ئهڤرۆ نيوز:
وهزارهتا دارايى و ئابوورى ل حوكمهتا ههرێما كوردستانێ خشتێ بهلاڤكرنا مووچێ ههيڤا كانوونا دويێ يا سالا 2016ێ راگههاند كو ب ڤى رهنگێ ل خوارێ يه دياركرى يه، دا كو ب زووترين دهم ليستا مووچێ فهرمانبهران ژ لايێ يهكێن ژمێريارى يێن دامودهزگههێن حوكمهتا ههرێمێ ڤه بهێته ئامادهكرن.
ئهڤرو نیوز،بارزان مزوورى
ژێدهرهك ژ گوندێ شكهفت هندیا ل نێزیك پروژێ بهرههم ئینانا پترولێ ل گوندێ مغارا ل شێخان بو مالپهرێ ئهڤرو نیوز ئاشكرا كر كو ئهڤ شهڤه دهمژمێر 10:30 خولهك، بریسیێ بورییا غازێ دا و ئێكسهر ئاگر لێ دكهڤیت و دبیته ئهگهرێ مهترسیێ ل سهر وان گوندێن نێزیك بوریا پترولێ و غازێ و ژلایێ كومپانیێ ڤه گوندێ شكهفت هندیا دهێته ئاگههداركرن كو گوندى چول كهن و گوند بتمامى هاته چولكرن.
ژێدهرى دیارر كر كو تیمێن ئاگر ڤهمراندنێ دگهل تیمێن كومپانیا كارى گههشتنه جهێ روودانێ و ئاگر هاته كونترول كرن بێ كو زیانێن گیانى دروست ببن.
ناڤبرى گوت كو ئهگهر ئهو ئاگر نههات بو كونترول كر ندا زیانێن گیانى لپشت خو هێلیت ژبلى زیانێن مهزن چونكو سهدان ترومبێلێن ڤهگوهاستنا نهفتا خاڤ دناڤ گورهپانا كومپانیێ بون دگهل سهدان شوفێرو كارمهندێن كومپانیێ .
ئهڤرۆ نیوز: ڤهدهر رهشاڤایی:
روانگهها سوری بۆ مافێن مرۆڤی راگههاند كو سۆپایێ رژێما سوریا ب هاریكارییا هێرشێن ئاسمانیێن رووسیا، نێزیكی باژێرهكێ ددهستێن هێزێن ئۆپۆزسیۆنێ دا بوویه ل نێزیكی سنۆرێ سوریا دگهل توركیا.
باژێرێ تل رهفعهت ل باكۆرێ پارێزگهها حهلهبێ 20 كیلۆمهتران دووری سنۆرێ توركیا یه، داوی باژێره ل باكۆرێ حهلهبێ كو ددهستێن هێزێن ئۆپۆزسیۆن دا مای، سۆپایێ رژێما سوری بتنێ 7 كیلۆمهتران دووری باژێری نه.
بهزاران خهلك ژ ئهگهرێ پێشڤهچوونا سۆپایێ رژێما سوریا ب پشتهڤانیا هێزا ئاسمانییا رووسیا ل باكۆرێ پارێزگهها حهلهبێ كۆمبووینه دا رێ پێ بهێـته دان كۆچبهری توركیا ببن.
ئهڤرۆ نیۆز، قائید میرۆ :
لایهنگرێن پهكهكێ دوهى خۆنیشاندانهك ل باژێڕێ ههولێرێ ئهنجامدا و شهڕۆ پێكدادان كهفته ناڤبهرا پۆلیس و خۆنیشاندهرێن لایهنگرێن پهكهكێ.
هۆگر عهزیز، پهیڤدارێ پۆلیسێن ههولێرێ بۆ ئهڤرۆ نیوز راگههاند” لایهنگرێن پارتا كرێكارێن كوردستانێ، پهكهكێ خۆنیشاندانهك بۆ ههمبهر بارهگایێ نهتهوێن ئێكگرتی ل باژێڕێ ههولێرێ ئهنجامدا و خواستن بچنه ناڤا بارهگههێ نهتهوێن ئێكگرتی، بهلێ ژلایێ هێزێن پۆلیسێن مهدهنی رێگری لێهاته كرن، بهلێ هێرش كرنه سهر هێزێن پۆلیسان و د ئهنجامدا شهش پۆلیس برینداركرن، كو برینا دو پۆلیسان یا گرانه.
