ئه‌ڤرۆ نيوز:
رێكا به‌رده‌ره‌ش – پرا حسێنييه، كو ب رێيا مرنێ دهێته نياسين، برياره سوبه‌هى ل هه‌مبه‌ر هاتن و چوونا شوفێران بهێته ڤه‌كرن.
پشتى چه‌ندين روودان ل سه‌ر ڤێ رێكێ دروست بووى، وه‌لاتيان ناڤ لێنان رێكا مرنێ و پشتى رێڤه‌به‌ريا گشتى يا رێك و پر و ئاڤه‌دانكرنێ و نێشته‌جێكرنێ چاڤدێريا رێكێ كرى و نيشانێن هاتن و چوونێ دانان، برياره سوبه بهێته ڤه‌كرن.
ئه‌ڤرۆ نيوز:
ب گۆره‌ى ڤيديۆيه‌كێ كو شانا راگه‌هاندنێ ژ كه‌نالێ كوردستان تى ڤى به‌لاڤكريه كه‌سه‌ك خوه ب پشتينه‌يا مينرێژكرى د ناڤ پێشمه‌رگه‌ى دا د په‌قينيت.
هه‌ر چه‌نده ب گوره‌ى ئه‌و ده‌نگێ د به‌ر ڤيديۆيێ را دهێت ئاماژێ ب هندێ دده‌ت كو كه‌سه‌ك شه‌هيد بوويه، به‌لێ وه‌كو شانا راگه‌هاندنێ دايه زانين كو چو پێشمه‌رگه د ڤێ روودانێ دا شه‌هيد نه‌بووينه.
The moment when a wounded ISIS terrorist triggers his suicide belt and is blown up without inflicting Peshmerga any casualties.#FreeMosul pic.twitter.com/QDXRlUhfjZ
— Peshmerga News (@PeshmergaNews) October 19, 2016
ئه‌ڤرۆ نيوز:
هشيار زێبارى وه‌زيرێ دارايى يێ به‌رێ يێ عيراقێ و سه‌ركردێ ديارێ پارتى ديموكراتى كوردستان راگه‌هاند كو ئه‌و باوه‌ريا زێده يا د ناڤبه‌را له‌شكرێ عيراقێ و پێشمه‌رگێ كوردستانێ بۆ ئه‌گه‌رێ وێ چه‌ندێ كو ل ده‌سپێكا ئۆپه‌راسيۆنا ئازادكرنا مووسل پێشڤه‌چوونێن مه‌زن ب ده‌ست ب كه‌ڤن.
هێزێن پێشمه‌رگێ كوردستانێ ل ده‌سپێكا ئۆپه‌راسيۆنا رزگاركرنا مووسل ل سنورێ ده‌ڤه‌رێن خازر شيان د ماوه‌كێ گه‌له‌ك كێم 9 گۆندان ژ ده‌ستێ چه‌كدارێن داعش رزگار بكه‌ن و له‌شكرێ عيراقێ ژى هه‌تا نوكه زێده‌ترى 300 كيلۆمه‌ترێن دوجا ژ بن ده‌ستێ داعش ئيناينه ده‌ر ل رۆژئاڤايێ باژێرى.
هشيار زێبارى بۆ رويته‌رز دا زانين ژى كو ئۆپه‌راسيۆنا رزگاركرنا مووسل يا ب ساناهى نينه و گه‌له‌ك پێدڤى هشياريێ و ئه‌گه‌رێ مه‌ترسيێ ژ هه‌ر لايه‌كى ڤه هه‌يه.
زێبارى ته‌كست ل سه‌ر وان پێزانينێن هه‌والگه‌رى يێن ل به‌ر ده‌ستێ خوه كرن و گۆت: “ب گۆره‌ى پێزانينێن هه‌والگه‌رى يێن باوه‌رپێكرى، ئه‌بۆ به‌كر به‌غدادى سه‌رۆكێ چه‌كدارێن داعش و فه‌وزى عه‌لى شاره‌زايێ چێكرنا بۆمبه و ته‌قه‌مه‌نيان هێشتا يێ ل ناڤ مووسل و ده‌رنه‌كه‌فتينه”.
ئه‌ڤرۆ نيوز:
وەزارەتا دارایی و ئابوری یا حکومەتا هەرێما کوردستانێ راگەهاند، پارەیێ گەنمێ جوتیارێن هەرێمێ ئەڤرۆ گەهشتە بەنکێن هەرێمێ و ب زووترین دەم دێ بسەر جوتیاران هێته دابەشکرن كو (٣٠٩) ملیار دیناران و ئەو ژی نیڤا پارەیێ گەنمێ سالا (٢٠١٤ێ و ٢٠١٥)ێ یێ جوتیارێن هەر چار پارێزگەهێن هەولێر، دهۆک، سلێمانی، حەلەبچە یە”.
