین کوردستانێ بەرەڤ کنارەکێ ئارامیێ ببەین و کوردستان وەکی گەشتیەکێ یە ئەم ھەموویێ تێدا ھەکە بەرەڤ کنارەکێ ئارامیێ ببەین و ئەم ھەموو دێ دەرباز بین ھەکە نقوم بین ژی، ئەم ھەموو دێ نقوم بین، لەوما پێدڤیە دیالوک د ناڤبەرا ھەموو لایەنان دا ھەبیت وھەڤڕکیا سیاسی نەمینیت ب ساویلکانە سیاسەتێ نەکەن، بەلکو ب ژێرانە و ب عەقلانە بھێنە سەر مێزا دانوستاندنێ داکو ھەموو پرس بھێنە چارەکرن” .
ئه‌ڤرۆ نیوز:
سه‌رۆكێ زانكۆیا سه‌لاحه‌دین دیار كر كو وى دوسیه‌ك ژ په‌رله‌مانتاره‌كێ گۆڕان بریه، كو دادگه‌ها به‌رایی یا هه‌ولێرێ بڕیار دا شێركۆ حه‌مه ئه‌مین په‌رله‌مانتارێ فراكسیۆنا گۆڕان ب 10 ملیۆن دیناران بهێته سزاكرن.
ئه‌حمه‌د دزه‌یی سه‌رۆكێ زانكۆیا سه‌لاحه‌دین گۆت “د كۆمبوونه‌كا لیژنا خواندنا بلند و ئه‌نجومه‌نێ وه‌زاره‌تا خواندنا بلند و سه‌رۆكێن زانكۆیان، شێركۆ حه‌مه ئه‌مین سڤكاتى ب من كر، له‌ورا من سكالا ل سه‌ر تۆمار كربوو، دادگه‌هێ ژی بریار دا كو ئه‌و ب 10 ملیۆن دیناران من قه‌ره‌بوو بكه‌ت”.
ئه‌حمه‌د دزه‌یی گۆت ژی “من بۆ پاره‌ی سكالا نه كربوو، به‌لكو من ڤیا دادگه‌ه ببیته جهێ ئێكلاكرنا ئاریشان و نوكه تنێ دادگه‌ها ته‌میزی مایه”.
ئه‌ڤرۆ نیوز:
سه‌رۆك وه‌زیرێن هه‌رێما كوردستانێ راگه‌هاند، خێرخوازان 600 قوتابخانه ل هه‌رێما كوردستانێ یێن سه‌خبێركرین و دبێژیت” كێمیا ئاڤاهیان مه‌زنترین ئاریشا كه‌رتێ په‌روه‌ردێ یه.
سه‌رۆك وه‌زیرێن هه‌رێما كوردستانێ راگه‌هاند، پرۆژێ دروستكرنا قوتابخانێ شێوێ خێرخوازى، به‌رى دروستكرنا ئاڤاهیه‌كى بیت، هێمایه‌كێ جوانه بۆ ڤیانا وه‌لاتى و گۆت:(سه‌رێ خوه بۆ وان هه‌موو قه‌هره‌مانان د چه‌مینین یێن كو ژ پێخه‌مه‌ت به‌ڕه‌ڤانیكرنێ ژ مرۆڤاتیێ و پاشى وه‌لات و ئاخا كوردستانێ شه‌هید بووین دچه‌مینم).
نێچیرڤان بارزانى دوهى د رێوره‌سمێن ڤه‌كرنا قوتابخانا (UB HOLDING) یا خێرخوازى دا ل هه‌ولێرێ په‌یڤه‌ك پێشكێشكر و تێدا ئاماژه ب وێ چه‌ندێ ژى كر كو وه‌زاره‌تا په‌روه‌ردێ دێ پلان بۆ پێشڤه‌برنا خواندنا پیشه‌یى ل هه‌رێما كوردستانێ هه‌بیت و گۆت:(مه دڤێن ئه‌ڤ جورێ خواندنێ ره‌واجێ په‌یدا بكه‌ت).
راگه‌هاند ژى كو بۆ قوتابیێن كوردستانێ و وه‌زاره‌تا په‌روه‌ردێ ژى چو خه‌لات و دیارى هندى ڤێ دیاریا (UB HOLDING) ب بها نینن، ئه‌ڤه قوتابخانا ده‌هى یه ئه‌ڤ جوامێره ل سه‌ر كیستێ خوه دروست دكه‌ن و ل س مێل، به‌رده‌ره‌ش، سلێمانى، ئامێدى، باتوفا، هه‌له‌بجه، زاخۆ قوتابخانێن 6 و 9 و 12 و 18 پۆلى دروستكرین.
