ئامێدیێ، مه‌حمود نهێلى
ژبه‌ر كێمیا رێژه‌یا قوتابیان و ل دووڤ رێنما و یاسایێن تایبه‌ت ب زانكویێ ڤه‌ ژلایێ جڤاتا زانكویا دهۆك ڤه‌ بریار هاتیه‌ دان ل سه‌ر ڤه‌گوهاستنا كولیژا په‌وره‌دا بنیات یا ئێڤاریان ل ئامێدیێ بۆ دهوكێ و ل سه‌ر ڤێ یه‌كێ ژى قوتابیان نه‌رازى بوونا خوه‌ دیار كریه‌ و دێ خوه‌ نیشاندانان ئه‌نجامده‌ن.
دكتور ئیحسان ته‌وفیق راگرێ كولیژا په‌روه‌ردا بنیات ل ئامێدیێ بۆ ئه‌ڤرۆ نیوز دیاكر، كو ڤه‌كرن و دایخستنا كولیژێ د ده‌ستێ وان دا نینه‌ و گۆت: ( ژ به‌ر رێنمایێن تایبه‌ت و كێمیا قوتابیان كو پێدڤیه‌ ژ 15 قوتابیان كێمتر نه‌بیت بریارا ڤه‌گوهاستن كولیژا په‌ره‌وه‌دا بنیات یا ئێڤاریان ل ئامێدیێ بۆ دهوكێ ژلایێ جڤاتا زانكویێ ڤه‌ ده‌رچوویه‌).
ناڤبرى دیاركر كولیژا په‌وره‌دا بنیاتا ئێڤاریان ل ئامێدیێ ژ چوار به‌شان پێك دهێت و ژ قوناغا ئێك و دوو و ئه‌ڤ هه‌ر چوار به‌شه‌ ب هه‌ردوو قوناغ ڤه‌ دێ هێنه‌ ڤه‌گوهاستن بۆ دهوكێ.
ل دۆر ڤێ یه‌كێ ژى قوتابى د نه‌رازى نه‌ و گه‌فێن خوه‌نیشاندانان دكه‌ن ، ماموستا محه‌مه‌د مشه‌ختى وه‌ك ئێك ژ قوتابیێن ڤێ كولیژێ بۆ ئه‌ڤرۆ نیوز راگه‌هاند كو وان نه‌رازى بوونا خوه‌ دیاركریه‌ ل سه‌ر ڤێ بریارێ و گۆت : ( ئه‌م دوورێن 64 قوتابیانه‌ و ئه‌ڤرۆ مه‌ ل سه‌ر ڤێ یه‌كى خرڤه‌بوونه‌ك ئه‌نجامدایه‌ و تێدا مه‌ په‌یامه‌ك ژى به‌لاڤكریه‌ و هه‌روه‌سا مه‌ ناڤ و ئیمزایێن هه‌موویان كومكرینه‌ و مه‌ ل به‌ره‌ سوبه‌هى به‌رى نیڤرۆ ل هه‌مبه‌ر ده‌رگه‌هێ زانكویا دهوكێ خوه‌ نیشاندانه‌كى ئه‌نجام بده‌ین و دێ تێدا داخازا هه‌لوه‌شاندنا بریارا جڤاتا زانكویێ كه‌ین).

ئه‌ڤرۆ نیوز:
ئه‌مین به‌كر ئه‌ندامێ په‌رله‌مانێ عیراقێ راگه‌هاند ئه‌گه‌ره‌كا زۆر هه‌یه‌ حه‌یده‌ر عه‌بادى گوهۆرینا د هه‌موو وه‌زیرێن كابینا خوه‌دا بكه‌ت و بۆ ڤێ مه‌ره‌مێ ژى شه‌ڤا 20 شوباتێ، فوئاد مه‌عسوم سه‌رۆك كۆمارێ عیراقێ ل گه‌ل سه‌رۆك فراكسیونێن كوردى ل په‌رله‌مانێ عیراقێ كۆم ببوو.
ئه‌حمه‌د حاجى ره‌شید سه‌رۆكێ فراكسیونا كۆمه‌لا ئیسلامى ئاشكرا كر چاوانیا گوهۆرینا وه‌زیرێن كوردان پێدڤى ب دانوستاندنێن نوو هه‌یه‌ و گۆت” ئه‌م قه‌بوول ناكه‌ین ب ناڤێ كه‌سێن ته‌كنوكرات، عه‌بادى چه‌ند كورده‌كێن دى بئینیت و ل جهێ وه‌زیرێن كورد دانیت”.

ئه‌ڤرۆ نيوز:
سه‌رۆكێ ده‌سته‌یا ده‌ستپاكیا هه‌رێما كوردستانێ راگه‌هاند كو وان لژنه‌ك یا پێكئیناى بۆ دووڤچوونا ڤه‌گه‌راندنا پارێن هه‌رێمێ و گۆت” مه‌ داخاز ژ هه‌موو ده‌زگه‌هێن هه‌رێمێ كریه‌ هه‌ڤكاریا مه‌ بكه‌ن”.
ئه‌حمه‌د ئه‌نوه‌ر سه‌رۆكێ سه‌رۆكێ ده‌سته‌یا ده‌ستپاكیا هه‌رێما كوردستانێ ئاماژه‌ ب وێ یه‌كێ دا كو وان حه‌فتیا چوویى لژنه‌یه‌ك یا پێكئیناى و ب فه‌رمى داخواز ژ ده‌زگه‌هێن ئاسایش و هه‌والگیریا هه‌رێمێ كریه‌ بۆ وێ یه‌كێ هه‌ڤكاریا وان بكه‌ن.
نوكه‌ ل گه‌له‌ك میدیایێن كوردى به‌حسێ پرسا هنارتنه‌ ده‌رڤه‌یا پارێ هه‌رێمێ بۆ ولاتێن ده‌رڤه‌ دهێته‌ كرن.