NO IORG
نووترين نووچه
Facebook

فۆتۆ: نيوار باشوورى

ئه‌ڤرۆ نيوز:

به‌رپرسێ راگه‌هاندنا رێڤه‌به‌رییا كه‌شناسى و بیڤه‌له‌رزێ ل پارێزگه‌ها دهۆكێ رادگه‌هینیت، كو بۆ ئه‌ڤ ساله‌ پترییا رێژه‌یا باران بارینێ ل پارێزگه‌ها دهۆكێ ل ناحیا سه‌رسنكێ ب رێژه‌یا 1138 ملیمان بوویه‌.

وار شه‌وكه‌ت، به‌رپرسێ راگه‌هاندنا رێڤه‌به‌رییا كه‌شناسى و بیڤه‌له‌رزێ ل پارێزگه‌ها دهۆكێ  راگه‌هاند: ” رێژه‌یا باران بارینێ ل باژێڕ و باژێڕكێن پارێزگه‌ها دهۆكێ د ئه‌ڤ ساله‌ دا ب ڤى ره‌نگینه‌: دهۆك 517 ملم، زاخۆ 675، زاویته‌ 753، سێمێل 394، سه‌رسنك 1138، سیاره‌تیكا 772، باتیفا 759، به‌رده‌ره‌ش 415، دینارته‌ 385 و شێخان 503″.

به‌رپرسێ راگه‌هاندنا رێڤه‌به‌رییا كه‌شناسى و بیڤه‌له‌رزێ ل پارێزگه‌ها دهۆكێ گۆت ژى:”ل ژێر كاریگه‌رییا فشارا نزم كو ژ ده‌ریا ناڤه‌راست و سۆر دهێت و كاریگه‌رییا وێ ل سه‌ر هه‌موو هه‌رێمێ هه‌یه‌ و ئه‌ڤ كاریگه‌رییه‌ ل سه‌ر دهۆكێ هه‌تا چارشه‌مبێ دێ به‌رده‌وام بیت و بۆ سوبه‌هى ژى پێشبینى دهێته‌ كرن ل سه‌نته‌رێ دهۆكێ بارانه‌كا باش باریت”