ئهڤرۆ نيوز:
سهفین دزهیى پهیڤدارێ حكومهتا ههرێما كوردستانێ دیاركر سیستهمێ نوو یێ مووچان ژ نهچارى یه و بهروهخته.
دزهیى دیاركر ئهو دزانن خشتێ نوو یێ مووچان، دێ رهوشا مووچهخورێن ههرێما كوردستانێ گرانتر لێ كهت، بهلێ گۆت” ل گهل ههر زێدهبوونهكێ د داهاتێ ههرێمێ دا، دێ پێداچوون د خشتهى دا هێته كرن و دێ گوهۆرین تێدا هێته كرن ب رهنگهكێ كو كارتێكرنهكا باش ل سهر وان مووچهخوران ههبیت كو زورترین بارگرانى كهتیه سهر”.
دزهیى وهلاتیێن ههرێمێ پشتراستكر كو ئهو دێ د پێنگاڤێن خوهدا بۆ كێمكرنا خهرجى و زێدهكرن و شهفافكرنا داهاتان و ئهنجامدانا چاكسازیان بهردهوام بن و ههموو بزاڤێن وان دێ ئهو بن ڤێ رهوشا دژوارا دارایى دهرباز بكهن و مووچێ فهرمانبهران ب تمامى بهلاڤ بكهن.
ئهڤرۆ نیۆز، قائید میرۆ
لیژنا نافخۆیا پهرلهمانێ كوردستانێ بزاڤان دكهن، كێمكرنا موچهی پۆلیس و پۆلیسێن هاتن وچوونێ ڤهنهگریت.
نازم كهبیر، جێگرێ سهرۆكێ لیژنا نافخۆیا پهرلهمانێ كوردستانێ ب ئهڤرۆ نیۆز راگههاند” گورهی كێمكرنا حوكمهتێ بۆ وهزارهتا نافخۆ دانای موچێ فهرماندا زێرهڤانی و پۆلیسێن ئاماده و ئاسایشێ ناهێته كێمكرن، بهلێ موچێ پۆلیس و پۆلیسێن هاتن وچوونێ و ههموو كارمهندێن نافخۆ دێ هێته كێمكرن.
كهبیری دیاركر، ئهم وهكی لیژنا نافخۆ لسهر خهتین دگهل حوكمهتێ، ههتا موچێ پۆلیس و پۆلیسێن هاتن وچوونێ نههێته بڕین، بهلێ ههتا نوكه چو ئهنجام نهبووینه و دێ بزاڤێن مه بهردهوامبن بۆ ڤێ چهندێ.
ئهڤرۆ نيوز:
جگارەکێشان کوژەکەکێ بێ دەنگە و دیسا کوژەکەکێ نھێنی یە و ئێک ژ مەزنترین مەترسیانە کو مرۆڤ تووش دبیتێ و ئەگەرێ ئێکێ یێ مرنێ یە ل سەرانسەری جیھانێ، دھێتە پێشبینی کرن کو ل سالێن بھێت رێژا مرنێن ژ ئەنجامێ وێ پەیدادبن ھێشتا زێدە ببیت، ب تایبەت ژی ل وەلاتێن پاشکەفتی کو بووینە ئارمانجا ستراتیژیێن کومپانیێن جگارەیان پشتی کو دەلیڤەیێن وان دناڤ وەلاتێن پیشەسازی دا کێم بووین ژبەرکو خەلکێ وەلاتێن پێشکەفتی زیانێن جگارەکێشانێ زانین و گەلەک باجە ل سەر ھاتە سەپاندن و دیسا گەلەک کێشەیێن قانوونی ژی ل سەر وان کومپانیان ھاتنە تومارکرن، لەورا وان کومپانیا دەست ب بەلاڤکرنا کارێن خوە کر ل وەلاتێن پاشکەفتی و رێژا زێدەبوونا ب کارئینانا وان ب شەش جارا پتر لێ ھاتیە و ژمارا کەسێن ژ ئەگەرێ جگارەکێشانێ ژی گیانێ خوە ژ دەست ددەن بۆ نموونە ل سالا 1955 دۆرێن 500 ھزار کەسان ژئەگەرێ جگارەکێشانێ گیانێ خوە ژ دەست دابوو بەلێ پێشبینی دھێتە کرن ل سالا 2020 بگەھیتە 10 ملیون کەسان و ژوانژی حەفت ملیون کەس دێ ل جیھانا سیێ بن، ھەر ئەو راپۆرت دیاردکەن ژی کو ژمارا جگارکێشان ل جیھانێ بگەھیتە ملیارەک و 100 ملیون کەسان کو 800 ملیون ژوان دێ ل جیھانا سیێ بن، ھەروەسان دیاردکەت کو جگارەکێشان بەرپرسیارە ژ مرنا 90% ژ ئەگەرێ پەنجەشێرا سیھان ل جیھانێ و 30% ژ ھەموو حالەتێن پەنجەشێرێ ژوانژی پەنجەشێرا سیھێ و دەڤی و سوریلانچکێ و گەدەی و قولونێ، ئەڤە ژبلی کو جگارەکێشان ئەگەرێ پەیداکرنا گەلەک ئاریشەیێن دی یێن ساخلەمیێ یە وەکو جلتا مێشکی و ئێشێن دلی.
