ئه‌ڤرۆ نیوز:
فه‌رهاد ئه‌ترووشى پارێزگه‌رێ دهۆكێ، د نڤیساره‌كێ دا ئاماژه ب وێ یه‌كێ كریه كو ل دووڤ ده‌ستهه‌لاتا ب وان هاتیه دان، رێڤه‌به‌رێن ناحیان لێك گوهارتینه و ب ڤى ره‌نگێ ل خوارێ
رێڤه‌به‌رێن ناحیێن پارێزگه‌ها دهۆكێ هاتنه گوهارتن
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سهرهكى Facebook
پاره ژ عيراقێ گه‌هشت
ئه‌ڤرۆ نيوز:
ئه‌ندامه‌كێ فراكسيۆنا پارتى ديموكراتى كوردستان ل په‌رله‌مانێ كوردستانێ ئاشكه‌را كر كو حوكمه‌تا عيراقێ پارێ گه‌نمێ جۆتيارێن هه‌رێما كوردستانێ هنارت و د ماوێ حه‌فتيه‌كێ دا دێ ب سه‌ر جۆتياران دا هێته به‌لاڤكرن.
رۆژا سێشه‌مبى 18ى چريا ئێكێ 2016ێ زياد حسێن عه‌بدولكه‌ريم ئه‌ندامێ فراكسيۆنا پارتى ديموكراتى كوردستان ل په‌رله‌مانێ كوردستانێ كو هه‌ڤده‌م ئه‌ندامێ لژنا چاندن و ئاڤدێريێ يه ل په‌رله‌مانى، د داخۆيانيه‌كا رۆژنامه‌ڤانى دا ئاشكه‌را كر كو حوكمه‌تا عيراقێ پارێ گه‌نمێ جۆتيارێن هه‌رێما كوردستانێ هنارت.
ئه‌وى ئه‌ندامێ په‌رله‌مانى گۆتژى: “كۆژمێ پاره‌ى 300 مليار ديناره و نيڤا پارێ گه‌نمێ سالا 2014 – 2015يێ جۆتيارێن هه‌رچار پارێزگه‌هێن هه‌رێما كوردستانێ يه”.
زياد حسێن گۆتژى: “وه‌كو لژنا چاندنێ ماوه‌كێ درێژه ب هه‌ماهه‌نگيا ل گه‌ل جڤاتا وه‌زيرێن هه‌رێما كوردستانێ بزاڤێن وێ چه‌ندێ دكه‌ن كو وى پاره‌ى بۆ جۆتياران وه‌رگرن، نوكه ژى پاره وه‌رگرت و د ماوێ حه‌فتيه‌كێ دا دێ ب سه‌ر جۆتياران دا هێته به‌لاڤكرن”.
به‌ره‌ڤانيا عيراقێ: چو هێزێن بيانى پشكدارى شه‌رێ مووسل نابن
ئەڤرۆ نیوز، نەوزاد زادە ھلۆری:
ئاخفتنکەرێ وەزارەتا بەرەڤانیا عیراقێ ل بارا شەرێ موسل رووداو گۆت: (چو ھێزێن بیانی پشکداریێ د شەرێ پیادە ناکەین بو کونترولکرنا موسلێ ، ژبەرکو مە پێدڤی ب چوو ھێزێن بیانی نینە).
عەمید یەحیا رەسول ئاخفتنکەرێ وەزارەتا بەرەڤانیا عیراقێ کو د ھەمان دەم دا ئاخفتنکەرێ ئوپەراسیوونا ھەڤپشکە د چارچوڤێ دەنگ و باسێن رووداوێ دا ل بارا کونترولکرنا موسل گوت: (دکەرتێن ھەڤپشکدا دەست ب پێشرەویان بو ئازادکرنا موسلێ ھاتیەکرن و د دەمژمێرێن دەستپێکی دا ئوپەراسیوونێ دەستکەفتێن مەزن دەستخوڤە ئینایە).