ئه‌ڤرۆنیوز، هه‌رهین محه‌مه‌د:
ل ژێرچاڤدێریا د.پشتوان سادق وه‌زیرێ ئه‌وقافێ و فه‌رهاد ئه‌مین پارێزگه‌رێ دهۆك و رێڤه‌به‌ریا ئه‌وقافا قه‌زا دهۆك و ب هه‌ڤكارى دگه‌ل ئێكه‌تیا زانایێن ئاینێ ئیسلامێ لقێ بیره‌وه‌ریا (الاسرا ْ و المعراج) هاته ساخكرن هه‌روه‌سان مزگه‌فتا (الخدیجه الكبرا) ل تاخێ زركا هاته ڤه‌كرن.
هه‌ر ب وێ هه‌لكه‌فتنێ د.پشتوان سادق وه‌زیرێ ئه‌وقاف و كاروبارێن ئاینى گۆت: گه‌له‌ك یێ كه‌یف خوه‌شم كو ئه‌ڤرۆ دبیره‌وه‌ریا (الاسرا ْ و المعراج) دا ئاماده‌بوویم و ئه‌ڤرۆ رۆژه‌كا گه‌له‌ك یا پیرۆزه دژیانا مرۆڤایه‌تیى َدا دمێژویا ئیسلامێ دا و دڤێ رۆژێ دا په‌یاما ئاشتیێ و پێكڤه ژیانێ بۆ هه‌موو موسلمانان هات و ئومێده‌وارین مفاى وه‌ربگرین ژڤى َرۆژێ بۆ وى َچه‌ندێ بشێین پتر خزمه‌تا ئاینێ ئیسلامێ بكه‌ین گۆت: له‌ورا پێدڤیه ئه‌م هه‌موو دوعا بۆ وان پێشمه‌رگه‌هان بكه‌ین ئه‌وێن دهێنه شه‌هید كرن و خودى َجهێ وان بكه‌ته به‌حه‌شت و ئه‌و پێشمه‌رگێن بریداردبن جاره‌كادى ساخ ببنه ڤه و هه‌ردڤێ بیره‌وه‌ریى پیرۆزباهیه‌كا گه‌رم ل خه‌لكێ پارێزگه‌ها دهۆكێ دكه‌م بۆ ڤه‌كرنا مزگه‌فتا |(الخدیجه الكبرا)
فه‌رهات ئه‌مین پارێزگه‌رێ دهۆكێ داخوه‌یاكرن كو ب ناڤێ كارگێریا پارێزگه‌ها دهۆكێ و ب ناڤێ حكومه‌تا هه‌رێما كوردستانێ سوپاسیه كا ژدل ل ماموستایێن ئاینى ل سنورێ پارێزگه‌ها دهۆكێ دكه‌م كو وان روله‌كێ مه‌زن هه‌بوویه ژبۆ هزرو بیرێن بیان ره‌و ئیسلاما راسته‌قینه ل سنورێ پارێزگه‌هێ و گه‌له‌ك یا پێدڤیه ته‌كه‌زێ ل سه‌ر ماموستایێن ئاینى رولێ خوه ببین.
گۆت ژى : ئه‌ڤرۆ مه‌ترسى ل سه‌ر مه هه‌موو یان هه‌یه ئێك ئێكه نه‌بتنێ مه‌ترسى ل سه‌ر وان كه‌سان هه‌یه ئه‌وێن دسه‌نگه‌راندا توشى شه‌رى و كوشتنى دبن به‌لكو هه‌ر ئێك ژمه ل بازارى یان قوتابخانێ ئه‌م ره‌نگه تووش ببین كو كه‌سه‌ك خوه ب مه ڤه په‌قینت.
رێڤه‌به‌رێ گشتى یێ ئه‌وقاف و كاروبارێن ئاینى ل پارێزگه‌ها دهۆكێ سه‌میان عه‌بدولخالق گۆت: دڤێت ئه‌م ته‌ماشه بكه‌ین كا چه‌ند ملله‌تێ مه د دورپێچه‌كا ئابورێ دایه، رولێ مه و پێشمه‌رگێن قه‌هره‌مان و ب سه‌روكاتیا سه‌روك مه‌سعود بارزانى خه‌لكێ مه هه‌موو ب كه‌رامه‌ت و ڤى َبیره‌وه‌رى ل ڤى جهێ وه‌سا یێ پیرۆز دگێریت، برایێن مه یێن پێشمه‌رگه ل به‌رسینگێن تیرورستێن داعش راوه‌ستیاینه و به‌رگێریێ ژمه‌دكه‌ن داكو بشێن ڤان جهێن پیروز ڤه‌كه‌ین.