ئەو مەترسیێن ل جگارێ پەیدادبن پێکھاتینە ژ:
• پەنجەشێرا گەوریێ: جگارەکێشان دبیتە ئەگەرێ پتر 90% ژ پەنجەشێرێن گەوریێ.
• پەنجەشێرا سیھان: جگارەکێشان دبیتە ئەگەرێ 87% ژ حالەتێن پەنجەشێرا سیھان.
• پەنجەشێرا دەڤی.
• پەنجەشێرا گەدەی: ژ 14-28% ژ مرنێن ژئەنجامێ پەنجەشێرا گەدەی پەیدادبن ژ ئەگەرێ جگارەکێشانێ یە.
• نەخۆشیێن دلی و دەمارێن خوینێ: نیکوتین کو بێھوشکەرێ سەرەکی یە دناڤ تووتنێ دا دبیتە ئەگەرێ بەرتەنگیا دەمارێن خوینێ و ئەڤەژی دبیتە ئەگەرێ بلندبوونا فشارا خوینێ و زێدەبوونا کارێ دلی و پاشی وەستیانا دلی.
جگارەکێشانا نێگەتیف ژی دیسا زیانێن مەزن ھەنە و باشتر ئەوە مرۆڤ کارتێکرنێن وێ بزانیت دا بشێت خوە ژێ ب پارێزیت.
ئەڤرۆ نیوز:
سەرۆکێ باژێرڤانیا زاخۆ راگەھاند، ل دۆ جھێن جۆدا دا گەلەک فشار ل سەر مە ھەبوون کو ھەشت ھزار مەترێن ئەردێ ھندەک کەسان ھەولدان رەگەزێ ئەردێ ژ کەسکاتیێ ب گوھۆرن و بکەنە جھێن ئاکنجیبوونێ و گۆت: دۆ بەرپرسێن پارتی پشتەڤان بوون کو مە ئەو ئەرد ژ وان کەسان ستاندیە. سەبارەت ڤان تۆمەتان قائیمقامێ زاخۆ رەد کر وان ئەڤ کارە ژ دەف خوە ئەنجام دابیت و گۆت: بەرژەوەندیا گشتی نەبیت، چو دەستکاری د نەخشێ ڤۆسینگ دا ناھێنە کرن.
ئەندازیارێ مافپەروەر بژار مۆنیب، سەرۆکێ باژێرڤانیا زاخۆ دیار کر، دو جۆرێن فشاران ل سەر مە ھەنە، یا ئێکێ ھندەک ھەول ھەنە بۆ گوھۆرینا رەگەزێ پارچە زەڤیان ژ کەسکاتیێ بکەنە جھێن ئاکنجیبوونێ، یان دی ژی زەڤیێن کێم بھا ب یێن ب بھا بگوھۆرین و گۆت: ڤان ھەردو جۆرێن ھەولان شکەستن ئینایە، ئەو ژی سیداد بارزانی پشتەڤانیا مە یا مەعنەوی کریە کو چۆ فشار ل سەر ئەرکێ مە ناھێنە قەبوولکرن و ھەکە ئاگەھداریا وی بکەین لێپیچینەوە دێ ل گەل وان ھێتە کرن، ھەروەسا بەرپرسێ لقێ ھەشتێ پارتی ل زاخۆ د کۆمبوونەکا ل گەل رێڤەبەرێن دام و دەزگەھێن زاخۆ دا ئاشکرا کریە کو نابیت چو سەرپێچی یان گڤاشتن کارێن باژێرڤانیێ لەنگ بکەن.
