ئه‌ڤرۆ نيوز:
د گرته‌يه‌كا ڤيديۆى دا د ناڤ په‌رله‌مانتارێن مانگرتى يێن جڤاتا نوونه‌رێن عيراقێ دا كو هاتيه ڤه‌گوهاستن ئاشكه‌را دبيت كو نه‌شياينه نيسابێ قانوونى ته‌مام بكه‌ن.
د ڤێ ڤيديۆيا ديكيومێنتارى دا كو د كۆمبوونا په‌رله‌مانتارێن مانگرتى هاتيه تۆماركرن و به‌لاڤكرن، ئه‌ندامه‌كێ سه‌در دبێژيت: “مه نيساب نينه و حه‌فتيه‌كه سه‌يد موقته‌دا سه‌در يێ بێ ده‌نگه و ده‌م يێ دايه مه دا بشێين نيسابى ته‌مام بكه‌ين، به‌لێ نه‌شياين”.
ژێده‌ر: KNN
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند راگه‌هاند كو ئه‌ڤرۆ رۆژا پێنجشه‌مبى رێكه‌فتى 21ى نيسانا 2016ێ دێ مووچێ ڤان جهان هێته به‌لاڤكرن:
1- وه‌زاره‌تى ته‌ندروستى
2- وه‌زاره‌تى دارایی و ئابوورى
3- وه‌زاره‌تى شه‌هیدان و ئه‌نفالكراوان
4- وه‌زاره‌تى سامانه سروشتیه‌كان
5- وه‌زاره‌تى پلان دانان
6- ده‌زگاى مین
7- دیوانى چاودێرى دارایی
8- ده‌سته‌ى مافى مرۆڤ
9- ده‌سته‌ى ژینگه
10-ده‌سته‌ى ده‌سپاكى
11- ده‌سته‌ى وه‌به‌رهێنان
12-ده‌سته‌ى گشتى ناوچه كوردستانیه‌كانى ده‌ره‌وه‌ى ئیداره‌ى هه‌رێم
13-كۆمسیۆنى باڵاى سه‌ربه‌خۆى هه‌ڵبژاردنه‌كانى كوردستان
ئه‌ڤرو نیوز ،بارزان مزوورى
راید فیراس یاسین،به‌رپرسێ راگه‌هاندنا به‌ره‌ڤانیا باژێرێ ئاكرێ بو مالپه‌رێ ئه‌ڤرو نیوز ئاشكرا كر كو ئه‌ڤرو تیمێن وان هاتن ئاگه‌هداركرن كو دوو زاروك هه‌ڤالێن ئێك بناڤێ “ئاده‌م قائیم و سیف الله مجید ” ژیێ وان هه‌شت سالى بون ل ناحیا روڤیا كو ب مه‌ره‌ما مه‌له‌كرنێ چوینه سه‌ر ئاڤێ ژبه‌ر نه‌شاره‌زایا وان بو مه‌له‌كرنێ هه‌ردوو د خه‌ندقن و تیمێن وان ته‌رمێن وان ئیناینه ده‌ر .
نه‌رویج، ئاراس ره‌شاڤایى:
هشیار حه‌سه‌ن كوچه‌ر خه‌لكێ باژێرێ دهۆكێ یه و بۆ ده‌ما 17 سالایه ل گه‌ل مالباتا خوه ل رۆژئاڤا نه‌رویج دژیت، ڤى گه‌نجى سه‌ره‌راى وێ یه‌كێ كو كارێ خوه یێ رۆژانه هه‌یه، به‌لێ حه‌زا ب خودانكرنا گیانه‌وه‌ران هه‌یه و نوكه پتر ژ 300 كوتران بخودان دكه‌ت.
هشیار حه‌سه‌ن بۆ ئه‌ڤرۆ نیوز دیاركر كو هه‌ر ژ زارۆكینێ وى حه‌زا كوتران هه‌بوویه و كوتر بخودان كرینه و گۆت: هه‌یڤانه ئه‌ز پتر ژ 250 كیلویێن خارنێ و 500 دولاران لێ دمه‌زێخم ژبلى كو رۆژانه ئه‌ز دو ده‌مژمێران وه‌ختێ خوه بۆ خودانكرنا وان ته‌رخان دكه‌م.
هشیار حه‌سه‌ن ئاماژه ب وێ یه‌كێ ژى دا كو كوترێ گرنگیه‌كا تایبه‌ت ل ده‌ف وى هه‌یه، ئه‌و ئێك كوترا خوه ب 200 دولاران نافروشیت و گۆت: كوتره‌ك ل چینێ ب ئێك ملیون دولاران ژى هاتیه فروتن.
هشیار ژبه‌ر حه‌زا وى بۆ كوترا، خوارنا كوشتێ كوترا و هێكێن وان ژ خوه حه‌رام كرینه.
ئه‌ڤرۆ نيوز:
به‌ره‌ڤانيا باژێرێ دهۆكێ به‌لاڤكريه كو ئەڤرو تیمێن بنگەهێ ئامێدیێ یێ بەرەڤانیا باژێرێ دهوکێ هاتنە ئاگەهدارکرن کو هاولاتیەک بناڤێ (عبدللە سعید عبدللە ) دژیێ ۲٦ سالێدا د چیایێ بالوکا ناڤدار بەرێسیلێ دا کەتیە پشتی گه‌ەشتنا تیمێن مە بو جهێ رویدانی ب مەرەما قورتالکرنێ لێ مخابنیڤە ب گرانی بریندار ببو و پشتی گەهاندنا وی بو نەخوشخانا ئامێدیێ ب مخابنیڤە گیانێ خو ژدەست دا .