ل بارا پێشرەویێن پێشمەرگەیان ژی ناڤبری گوت: (پێشمەرگەیان ل دەما ئوپەراسیونێ دا رولەکێ قارەمانانە ئەنجامدایە و د ھەمان دەم دا سوپایێ عیراقێ ل فرقا 9 ژی شیان ھژمارەکا گوندان ل مێحوەرێن باشوور و رۆژھەلات رزگار بکەن ھەتاکو گەھشتینە حەمدانیە).
ئاخفتنکەرێ ناڤبری دیارکر ژی کو ھێزێن ھەڤپەیمانان رولەکێ بەرچاڤ ھەبوویە و گوت ژی: (ھەماھەنگیێن باش دناڤبەرا ھێزێن پێشمەرگەی و سوپایێ عیراقێ دا ھەنە و پێشمەرگە ھێزەکە د چارچوڤێ ھێزێن بەرەڤانیکرنا ژ عیراقێ و دژی داعشێ شەرکریە و خوونا خوە رشتی یە و سوپایێ عیراقێ پشتگرێدان ب ھێزێن پێشمەرگەی کریە).
عەمید یەحیا رەسول د درێژاھیا ئاخفتنێن خودا دیارکر ژی کو ئوپەراسیوون یا بەردەوامە و رۆژێن بھێت دێ قوناغا دویێ دەستپێکەت و گۆت ژی: (ئارمانج دەرکرنا داعشێ یە ل ناڤا موسل و ئوپەراسیوون ھەتا داویا کونترولکرنا موسل دێ یا بەردەوام بیت و پێدڤی یە ھێزێن ھەڤپەیمانان ژ رویێ ئەسمانی ڤە د بەردەوام بن ، بەلی َناخوازین کو ھێزێن پیادەیێن بیانی پشکداریێ د ئوپەراسیوونی َدا بکەن و نھا چوو ژ وان ھێزان پشکدار نینن).
رێزبه‌نديا زانكۆيان هاتيه راگه‌هاندن
ئه‌ڤرۆ نيوز:
وه‌زاره‌تا خواندنا بلند و ڤه‌كولينێن زانستى يا حوكمه‌تا هه‌رێما كوردستانێ راگه‌هاند كو رێزبه‌ندى بۆ زانكۆيێن حكومى و ئه‌هلى ل هه‌رێما كوردستانێ هاته ئاشكه‌را كرن.
د. يوسف گۆران، وه‌زيرێ خواندنا بلند و ڤه‌كولينێن زانستى د كۆنفرانسه‌كى دا رێزبه‌نديا زانكۆيان راگه‌هاند و گۆت: “هه‌كه رێزبه‌نديا نشتيمانى نه‌يابه، ئه‌ڤ ئه‌نجامه ده‌رنه‌دكه‌فتن”.
گۆتژى: “ئه‌و زانكۆيێن د ناڤ ئێك گرۆپ دا هاتينه دانان، ئارسته‌يێ وان گه‌له‌ك نێزيكى ئێكه”.
ب گۆره‌ى رێزبه‌نديێ گرۆپێ A چو زانكۆ تێدا نينن هه‌ر وه‌كو سالا بۆرى.
وه‌زاره‌تا خواندنا بلند گۆت: “زانكۆ نه‌شياينه بگه‌هنه ئاستێ جيهانێ ژ به‌ر هندێ ژى د وى گرۆپى دا چو زانكۆيه‌ك نه‌هاتيه دانان”.
هه‌ر ب گۆره‌ى رێزبه‌نديێ گرۆپێ B پێكهاتيه ژ زانكۆيێن “سۆران، كويه، سلێمانى، زانكۆيا نوشداريا هه‌ولێر، دهۆك، سه‌لاحه‌دين”.