ھەروەسا خەلیل مەحموود قائیمەقامێ قەزا زاخۆ بۆ ئەڤرۆ پشتراستکر، ئەڤ جۆرێ داخوازیێ وان کریە بەرژەوەندیا گشتی کو رەگەزێ ئەردی ژ جھێن کەسکاتی بۆ ئاکنجیبوونان، لێ دیسا ژی ب پشتراستی ڤە وی تەکەستکر پشتی مە پوستێ قائیمەقامیێ وەرگرتی، ل سالا 2012 دەستکاری د ماستەر پلانا زاخۆ دا ھاتبووکرن، ل دووماھیا سالا 2014 نەخشە ھاتیە پەسەندکرن، بەری پەسەندکرنێ پێدڤی ب ھندەک گۆرانکاریان ھەبوو، چونکۆ ل سەر مێزێ دۆرھێلەک بوو، لێ د بنیات دا پشتی دووڤچوونێن مە یێن مەیدانی تشتەکێ دی بوو، دیسا کێم و کاسی د دیزاینێ دا ھەبوون، گەلەک حالەت ھەبوون پشتی نەخشە دیزانکرین ل ھندەک گەرەکان ژمارەکا ئاڤاھیان ھەنە، لێ ل سەر نەخشەی نینن، زێدەباری زاخۆ یا نھۆ دەە سالان بەری ماستەر پلانێ برێڤەچوویە، لەورا داخوازیا مە بۆ ڤان ھەردوو زەڤیا ئەگەرێن خوە ھەبوون و گۆت: بۆ ڤان ھەردوو زەڤیان کۆمپانیێ ڤۆسینک یا دیزاینەر رازی نەکریە.
سەرۆکێ باژێرڤانیا زاخۆ بژار مۆنیب بێ تۆمەتێ بۆ کەسەکێ یان لایەنەکێ دەستنیشانکری درێژ بکەت ل سەر فشار و ھەولێن برنا ڤان ھەردو زەڤیان دا زانین، زەڤیا ئێکێ ل نێزیک مزگەفتا فێردەوس یا دی ل نێزیک تاخێ پێشەسازی ل نێزیک پێشانگەھێن فرۆتنا ترۆمبێلان کو رۆبەرێ ھەردو زەڤیان ھەشت ھزار مەترێن ئەردی نە، دا کەنە جھێن ئاکنجیبوونێ، ئەم شیاین جاردەکا دی وی ئەردی راگرین کو د نەخشەی دا بکەینە کەسکاتی و گۆت: کێشە ئەوە پرۆژە ھاتبوو راگەھاندن و پەسەندکرن، پشتی ژ باژێرڤانیێ دەرباز بووی پاشی د فیلتەرێن پارێزگەھێ ژی دا دەربازبووین، ژ نوو ھەولێن بدەستڤەئینانا وان زەڤیان بھێتە کرن و رەگەزێ وان بگوھۆرن، ئەڤە پێدڤی ب ھێزەکا قانوونی یا مەزن ھەیە ھەتا کو قانوونێ ب قانوونەکا دی بشکێنن.
خەلیل مەحموود ل سەر ڤان تۆمەتان گۆتنێن خوە ھەبوون، ژبەر کو د رێیا وان دا ئەڤ کارە بۆ بەرژەوەندیا گشتی ھاتیە کرن، ژ بەر زەڤیا ل تاخێ پێشەسازی بلۆکەکە کو نێزیکی 40 خانی تێدانە، راستە د نەخشەی دا کەسکاتیە، مە بۆ ئاکجیبوونا ل داھاتی ژ کۆمپانیا دیزاینەر یا ڤۆسینک داخواز کریە، لێ وان رەزامەندی ل سەر نەکریە، چونکۆ دیتنا کۆمپانیێ ئەو بوو د ناڤبەرا تاخێ پێشەسازی و مالان دا جادێن 60 یان 100 مەتر ھەبن، ھەروەسا کەسکاتیەکا زێدە ژی ژبەر تۆزی ھەبیت و گۆت: پێشنیازا مە ئەو بوو ھەکە وان ئاڤاھیان راکەن، پێدڤی ب قەرەبووکرنێ یە، ئەڤە ژی بارێ حۆکمەتێ دا گرانتر دکەت، مادەم ئەو جە بۆ خوە مال تێدا بن، ل دووڤ پێشنیازا مە ببنە بۆ داھاتی ببنە جھێ ئاکنجیبوونان.