ناڤبری قوتابیێ قوناغا چارێ یا پەیمانگەها هونەرێن جوانە بمەرەما گیایی چبونە چیایی .
ئـەڤرۆ نیوز،زنار تۆڤی:
ئەڤرۆ رۆژا چارشەمبی 20.4.2016 بهایێ ئێک بەرمیلێ نەفتا خافا برێنت ب 45 دۆلاران ل بازارێن جیهانی دا هاتە فروشتن،هەروەسا دهێتە پێشبینی کرن کو بهایێ نەفتێ پتر بـلند ببیت د بازارێن جیهانی دا،چونکی ئەڤە ماوەیەکە هێدی هێدی بهایێ نەفتێ یێ بلند دبیت و ئەڤ چەندە د بەرژەوەندا وان وەلاتاندایە یێن کو نەفتێ بەرهەم دئینن.
ئەڤرۆنیوز، کاروان باعەدری:
جەعفەر سمۆ بەرپرسێ راگەھاندنا بنگەھێ لالش یێ رەوشەنبیری و کۆمەلایەتی ل دھۆکێ بۆ ئەڤرۆنیوز دیارکر ، ئەڤە دوو ساڵان جەژنا سەرێ سالا ئێزدیان ( چارشەما سۆر) دھێت ، ئەم وەک بنگەھێ لالش ناگێرین ژبەر کو خەلکێ مە ددەربەدەری و کۆچبەریێ دا دژین وب ھەزاران زارۆک و کچ و خۆشکێن مە ددەستێ تیرۆرستێن ددەستێ داعشێ دا دگرتینە و ب ھەزاران خەلکێ وندابوویە و دچەندین گۆرین ب کۆم دانە.
ھێشتا گۆت : ئەم ب ھێ شێوەیەکی جەژنێ ناگێرین ، چونکی خۆشی ناکەڤیتە ددلێن وان خێزانان دا ژبەر ژ دەستدانا خۆشتڤیێن خۆ ، بتنێ جەژنا مە رزگارکرنا وان کچ و خوشکێن مەیە ، و رزگارکرنا ھەردوو باژێرێن باشیک و بەحزانێ یە، خۆشیا مە ئەوە کو ئێزدی ب ئارامی بژین کو ھندەک ژ نەچاری کوچبەری دەرڤەی وەڵاتی بووینە ژ بەر گیرۆبوونا رزگارکرنا دەڤەرێن وان و ئاستێ وان یێ ھەژاری .
گۆتژی : ئەم داخوازێ ژ سەرکردایەتیا ھەریما کوردستانێ دکەین لەزاتیێ درزگارکرنا ناوچەیێن مە یێن ماین دا بکەت ، و دانانا پلانەکێ ژبۆ گرەنتیکرنا ناڤچەیێن مە داکو چو کارەستێن مینا کارەساتا 3/8/2014 ێ دووبارە نەبن.
بەرواری بالا، زنار تۆڤی:
ئەڤرۆ رۆژل ل چارشه‌مبى ل دەمژمێر 13:00 تۆپخانەیا سۆپایێ تورکیا بۆماوەیەکێ درێژ و چەندین گۆلە تۆپان سەرکێ دێشێشێ و تەبالا ل نێزیک گوندێ هرۆرێ و سەرێ سەرەرۆ ب دژواری تۆپ بارانکرن و نوکەژی تۆپ بارانکرن یا بەردەوامە و ئێدی ل ڤێ دەڤەێ تۆپ باران و هاتنا فرۆکان بۆیە رۆژانە و خەلک ژ بلی دەنگێ وا هەست ب چ دەنگێن دی ناکەن و بهارا خەلکێ ژی مینا زیندانێ لێهاتیە و کەس نەوێریت دەرکەڤیتە چیایان بۆ گەریان و ئینانا گیایێ بهاری.
ئەڤرۆ نیوز، بارزان مزووری:
لیوا ئازاد، ئەندامێ فەرماندەیا سوپایێ 3 زێرەڤانی ل میحوەرێ ناوەران بۆ مالپەرێ ئەڤرۆ نیوز دیار کر کو پشتی شەلاندنا بەنکێن داعش ھەر ژ لایێ وان ڤە چەکدارێن تیرورستێن داعش و خەلکێ ل بن دەستھەلاتا داعش کەفتیە د رەوشەکا خراب دا د ناڤ سەنتەرێ باژێرێ مووسل گەھشتیە وی رادەی کو کرین و فرۆتنا کەلوپەلا ب دیناری بھێتە کرن، کارتا موبایلێ ب ھزار ھزار دھێتە فروتن ژ بەر نەمانا پارەی د بازاری دا.
ناڤبری دیار کر کو موچەیێن ھەموو چەکدارێن خوە کێم کرینە ب رێژەیەکا مەزن ھەر چەکدارەکی موچێ وی بوویە 60 دولار.
ناڤبری گۆت کو ژ بەر تێکچوونا رەوشا وان یا ئابووری رۆژانە خەلکەک دھێت ب ریێن بترس خوە دگەھیننە سەنگەرێن پێشمەرگەی.
دا زانین ژی کو ئێک ژ ئەمیرێن داعش یێن سەر پەرشتیا دەڤەرێن تلکێف و باشیک و ناوەران دکر عەرەبێن وان گوندا بوویە ئەوێن ل بن دەسھەلاتا پێشمەرگەی یێن نێرگزلیێ و گوندێن رکاڤا بوویە ب بوردومانا فروکان بۆ سەر جھەکێ وان ل تلکێف ھاتیە کوشتن.
نيشاندان