د گرۆپێ C ژى دا هه‌ر ئێك ژ زانكۆيێن “زاخۆ، جه‌مبۆر، هه‌له‌بچه، راپه‌رين، پۆليته‌كنيك سلێمانى” تێدانه و د گرۆپێ D ژى دا هه‌ر ئێك ژ “گه‌رميان، پۆليته‌كنيك دهۆك، پۆليته‌كنيك هه‌ولێر”.
ده‌رباره‌ى زانكۆيێن ئه‌هلى ژى ب هه‌مان ره‌نگ گرۆپێ A چو زانكۆيه‌ك تێدا نينه، گرۆپێ B پێكهاتيه ژ “زانكۆيا گه‌شه‌پێدانا مرۆڤى، زانكۆيا ئه‌مريكى ل سلێمانيێ، زانكۆيا لۆبنانى فره‌نسى ل هه‌ولێر، زانكۆيا عيشق كو پشكه‌ك سه‌ر ب هه‌ولێره”.
گرۆپێ C پێكهاتيه ژ زانكۆيێن “جيهان ل هه‌ولێر و جيهان ل سلێمانيێ و زانكۆيا كۆمار”. گرۆپێ D هه‌ر ئێك ژ “زانكۆيا نه‌ورۆز، زانكۆيا هه‌ولێر يا دويێ، زانكۆيا جيهان دهۆك، زانكۆيان به‌يان، زانكۆيا ئه‌مريكى كوردستان، زانكۆيا حه‌يات”.
وه‌زيرێ خواندنا بلند و ڤه‌كولينێن زانستى دا زانين ژى كو ئه‌ڤ پله به‌نديه ل سه‌ر بنه‌مايێ هوورده‌كاريێ هاتينه دياركرن و شێوازێ وێ ژى يێ روون و ئاشكه‌را بوويه.
زێر ئه‌ڤرۆ ب چه‌ندێ يه؟
دۆلار هاته خوار
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 18ى چريا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1302 |
| 1 يۆرۆيێ ئه‌ورۆپى | 1440 |
| 1 ليرێ توركى | 425 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نێچيرڤان بارزانى: نه‌شێين دڤێ ره‌وشا دژوار دا هاريكاريا پێدڤى بگه‌هيننيه ئاواران
ئه‌ڤرۆ نيوز:
سپێده‌هيا ئه‌ڤرۆ رۆژا سێشه‌مبى 18ى چريا ئێكێ 2016 نێچيرڤان بارزانى سه‌رۆك وه‌زيرێن هه‌رێما كوردستانێ پێشوازى ل فليپۆ گراندى، كۆمسيارێ بلندێ نوو يێ كاروبارێن په‌نابه‌ران سه‌ر ب نه‌ته‌وێن ئێكگرتى UNHCR و شاندێ هه‌ڤال كر.
د وێ ديدارێ دا، گراندى خۆشحاليا خوه ده‌ربڕى و ده‌ستخۆشى ل خه‌لك و حوكمه‌تا هه‌رێما كوردستانێ كر كو سه‌ره‌راى وێ قه‌يرانا دارايى يا ل سه‌ر ملێن وان، پێشوازى ل ژماره‌كا زۆرا ئاواره و په‌نابه‌رێن ژ به‌ر تيرۆرێ دره‌ڤن كريه و ب هه‌ڤكارى ل گه‌ل رێكخراوێن سه‌ر ب نه‌ته‌وه‌يێن ئێكگرتى هاريكاريا وان بكه‌ن، “ئه‌ڤ كارێ حوكمه‌تا هه‌رێمێ جهێ رێز و پێزانينێن كۆمه‌لگه‌ها نيڤده‌وله‌تى يه”.