ھەروەسا سەبارەت زەڤیا ل نێزیک مزگەفتا فیردەوس ژی ل بەرامبەر قۆتابخانا خامتیر نە قائیمەقامێ زاخۆ خەلیل مەحموود ئاشکرا کر، سێ ئاڤاھی سەرپێچی ل سەر مۆلکێ باژێرڤانیێ ھاتینە کرن، لێ ھێشتا ئەو ژی نەھاتیە بجھئینان.
ل دووماھیێ خەلیل گۆت: کارێ گۆرانکاریکرنێ ژ ئەردێ کەسکاتی بۆ ئاکنجیبوون و بەرۆڤاژی ب من ناھێتە کرن، چونکۆ جڤاتا باژێرڤانیێ بریارێ ل سەر ددەن، ل دووڤ دا ژی رێڤەبەریا نەخشە و ئاڤاھیان ئەو ژی ھەکە بۆ بەرژەوەندیا گشتی نەبیت رەگەزێ چۆ جە ناھێتە گوھۆرین.
ئهڤرۆ نيوز:
تشتێ کو مە بڤێت ئەم ھزر لێ بکەین ئەوە کو ھەموو جورێن پەنجەشێرێ ل سەرانسەری جیھانێ ل دووڤ ژمارا مریان کو ل سەر ئاستێ جیھانێ پەیدادبن ب ڤی رەنگێ ل خوارێ نە:
• دناڤبەرا زەلامان دا: پەنجەشێرا سیھێ و گەدەی و جگەرێ و قولونێ و راستەکێ و سوریلانچکێ و پرۆستاتان ھەیە.
• دناڤبەرا ژنان دا: پەنجەشێرا مەمکی و سیھێ و گەدەی و قولونێ و ستویێ مالبچووکی ھەیە.
بێ گومان ژی جور و چاوانیا خوارنێ کارتێکرنێن خوە ب شێوەیەکێ مەزن ل سەر تووشبۆنێ ب پەنجەشێرێ ھەیە، ل دووڤ ڤەکولینەکا نوو یا رێکخراوا ئەمریکی یا بەرھنگاریا پەنجەشێرێ( AACR) دیاردبیت کو پەیوەندی دناڤبەرا کەسێن گەلەک روینێ ب کاردئینن و تووشبۆنێ ب پەنجەشێرا مەمکان دا ھەیە.
ھەروەسان ڤەکولینێ ئاماژە دا کو وەرەم ل ھەموو لەشێ مرۆڤی بلند دبن دەمێ رێژا روینا د لەشی دا بلند دبیت و ڤەکولەران ڤەکولینا خوە ب دووماھی ئینا ب کێمکرنا رێژا روینان بۆ کێمتر ژ 15% ژ رێژا کاوریان دشیاندایە ببیتە ئەگەرێ کێمکرنا ھندەک جورێن جودا جودا یێن پەنجەشێرێ و ب تایبەت پەنجەشێرا مەمکی و ستویێ مالبچووکی ل دەڤ ژنان و پەنجەشێرا قولونێ و پرۆستاتان ل دەڤ زەلامان.