ژ : dwarozh

ئەڤرۆ نیوز:
شیرتکارەکێ حوکمەتا ھەرێما کوردستانێ کو شارەزایە دبیاڤێ چێکرنا سکران دا، ھەمبەر مەترسی ل سەر ھەڕفینا سکرێ مووسلێ دبێژیت، چێکرنا شیرھان دھێنە دەستپێکرن ب ڤەکۆلین و ب دیزاین و ددووڤ دا دھێتە بجھئینان، ڤەکۆلین کا ئەو دەڤەرێ ئاڤ ھەیە یان نە و دووڤ دا دھێتە چێکرن و کا جە ب کێر سکری دھێت یان نە، قاتێن ئەردی بن ئاڤێ ھەتا 40 مەتران کا ب کێر سکری دھێت.
حەکیم موختار، شیرەتکارێ حوکمەتا ھەرێما کوردستانێ بۆ ڕۆژناما ئەڤرۆ گۆت” ھەر ل دەسپێکێ بریار ھاتبوو دانان ژلایێ کەسانێن بسپۆر ڤە ل سالێن ھەشتێ کو ئەڤ جھێ سکرێ مووسل لێ ھاتیە دانان، ب کێر سکری ناھێت، لێ بڕیارەکا سیاسی ژلایێ سەدام حسێنی ڤە ھاتەدان کو دڤێت سکرێ مووسل ل وی جھی بھێتە دانان”.
حەکیمی دیارکر”جھێ سکری ھەموو (جیرە) وەکو گێچێ و دھێتە حەلاندن، ژ چێبوونا سکری ھەتا نوکە ڕۆژانە سێ شەفت کار دکەن و شیرھا سکرێ مووسل تەحشیە دکەن و ئەڤە پشتی دحەلیێت، کونکریت دکەن، ل گەل ڤێ چەندێ بەردەوام و چەندین سالە ژی و دێ بەردەوام ژی ھێتە تەحشیکرن، سەرۆکێ لژنا تەحشیێ ژی بۆمە دیارکریە کو ڕۆژانە 24 دەمژمیران تەحشیە یا بەردەوامە، ھەر دەما ئەڤ شەفتە ڕاوستن ناکێشت چەند دەمژمێران دێ شیرھە ھەرفێت و دێ سکر پەقیت، بەلێ ھەتا نوکە چو دەرز نەکەفتینێ”.
ناڤبری ھێشتا گۆت” چو مەترسی ل سەر سکرێ کووسل نینن، چونکی تەحشیە نە ڕاوستایە، دیسان بەیاننامەک ژ سەرۆکاتیا جڤاتا وەزیرێن عیراقێ دەرکەفتیە کو مەترسی ل سەر سکرێ مووسل نین، بەلێ ئەز ڤێ چەندێ دبینم بڕیارەکا سیاسی یە ژلایێ ئەمریکا ڤە”.
د.حەکیم موختار خویاکر” سکرێ مووسل گەلەک یێ مەزنە و ب تایبەت ل دەمێ لەھیان و حەلاندنا بەفرێ ھەموو دھێتە سەر ڤی سکری، چونکی پێشتر لەھی ڕادبوون و ب سەر مووسل و بەغدا دا دھاتن کو ژ بەر ڤێ یەکێ ھاتیە درۆستکرن و دیسا بۆ چاندنێ ژی دھاتە بکارئینان، چێکرنا شیرھان بۆ ھندێ یە کو ببیتە جھەکێ گەشتیاری و ئەڤە ل جیھانێ ھەموو یا ھەی”.
ئاماژە دا” گرانیا ئاڤێ ل سکرێ مووسل دبیتە ئەگەر ئەرد ل دەڤەرێن مە بھێتە ھەژاندن و ھەکە جارەکێ سکرێ موسل ب پەقیت و ئاڤ چو خوار، دێ ئەرد ل کوردستانێ ھەژێت، بەری چەند سالان ئەرد دھەژیا، ھەکە ب پەقیت ڕاستە مەترسی ل سەر مووسل یا ھەی و ھەتا ل بەغدا ژی ئاڤ دێ چار مەتران بلند بیت ، بەلێ مەترسی ل سەر دھۆکێ ژی یا ھەی کو ئەرد ب ھەژێت”.
زێدەتر گۆت” بەری سکر بھێنە چێکرن، شارەزا ھزرا ھەژینا ئەردی دکەن و ھەکە جارەکێ ئەرد ب ھەژێت ژی، ھەتا حەفت پلان ژی ئەردھەژ بھێتە تۆمارکرن، چ ل سکری نەھێت، سکرێ مووسل دھێتە ھژمارتن ئێک ژ مەزنترین سکرێن ڕۆژھەلاتا ناڤەراست”.
ھەمبەر ژێدەرێن ئاڤێ، گۆت”ھێشتا نەگەھشتیە مەترسیێ کو ئاڤ نەمینیت و ھێشتا ئەم ب ھیڤی نە مفایەکێ مەزن ژ ئاڤێ وەربگرین بۆ خوارنێ و چاندنێ و کارەبێ و ھەکە پلان ھەبیت دشێین خوە زەنگین بکەین ب ئاڤێ و دشێن بکەینە کاغەزەکا مەزن دەستێ مەدا بەرامبەر عیراقێ”.

ئه‌ڤرۆ نيوز:

جڤاتا نوونه‌رێن عيراقێ بڕيار دا هه‌تا رۆژا پێنجشه‌مبى رێكه‌فتى 31ى ئادارا 2016ێ ژڤان دا سه‌رۆكێ وه‌زيرێن عيراقێ حه‌يده‌ر عه‌بادى بۆ پێشكێشكرنا كانديدێن خوه‌.

جڤاتا نوونه‌رێن عيراقێ ب تێكرايا ده‌نگان دووماهى ژڤان دا حه‌يده‌ر عه‌بادى سه‌رۆك وه‌زيرێن عيراقێ بۆ پێشكێشكرنا كانديدێن خوه‌ و هه‌كه‌ هه‌تا وى ده‌مى كانديدێن خوه‌ ئاشكه‌را نه‌كه‌ت دێ په‌رله‌مانى هه‌لويسته‌كێ دى هه‌بيت.

