ئه‌ڤرۆ نيوز:
زنجيرا كۆمێدى “ئينادنا ئه‌شك” پێداگرى عه‌شق، كو نوكه ل كه‌نالێ كوردماكس يێ كوردى دهێته په‌خشكرن، د چه‌ند رۆژه‌كێن كێم دا جه‌ماوه‌ره‌كێ ئێكجار زۆر ل خوه كۆم كريه.
د سيناريۆيا ڤێ زنجيرێ دا كه‌ساتيێ چنار باروتۆ كو رۆلێ وى ژ لايێ “ئێرين ڤۆردێم” دهێته كرن، پشتى به‌رسينگگرتنه‌كا زۆر ژ لايێ خێزانا وى ڤه هه‌ڤژينيێ ل گه‌ل يه‌شيم ئاراس كو رۆلێ وێ خانما “ناليا دۆرۆ” دگێريت پێكدئينيت.
ئه‌ڤرۆ نيوز:
پشكه‌ك ژ ميديا توركى به‌لاڤكريه كو هۆنه‌رمه‌ندا سه‌ماكارا ناڤدارا تورك، ئاينور قه‌نبۆر ژ لايێ چه‌ند چه‌كدارێن نه‌نياس ڤه هێرش كريه سه‌ر ل مال ل ده‌ڤه‌را “چيچلى فۆليا” و ب ده‌ستدرێژيا گۆله‌يان هاتيه كوشتن.
ئه‌ڤ سه‌ماكارا توركى د ژيێ 49 ساليێ دا بوو، هه‌تا نوكه ژى چو كه‌س ل سه‌ر وى بابه‌تى ژ لايێ پۆليسان ڤه نه‌هاتيه ده‌سته‌سه‌ركرن.
نووچێ كوشتنێ ژى ژ لايێ هه‌ڤاله‌كا نێزێكا سه‌ماكارێ كو ئه‌و ژى ئه‌كته‌ره ب ناڤێ “ئه‌سينا” ب هێزێن ئه‌منى يێ وى وه‌لاتى هاتيه گۆتن.
كۆشتنا ڤێ سه‌ماكارێ ده‌نگۆيه‌كێ زۆر ل دووڤ خوه ئينايه ناڤ ژيانا توركيا ب تايبه‌ت هۆنه‌رمه‌ندان، ئه‌ڤ روودانه يا هه‌ڤده‌مه ل گه‌ل زێده‌بوونا تاوانێن كوشتنێ و ده‌ستدرێژيا ل سه‌ر ژنان ل توركيا د ڤى ماوه‌ى دا، ل ده‌مێ ڤه‌شارتنا “ته‌رمێ وێ” هه‌موو ژنێن ئاماده‌بووى ب ده‌نگه‌كێ بلند ڤه داخوازا سێداره‌دانا تاوانباران كريه. هه‌ر چه‌نده ل سالا 2003ێ ئه‌ڤ بڕياره ژ ناڤ قانوونا سزادانا وه‌لاتێ توركيا دا هاتيه لادان.
كۆشتنا ئاينۆر، هه‌موو هۆنه‌رمه‌ند و ئه‌كته‌رێن ئه‌وى وه‌لاتى خه‌مبار كرن كو پتريا وان ب گريان ڤه ل ده‌مێ ڤه‌شارتنا ته‌رمێ وێ ئاماده ببوون و ئه‌ڤ سه‌ماكاره ب وێ چه‌ندێ وه‌سفكر كو هه‌رده‌م ده‌وروبه‌رێن خوه كه‌يف خوه‌ش كرينه و چو كێشه ل گه‌ل كه‌سێ نه‌بووينه، ئاينور ل 25ى ئادارا 2016ێ هاته كوشتن.
ئه‌ڤرۆ نيوز:
هيشيار زێبارى، وه‌زيرێ دارايى يێ عيراقێ ئه‌ڤرۆ رۆژا سێشه‌مبى بۆ رويته‌رز راگه‌هاند كو چاڤه‌رێ دهێته كرن هاريكاريه‌كا دارايى ب كۆژمێ 6.4 مليار دۆلار ل سالا 2016ێ دا ژ لايێ وه‌لاتێن هاريكارى به‌خش و دامه‌زراوێن داراى ڤه ب عيراقێ هێته دان.
د به‌رامبه‌ر دا، كرستيان جۆچ سه‌رۆكێ رێكخراوا سندوقا دراڤى يا نێڤده‌وله‌تى راگه‌هاند: رێكخراوا وان ل سه‌ر وێ داخوازيا عيراقێ بۆ وه‌رگرتنا قه‌رزێ ماوه‌درێژ يێ سێ سالى بۆ كۆژمێ 15 مليار دۆلاران رازيبووينه و بڕياره د كۆمبوونا هه‌يڤا داهاتى دا ل واشنتۆن گه‌هشتينه رێكه‌فتنێ.