د پشكه‌كا دى ئاخفتنا خوه دا ئاماژه ب ده‌سپێكرنا ئۆپه‌راسيۆنا ئازادكرنا مووسل ژ ده‌ستێ تيرۆرستێن داعش كر كو دهێته چاڤه‌رێكرن ژ ئه‌گه‌رێ وێ چه‌ندێ ژماره‌كا زێده‌تر يا خه‌لكى ئاواره ببن و روو بكه‌نه هه‌رێما كوردستانێ، “سۆپاسيا پێشمه‌رگه‌ى دكه‌م كو جهێن پێشوازيێ بۆ وان دابينكرينه”، ته‌كست كر كو ئه‌و ژى وه‌كو كۆمه‌لگه‌ها نێڤده‌وله‌تى ژى دێ هاريكاريا زێده‌ترا هه‌رێما كوردستانێ كه‌ن دا كو بشێن پێدڤيێن ئاواران دابين بكه‌ن.
ژ لايێ خوه ڤه نێچيرڤان بارزانى سه‌رۆك وه‌زيرێن هه‌رێما كوردستانێ پيرۆزيا گراندى كر و هيڤى خواست د كارێ خوه يێ نوو دا يێ سه‌ركه‌فتى بيت كو هه‌ر ژ سالێن نوتان ل كوردستانێ بوويه و شاره‌زايه‌كا باش ل سه‌ر كوردستانێ هه‌يه و پشته‌ڤانێ حوكمه‌تا هه‌رێما كوردستانێ بوويه و ئه‌ركێن خوه UNHCR ب رێڤه‌برينه.
سه‌رۆك وه‌زيران دا زانين ژى كو پێدڤيه كۆمه‌لگه‌ها نێڤده‌وله‌تى زێده‌تر هاريكاريا هه‌رێما كوردستانێ بكه‌ت بۆ دابينكرنا پێدڤيێن ئاواران، چونكو ئه‌وا نوكه د شيانێن هه‌رێما كوردستانێ دايه ئه‌وه دێ جهێ ڤه‌حه‌ويانێ بۆ دابين كه‌ين، “ژ به‌ر ئه‌و ره‌وشا دژوارا دارايى ژى نه‌شێين وه‌كو پێدڤي هاريكاريێ پێشكێش بكه‌ين”.
بارزانى به‌حس ل ره‌وشا ده‌ڤه‌رێ و دووماهى پێشڤه‌چوونێن ئۆپه‌راسيۆنا ئازادكرنا مووسل ژ ده‌ستێ تيرۆرستێن داعش كر و ته‌كست ل سه‌ر وێ چه‌ندێ كر كو پێدڤيه پلانه‌كا سياسى و ئابوورى يا باش بۆ قووناغا پشتى ئازادكرنا باژێرى ب هه‌ماهه‌نگيا ناڤبه‌را هه‌رێما كوردستانێ و حوكمه‌تا عيراقێ و هه‌ڤپه‌يمانان بهێته دارێتن ب تايبه‌تى ژ روويێ ئاسايش و جڤاكى و ئاڤه‌دانكرنێ و مرۆڤاتى ڤه دا كو ئاواره ڤه‌گه‌رنه جهێ خوه و ژيان و مال و ئاسايشا خوه ب پارێزن.
هه‌ر ديسا د ڤێ هه‌ڤديتنێ دا به‌حس ل ره‌وشا ده‌ڤه‌رێ و په‌يوه‌نديێن ناڤبه‌را هه‌رێما كوردستانێ و عيراقێ و چه‌ند بابه‌ته‌كێن دى يێن په‌يوه‌نديدار دا هاته كرن.
ڤيديۆ: مه‌زنترن خه‌له‌تيا دادڤانى د مێژوويا ته‌پا پێ دا
ئه‌ڤرۆ نيوز:
دادڤانێ ياريا يانا ئيسماعيلى و مێڤانا وێ يانا نه‌سر ژ خولا مسرى خه‌له‌تيه‌ك د ده‌مێ ب رێڤه‌چوونا ياريێ دا كر و ب مه‌زنترين خه‌له‌تى د مێژوويا دادڤانيا ته‌پا پێ دا هاته نياسين.