ئه‌ڤرۆ نیوز:
رۆژنامه‌كا ئه‌مریكى به‌لاڤكریه، هه‌كه حه‌یده‌ر عه‌بادى سه‌رۆك وه‌زیرێن عیراقێ نه‌شێت ئه‌و ئالۆزیێن ل عیراقێ هه‌ین چاره بكه‌ت، دڤێت باراك ئۆباما سه‌رۆكێ ئه‌مریكا بریاره‌كا ئێكلاكه‌ر بده‌ت.
رۆژناما واشنتۆن پۆست، د بابه‌ته‌كى دا به‌حسێ ئالۆزیێن ڤێ دووماهیێ یێن عیراقێ دكه‌ت و تێدا هاتیه، حوكمه‌ت ل عیراقێ نه‌مایه و كه‌س خوه ب كه‌سێ ناده‌ت و پێشبینیا جودابوونا هه‌رێمێن عیراقێ هاتیه كرن و بۆچوونێن شاره‌زایان دئنینیت و وه‌سا دبینن گه‌له‌كا ب زه‌حمه‌ت عیراق ب ڤى ره‌نگێ نوكه پێكڤه بمینیت.
محه‌مه‌د خه‌دیرى كو د سالێن 2003 هه‌تا 2009 دا ل گه‌ل بالیۆز و فه‌رماندێن هێزێن ئه‌مریكا ل عیراقێ كار كریه، دبێژیت:(پێدڤیه حوكمه‌تا ئه‌مریكا پتر هزر ل چاره‌سه‌ریا دابه‌شبوونا هه‌رێما بۆ عیراقێ بكه‌ت نه حوكمه‌تا ناڤه‌ندى و داخواز ژى دكه‌ت حوكمه‌تا ئۆباماى ل گه‌ل سه‌ركردێن كورد و سوننه و شیعه جودا دانوستاندنان بكه‌ت و ب بریاره‌كا گه‌له‌كا رژد نه‌بیت ره‌وش چاره نابیت).
ئه‌ڤرۆ نیوز:
ل دووڤ ئامارێن سه‌نته‌رێ میترۆ ل سالا بۆرى پتر ژ 173 پێشێلكاریان ل هه‌مبه‌ر رۆژنامه‌ڤانان یێن هاتینه ئه‌نجامدان.
ره‌حمان غه‌ریب رێكخه‌رێ سه‌نته‌رێ میترۆ د رێوره‌سمێن رێزلێنانا رۆژا جیهانى یا ئازادیا رۆژنامه‌ڤانیێ دا راگه‌هاند، قانوونه‌كا پێشكه‌فتى ل هه‌رێما كوردستانێ یا هه‌ى، لێ وه‌كو پێدڤى سه‌ره‌ده‌رى ل گه‌ل ناهێته كرن.
ژ ئالیێ خوه ڤه، سه‌فین دزه‌یى په‌یڤدارێ حوكمه‌تا هه‌رێمێ راگه‌هاند، كو پێدڤیه دووڤچوونا رژد بۆ چاره‌كرنا گرفتان بهێته كرن و كارێ رۆژنامه‌ڤانیێ ل هه‌رێمێ ل دووڤ قانوونێ سه‌ره‌ده‌رى ل گه‌ل بهێته كرن.
ئه‌ڤرۆ نیوز:
مه‌سرور بارزانى شیره‌تكارێ ئه‌نجومه‌نێ ئاسایشا هه‌رێمێ پێشوازیا عه‌باس ئه‌لمه‌عمورى سه‌رۆكێ كومه‌لا هه‌یڤا سور یا عیراقێ و هاورێ ئیحسان سادق سه‌رۆكێ لقا هه‌ولێر یا هه‌یڤا سورا عیراقێ و موسا ئه‌حمه‌د جێگرێ سه‌رۆكێ ده‌زگه‌هێ خێرخوازیێ بارزانى كر.
هه‌ردو ئالیان به‌حسێ وان به‌رهه‌ڤییان كر كو ل ده‌مێ كونترۆلكرنا مووسل ، دێ شه‌پوله‌كا دى خه‌لكێ مووسل ئاواره بیت و بۆ ڤێ پرسێ بریاره هه‌یڤا سوریا عیراقێ ب هه‌ڤكارى ل گه‌ل ده‌زگه‌هێ خێرخوازیێ بارزانى و دام و ده‌زگه‌هێن حكومى پلانه‌كا پێشوه‌خت هه‌بیت و پێدڤیان دابین بكه‌ن.
نيشاندان