ئهڤرۆ نيوز:
رێڤهبهريا كهشناسى و بيڤهلهرزێ ل پارێزگهها دهۆكێ سهرجهمێ باران بارينا ئهڤ ساله ل قهزا و ناحيێن سهر ب پارێزگهها دهۆكێ ڤه راگههاند ل گهل سهنتهرێ پارێزگههێ كو ب ڤى رهنگێ ل خوارێ يه:
ئهڤرۆ نيوز:
رێڤهبهريا كهشناسى و بيڤهلهرزێ ل دهۆكێ راگههاند كو سوبههى رۆژا دوشهمبى رێكهفتى 18ى نيسانا 2016ێ ئهسمان دێ ساهى بيت ل گهل ئهورهكێ كێم.
پشكا پێشبينيان ل رێڤهبهريا گشتيا كهشناسى و بيڤهلهرزێ ل ههرێما كوردستانێ د نڤيسارهكێ دا كو دانهك بۆ ئهڤرۆ نيوز رهوانه كرينه راگههاند كو ژ ئهنجامێ كاتێكرنا فشارێن بلندێن وهلاتێ توركيا بۆ سهر ههرێما كوردستانێ دهێته پێشبينيكرن ئهسمان ساهى بيت ل گهل ئهورهكێ كێم.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژههلات بيت ب رهنگهكى د ناڤبهرا 5 ههتا 10كم دا و هندهك و ماوێ ديتنێ ژى دێ 9 بۆ 10كم بيت، پلێن گهرمێ ژى دێ د ناڤبهرا (11 بۆ 21) پلان دا بيت.
ئەڤرۆنیوز، کاروان باعەدری:
پتر ژ ماوەیێ حەفتیەکێ یە کۆچبەرەکێ ئێزدی ل ئەلمانیا ب ناڤێ” ئەبو قاید” ل باژێرێ ئۆڤنبۆرگ ل ئەلمانیا، جانتەکی د پاسەکێ دا دبینیت کو کوژمێ 1400 یۆرۆ و مۆبایل و چەندین بەلگەنامەیێن کەسایەتی تێدا بوون، رادەستی کەنیسا وی باژێری کر.
پاشان ئەندامێ کەنیسا وی باژێری و ل گەل ریڤەبەریێن باژێرآ ئوڤنبۆرگێ سەرەدانا مالا وی کرن و خانیەک پێشکێشی وی کرن.
ل ڤان دووماھیکا چەندین دەست درێژی و دزی ل وەلاتێن ئەلمانیا رووداینە ژ لایێ کۆچبەرێن ھندەک وەڵاتان ڤە.
ئەڤرۆ نيوز:
رێڤەبەرێ گشتیێ باژێرڤانیان ل پارێزگەھا دھۆکێ ئاشکرا کر کو د ماستەر پلانا دھۆکێ دا کو بۆ ماوێ 25 سالان ھاتیە دانان، تۆنێلەکا مەزن و ھەڤچەرخ د ناڤبەرا دھۆکا نوو و دھۆکا کەڤن دا دێ ھێتە چێکرن.
ئەندازیار ھەڤال ئەحمەد ئامێدی، رێڤەبەرێ گشتیێ باژێرڤانیان ل پارێزگەھا دھۆکێ دیار کر، ماستەر پلانەک ژ لایێ کۆمپانیا ڤۆسینگ یا ئەلمانی ڤە بۆ پارێزگەھا دھۆکێ ھاتیە چێکرن و تێدا دھۆکا نوو ل پشت چیایێ زاوا ل رۆژئاڤایێ دھۆکێ ھاتیە چێکرن و بۆ ئەڤرۆ گۆت: “ئەو ماستەرپلانا ھاتیە بەرھەڤکرن، پێدڤیە د دەمێ 25 سالان دا بھێتە ب جھئینان”.
گۆتژی: “د دەمێ دیارکری دا و ھەر سالەکا مە شیانێن دارایی ھەبن و ب مەرەما پێکڤەگرێدانا ھەردو دھۆکان تۆنێلەک دێ ھێتە چێکرن”.
ناڤبری ئاماژە ب وێ چەندێ ژی کر، ھەتا نوکە دھۆکا نوو ب تنێ ماستەرپلانە و جھێ وێ ھاتیە دیارکرن، بەلێ ھەتا نوکە چو پارچە ئەرد لێ نەھاتینە بەلاڤکرن.