ياريكه‌ر هێرشه‌كا هه‌ڤدژ دبه‌ت و گۆلچيێ تيما دى ژ ده‌رڤه‌ى ده‌ڤه‌را په‌نه‌لتيێ هێرشا هه‌ڤدژ ب ده‌ستى د ڤه‌گه‌رنييت، بێ ى كو دادڤانێ ياريێ چو هه‌لويسته‌ك هه‌بيت.
رۆسيا و سۆريا بۆردۆمانا حه‌له‌بێ راگرت
ئه‌ڤرۆ نيوز:
وه‌زيرێ به‌ره‌ڤانيا رۆسيا سێرگى شويگۆ راگه‌هاند كو هێزێن ئه‌سمانى يێن رۆسى و سۆريى راگه‌هاند كو ئه‌ڤرۆ رۆژا سێشه‌مبى بۆردۆمانا حه‌له‌بێ راگرت و هيڤى ژ لايه‌نێن شوله‌ژێ كر كو باوه‌ريێ بۆ چه‌كداران چێكه‌ن حه‌له‌بێ ب جهـ بهێلن.
شويگۆ د كۆمبوونه‌كا ئه‌منى دا ئه‌ڤرۆ رۆژا سێشه‌مبى 18ى چريا ئێكێ گۆت: “ژ ئه‌ڤرۆ ده‌مژمێر 10:00ى سپێدێ دربێن ئه‌سمانى يێن فرۆكێن هێزێن بۆشيايا ئه‌سمانى يێن رۆسى و هێزێن ئه‌سمانى يێن سورى راگرتن”، خۆيا ژى كر كو ئه‌ڤ راوه‌ستاندنه يا به‌روه‌خته و ب مه‌ره‌ما “كاره‌كێ مرۆڤاتى” يه.
وه‌زيرێ رۆسى داخواز ژ وان وه‌لاتێن كارتێكرن ل سه‌ر هێزێن چه‌كدار هه‌ين ل پشكا رۆژهه‌لات ل حه‌له‌بێ خوه ڤه‌كێشن و شه‌رى نه‌كه‌ن.
له‌شكرێ عيراقێ به‌ر ب حه‌مام عه‌ليل ڤه چوو
ئه‌ڤرۆ نيوز:
ژێده‌ره‌كى ژ له‌شكرێ عيراقێ ئه‌ڤرۆ رۆژا سێشه‌مبى راگه‌هاند كو هێزێن عيراقى شيان كونترۆلا گۆندێ عه‌باسيێ يێ سه‌ر ب ناحيا حه‌مام عه‌ليل ڤه ل باشوورێ مووسل كونترۆل بكه‌ن و نوكه به‌ر ب سه‌نته‌رێ ناحيێ دچن.
ئه‌ڤى ژێده‌رى بۆ سومه‌ريه نيوز گۆت: “هێزێن ئه‌منى يێن عيراقى شيان ئه‌ڤرۆ كونترۆلێ ل سه‌ر گۆندێ عه‌باسيه يا سه‌ر ب ناحيا حه‌مام عه‌ليل ڤه بكه‌ن”.
ئه‌ڤى ژێده‌رێ نه‌خواستى ناڤێ خوه ئاشكه‌را بكه‌ت ئاماژه ب وێ چه‌ندێ ژى كريه كو هێزێن عيراقى يێ نوكه به‌ر ب سه‌نته‌رێ ناحيا حه‌مام عه‌ليل ڤه چن ل باشوور مووسل.
دوهى 17ى چريا ئێكێ 2016 حه‌يده‌ر عه‌بادى سه‌رۆك وه‌زيرێن عيراقێ و فه‌رماندێ هێزێن چه‌كدار ل عيراقێ ده‌مژمێرا سفر راگه‌هاند و داخواز ژ وه‌لاتيێن مووسل كر كو د هاريكار بن دا كو ب زووترين ده‌م ده‌ڤه‌رێن وان ژى ژ بن ده‌ستێ داعش بهێنه ده‌ر.
نيشاندان
WP Facebook Auto Publish Powered By : XYZScripts.com