ئەڤرۆ نیوز، كاروان باعه‌درى:
د راگەھاندنەکا ھێزێن عیراق دا دیارکر کو درەنگی شەڤا بۆری سەرکردەکێ داعش یێ کوست د گرتن و کرین و فرۆتنا کچێن ئێزدی دا ھەی ھاتە کوشتن.
د وێ راگەھاندنێ دا بەلاڤ بوویە کو ناڤێ وی “زێدان فایز ئەحمەد”ە، سەرکردەکێ دیارێ داعش بوویە و ژ لایێ فرۆکێن ھەڤپەیمانان ڤە ل گەل 15 چەکدارێن دی ل گۆندێ نەسر یێ سەر ب قەزا مەخمور ڤە ھاتە کوشتن.

ئه‌ڤرۆ نيوز:

کچەکا 21 سالی دلێ خوە بۆ ئەڤرۆ ڤەدکەت و دبێژیت: حەز ژ خوە و ژینا خوە ناکەم من سێ سالا پتر حەز ژ کورخالێ دایکا خوە دکر و کچ خالێت من بوونە رێگر و ئاریشە بوومە چێکرن دا نەگەھینە ئێک، چۆنکو وی حەز ژ من دکر و گەلەک خەرجی لمن دکر چاڤێن وان بمن نەرابوون دگۆتنە من بۆ خوە شوو بکە، من شوو ب کەسەکێ دیتر کر بێ کو ئەز بێژمە وی ھەتا رۆژا نیشانیا من ژ نوو زانی من شووکریە پشتی من شووکری حەزژێکرنا وی بۆ من گەلەک مەزن بوو ھەموو دەما من بۆ دکرە گری و من قەت حەز ژ وی نەدکر ئەوێ من شوو پێ کری و ھەتا ھاتیە سەر ژێکڤەبوونێ مە شەھیان نەکربۆ ئانکو ھێشتا کچم ل مالا بابێ خوە، ئەوێ من دەزگری گەل کری مرۆڤەکێ قومارچی و دزیکەر و مەی ڤەخور بۆ، بەختێ من رەش بوو رۆژا ژێکڤەبوونا من و وی و مەھرکرنا ھەڤالێ من یێ بەرێ و کچەکێ کەفتە د ئێک رۆژدا نھا ئەو خودان ھەڤژینە. من گەلەک بزاڤا کوشتنا خوە یا کری، نکە ئەز یا ل مالا بابێ خوە پشتی ڤی تشتی دلێ من یێ ژ ھەموو زەلاما و ژیانێ رەش بووی، ژیانا من ھەموو ب ھزرا و قەھرێ و گریێ دبوریت، ھندی خوازگینی دھێن نەشێم شوو بکەم و نەوێرم من باوەری نەمایە گەلەک حەزدکەم ژیانا خوە ب گۆھورم و خوە چێکەم بەلێ دلێ من شکەستیە و نزانم دێ چ کەم ب تنێ یا ل ھیڤیا مرنا خوە ئەڤجا ھوون چ دبێژن بۆ ڤێ ئاریشا من و ئەز چ بکەم؟