رێڤەبەرێ گشتیێ باژێرڤانیان ل پارێزگەھا دھۆکێ خویا ژی کر، ل گۆرەی وێ ماستەرپلانا نوو، باژێرێ دھۆکێ دێ بەرفرەھتر لێ ھێت و چیایێ زاوا یێ گەشتیاری دێ بیتە پرەک د ناڤبەرا دھۆکا نوو و کەڤن دا و گۆت: “ماستەرپلانا دھۆکێ ھەتا سالا 2032 دێ کار تێدا ھێتەکرن و ل دووڤ وێ ماستەرپلانێ دێ دھۆکا نوو ھێتە چێکرن و حەفت تاخێن نوو دێ لێ ھێنە زێدەکرن”.
ئەڤرۆ نيوز:
وەزارەتا دارایی و ئابووری یا حوکمەتا ھەرێما کوردستانێ بڕیار دا باجا ل سەر ئینانا ترۆمبێلان بۆ ناڤ ھەرێما کوردستانێ ب رێژەکا بەرچاڤ زێدە بکەت، د چەند رۆژێن بھێن ژی دا رێنمایێن تایبەت ب وێ بڕیارێ دێ ئاراستەی رێڤەبەریێن باجا دەرامەتی یێن کۆمپانیان ھێنەکرن.
د نوکە دا باجا ل سەر ئینانا ترۆمبێلێن مەزن 200 ھزار دینار و ترۆمبێلێن بچووک ژی 120 ھزار دینارن و ل دووڤ وان پێزانینێن وەزارەتا دارایی و ئابووری یا حوکمەتا ھەرێما کوردستانێ بۆ SNN ئاشکرا کر، حوکمەتا ھەرێما کوردستانێ بڕیار دایە ئەوان باجان زێدەتر لێ بکەت.
ھەروەسا ل گۆرەی پێزانینان، ل دۆر چەوانیا شێوازێ زێدەکرنا باجێ ل سەر ئینانا ترۆمبێلان، وەزارەتا دارایی و ئابووری بڕیار دایە د دەمەکێ نێزیک دا رێنمایان ئاراستەی رێڤەبەریێن باجا دەرامەتی یێن کۆمپانیان بکەت.
ئاماژە ب وێ چەندێ ژی کریە کو وەزارەتا دارایی باجا ل سەر ترۆمبێلێن مەزن ژ 200 ھزار دیناران بۆ 750 ھزار دیناران زێدەکرینە، ھەروەسا باجا ل سەر ترۆمبێلێن بچووک ژی ژ 120 ھزار دیناران کرینە 500 ھزار دینار.
ئەڤرۆ نیوز:
کچەکا کوردا ئێزدی پشتی خوە ژ دەستێن تیرۆرستێن داعشێ رزگارکری، ل پارێزگەھا کەرکووکێ و دناڤبەرا سەنگەرێن پێشمەرگەی و سنوورێ داعشێ دا مینەک پێڤە دپەقیت و گیانێ خوە ژ دەست ددەت.
ئەو کچا کوردا ئێزدی پشتی بۆ دەمێ پتر ژ سالەکێ مایە د دەستێن تیرۆرستێن داعشێ دا، شیا خوە ژ دەستێن وان رزگار بکەت، لێ بەری بگەھیتە ناڤ کەسوکارێن خوە، ل ژێریا پارێزگەھا کەرکووکێ و د ناڤبەرا سەنگەرێن پێشمەرگەی و سنوورێ داعشێ دا، ل رۆژا پێنجشەمبیا بۆری 14/4/2016 مینەک پێڤە پەقی و گیانێ خوە ژ دەست دا.
ئەو کچا ئێزدی بناڤێ (کاترین ئلیاس موراد)ە و ژ دایکبوویا سالا 1996 و دبیتە دۆتماما (نادیا مورد)ێ بالیۆزا ئاشتیێ و بەربژارا خەلاتێ نۆبل.
ئەڤرۆ نیوز:
رێڤەبەرێ حەج و عومرێ ل پارێزگەھا دھۆکێ بۆ ئەڤرۆ دیار کر کو ناڤێن حەجیێن بڕیارە ئەڤ سالە گەشتا حەجێ بۆ وەلاتێ سعودیێ ئەنجام بدەن ھاتنە دیارکرن، ئەڤ سالە سێ ھزار و 656 کەس دێ چنە حەجێ و چەندین گوھۆرین کەتینە مەرجێن ئەڤ سالە یێن چوونا حەجێ کو 891 ژ وان یێن پارێزگەھا دھۆکێ نە.
شێخ شەمسەددین تاھر، رێڤەبەرێ حەج و عومرێ ل پارێزگەھا دھۆکێ ئاشکرا کر، دوھی 16-4-2016 ل ھەولێرێ پشککێشان بۆ ناڤێن 78 ھزار و 830 حەجیێن ھەرێما کوردستانێ ھاتەکرن کو ھەموو ئەو بوون یێن ل سالا 2010 ھاتینە نڤێسین و گۆت: “332 وەلاتیێن دھۆکێ یێن حەجا خوە پاشئێخستی دێ ئەڤ سالە چنە حەجێ، ب رەنگەکێ گشتی ل سەرانسەری پارێزگەھا دھۆکێ 891 کەس ئەڤ سالە دێ قەستا وەلاتێ سعوودیێ کەن بۆ ب جھئینانا فەریزا حەجێ”.