ل دۆر گرنگیا خوارنێ بۆ خوپاراستنێ ژ تووشبۆنێ ب پەنجەشێرێ دێ چەند رێیان دەینە خویاکرن و ب تایبەت بۆ وان کەسێن مێژوویەکا خێزانی ب تووشبۆنێ ب پەنجەشێرێ ھەبیت و ژوان شیرەت و رێیان ژی:
• گەلەک فێقی و زەرزەواتی بخوو: ڤەکولەر وەسان پێشبینیێ دکەن کو خوارنا فێقی و زەرزەواتی گرنگیەکا تایبەت ھەیە، ژبەرکو ئەو ئالاڤێن خوارنێ یێن بەرھنگاریێ نە و کاردکەن بۆ بھێزکرنا کۆئەندامێ بەرگریێ د لەشی دا. بۆ نموونە فێقی ژێدەرێن سەرەکی و گرنگ یێن خوارنێ وەکو ڤیتامین و کانڤا دابین دکەت و سەرەرای وێ چەندێ فێقی ژێدەرەکێ سەرەکی یێ رووشالانە، خوارنا گەلەک فێقی دبیتە ئەگەرێ بەردەوامیا لەشی ب کەرستەیێن کیمیاوی یێن رووەکی کو گەلەک دگرنگن بۆ باشکرنا کارێ کۆئەندامێ بەرگریێ ژبەرکو گەلەک دژەزێندەوەر دناڤدا ھەنە. گەلەک ڤەکولین ب وێ چەندێ ب دووماھی ھاتینە کو کەسێن گەلەک فێقی و زەرزەواتی دخوون ب نیڤی کێمتر تووشی پەنجەشێرێ دبن ھەکە بەراوردبکەین ل گەل کەسێن کو کێم جاران دخوون.
• ھندی دشیان دابیت روونێن تویرکری ب کەمیێن دەستنیشانکری بخوو و خوە ژ روینێ ئاژەلی دوور بکە:ڤەکولەر وەسان دبینن کو رەنگە روینیێن تویرکری ئاستێ ترشیێن روینی دناڤ شانەیێن مەمکێ ژنان دا زێدەبکەن، ئەڤەژی دبیتە ئەگەرێ پەیدابوونا وەرەمێن پیس ( پەنجەشێرێ) یان دبیت ژی وەرەمێن باش ژێ پەیداببن، ئەڤە ل دویڤ شیانێن بەرگریا لەشی و ل گەل خوارنا تژی کاربوھیدرات و کێم روین کو ئەوژی دبیتە ئەگەرێ کێمکرنا تژیاتیا مەمکی و مفایێ وێ ئەوە کو نەخوشی ھەکە ھات و پەیدابوو ل دەمەکێ زوی بھێتە دەستنیشانکرن. زانا شیرەتان ل مە دکەن کو گوشتێ سۆرو روینێن تویرکری دناڤ خوارنێ دا کێم بکەین و ل ھەمبەر وان روینێن ئێکانە وەکو زەیتا زەیتینا و گول بەرۆژا ل گەل ترشیێ ئومیگا 3 ب کاربینین کو گەلەک دناڤ ماسیا دا ھەیە و ب تایبەت ژ جورێن سلمون و بوری و تونا.
• بلا خوارنا تە یا ھەمەجور بیت: پتریا ڤەکولینێن نوی ھندەک جورێن خوارنێ یێن دەستنیشانکری دیاردکەن کو بەرھنگاریا پەنجەشێرێ دکەن و باشترە ئەو خوارن ب ھەمەجوری بھێنە خوارن داکو ھەموو جورێن خوارنێ و کەرستێن کێمیاوی یێن رووەکی بۆ لەشی دابین ببن.
• سەنگێ خوە کێم بکە و روینێن ب زیان ژێ دەربکە: زێدەبوونا روینان دناڤ لەشی دا رامانا وێ چەندێ یە کو ھورمونێ ئەستروجین زێدە بھێتە بەرھەمئینان و ئەو ھورمون ژی ھاریکارە بۆ وەراربوونا ھندەک جورێن پەنجەشێرێ ل دەڤ ژنان، ژبەر وێ چەندێ شارەزا تەئکید دکەن کو ئەو ژنێن سەنگێ وان ژ 22-27 کیلویا یێ زێدەتر بیت ژ سەنگێ سروشتی ب تایبەت پشتی 18 سالیێ، پەنجەشێرا مەمکا ژی ل دەڤ وان زێدەدبیت پشتی ژیێ بێ ھیڤیبوونێ.
• راھێنانێن وەرزشی ب شێوەیەکێ رێکخستی ئەنجام بدە: ئەنجامدانا وەرزشێ رێژا تووشبۆنێ ب پەنجەشێرێ کێم دکەت،ژبەرکو وەرزش بەرگریێ ب ھێزدئێخیت، ڤەکولین دیاردکەن ئەو ژنێن حەفتیانە 4دەمژمێرا وەرزشێ دکەن رێژا تووشبۆنا وان ب پەنجەشێرا مەمکی ب 37% کێمترە ب بەراوەردی ل گەل وان ژنێن وەرزشێ ئەنجام نەدەن.
نيشاندان