کچا ھێژا:
باش بزانە چو جارا ئاریشە ب گریێ و ھزرکرن د خوە کوشتنێ دا ناھێنە چارەسەرکرن و بزانە ئەڤ ھزرە یێن لنک وان کەسان ھەین یێن د ڤالان ژ چارەسەریێن دروست و کەسێن بێ شیان، ئەڤجا ل دەستپێکێ خوە ژڤان ھزرێن شاش رزگار بکە و دوور کەڤە و ب ئیرادا بھێز لێ نێرینەکا نوو بەرێخوەبدە خوە ب کریار بەرسڤا ئاریشێن خوە بکە و بەرەڤ دەرگەھێن ژیانێ یێن بەرفرەە ھەرە و نەخشەی بو ئایندێ خوە دانە و ب باوەریەکا موکم پێنگاڤا ب ھاڤێژە و بەرێ خوە بدە سوباھی و دووھیا ژبیربکە ژبەر چو جارا دوھی نەزڤریە و نەھاتیە گۆھورین و ھەردەم سبە چارەسەرە بو ھەموو کارا، دوھی یا ب باشیا و خرابیاڤە ژبیر بکە و مفای ژھەردویان وەربگرە و بکە وانە و سەربوور بو سوباھی دا شاشی دووبارە نەبن باشترە دوورکەڤی ژ ھزرێن کا چ ئەگەربوون ژبەرکو چو مفا دوان ھزرا دا نینە و دێ پتر ژیانا تە شەپرزەکەن و بزانە ئەو یێ ب وەفا نەبوو، لەوما ئێکا دی بۆ خوە خواست و چو کور نوونەریا ھەموو زەلاما ناکەن و چ کچ ژی یا ھەموو کچا ناکەن، ئەڤجا دونیا یا پرە ژ باشیا چ کچ بن یان کور بن و ھەر گەلەک خراب یێن ھەین ژھەردو رەگەزا، بەرپەرەکێ نوو ڤەکە و نەخشەکێ جوان بۆ خوە دارێژە و عەقلانە ژیانا خوە ب رێڤە ببە.

په‌يجێ دلێ خوه‌ ڤه‌كه‌ ل سه‌ر تۆڕا جڤاكيا فه‌يسبۆكى

ئه‌ڤرۆ نيوز:
لژنا بلند روو ب رووبوونا قه‌يرانان ل حوكمه‌تا هه‌رێما كوردستانێ بڕيار دا حه‌فتيا بهێت ئاماده‌كارى بهێنه‌ كرن بۆ به‌لاڤكرنا مووچێ هه‌يڤا سێ يێ فه‌رمانبه‌ران.
ئه‌ڤرۆ لژنا بلندا روو ب رووبوونا قه‌يرانان ل هه‌ولێر كۆمبوون بۆ دانوستاندنێ ل سه‌ر پلانێن حوكمه‌تێ كر بۆ روو ب رووبوونا قه‌يرانێن دارايى و به‌لاڤكرنا مووچه‌ى.
ژێده‌ره‌كێ ئاگه‌هدار ل جڤاتا وه‌زيران بۆ “خه‌ندان” گۆت: “د كۆمبوونا ئه‌ڤرۆ يا بلندا روو ب رووبوونا قه‌يرانان دا بڕيار هاته‌ دان د ڤێ حه‌فتيێ دا دووماهى ب به‌لاڤكرنا مووچێ هه‌يڤا دو بهێته‌ ئينان و پارێ پێدڤى د به‌ر ده‌ست دايه‌”.
گۆتژى: “ئاماده‌كارى هاتينه‌ كرن دا كو ل ده‌سپێكا حه‌فتيا بهێت ده‌ست ب به‌لاڤكرنا مووچێ هه‌يڤا ئادارێ بهێته‌ كرن و رۆژ نه‌هاتيه‌ دياركرن،  د سه‌ر وێ چه‌ندێ به‌حس ل راوه‌ستيانا هنارتنا په‌ترۆلێ هاتيه‌ كرن بۆ ماوێ 26 رۆژان د هه‌يڤا بۆرى دا”.

1264

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 28ى ئادارا 2016ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 37500
1 گرام زێرێ  (ع) 21 44500
1 گرام زێرێ  (ع) 22 46500
1 گرام زيڤ 3000

 

1805

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 28ى ئادارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى 1285
1 يۆرۆيێ ئه‌ورۆپى 1420
1 ليرێ توركى 440

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

 

ئه‌ڤرۆ نيوز:

پشتى ده‌مه‌كێ كێم، دێ كۆمبوونا لايه‌نێن سياسى يێن هه‌رێما كوردستانێ بۆ دانوستاندن ل سه‌ر نووترين پێشهاتێن به‌غدا ل سلێمانيێ كۆم بن و بزاڤا گۆڕان ژى راگه‌هاند كو ئه‌و پشكدارى وێ كۆمبوونێ و چو كومبوونێن لايه‌نێن سياسى نابن.