شێخ شەمسەدینی خویا ژی کر، مەرجێن چوونا حەجێ بۆ ئەڤ سالە ھاتینە گوھۆرین و گۆت: “بریار ھاتیەدان، ئەڤ سالە کەسێ ناڤێ وی دەرکەڤیت و ھەتا ژ ئەوان کەسان ژی بیت یێن پار بۆ ئەڤ سالە ھاتینە پاشخستن مافێ وی دێ ھێتە سۆتن و کەسەک ناھێتە جھێ وی، ئەڤ سالە لێک گوھارتن نینە، کو ئێک بچیتە جھێ ئیکی، دیسا داگێران ژی نینە، کو وەلاتیەک بۆ بابێ خوە یان کەسەکی بکەت و پێشڤە بچیتە حەجێ و پاشخستن ژی نینە، ھەر کەسەکێ ناڤێ وی دەرکەت د ماوەکێ کێم دا دڤێت بھێت پارێن خوە بدەت و یێ ل دووڤ ژڤانێ خوە نەھات مافێ وی دێ ھێتە سۆتن”.
ل دۆر وێ چەندێ کانێ ھەر حەجیەک دێ چەند پارەی بۆ ئەڤ سالە دەت؟ شێخ شەمسەددین گۆت: “بۆ ئەڤ سالە ھەر حەجیەکێ ھەرێما کوردستانێ دێ سێ ھزار و 300 دۆلاران دەت”.
ژ لایەکێ دیڤە مەریوان نەڤشبەندی، رێڤەبەرێ پەیوەندیان ل وەزارەتا ئەوقاف و کاروبارێن ئاینی ل حوکمەتا ھەرێما کوردستانێ دا زانین کو ئەڤە دووماھی پێشککێشانە بۆ ناڤێن ل سالا 2010 ھاتینە نڤیسین دھێتەکرن و گۆت: “سالا بھێت دێ دەست ب نڤێسینا ناڤێن نوو ھێتەکرن”.
ئهڤرۆ نيوز:
ژمارا كوشتيان گههشته 41 كهسان د وێ بيڤهلهرزا شهڤا شهمبى 16ى نيسانێ ل ئكوادور داى، ئهوا ب هێزا 7.8 پله ل سهر لێڤێن دهريايا وى وهلاتى ل باكوورێ رۆژئاڤا ل سهر كهنداڤێ هادى.
جێگرێ سهرۆكێ وى وهلاتى، خورخى گلاس ئهڤ ژمارا كوشتيان پشت راست كر و راگههاند كو ئهڤه دژوارترين بيڤهلهرزه ل ئكوادور ددهت ههر ژ سالا 1979 ههتا نوكه.
پهيمانگهها جيوفيزياى د نووچهكێ خوه دا راگههاند بوو كو زيانێن مهزن يێن پهيدا بوويى ب تايبهت ل جواياكيل مهزنترين باژێرێ ئكوادور.
ئهڤرۆ نیوز:
كومبوونا ههردو مهكتهبێن سیاسى یێن پارتى و ئێكهتیێ پشتى كو ب سهرپهرشتیا سهرۆك بارزانى كومبووى، راگههاندنهكا ههڤپشك بهلاڤكرن و د پشكهكا وێ دا هاتیه” رهوشا عیراقێ گهلهك یا ب مهترسیداره، وهكو گهلێ كوردستان نهوهكو ئهم ههر پشكهك نینه ژ وێ كێشا ناڤ پهرلهمان و حكومهتا عیراقێ، بهلكو مه خهمسارى نهكریه د چارهكرنا كێشێن عیراقێ دا”.
ههردو ئالیان ئاماژه ب وێ یهكێ ژى كریه كو ل دووڤ پرۆژهكێ نوو یێ لایهنێن سیاسى ب رێیا شاندهكێ لایهنێن پشكدار د پهرلهمانێ عیراقێ دا، دێ ب زووترین دهم چنه بهغدا، كو دڤێت مافێ پێكهاتێن كوردستانى ل دووڤ شایستا ههلبژارتنان بجه بهێت.
سهبارهت ریفراندومێ دیاركریه كو دێ ل گهل بهغدا دانوستاندنان ئهنجام دهن كو مافهكێ دیموكراسى یێ گهلێ كوردستانێ یه.