ئه‌ڤرۆ نيوز:
شڤێدى چه‌ند يارى ژ گه‌را سيێ يا شامپيۆن ليگ هاتنه ئه‌نجام دان و ئه‌نجامێن وان ب ڤى ره‌نگێ ل خوارێ بوون:
سيسكا مۆسكو 1 x مۆناكو 1
بایر لیڤه‌ركوزن 0 x توتنهام هوتسبێر 0
سبۆرتینگ له‌شبونا 1 x بروسیا دورتموند 2
ریال مه‌درید 5 x لیگیا وارسۆ1
لیسته‌ر ستی 1 x كۆبنهايگن 0
كلوب بروج 2 x پورتو 1
لیۆن 0 x یوڤێنتوس 1
دینامۆ زه‌گره‌ب 0 x سیڤیلیا 1
ئەڤرۆ نیوز، نەوزاد زادە ھلۆری:
فەرماندەیێ پولیسێن فیدرال ل عیراقێ دیارکر کو ھەتا نھا 352 کم2 ل باشوورێ موسل ھاتینە پاقژکرن ژ داعش د چارچوڤێ ئوپەراسیوونێن موسل دا کو ئەڤرۆ چویە د روژا سێیێ دا.
فەریق رائید شاکر جەودەت فەرماندەیێ پولیسێن فیدرال ل عیراقێ د بەیاننامەیەکێ دا دیارکر کو پاژکرنا ئەوان 352 کم2 ل دوو روژێن دەستپێکێ دا بووینە و د رۆژا ئێکێ دا پێشمەرگەی رووبەرەکێ بەرفرەە لسەر رێیا سەرەکی یا ھەولێر – موسل کو 200 کم2 بوون کونترولکرینە.
ل گورەی راگەھاندنەکا فەرماندەیێ گشتیێ ھێزێن چەکدارێن ھەرێما کوردستانێ د رۆژا دوویێ دا ژ ئوپەراسیوونێن موسل دا سوپا و ھێزێن ئەمنیێن عیراقێ شیان چەند گوندەکێن دن کونترول بکەن و پێشمەرگەیان چوو پێشرەوی نەکرینە بەلکو پتر ب روولێ پاقژکرنا ئەوان دەڤەران رابوینە بو راکرنا مین و تەقەمەنیان و د رۆژا ئێکێ دا پێشمەرگە و ھێزێن عیراقێ نێزیکێ 20 گوندان کونترول بکەن کو ھەردوو ھێز ل دوو مێحوەران ھێرشێن خوە ئەنجام ددەن و مێحوەرێ ئێکێ کو فرقا 9 یا سوپایێ عیراقێ تێدانە ب ئاراستەیێ ناحیا نەمرد ل باشوورێ رۆژھەلاتێ موسلێ دچیت ، و مێحوەرێ دوویێ ل باشوور کو ھێزێن پولیسێن فیدرال تێدانە بەر ب ئاراستەیێ گوندێ تلول ناسر و کارگەھا گوگردی یا میشراق ل سنورێ ناحیاگەیارە ل باشوورێ موسل ڤە دچن.
حەیدەر عەبادی سەروکوەزیرێن عیراقێ و سەروکێ گشتیێ ھێزێن چەکدارێن عیراقێ ئوپەراسیونێن موسل ب ناڤێ “ئەم ھاتین نەینەوا” بناڤکریە دیارکر کو د ئوپەراسیوونا موسلێ دا سوپا و ھێزێن ئەمنی و پێشمەرگە و حەشدی شەعبی پشکدارن.
لگورەی ئاخفتنێن دەستھەلاتدارێن عیراقێ ب تنێ سوپا و پولیسێن فیدرال دێ چنە دناڤا موسل دا و ھێزێن دن دێ ل دەرڤە مینن و نھا ھێزێن عیراقی و پێشمەرگە نێزیکی َموسل بووینە.
ئه‌ڤرۆ نيوز:
سه‌رۆكێ وه‌لاتێن ئێكگرتى يێن ئه‌مريكا باراك ئۆباماى راگه‌هاند كو ئۆپه‌راسيۆنێن مووسل پێنگاڤه‌كا مه‌زنن.
ئۆباماى د كۆنگره‌كێ رۆژنامه‌ڤانيێ هه‌ڤپشك دا ل گه‌ل سه‌رۆك وه‌زيرێن ئيتاليا مه‌تيۆ رێنزى خۆيا كر كو ئۆپه‌راسيۆنێن مووسل د سه‌ر هندێ را كو د مه‌زنن، د دژوارن ژى، “به‌لێ ل دووماهيێ دێ ب سه‌ر كه‌ڤيت”، پشت راستيا خوه ژى ديار كر كو دێ داعش ل مووسل تێك شكێنن.
ئه‌ڤرۆ نيوز:
ئاوارێن مه‌سيحى يێن باژێركرێ قه‌ره‌قوش كو مه‌زنترين باژێر مه‌سيحيان بوو به‌رى دو سالان ژ لايێ داعش ڤه هاتيه گرتن و خۆجهێن وى باژێرى ئاواره‌ى هه‌رێما كوردستانێ ببوون، رۆژا 18ى چريا ئێكێ 2016 ل هه‌ولێر ياپته‌ختێ هه‌رێما كوردستانێ ب هه‌لكه‌فتا ده‌سپێكرنا ئۆپه‌راسيۆنا كونترۆلكرنا مووسل و رزگاربوونا باژێركێ وان ئاهه‌نگ گێران.
ژێده‌ر AFP
نيشاندان