ئه‌ڤرۆنیۆز، هه‌رهین محه‌مه‌د:
ئه‌كته‌رێ ناڤدارێ توركى (ئیرۆل گونایدن) ئێكه ژ هونه‌رمه‌ندێن مه‌زنێن وه‌لاتێ خوه سه‌ره‌راى ته‌مه‌نێ وى یێ نه جێگر شیا ل سالا 2008ب رولێ رامچوى رابیت و بیته ئه‌كته‌ره‌كێ دیارو كومێدى یێ دراما وێستگه‌ى ته‌كسى دا، رامچو ل سالا 1933 ژدایك بوویه و ل ته‌مه‌نێ 79 سالیێً دا چوویه به‌ردلوڤانیا خودێ .
رامچووى هه‌ڤژینى دگه‌ل خانم (گۆنیش گونایدن) پێك ئينابو، لێ سالا 2006 هه‌ڤژینا وى دمریت خودان سێ زاروك بوو(عایشه، فاتوش، گونفیر)
ئه‌ڤرۆ نيوز، زه‌رى نه‌وزاد:
پشتى چه‌ندين ڤه‌كوليان درياربوو كو ته‌مه‌نێ مروڤى يێ گرێدايى يه ب وێ به‌رنامێ خوارنێ ڤه يێ مروڤ ل سه‌ر دچيت.
يابانى ئێك ژ وان نه‌ته‌وانه كو به‌راورد ل گه‌ل نه‌ته‌وێن دى ژيه‌كێ باشتر و ته‌ندروستر دبه‌ن، ل سالا 2005 ێ، حوكمه‌تا يابانێ هه‌وه‌ك بۆ هشياركرنا خه‌لكى ل به‌رنامه‌كێ خوارنا ته‌ندروست ده‌سپێكر ، پشتى ده‌ربازبوونا 10 سالان چه‌ند ڤه‌كوله‌ران يێن سه‌ر ب رێكخراوا ساخله‌ميا جيهانيێ و نوشدارێن توكيو رابوون ب ئه‌نجامدانا ڤه‌كولينه‌كێ ل سه‌ر كارتێكرنا به‌رنامێ خوارنێ ل سه‌ر رێژا مرنى ل وى وه‌لاتى،دياربوو كو خوارنا فێقى و كوشتێ ماسى و هێك ئه‌گه‌رن بۆ درێژبوونا ژيێ مروڤى، هه‌ر ئه‌ڤه‌ژى نهێنيا ته‌مه‌ن درێژييا يابانيايه.
ئه‌ڤرۆ نيوز:
پوليسێن ئه‌مريكا ژ ئه‌گه‌رێ پوسته‌كێ گومان لێكرى، كونگرێست داخست، ئه‌ڤه د ماوێ 24 ده‌مژمێران دا بۆ جارا دوێ يه كۆنگريێس دهێته گرتن.
شڤێدى ژى چه‌كداره‌كێ ل نێزيك ئاڤاهييێ كونگريس و كوچكا سپى ته‌قه كر و پوليسه‌ك بريندار بوو، پاشان ئه‌و چه‌كدار هاته گرتن، ژێده‌رێن ده‌نگوباسێن ئه‌مريكى شڤێدى به‌لاڤكربوون كو ژ ئه‌گه‌رێ گه‌فێن ئه‌منى، وانا هه‌دو ئاڤاهيێن كۆنگريێس و كوچكا سپى گرتبوون.
ئه‌ڤرۆ نيوز:
ئه‌و كه‌سێ فرۆكا مسرى ره‌ڤاندى هاته گرتن و سه‌رنشينێن وێ يێن د فرۆكێ دا هاتنه ئازادكرن، ئه‌ڤرۆ سپێدێ فرۆكه‌كا نه‌فه‌رهه‌لگر يا كومپانيا مسرى د چوارچوڤێ گه‌شته‌كا ناڤخويى دا بوو ژ ئه‌سكه‌نده‌ريه بۆ فرۆكخانا قاهيره به‌لێ هاته ره‌ڤاندن و ل دووڤژێده‌رێن ده‌نگوباسا كه‌سێ فرۆكه ره‌ڤاندى ناڤى وى سه‌يفه‌دين مسته‌فابوو و فرۆكه‌ڤان نه‌چار كريه ئاراستا فروكێ ژ ئه‌سكه‌نده‌ريه بۆ قوبرس بگوهريت، لێ پاشان هاته گرتن و سه‌رنشين هاتنه ئازادكرن.
ئەڤرۆ نیوز:
ڤەکۆلەرەکێ دیرۆکا زاخۆ دبێژیت، ئەو داگرتنا ل ناڤەراستا سالێن نۆتان ل ڕەخێ پرا دەلال ھاتیە کرن، کارتێکرنەکا مەزن یا ل بھایێ دیرۆکی یێ وێ پرێ کری و داخواز دکەت ئەو داگرتنە بھێتە ڕاکرن، دا شێوێ دروست یێ پرا دەلال دیار ببیت کو وێ داگرتنێ پشکەکا بچووک ژ پرێ یێ ل گەل خوە بەرزەکری. رێڤەبەرێ شوونوارێن قەزا زاخۆ ژی دیاردکەت، وێ داگرتنێ و چێکرنا شوستەی سێ مەترێن پرێ یێن بەرزەکرین.
