ئەڤرۆ نيوز:
ئەندامەکێ کوتلا مواتن ل ئەنجوومەنی نوونەرێن عیراقێ راگەھاند, کو د پرۆژێ یاسا بودجا گشتیا (2017) عیراقێ دا ھاتیە کو ب تنێ چوار وەزارەت دێ کارمەندان دامەزرینن, بەلێ دامەزراندن د وەزارەتێن دیتر دا دێ ھێتە راگرتن, ژبەر کورتئینانا سالا نوو ئەڤ پروسێسە دێ ھێتە ئەنجامدان.
فالح ساری, ئەندامێ کوتلا مواتن ل ئەنجوومەنی نوونەرێن عیراقێ دیارکر کو پروسێسا دامەزراندنێ ل گۆرەی بودجا (2017) ب تنێ دێ بۆ وەزارەتێن (ناوخۆ, بەرەڤانی, ساخلەمی, پەروەردە) بیت, دامەزراندن بۆ ھەموو وەزارەتێن دی د سالا نوودا دێ ھێنە راگرتن.
زانا روستایی, ئەندامێ ئەنجوومەنی نوونەرێن عیراقێ بۆ NNA گۆت: “ھیشتا ناڤەروکا بودجێ ب تێروتەسەلی نەگەھشتیە پەرلەمانی, ب تنێ چەند سەرقەلەمەکێن گشتی یێن ھاتین و لژنا دارایی دان وستاندنێن دەسپێکی یێن ل سەر کرین”.
روستایی گۆتژی “دبیت کورتئینانا سالا نوو یا بودجێ ب رێژا (35%) بیت, ھەروەسا ل دووڤ پێزانێن مە د بودجێ چو دامەزراندن نابن, ژبلی جێگیرکرنا وان یێن گیانێ خوە ژ دەست دەن یان خانەنشین دبن یان دەستی ژ کارێ خوە بکێشن”.
ل رێکەفتی (23/8/2016) ئەنجوومەنی وەزیرێن عیراقێ, بوھایێ (35) دۆلاران بۆ ھەر بەرمیلەکا نەفتێ د پرۆژێ یاسا بودجا سالا نوو دا دیار دکەت, ھندەک برگا ژی حوکمەت بریارێ ل سەر دەت و چاڤخشاندنێ د بودجێ دا دکەت.
چوار وەزارەت دێ کارمەندان دامەزرینن
نيشاندان