كۆمبوونا ئه‌ڤرۆ رۆژا دوشه‌مبى رێكه‌فتى 28ى ئادارا 2016ێ دێ پشتى ده‌مه‌كێ كێم هێته‌ ئه‌نجام دان، هه‌ر ئێك ژ پارتى ديموكراتى كوردستان و ئێكه‌تى نشتيمانى كوردستان و ئێكگرتوو ئيسلامى كوردستان و كۆمه‌لا ئيسلامى ب خوه‌ ڤه‌ دگريت و دێ دانوستاندنێ ل سه‌ر دووماهى هه‌لويست ل دۆر پێشهاتێن به‌غدا گه‌نگه‌شه‌ كه‌ن.

شۆڕه‌ش حاجى، ئاخفتنكه‌رێ ب ناڤێ بزاڤا گۆڕان راگه‌هانيه‌ كو ئه‌و پشكدارى كۆمبوونا لايه‌نێن سياسى يا ئه‌ڤرۆ و چو كۆمبوونێن لايه‌نێن سياسى ل هه‌رێما كوردستانێ نه‌بن و مه‌رجێ وان ژى بۆ هه‌ر ره‌نگه‌ كۆمبوونه‌كێ ئه‌وه‌ كو وه‌كو ئه‌و دبێژيت: “هه‌تا شه‌رعيه‌ت بۆ ده‌زگه‌هـ و دامه‌زراوان نه‌ڤه‌گه‌ريێت”.

ئه‌ڤرۆ نيوز:

ئه‌ندامه‌كێ كۆميتا ناڤه‌ندى يا پارتى ديموكراتى كوردستان- سوريا “الپارتى” ئاماژه‌ ب وێ چه‌ندێ دكه‌ت كو پارته‌كا كوردى ل رۆژئاڤا ب فه‌رمانا وه‌لاتێن ئه‌قليمى بزاڤا تيرۆركرنا ئيراهيم برۆ سه‌رۆكێ جڤاتا نشتيمانى يا كورد ل سوريا دده‌ت.

د. كاوه‌ ئازيزى، ئه‌ندامێ سه‌ركرداتيا پارتى ديموكراتى كوردستان- سوريا راگه‌هاند: فه‌رمانه‌كا مه‌ترسيدار ژ لايێ دو وه‌لاتێن دژى كوردان ب سه‌ر پارته‌كا رۆژئاڤايێ كوردستانێ هاتيه‌ سه‌پاندن بۆ تيرۆركرنا مامۆستا ئيبراهيم برۆ سه‌رۆكێ ئه‌نه‌كه‌سێ و هه‌ر ئێك ژ فوئاد عه‌لى و د. عه‌بدولحه‌كيم به‌شار.

د. كاوه‌ ئازيزى گۆتژى: “پلان يا وه‌سا كو ئه‌و هه‌رسێ كه‌ساتى بهێنه‌ ده‌سته‌سه‌ركرن و پاشان ژى ب ره‌نگه‌كى بهێنه‌ تيرۆركرن.

ئه‌ندامێ سه‌ركرداتيا پارتى ديموكراتى كوردستان- سوريا ئاماژه‌ ب وێ چه‌ندێ ژى كر كو دڤێت كه‌تواره‌كى ب سه‌ر ئه‌نه‌كه‌سێ دا ب سه‌پينن، به‌لێ جارێ يا ديار نينه‌ كو ئه‌و تيرۆركرن دێ چاوان هێته‌ بجهئينان.

ئه‌ڤى ئه‌ندامێ “الپارتى” هوشدارى دا كو ئه‌و دێ وێ پارتا رۆژئاڤايێ كوردستانێ ئاگه‌هدار كه‌ن كو هه‌ر روودانه‌كا نه‌خواستى ب سه‌ر ڤان سێ كه‌سان دا بهێت ئه‌و دێ ژێ به‌رپرس بن.

ژێده‌ر: باسنيوز

website security
WP Facebook Auto Publish Powered By : XYZScripts.com