سەعید ڕەزڤان ڤەکۆلەر د بوارێ دیرۆکا زاخۆ دا بۆ ڕۆژناما ئەڤرۆ دیار کر، داگرتنا دەوروبەرێن پرا دەلال کارتێکرنەکا مەزن ل بھایێ دیرۆکی و شوونواری یێ پری کریە و دبێژیت “ھەتا ھەفت یان ھەشت متران ڕەخێن پرێ ل جھێ مەیدانا نوکە ترۆمبێل لێ دھێنە ڕاوەستاندن و 13 متر ژی ژبنێ پرێ یێن ھاتینە داگرتن، ڤێ چەندێ ژی پر یا شێواندی و وەکو بەرێ پر مەزن ناھێتە دیارکرن، بەری نوکە مە دگۆتێ پرا مەزن، ئەم ل سەر کەڤران بووین، شەش مەتران یا بلند بوو و مە سەرێ خوە بلندکر ھەتا مە پر ددیت، بەلێ نوکە ھەما ب ساناھی سەحدکەینێ، ھەر وەکو بوویە پرا بچووک، رێڤەبەریا شوونواران و باژێرڤانیا زاخۆ ژی گرنگیێ ددەنە چارەسەرکرنا ڤی بابەتی”.
ناڤبری داخوازکر، ئەو داگرتنا د ناڤەراستا سالێن نوتان دا ھاتیە کرن، بھێتە ڕاکرن، دا قەبارێ دروست یێ پرێ بھێتە دیارکرن.
بەلێ رێڤەبەرێ شوونوارێن زاخۆ دیاردکەت کو ڕاستە کارێ داگرتنێ یێ ھاتیە کرن و پێدڤیە کارەکێ مەزن ل سەر جھێ داگرتنێ بھێتە کرن، بەلێ نوکە ئەو کار د پرۆژێ نووژەنکرنا پرێ دا نینە و دێ بیتە کارەکێ پاشەرۆژێ ھەکە قەیرانا دارایی ب دووماھێ بھێت و بۆ ئەڤرۆ گۆت “ڕەخێ حەلانی ل ڕۆژئاڤایێ پرێ ژبەر وێ چەندێ ئەم چێناکەین و ئەم وی حەلانێ ناڕاکەین ھەتا کو ئەو شوستە و جادە ڕاببن و بەرێن ڕەسەن یێن پرێ نەدەرکەڤن”.
دیارکر ژی “بۆ ئەنجامدانا وی کاری دڤێت شوستە و فلکە بھێنە ڕاکرن و دوکانێن ل وێرێ ژی بچنە وێڤەتر”.
سەبارەت وێ چەندێ کا بۆچی وی دەمی ب وی شێوەی ھاتە داگرتن و بۆچی ڕاوێژی ل گەل چو لایەنان نەھاتەکرن ب تایبەتی رێڤەبەریا شوونوارێن دھۆکێ، محەمەد ئەحمەد رێڤەبەرێ شوونوارێن زاخۆ گۆت “وی دەمی کارێ داگرتنێ بێ ڕاوێژی یێ ھاتیە کرن، دیسا چو رێڤەبەریێن شوونواران ژی ل زاخۆ و دھۆکێ نەبوون، لەوما ب وی شێوەی ھاتە داگرتن”.
گۆت ژی “ڕاکرنا شوستەی و فلکێ و ئینانا دەرێ یا پشکا بەرزە ژ پری د پرۆژێ باژێرڤانیا زاخۆ دا یێ ھەی و نەخشە ژی یێ بوو ھاتیە دانان، بەلێ پارە بۆ ئەنجامدانا پرۆژەی نینن ژبەر قەیرانا دارایی”.
ب دیتنا رێڤەبەرێ شوونوارێن زاخۆ، وێ داگرتنێ چو کارتێکرنەکا وەسا ل پرێ نەکریە، ھەر چەندە پشکەکا بچووک ژ پرێ یا دبن وی شوستەی ڤە مای کو جادە و بەرێ پرێ نە ب درێژیا وێ سێ مترن”.
پرا دەلال کو درێژیا وێ 114 مترن و فرەھیا وێ 4 متر و 70 سم، دھێتە ھژمارتن ئێک ژ جھێن دیرۆکی ل زاخۆ و ھەرێما کوردستانێ و دکەڤیتە سەر ڕووبارێ خابووری ل ڕۆژھەلاتا باژێرێ زاخۆ، چەندین بۆچوون ل دۆر ئاڤاکرنا وێ پرێ یێ ھەین، بەلێ پتریا وان بۆچوونان ئاڤاکرنا پرا دەلال بۆ سەردەمێ رۆمانیان ڤەدگەرینن.
—————————————
نيشاندان