ئه‌ڤرۆ نيوز، رۆندك زه‌كى:

شووشتنا چاڤان پشكه‌كا گرنگە بۆ جوانیا مرۆفی، لەورا دڤێت خوه‌ ژ وان خەلەتیان بدەینە پاش یێت کو رۆژانە ئەم دەربارەی جوانیا خوە دکەین، شووشتنا خەلەت یا سەروچاڤان دبیتە ئەگەر کو زووتر پیراتی دیار بیت و کوریشکێن سەروچاڤا پەیدا دکەت، دیسا هشکاتیێ چێدکەت پرسکانژی ب ره‌نگهکێ بەرچاڤ پەیدا دکەت، دا کو ژ ڤان کرێتیا ب دوور کەفی ئەڤەنە ئەو رێيێن خەلەت یێت تۆ رۆژانە دەربارەی جواتیا خوە دکەی:
١- گەلەک شووشتن د ئێک رۆژدا:
رێیا دروست یا شووشتنێ دڤێت ب تنێ دو جار بیت، دەما تۆ ژ خەو رادبی دا کو میکروب و پیساتی ل سەر چاڤێن تە نەمینن و جارا دويێ بەری بنفی، ئەگەر تەفیا د ناف بەرا فان وەختادا بشووی ژی سابوونێ ب کار نە ئینە فە.
٢- شووشتن ب ئافا گەرم:
شووشتنا سەروچاڤان ب ئافا گەرم تایبەت د وەرزێ زفستانێ دا چیدبیت خوشی بیت، بەلێ گەلەکا خەلەتە و هەتا گەلەکا تەزی ژی بیت خەلەتە چونکو هشکاتیێ پەیدا دکەت لەورا باشترین ئاف دڤێت یا تێن شیر بیت.
٣- ژێنه‌برنا میک ئابی بەری شووشتنێ:
دڤێت بەری چاڤێن خوە بشووی لاو ژ مێک ئابی پاقژ بکەی.
٤- باش نەشووشتن:
دەما تو چاڤێن خوە ب سابوونێ د شووی دڤێت باش ئافێ پاڤیژییە چاڤێن خوە دا کو ئەو سابوونا تە پێ شووشتی نە چیتە د بن پيستى فە و ببیتە ئەگەرێ حدهشک بوونا پيستى، بلا تە دەم ھەبیت بۆ باش شووشتنا سەروچاڤان.
٥- شووشتنا چاڤان و دەست پیس:
دڤێت بەری تو چاڤین خوە بشووی یا پشت راستی بی کو تە دەستێن خوە باش یێن شووشتین ب سابوونێ چونکو ئەگەر تە چاڤێن خوە شووشتن و دەستێن تە پیس بن وی دەمی دێ میکروبێن دەستێن تە ھەموو بۆ چاڤان چن.
٦- ب کار ئینانا خاویلیا نەيا پاقژ:
دەما تو چاڤێن خوە زوھا دکەی ب خاولیێ دڤێت تویا پشت راست بی کو گەلەکا پاقژە چونکو ئەگەر بەروڤاژی بیت دێ بیتە ئەگەر کو پرسکێن گەنجا ل تە پەیدا ببن، لەورا یا دروست دڤێت رۆژانە خاولیا چاڤان بھێتە شووشتن.

ئه‌ڤرۆ نيوز، فاتما مزوورى:

كابۆ ئێكه‌ ژ وان جلكێن نوكه‌ ل پتريا وه‌لاتێن جيانێ ب ماركه‌ و مۆدێلێن جودا دهێته‌ دروستكرن چ ژ بوو زه‌لامان بيت يان ژى ژنان، به‌لێ ته‌ جاره‌كێ هزرا خوه‌ كريه‌ كا بۆچى هنده‌ك كابۆ قۆمچكن و هنده‌ك ژى زنجيرن؟

هه‌ر چه‌نده‌ بكارئينانا زنجيرێ گه‌له‌ك ب ساناهيتره‌ و پێدڤى ب ئێك ده‌ست ب تنێ دكه‌ت بۆ گرتنێ، به‌لێ گه‌له‌ك جاران ژى كێشان بۆ ژن و زه‌لامان دروست دكه‌ت؛ گه‌له‌ك جاران چ ژن يان زه‌لام هه‌كه‌ وێ زنجيرێ ژبير بكه‌ت دبيت ببيته‌ ئه‌گه‌رێ شه‌رمێ ژ به‌ر كو جهه‌كێ هه‌ستيارێ لاشى ديار دبيت يان ژى جلكێن ژ ناڤ دا و ئه‌ڤه‌ ژى د ناڤ گه‌له‌ك جڤاكان دا شه‌رمه‌كا مه‌زنه‌ و ب تايبه‌ت يێ مه‌ يێ كوردى.

ئێك ژ كێشێن دى يێن زنجيرێ ئه‌وه‌ كو گه‌له‌ك جاران پارچه‌كا لاشێ بكارئينه‌رێن كابۆى به‌ر ب زنجيرێ دكه‌ڤيت و ئێشانه‌كا گه‌له‌ك مه‌زن ل دووڤ خوه‌ دهێليت، ژ به‌ر هندێ ژى هزر ل وێ چه‌ندێ هاته‌ كرن كو كابۆ ب قومچكان ژى بهێته‌ گرتن؛ نه‌ كه‌س ژ بير دكه‌ت، نه‌ژى ئازارێن لاشى په‌يدا دكه‌ت.

ئه‌ڤرۆ نيوز، فاتما مزوورى:

ئه‌رێ تو دزانى سێ چارێكێن زارۆيێن ئايسله‌ندا ژ دايك و بابه‌كان دبن كو خێزان پێك نه‌ئينايه‌؟ 67% ژ زارۆيێن ل وى وه‌لاتى ژ دايك دبن، ژ ده‌رڤه‌ى سنورێ هه‌ڤژينێ دانه‌.

هه‌ر چه‌نده‌ ژمارا وه‌لاتيێن ئايسله‌ندا يێ كێمه‌، به‌لێ هزره‌كا نوو ل لايێ وان ديار بوويه‌ كو ئه‌و ژى هه‌ڤژينى و ئه‌و بووچوونه‌ گوهۆڕيه‌ ئه‌وا ژيان ل سه‌ر راهاتى.

برينس ئه‌سمونوتير ژنه‌كا ئايسله‌ندى يه‌ و دايكا سێ زارۆيانه‌ ژ دو كه‌سێن جودا و هه‌ڤژينى ل گه‌ل چو ژ وان پێك نه‌ئينايه‌، دبێژيت: “ل ئايسله‌ندا ل ژينگه‌هه‌كا بچووك و ئارام دژين، ئافره‌تان ژى ئازاديه‌كا زۆر يا هه‌ى و دشێت وى شێوازێ ژيانێ هه‌لبژێريت يێ وێ بڤێت”.